Danke viel Mal fürs Willkommeheisse Pfingstrose

Dass ier Gwundernase sind, isch völlig in Ordnig, bin ich nämli au

Aso verlobt simer scho sit letschtem Summer und richtig agfange plane mitem Reserviere usw. hämer im Dezember, wil mer vorher mit Prüefige usw. nöd so richtig Ziit ka händ.

Zivil hüratemer im Standesamt Züri, ganz eifach und nume mit de Züge und mine Eltere. Mir gönd denn nacher eifach zäme in Apéro und dänn am Abig go Znacht ässe.

Kirchlich hüratemer in Maiefeld (Graubünde) ide chline Steigchile ufem Hügel. Die Chile wird vor allem im Summer für Hochziitene brucht. Mini beschti Fründin isch Pfarrerin und traut eus. Vode Chile gaht dänn die ganz Hochziitsgsellschaft mit Kutschene zume Resti mit Usblick ufd Bündner Herrschaft ide Rebberge wos en Zvieri mit Kafi und Hochziitsturte git. Muess da aber au dezue säge, dass mer kei Aperogäscht händ. All sind bi eus für alle iglade, derfür simer nume ca. 35.

Vode Zvierilocation gahts denn wieder wiiter mit de Kutschene id Abigslocation. Mer fiired im Hotel Quellehof in Bad Ragaz. Det hämer dänn bi guetem Wätter en Apero im Park und bi schlächtem ime Sääli. S Fäschtässe hämer dänn dete ime super schöne Saal, wo chli abtrennt isch vom Rest vom Hotel und mer chönd fiire bis mer nüme möged.

DJ hämer wie gseit de Gerard wo dänn abwächslet mit Saxophon spiele, singe und nachem Ässe ufleit zum tanze.

So, das wärs dänn so öppe gsi, glaubs. Ah ja, Fotografin hämer d Moni vo lightplay.

Wänn und wie fiired ier, Pfingstrose?

Hoi Maeve! Das tönt aber super. Händer au scho rächt viel. Wie chömeder dezue im Bünderland Hürate. Häts en Grund oder eifach wills eu gfallt?

Mir werde in Bade i de Villa Boveri im Gartesaal hürate will mir kei Kirchlichi Trauuig werdet ha. Nachher gömmer id Seerose in Meisterschwande. Fotografin, Chleid und Fahrzüg hämmer... D Iladige werded jetzt den verschickt. Ring, Azug und Schueh sind die grosse Sache wo mer no bruched. Und suscht no ganz viel Chlises...

Oh wow, d Villa Boveri isch ja mega schön für e Trauig!

Mir hürated in Graubünde wil ich Bündnerin bin und eigentlich scho immer ide Herrschaft han welle hürate. Wohne tueni aber scho sit 11 Jahr in Züri. Mini Familie isch aber nach wie vor na in Graubünde dihei.

Ier händ ja aber au scho mega viel. Ich bruch na es Chleid, min Fründ muess na sin Azug chaufe mit de Schueh, d Ring hämer vor 2 Wuche scho usgsuecht.

D Iladige bin ich selber am baschtle, sött aber jetzt dänn bald fertig si und denn werdeds au na verschickt.

Öpert vo eu hät na gfröget ka wäge Baby- oder Ladycomp Computer. Mir verhüeted sit 1 Jahr mitem Babycomp und ich bin begeisteret. Mer lernt sin Körper ganz neu känne, nimmt kei Hormon meh zu sich und wenn mers richtig awendet isches glaubs genau glich sicher wied Pille (od. zumindest sehr sicher). Mir wänd nachem Hochziit gad loslegge mit de Familieplanig. Mit GG wird 38, ich bin 30 und bi eus passt momentan privat und brueflich alles, sodass mer eigentlich nüme wänd warte. Usserdem weiss mer ja nie, wie lang dass es gaht, bis es ischlaht...

@littlefoot: wägem polterobig isch eifach gsi dass de TZ ihre frönd de TZ vo desem wo de atrag kopiert häd isch und er jetzt de polterobig bez. polterweekend usgrächnet a dem weekend mache muess wo mir s standesamt händ, sodass er natürli ned cho chan er wär aber au iglade gsi.. mi GG häds mega möge will si au gueti kollege sind und plus wärer jo au iglade gsi am polterweekend – wobi ober lust gha hetti nach dem woner abzoge häd weissi au ned…

@snicki: hmm jo ich luege sicher mol no ume aber si wäret ned schlächt dänki und ebe obds gsehsch vo wiitem weissi au ned..

@malinchen: jo ebe gäl s isch ebe scho nedso cool das glitzerzügs.. hmm :/ nei si sind nedso tüür gsi öbe 60.- mal schauen plan B wäre si uf jede fall ;) daumendrück wäg de band! =)

@sue: dankee :) han hüt no d’gravur för d’ringe welle duregäh aber häd irgendwie ned klappet :/ jo ebe gäl muesses nomol gnau aluege hasi jedefalls ned retourgschickt (het sicher uuh vil kostet id USA!) oh sones schöns couvert hihi :) jöö ächt en härzige pfarrer! :)

@lil.lian: mir nähmed de vo de hochzytsmäss.. also händ mol en termin abgmacht am 23.2. – minere tante muessi no absäge.. hüt hani probiert azlüte – si aber nonig erreicht.. sust machi dänn es mail aber wet scho persönlich.. danke :) jo ebe wäg de schueh luegi no..

@squishy: jo sägs ned hey dunkt mi s’wird immer wie schlimmer :p chume voll nüme noh! :p jo mir händ en termin abgmacht aber s häd nedso vil lüt gha unter de wuche.. DAAAAAAAAAAAAANKE DIR VIIIIL MOL för die liebe ufmunternde wort! Händ öis inzwüsche chli beruhigt aber muess nur dradänke und findes wider total denäbe! Und jo halt vo minere TZ hetti erwartet dass sis verstoht und ned quasi uf de site vo dene stoht.. naja..
Danke jo händ fröid und fröiet öis uf d’ringe :) ich bin dra de tante abzsäge…s’hetti eifach ned gstumme för i und wet ned bitti bätti mache weisch wieni meine? machets wohl mit dem vode hochzytsmäss Wolfgang Weigand – isch öis uuh sympathisch gsi :) woooow das gseht jo meeeeega geil us das hotel! =) gratuliere zum bueche vo de flittis! :) oje das isch jo au en scheiss mit dene vilne hochzyte! Verstoh di mega guet!! Wetsch doch dass du die bisch wo das johr hürotet… oje du… blöds timing.. mir sind bis jetzt die einzige im fröndeschreis bis ebe uf das andere päärli wo aber glaub erst negst johr es fest machet will si jo jetzt dänn s chind bechömed..

@janedore: tja so isches gäl.. chas nüme ändere.. aber easy luege jetzt wider före ;) ah stimmt isch jo es agebot gsi.. ui aber ich het scho angst vor de schmerze :p bin soo empfindlich weisch :p danke jo händ fröid am ringchauf :) wäg de schueh muessi no öberlegge.. cool wäg de iladige! :) hey das dönt doch super mit dem „taxifahrer“ hammer! :) würdi sofort mache! Oooh das mit de cd und de lieder isch jo en meega schöni idee!! =) wow hammer! Döfi froge was das chostet? Hey wenni döf chlaui dir die idee vilicht mol luege was de GG meint ;) woow wunderschöni charte / säckli! :) do wärdets sicher mega fröid ha!

@nala: danke :) jo isch ächt en coole lade! Jo nei uf de fotis würdmers glaub ned gseh.. mal schauen…

@lula: gäl isch mega süess :) hehe gäl super sach ;) jo s sind würkli uuh vil hyundais unterwägs in letschter zyt das stimmt ;) d’pris leistig isch halt hammer! ;) mir händ s’huus inzwüsche voll – die müend jetzt halt sälber luege.. ich werde de tante absäge aber ned säge wägem pris sondern dassmer öber neutrals externs und ned vo de family wänd.. d tantene ladi jetzt ebe alli ned – hetti eifach ned passt.. oh wow bi dir gohts jo ächt nüme lang hey :)

@pricana: nei eigentli wärs mol bi 30‘000.- aber alles in allem mit standesamt und iladige igrächnet und und und eifach alles zäme sindmer uf de betrag cho leider :/ de tanzlehrer häd inzwüsche zuegseit aber kei ahnig zo welne konditione.. mol luege ob das klappet.. jo ebe alles chli doof gloffe aber chum jetzt halt döf mi nüme ufrege.. jo jjl häd guet klappt zum bstelle! Wüsst eifach ned wies wär mit retourschicke.. muess jetzt mol no luege.. blöd wäg de torte aber ihr findet sicher öber no besseres ;) oh ganz schöni chleider dis und das vo de TZ :)

@maeva: härzlich willkomme und gratuliere zur verlobig! =) ihr hürotet grad en wuche nach öis hihi :)
Muess leider die negste sitene öbergumpe wili los muess.. aber fröimi sehr – vil vo öich am SA ändli mol kennezlere! =)

Schöne obig allersits! =)