Lillian: Mir hend das susch au gmacht, falls Tipps bruchsch. Sind gsi: L.A. – LasVegas – St.George – Grand Canyon – Bryce Canyon – Monument Valley – Mesa Verde – Zion Nationalpark – San Diego – Ventura – Morro Bay – San Francisco (nöd alles unbedingt i dere Reihefolg, eifach usem Gedächtnis)

Malinchen: ah kuuul, macheder au es Zmorge. Uf da freui mi etz scho…hoff das vieli möged bliebe! Meinsch werded ihr eu einig? Ja etz isch würkli grad guet isch nöd alles scho offe kommuniziert.

Sue: Haha, Bstelleritis! So geil…i bhalt dAuge offe weg de Stoffblueme

Jane: Min Daddy bringt mir es Strüssli am zivile! Sooooo härzig! Ich han eigentlich welle Frisur und Makeup selber mache, aber es isch scho bsundriger wemme sich chan ufhübsche loh. Und es isch ebe scho so wie d‘Sue seit, wemme denn nervös isch und Haar nöd wänd….denn chönti amigs usraschte und verschloh alli Spiegel in Gedanke.
Du weisch ja was ich über d'Kopiererin denke...

Pricana: da chamme sich ja nur aschlüsse: alles Guete zum Geburiiii und gueti Besserig zugleich.

Broncos: sooo schöööön weg de Rückmeldige. Gnüsses! Es isch echt nöd selbverständlich. Freut mi mega für eu!

Guete Morge ihr Hübsche

Pricana: : Hesch din Geburi doch no chönne gnüsse, au wenn ned ganz fit gsi bisch?... Tequilla Mousse tönt ja geil. Dörft ich s Rezept ha? Das muesi mal mit de Mädels usprobiere

Lula : Grossi Pünkt hemer nüm viel offe... Mir hend mal de grobi Tagesplan biz besproche und wiemers mit em Apéro jetzt gnau wennd mache. Meh dezue witer une...

Daenu: Jöö, das isch ja mega herzig vo dim Vater

me S Treffe gester isch en volle Erfolg gsi. Üse Tätschmeister isch mitere vorbereitete Tabelle cho, woner vo 10.00-3.30 im Halbstundetakt Feldli gha het zum usfülle. Wer, was, wenn, wo mues mache. UU herzig. Mir hend den mal grob de ganz Tag duregsproche und er het alles ufgschriebe und mit Farbe kennzeichnet. Er töggeled no alles in Computer und schickts üs den (also nume d "light" Variante, will so wies tönt het, hend ihn scho lüt weg Darbietige kontaktiert ) ... Wenn öpper intresse het, chani den suscht per PN schicke, sobaldinä becho han... Suscht hemer üs no entschiede, das mer d Getränk für de Apero selber organisiered. Mini Schwöster (TZ) organisiert es paar Kolleginne, wo den weg ufstelle, ischänke und so lueged.
Die nächste Pünkt wo jetzt no astönd sind:
- Offerte für Apero (essen) ihole
- Luege wies bide Aperolocation mit Tisch etc usgseht
- Bim Getränkehandel für d Aperogetränk luege
- Treffe mit em Pfarrer
- Besprechig mit de Abiglocation weg Menu, Deko, Ablauf etc.
- Blueme
- Deko
Was staht bi üch no so a?

Zuletzt bearbeitet am 05.02.14 08:39

20 Rappe is Kässeli fürs nid aktualisierä...

@broncos: Hihi, isch ja mega cool vo öiem Tätschmeister! Dir sit würklech scho mega wit! Macht mir gad Angscht... Mir müessä no soooooooo viel... Im Moment si mir am luegä fürne Band und die Iladige und d HP am fertig bastle. När chunnt de mal Bluemeschmuck und Torte ad Reihe... Und denn no all die chliine Sache (Deko, Fotobooth, Tischordnig etc.) u so chli all das woni bis jetz nid so motiviert gsi bi drfür.

Lamariee
Danke für din Tipp für Amerika :)

janedoe
Ja ich finds voll dänäbet mit allem kopiere :-/
Vorallem au die persönliche Text.. najaaa.. Es wür mi au nerve . Abr ich finds guet, häsch es dere Peron direkt gschriebe..

Bronocos
Herzlich Willkomme :) Kuuuhl schriebsch au da mit..
Ah dönt ja super mit dim Treffe vo gester.. En super Tätschmeister!! :)
Mier händ no gaaanz vill Pünkt offe..
- Engagementshooting
- Homepage fertig mache
- Iladige bastle / Text mache / verschicke
- Probeesse
- Blueme/Florist
- Azug GG
- Besprechig Apero nach de Chile
- Musig / Lieder bi de Chile entscheide
- 2. Termin bim Pfarrer
- Termin uf em Standesamt
- Termin mit de Musiker am Abig mache
- Turteprobeesse
- Deko, Fingerprintbaum
- Flitterwuche plane


Sasileu
Mier händ vor Mitti September bis nöd ganz Endi Oktober zgah.. Abr chunt au chli druf a wie lang mer wo wännd blibe.. Bin jez voll ade Planig :) Reisebüro lil.lian hihi

Pricana
Abr isch ja voll härzig mit de Ballön und em Bluemestruus. Soo schöööön :)))
Und dänn häsch ja au no was vor gha mit em bache.. De Abig isch den au no guet gsi?

Daenu16
Danke für dini Ufstellig.. :)

Me
Bi mier hät sich gad hüt morge no was ergäh :)
Han hüt morge gad ide 20 Minute glese, dass im Zivilstandesamt Züri de online-Kalender igfühert händ. Mer chan jeze online de Termin reserviere und statt bis zume halbe Jahr chamer bis zume Jahr im Vorus de Termin reserviere. Han en drum hüt morge am 7ni grad reserviert .
Mier händ jez euses Zivile definitiv a eusem 10-Jährige am 21. August 2014 . Und de letzti Termin uf di 4i isch au no offe gsi.
Und mier händ ja nöd gwüsst öb mer bi eus uf de Gmeind sölled hürate oder in Züri. Aber da mier ja s'chirchliche bi eus diheime händ und ich s'Stadthuus ebe scho no kuuhl find, hämer eus glich wieder fürs Stadthus entschiede . Isch chli es hi und her..
Und vorher hät mer au no gad die vom Zivilstandesamt aglüte wegem wiitere Vorgang. Super :) Mier chönd den drü Mönät vorher bi eus ufs Zivilstandesamt wege de Trauuigsermächtigung und die chömer den uf Züri bringe, dass sie den Trauig chönd vorbereite. Bin gad voll häppy :)
Jez müemer den no luege was mer gnau nach de Trauuig wännd mache. Öb en Apero oder Esse oder den glich bi eus diheime was. Mal luege.

Und den bini no fliessig am Flitterwuche plane. Han allne wo chli wännd reise en Tipp. Mer chan sich bi Google Maps amelde und den chamer e benutzerdefinierti Charte erstelle und den mal alles apinne oder markiere uf de Charte wo mer wet go aluege oder was es so gid idere Gegend. Und den gseht mer mal was alles so am Weg wür ligge und den chamer e Route mache und den duets au grad usrechne wie lang mer für alles hät. So gseht mer ungefähr wie vill Ziit mer sicher muen iplane..

@jane: Hmm, immerhin het sies gänderet... Findes scho chli komisch, so öpis persönlechs eifach z übernäh!

@Lillian: Ou cool, gratuliere zum Standesamt-Termin!!! Isch ja mega cool dass dirs gad a öiem 10 Jährige chöit ha!!!

@me: Juuuhuuuu, mir hei vori gad d Zuesag vonerä Band becho. Sie sprängt zwar üses Budget bi witem, aber mir hei die unbedingt wöue. Dä Typ singt immer i üserä Stammbar und es passt ou perfekt zu üsem Motto (Rock the wedding). Das isch d Homepage: www.skinnyjimtennessee.wg.vu

Drfür wärde mir am Abe statt e DJ nur e Jukebox ha, chunnt viel günstiger und passt ja eigetlech ou guet zu üsem 60ies Style... Mir hei gester no rächt lang drüber gredet und hei eifach gfunde, dass üs die Band wichtiger isch als d Musig am Abe. Phuuu, bi gad mega erliechteret het das ändlech klappet!

@lil.lian
Hey gratuliere zu dem meeega coole Datum am 10 Jährige, soooo schön

@malinchen
Ich finds hüt ganz ehrlich eifach nume no truurig. Aber das isch ja ihri Sach. Die muess mi eifach niemeh um en Gfalle oder Rat bitte.
Coool wege de Band! Cha leider nöd inelose im Gschäft aber gsehd ganz cool us.. .Und d Jukebox chani mier echt bi dine Beschribige mega guet dezue vorstelle :)

@Maeva
Han das ebe au scho denkt. Mich würd das mega verletze wenn min GG eifach irgendwas würd kopiere. Und ebe, mer MUESS das ja nöd mache, öppis enand schribe.... Janu,
Han am Gerard sini App abeglade und lose ez au immer chli drii. sooo cool. Freui mi gad nomeh uf ihn, hehe
Ohh, gits es Bild mit de Iladige? Und darf me d Homepage de go aluege?
Mier merked imfall au, dass die ganze Chlinigkeite eus no enorm Ziit wärded choschte und versueched eus eifach nöd unter Druck zsetze und eis nachem andere abzarbeite... Denn chunnt das scho guet :)

@Broncos
A dere Lischte wäri übrigens au sehr interessiert