Guete morge mini liebe!

I wünsch euch viil spass hüt am träffe! I wär so gärn ko, abr leider passts das wucheänd nid inne
Hoff aso au ufes brichtli und fotis

@lamariee:gratulation zum kleid! Dörfi ächtsch e pn?

@fara: ich weiss ächt au nid was sage... Ich wünsch dir alles gueti und viil kraft i däre situation, schrib dr no e pn.

Liebi fara
E weiss leider ned so rächt was, e der söu säge. E wünsche der eifach, dass du dörfsch gsung wärde. E wünsche der ou, dass du ke witeri ableger hesch.
E wünsche der ou viu chraft, i dere schwäre zyt. E hoffe ou für de, dass du dis hochzyt so chasch fire, wie du der das vorstöusch.
Lass dech eifach mou lo drûcke und vil chraft gäh!
Glg schittli

hey ihr liebe!

ich bin no ade probefrisur! s wird drum
bitz spöter bi mir sorry!

bis nacher frömi! :))

Lieeb Gruess

LaMariee
dafi ou s Föteli gseh vo dim chleid??

Me
mir hei ja ebe das Weekend mega viel gha mit Bsüech und
Gotte und Götti wo no mit Ahang si verbicho Gestern. es isch viel gsi aber uu schön...hei
ize gotte und götti wo vo züri chöme d Iladig usnahmswis scho geh und si hei meeega fröid gha

Brauttreff
und wie isches gsi??????

Hey mini Liebä!

Heit dir alli es schöns Weekend gha?

Also ig ha ds ou Träffe meeeega cool gfunde! Schad hei einigi nid chönnä cho... Aber i hoffe mal es isch nid z letschte gsi!

@sue: schön dass öii Iladige so guet si acho!

@me: I ha gester no chli a üsnä Iladige bastlet und ha jetz ä Prototyp fertig wo gloub nid schlächt isch. Jetz müessä mir de no d Ilageblätter gstalte und loh drucke när chas de mal losgah mit bastle... GG und ig hei när gester no gmerkt, dass es offebar no paar Sache git wo mir total anders gseh. Z.B. wägem Zmorge am Tag danach, i bi drvo usgange, dass da eifach alli chöi cho wo wei (uf eigni Choste)... Und GG möcht nur d TZ drbi ha. När hani so paari ufzellt wo ou mega gueti Fründe vo üs si aber halt nid TZ sind. De seit er: "Ja, die dänk scho ou. Das zellt ou als TZ." Es isch also überhoupt nid klar wär de det alles "darf" drbi si...Aber i ha uf dr Homepage scho e Text gschribä, dass alli wo wei dörfe mit üs denn cho zmörgele. Jetz muesi de das alles wieder änderä... Und er isch ja dä gsi wo vor 2 wuche plötzlech mega umegstresst het, mir müessä jetz d Iladige verschicke. Drbi sötte mir villecht zersch so Sache kläre... Ha mi gad mega gnärvt, Männer!

Halloo zäme
Ich nutz die momentan Stilli da ine grad mal zum nahläse und ufschaffe :p

@Taeboyana: de Stempfel gseht uu schön us, schickmer na eue persönlich :)? Binmers ez grad auna am überlegge.. Für was brucheder de alles?

@LaMariee: ou die traumtorte.ch gsehnd meega us, so schad sind die sowiit weg =/ hans dir am SA gar nöd gseid, aber dis kleid isch soo schön gsi :)!!

@Pfingstrose: dankee für dini PN, sind uu schön eui Iiladige!

@littlefoot: und, hender scho chli meh rückmeldig becho uf eui iiladige? Ja gäll es entüscht eim scho, aber es isch ja nöd bös gmeint vodä lüüt und sie freued sich sicher über d iiladig :)

@janedoe: also de DJ Claudio würd bi eus 8h spiele, bis am morge am 3. Ja das chunt ganz sicher guet mitem Gerard :)! Ja genau, mir tüend eigentlich jede Platz zueteile, suscht hetti glaub angst dasses nöd würd funktioniere :) aber es isch eecht nöd eifach :p sooo schön mitem job vo dim GG und de tolle Zuekunftsussichte :)!!

@maeva: herzlich willkomme im forum :)! Tönd super eues Programm!

@laprincipessa: ah hetter doch na zuegseid? Und hetter au gseid warum er sich so lang nöd gmolde het :)?

@lil.lian: tönd super eue plan vodä Ferie :)! Wenn gönder eigentlich?

@malinchen: jaa so diskussione kenni zuu guet, dass nervt mi amigs au :D tuesches ez wieder ändere uf de homepage?

@Fara: han dir e PN gmacht


Bruuttreff: Ich hans au suuper gfunde und uu spannend, mal endlich d Gsichter z gseh zudä Nickname, die einte hani mir gaanz anderscht vorgstellt :D hoff es git es nächsts mal und denn a runde tisch, damit mer mit möglichst vielne chan rede :)!

@me: bi mir gits eigentlich nüd nois, han hüt mal a eusere excel-liste bastled und hochziits-mails sortiert. Han hüt und morn frei willi morn Geburi han und hüt wär de ganz Tag plant gsi zum HZ Sache z mache und ufrume aber bin hüt morge verkelted ufgwached mannoo.. ez heissts es vicks medi night neh und schnelll is bett und morn de tag neu afange und doppelt so viel erledige :)!