Daenu16
Ja wenn natürli so vill Chind ide Chile häsch, isch scho lässig mitsinge.. Mier sind au letzt Jahr anere Taufi gsi, wo dur 3. Klässler begleitet worde isch und die händ den immer super mitgsunge.
Ja chamers vorstelle mit oh happy day!! Wierd sicher de hammer. A das Lied hani au scho dänkt. Abr ohni Sänger/Lead wirds schwierig.

Malinchen
hihi du muesch eifach es paar Primarkollege-Gspändli ilade :))

Pfingstrose
Ja das findi ebe au lässig mit so Gospellieder.. Und wenn d'Lüt mitmached isch au voll kuuhl.. Und I will follow him isch es suuper Lied
Abr ohni Sänger/Lead wierds uu schwierig..

Zuletzt bearbeitet am 31.01.14 14:28

Malinchen: ja sie hend gschriebe bi bsundrige Aläss wie Kinderfäscht, aber nöd für Hochzite oder Geburtstäg. Schisst mi mega a. Wär echt perfekt gsi für IHN ! und es hetted ja alli öppis devo gha und es wär en romantische Höhepunkt gsi
HAHA, drum hani extra gschriebe Primarlehrer und nöd nur eifach Lehrer, hehe!

Pfingstrose: gell sooooo schad! Es wär halt nix so perfekt wie es Füürwerk. Hmmm, vilicht Himmelslaterne

Lillian: Chinde hani demit nöd gmeint…da wär natürli au schön!
JA es brucht unbedingt en Lead, wemme so spontan wett singe. Das isch doch au immer mit de andere Chilelieder so…wemme öpper näbät sich het wo lut und sicher singt, gohts grad eifacher!

Nai nai, s'offizielle Chinderfescht vode Stadt! Also so gseit...für Privatpersone isch kei Bewilligung drin in SH.

Huhu liebi Brütlis!

@Fara: Bi richtig trurig vo dene News und mir fähle irgendwie d Wort Ha dr e PN gschriebe.

@singe ir Chile: I würd o eher uf Gospel tendiere, "Amen", this little light of mine", "Oh happy day"... aus chli Klassiker, aber da chunnt Stimmig uf und Chilelieder si ja mängisch chli melancholisch und die kenne o viu Lüt nid und i liebe Gospel... Aber ds "Grosser Gott wir loben dich" wetti ou, das isch eis vo de wenige würklech schöne!

@Bibi / Snicki / Oustralie: Mir hei letscht Jahr üsi grossi Reis gmacht, 2 Monet Weste (Perth und nördlecher) und Süde / Südoste (Adelaide, Kangaroo Island, Barossa Valley, Grampians, Great Ocean Road, Melbourne bis Sydney) und i würds immer wieder mache. Ha uf dere Reis mi 30. Geburi gha und dr Atrag becho Bi jetz ds 4. Mau in Oustralie gsi und würd sofort wieder ga (bi mit 17 dert es Jahr im Ustusch gsi). Mini 2. Heimat sozsäge Wäge 4 WD: Dä bruchts miner Meinig nach nur, we der würklech iz Outback und uf viu unteereti Strasse weit, mir hei es Toyota-Camperbussli gha und das isch für üs perfekt gsi. Mir hei vorhär ou nie campet aber si vou Fan worde, me isch so flexibu und Oustralie isch ds perfekte Land drfür. I bi scho mit Emirates und mit Singapore Airlines gfloge und vor airline här findi se ähnlech, aber mir isch eifach dr Flughafe z Singapore viu sympathischer u vor auem bisch de ufem Rückwäg ehnder dert as z Dubai (17 Std. vo Sydney!!! )

@Maeva: Härzlech wiukomme! Das tönt ja troumhaft im Graubünde. Üs isch ds Ässe ou u wichtig und äuä üse gröscht Choschtepunkt, aber dert wei mir nid spare...

@apropos spare: Budget: Mir hei ganz am Afang (woni no ke Ahnig ha gha wiu viu sones Hochzit choschtet ) gseit 20'000 und mittlerwile heimers uf ca. 25/26'000 (plus minus, viu Pöschte si no gschetzt) korrigiert. Meh wetti würklech nid, aber uf meh verzichte haut o nid...

@Pfingstrose und Claudilein: Darfi ou no e PN vo euchere Iladig ha?

@me: Ig ha gester überraschend die ehemaligi Arbeitskollegin wo 2012 het ghürate zum Zmittag troffe und darf ihre Reifrock uslehne (juhuu, wieder 80.- gspart ). Dr Kontakt vom Musiker git sie mer ou no a. Bide Iladige simer leider no ke Schritt witer. Zum Glück heimer STD's gmacht, süsch würdi mi öpe rächt afa stresse....
Dr Stämpu isch gemäss Paketverfolgung am Schwizer Zoll Schicke dene wo hei wöue gad e PN mitem personalisierte.
De hani am Mittwuch eifach mau em ZSA aglütte und hüt scho d Dokumänt becho. Mir bruche beidi nur e Niederlassigsuswis und müesse das Gsuech usfüue - that's it. Ha gmeint i müess da no bi mim Heimatort e Personestandsuswis ga bsteue (mi Heimatort isch nid grad ume Egge ). U de chöimer das Gsuech am 16. Februar früechstens ireiche. Speter wetti aber o nid, wüu mir bis am 16. März d Trouigsermächtigung persönlech müesse uf Murte bringe (drum längt dä mit 1 Monet vorhär bi üs äbe nid...). Aber i gloub so chunnts guet!

Danke für euchi Ermuetigunge wäg de rote Schueh, üsi Fotografin isch hell begeisteret vor Idee Und mini TZ (u ou wär mi süsch guet kennt) weiss vo mim Rot-Tick u drum passts scho perfekt zu mir. Itz bini eifach närvös, wenn dass die chöme (geit äuä scho so 2-3 Wuche) und ob de die passe...

Wäg dr Homepage hani vori mau churz chli gluegt wases git und bi no uf crazyinlove gstosse. Mir hei drum grad e Apéroiladig becho vomne Päärli, wo ihri Site dert het gmacht und die wirkt mega übersichtlech und eifach. Sie chostet zwar, aber nur 80. - 110.-, drfür het me de o ke Wärbig u nid no Gebühre für d Überwisige ad Wunschliste etc. Kennt die öper vo euch?

@Etsy-Bstellige: Dir redet mir usem Härz!! I überlege o geng, obi scho söu bsteue und bi hin- und härgrisse zwüsche abwarte, wüus no früeh isch und dr Angscht, es heig de öpis plötzlech nümm... wirde aber sicher spetistens im Früelig de mau e grossi Bstellig mache.

@Babyplanig: Bi üs darfs de nachem HZ ou losga... hihi daenu härzig, i hamer vo letscht ou gad überleit, "hm nächst Jahr a mim Geburi chönnti vielech schwanger si"... isch e schöne Gedanke! Aber i wirde mir no kes so Compüterli zuechetue, i findes zwar an sich e gueti Idee, aber i wett eifach mau d Piue absetze und mau "frei druflos üebe" , ohni mi gad zfescht drnah zrichte, wenn as itz e guete Tag wär zum schwanger wärde, i ha zGfüu das würd mir zviu Druck mache. Aber vielech wes de lenger nid klappet oder so...

@Janedoe: So schön wägem Job vo dim GG, ganz härzlechi Gratulation!! Manechs mega gönne. Gäu das nimmt viu Druck wäg? Mi Jobwächsu im Novämber isch lohnmässig (natürlech o süsch ) o e super Schritt gsi und laht üs scho viu entspannter i Zuekunft blicke. Ah apropos, i ha hüt mini Probezit fertig und dr Chef isch "sehr extrem zfriede" . Isch es guets Gfüu.

Irgendwo zwüschdrin heiters no vo Deo und Mascara gha, aber da hani irgendöpis verpasst chöit mer ja morn verzeue. Bim Mascara isch es Wunderding bi mir ou wiukomme, i ha stäckegradi ultrachurzi Wimpere

Hoi zäme

Ich wird morn nöd as Träffe cho. Hett eu gern känne glernt. Aber s Timing isch ez grad sehr blöd.

Danke eu für eui liebe Wort da oder per PN. Das berüehrt mich sehr.

Anschinend isch das mit de OP doch nöd so ganz klar, aber wänn mer's macht, chönts e zimli grossi Sach werde. Jetzt muess wieder mal ich entscheide. Das isch einersiits guet und entspricht mir au, dass ich die Verantwortig träge. Anderersiits isch es eifach u mega asträngend und hert, immer wieder so Sache müesse z entscheide.

Ich wird mi i de negschte Täg definitiv entscheide.

Wänni d OP mache lahn, dänn werdemer s Zivile Hochsig vermuetli vorverschiebe. Das heisst, ich würdi no im Februar hürate. Allerdings sind mim Verlobte sini Eltere genau jetzt i de Ferie. Isch mega blöd... Aber ich glaub, es würdi mich entlaschte, da d OP doch rächt e langi Erholigsziit brucht.

Liebi Grüess,
Fara

Ou lamariee dafi e pn? Cha ja leider nid cho hüt

Vill spass euch allne!!