denn bin ich ja nöd di einzig. ja mues en kompromiss finde. aber ich finde ebe mer gseht rise unterschied bi de fotene. jede fotograf het en andere stil... mir gfallt de stil vo dene Fotografe sehr!
bi eus isch ebe sproblem das mir vermuetlich in davos hüratet. das isch en mega afahrtsweg. de düend viel no verrechne.... das isch mis pech... aber ich finde scho e gueti lösig... mues eifach nomal drüber rede und witer sueche...
Die mache würklich schöni Bilder! Das mit de Stile stimmt scho, aber ig dänke e Bitz wit choi die sich au dine Wünsch und Vorstellig apasse, je nach däm halt wie unterschidlich Stil/Fähigkeit und Wunsch ebe si. Isch jo zB mit Coiffeuse und Florischte au so, die hei au irgendwie ihre Stil, aber wenn öpis komplett angers wotsch, choi sis glich au. Isch vilich nid ganz sgliche, aber jo... Ah jo das mim Afahrtswäg wird nech i däm Fall äue scho verrächnet, aber vilich findsch jo öper dert ir Umgäbig?
Mir hei üse Kompromiss so halb gfunge: hei früener mau e guete Kolleg gha, wo für mi i Frag chäm wilr schöni Fotos macht und für mi Schatz wilr üs vilich prislich entgäge chunnt bzw wilr ebe niemert "Frömds" wär. Hei aber nüm soo vil Kontakt mit ihm, drum weiss ig nid rächt... finge so Züg wie "Hallo, long time, no see, he machsch üs e Fründschaftspris und fötelisch üses Hz?" nid so toll...
ja het öpis... aber ich würs uf jede fall probiere... vilicht bechunsch ja würkli en bessere pris. ich möcht gern über wiehnacht/neujahr uf davos go verschiedeni hotels aluege und denn mal sdatum fixiere. das isch swichtigste. nachher chömmer immer mal no drüber rede...
@nisliker: Klar isch e Fotograf nit billig, aber wenns im Verhältnis zum ganze Hochzyt aguggisch. U dFotis blibe ja ebe. Viellech findisch ja e Fotograf wo no quasi ir Usbildig isch, u drs billiger chönti abiete? U wenn de de gad in Davos säuber guggisch für ne Fotograf, oder ir Nächi?!
ja mues mich mal ume luege. weisch ich weiss scho was das für e arbet isch die bilder nachher au bearbeite. aber mim gg isches eifach nöd wichtig... und mir scho. finde scho e lösig :D
Ich glaub die Diskussion weg em Fotograf wär bi üs au entstande. Zum Glück isch de Ma vo de Cousine vo mim GG (ich weiss kompliziert, sorry) (hobby)Fotograf. Ich het mich aber glaub ned getraut ihn z frage, öb er wür fötele, wil er au als Gast iglade worde wär und s natürlich scho öppis anders isch, wemer "muess" fötele. Er het üs den aber vo sich us abote, dass er fötele wür. Das hemer natürlich dankend agno. Er het zwar bis jetzt no kei Hochzyte fotografiert, aber mir gfalled sini Fotene super (osmeier.com). Mir möched am nächste Wuchenend (a üsem 8. Jahrestag) es Engagementshooting, denn gsehmer denn öbs würklich passt, aber ich han kei bedenke. Mir sind d Fotene au super wichtig und ohni das Agebot wär ich sicher bereit gsi gnueg Geld für gueti Föteli uszgä.
Da mir ja scho nächst Summer zivil hürated, bini chli weg em Chleid am umeluege. Ich find das in wiss no schön (isch vo Samyra-fashion)
wow lenae das chleid fingi hammer... genau i dere farb. hamer jtz grad erloubt, uf dr hp vo samyra fashion go z schneuge... weisch du, gits bi dene nur online-shopping? oder chamer d chleider ou normal go choufe, mit aprobiere und so?
Hey Mime Da de Text vode HP vo samyra-fashion: "Samyra Fashion verfügt an der Austrasse 38 in 8045 Zürich über einen grossen Showroom. Aufgrund der grossen Anzahl von Artikeln können jedoch nicht alle Abendkleider, Brautkleider, Ballkleider und Cocktailkleider in allen Grössen und Farben ausgestellt werden. Sie können sich anhand der vorhandenen Auswahl aber trotzdem einen Eindruck über die exzellente Qualität unserer Produkte verschaffen und die vorhanden Modelle anprobieren. Sollten Sie sich bezüglich Ihrer passenden Grösse trotz Masstabelle unsicher sein, so haben Sie im Showroom die Möglichkeit sich von der passenden Grösse zu überzeugen und sich persönlich und kostenlos beraten zu lassen. Ausserdem verfügen wir im Showroom auch über Mustertafeln für die einzelnen Stofffarben." Ich gang sicherlich mal no verbi weg de Grössi und zum luege wie s wiss usgseht
Anmelden
