| Bräute 2014 |
|
|
1 .. 300 .. 597 598 599 600 601 .. 799 .. 997
|
30.01.14 11:36
_janedoe 
|
Re: Bräute 2014
Guete Morge iher Liebe!
@principessa
Du hesch gfragt wege de Chöschte… Weiss etz aber ned genau uf was das bezoge isch.. Uf CD’s?
@daenu
Krass mit dene Gfühl aber chas mier vorstelle wie du das meinsch und wie klar dasme das plötzli cha empfinde. Strub…
@Maeva
Die Ziit wird nur so rase! Das bestimmt ;)
Han am Gerard sini App nöd, er hed eus au nüt verzellt, pfff  Wie heisst sie? Mier hend en nöd mitem Sax buechet und ich bi soooo hin und hergrisse, es laht mer überhaupt kei Rueh, ez hanem hüt morge nomal gschribe, dasmer en vielleicht glich wend singe und spiele ghöre und ober de Luscht hett :D Mal luege waser meint. Für eus isch er voll s Highlight!
@Pfingstrose
*highfive*  Das Gfühl mitem ‚sölli ez scho bstelle’ hani voll au. Und denn denki, was, wenni no was tollers finde, was wenn mier morn was anders gfallt. Horror! Ha bis jez immer no abgwartet!
@littlefoot
Mini Chefin seit immer, das sie sich sicher nie umgwöhnt wegem Name und ich sie denn immer söll erinnere. Ich wirde denn eifach es Rundmail mache im Gschäft denki, a alli Partner…
Darfi frage wo du die Bänder bstellt hesch? S Peach wär genau eusi Farb..
@Verhüetig
Öpper vo eu hed gester gschribe, dass sie unter Lustlosigkeit glitte hed bim NuvaRing. Isch das e bekannti Nebewürkig. Will genau das Problem han ich meega und wennis mier so überlegge, denn genau sit ich uf de NuvaRing umgstellt ha... Mier isch das überhaupt nie in Sinn cho und es wär soooo en Erliechterig, da endli dLösig zha, will die Problem kenn ich eigentli nöd.
|
|
|
|
|
|
|
|
30.01.14 11:55
Maeva
|
Re: Bräute 2014
janedoe: Uuuuunbedingt bueche mit Sax und Gsang! Mir findet ihn eifach de Hammer! Luscht hät er sowieso, da bin ich mer sicher. Er isch en Vollbluetmusiker und findet jedi Glägeheit super, sis Sax füreznäh Sini App heisst Baron Saxen (er isch nämli sogar en ächte Baron) und isch gratis. Er hät rächt viel Lieder druf woner nume Sax spielt und na öppe 6 oder 7 woner au no singt. Wenn er für eu es Highlight isch, denn unbedingt mit Sax bueche. Klar isches viel Gäld, aber ich finds für das woner leischtet gar nöd emal so viel und was eus so begeisteret hät bi ihm isch, dass mer sowohl live Musik, als au en DJ händ.
E Fründin vo mir hät au de NuvaRing usegnoh, wil sie überhaupt kei Luscht meh ka hät. Anschienend isch das na gang und gäb bi däm. Ich chan da nöd mitrede, han nie so verhüetet.
Wägem Name muess ich mich dänn nöd umgwöhne, mir bhaltet nämli beidi eusi Näme und d Chind heissed dänn so wie ich. Ier glaubed gar nöd, was das für Diskussione gäh hät Wenigschtens simer eus jetzt i allne Pünkt einig und es isch ein für allemal vom Parkett. Vor allem bide Näme vo eusne Chind, hani härt müesse verhandle
|
|
|
|
|
|
30.01.14 14:25
Maeva
|
Re: Bräute 2014
lil.ian: Ich bin eigentlich nie degäge gsi, de Name vom Ma aznäh, aber sin Nachname gfallt mer eifach überhaupt nöd, d Lüt verstönd ne nöd und er wird nöd so gschriebe wie mer en usspricht. Usserdem sind mir sehr mit minere Familie verbunde, mit sinere hämer ussert mit de Mueter nöd wükli viel Kontakt und sin Vater, wo gstorbe isch und ihm sin Nachname natürli gäh hät, isch ganz en schlimme Mänsch gsi. Für mich sind das alles Gründ gsi, warum ich nöd so heisse und lieber min Name bhalte möcht. Dass er min Name animmt, isch für ihn ussert Frag gstande, wil das halt i sim Chopf nöd männlich isch (klar, aber d Frau muss ihre ufgäh... ). Ja nu, ez heissemer dänn halt au nach de Hochziit immer na wie mir sälber und es isch au ok so. Klar, i minere Vorstellig früener hani scho dänkt, dass mer als Familie de glich Name füehrt, aber halt nöd unter däne Umständ.
S schlimmscht für ihn isch aber gsi, dass sini Chind nöd werded so heisse wie er. I däre Sach bin ich aber zu 100% nid kompromissbereit gsi. Ich bin dänn s Mami, ha das Chind 9 Monet im Buch, gib mini Karriere es Stuck wiit uf (muess er nöd) und au wenns ez total unromantisch und chli blöd tönt und ich natürli absolut nöd vo däm usgang: 50% vode Ehene werded gschiede und somit werded ganz viel Fraue alleierziehend. I some Fall würi nie welle, dass d Chind wo dänn bi mir würded läbe, nöd min Nachname träged. Das hät er dänn igendwänn akzeptiert und ez isches au ok. Mir werdeds eifach so mache, dass mer ide amtliche Dokument vo eusne Chind sin Nachname na werded druf schriebe (so zsäge als Allianzname), so dass er sich nie muess rechtfertige, dass er au wükli de Vater isch.
|
|
|
|
30.01.14 14:34
nala05
|
Re: Bräute 2014
hey mini liebe! ich bi im momänt so vriinahmt vo däne priefige  morn inere wuche ischs vrbi zum glück!
i gib mir mieh zum mitläse, kuum aber bi eurem tempo nid ganz noche 
@ eternal & maeva: herzlig wilkomme! euri hochzyte töne beidi sehr schön und in dr planig sindr au beid scho zimli wiit hani s gfühl. Toll! 
@vrhüetig: ha das ez grad gläse und bi is studiere ko.. Imfall!!!! sit das ich de nuvaring nimm (vo däm ich susch voll übrzügt bi) liid ich au unter lustlosigkeit! ich ha immer dänkt es ligt an mir, ha gar nie gschnallt das es vo däm ko ka, ha gar nie übrlegt wen das agfange het. aber jetzt wo ich das do läs isch mir grad de lade abegange! 
ich muess definitiv zum FA!
@pfingstrose, @claudilein: krieg ich au no e pn mit eurne iladige? 
@sue: oh jööööh das bluemeörbli isch voll härzig! ich bi au gad chli uf dr suechi nacheme tolle, an sälbrmache hani no gar nid dänkt! so blueme hani irgendwo erst grad mol gseh.. hmm aber wooo? ächt bi honeyhome oder kissloud? wenn si mir widr übrewäg kömme schicki dir de link!
@littlefoot: ganz schöni etsy bstell liste hesch du do! d schueh findi mega schön, i glaub im summer zu jeans undeme wiise oberteil könntsch die no azieh.. oder?
genau die tortefigur hani geschter au zu mine favorite bi etsy do.. haha!
s dritte bluememeitlikleid findi ganz siess! hesch mir ächt de link?
@pfingstrose: mir goht genau glich mit de sache vo etsy und au susch deko! ha so oft scho de warekorb voll ka und de hanis doch nid bstellt willi dänk es isch doch no chli frieh.. aber irgendwen mien mir de doch zueschloh odr?
@janedoe: morn in zwei wuche!!!
@daenu: dini frisur seht super us! mega schön!! mitem schleier zämme wirds bombe usseh!
hän si aso wirkli guet anekriegt! do glaubi sofort hesch du so freud ka!
dä mascara muessi glaub au mol usprobiere! ich ha bis jetzt immer de volume million lashes vo loreal ka ;)
@prinicpessa: findi guet saget ihr dinere tante ab. hoff aso au das sichs gli besserert i dim umfäld was d hochzyt abelangt, hesch scho grad paar hänger ka, du armi!
@budget: hmmm i hoff mir sin no din.. mues mol widr chli update
@brauttreff: ich weiss imfall leidr nonig obi ko ka, ich mues das am samstig morge spontan entscheide ha chli angst dases mir zviil wird mitem lerne und allem. sorry! i hoff dases irgendswie inne goht, ka aber nüd vrspräche würd sooooo gärn ko!
@me: aso ebe user lerne stoht bi uns momentan nid viil ufem programm… in mine pausene lies ich ame do und mach gschwind hz-sache
d location wo mir trauuig und apero hän het mir e dekorateurin empfohle, mit ihre hämir in 2 wuche mol e termin.. wär scho toll wens im budget liggt und meh s ganze deko züg ka abgäh. git de weniger stress.
den het am mändig mini tante vo ängland aglütte und gseit si het grad d flüg buecht für si, mi cousin däm sini fründin und kinder und das obwohl mir jo iladige no keini vrschickt hän, erst std! ha mi grad mega gfreud! und mi cousin het es 5jährigs meitli.. so e härzigi, si wird mis bluememeitli! mir hän alli mega freud! mi gg het sogar schomol gseit das wen si nid kömme lömir eifach die kleini ifliege wil si sooo e härzigi isch! (wo mir letscht joor dört gsi sin, het die klei mi gg ume finger gwicklet es isch soo siess gsi, de ganz obe isch si ihm uf dr schoss ghockt und het nur no mit ihm gspielt )
hmm und susch simer no ade iladige dra.. aso jetzt stoht langsam ändlig fest wie mirs mache wän, au dank dr janedoe und honeyhome DANKE! mir mien jetzt alles bstelle, das mir si im februar mache könne und de vrschicke.
so i hoff ihr sind mir nid bös dasi nur uf die letschte 3-4 site igang.. mues widr go lerne, morn stoht scho die nägst priefig ufem programm
|
|
|
|
30.01.14 16:32
munggi87
|
Re: Bräute 2014
Huhu zäme
Nur ganz schnäu es het oder schüsch hets emu gä lüt wo so klassischi kerzästäner suechä bi fashionfrens hets es paari im angebot aber nur no hüt!!
|
|
|
|
|
|
|
|
31.01.14 00:30
Fara
|
Re: Bräute 2014
Hallo zäme
Irgendwie han ich de Istig da doch nöd wieder gschafft.
Ich möcht aber irgendwie doch en churze Egopost mache.
Ich bin hüt bim Onkolog gsi und de hät nöd so gueti Nachrichte gha. Letscht Wuche isch es Bild gmacht worde und jetzt xehts e so us, dass zwei Lymphchnote Tumorbefall ageh händ. Jetzt isch de Plan, dass mer die operiert. Er hät aber au gseit, dass es chöng sii, dass mer während de OP, wänn mer min Buuch gseht, no meh bösartigs wird gseh und drum dänn doch nöd operiere würd. Ich han nämlich au es bizli so genannts Aszites (Buchwasser), was chan - aber nöd muess - uf Chräbsbefall hidüte.
Isch en zimliche Schlag gsi wieder mal. Ich han doch würklich scho gnueg dure gmacht.
Morn gsehmer de Chirurg, de chans eus dänn no gnöier erkläre.
Hochsigstechnisch simmer chli wiiter cho. Mir händ d Ehering in Uftrag geh und für d Wohnig es Sofa bstellt. Au Better hämmer chli en Ahnig, wo mer eis chöntet bstelle. D Iladige stönd fascht und für d HP isch zumindest mal e Domain registriert. S Datum vom Zivile hämmer au schomal mit de Trauzüge vorsondiert. Und morn träffemer eus mit de Trauzüge und em Tätschmeister (min einte Brüeder, er macht das dänn zäme mit em Trauzüge vo mim Verlobte).
Und doch gits no so vill z tue. Das hät mich scho gstresst, woni no nüt vo de OP gwüsst han. Wobi; jetzt stressts mi fascht weniger. D Perspektive chan sich mängisch halt scho schlagartig ändere.
Ich weiss nonig, öb ich am Samstig chume. Vilich wirdi merke, dassi z fescht dur de Wind bin - oder dass mir anders wänd/sötted mache.
Aber falls ich chume, würdi sehr gern vo dim Agebot Gebruch mache, mitzfahre, Pricana. Wärs ok, wänn ich's dir am Samstig spontan würd säge?
Liebi Grüess,
Fara
|
|
|
|
|
|
1 .. 300 .. 597 598 599 600 601 .. 799 .. 997
|
Anmelden
