| Bräute 2014 |
|
|
1 .. 303 .. 604 605 606 607 608 .. 803 .. 997
|
|
|
|
|
|
|
|
|
05.02.14 15:40
Broncos 
|
Re: Bräute 2014
Malinchen: Jaaay, so cool mit de Band Und üches Motto isch de Hammer, han das irgendwie gar nie richtig mitbecho aber es rockt  Und das mit de Jukebox isch au mega lässig. Das wird sicher es super fest, würi also grad cho  Und s Zimmer wür mer also au no gfalle...
Janedoe: La di vo üs ned stresse. Min GG het ebe im April die mündlich Awaltsprüefig und ich gang neb em schaffe ab em Februar für s Höchere Lehramt wieder ad Uni. Den simmer gnueg beschäftigt mit anderem züg, drum hemer bis jetzt scho so viel gmacht
lil.lian So lässig mit em Termin fürs Standesamt freut mi mega für euch. Weiss no genau, wiemer dazumals zum Stadthus useglofe sind und mega happy gsi sind, weg em Termin. Und genau wie mir, de letscht am Abig. Isch für üs dazumals würklich super gsi. Ev. chönteder ja für en Apéro de Chrüzgang miete. Denn hender no chli meh vom schöne Stadthus
Maeva: D Gäst schätzed die selber gmachte Iladige sicher. Ich hets so gern au selber bastled, aber mir hend so viel Gäst für das het ich nie zit gha. Gits es Föteli vode Iladige? *gwunder* Ou und dafi au d Homepage aluege? *obergwunder* 
Pfingstrose: Mir organisiered kei Ballön, aber bin mal amene Hochzyt gsi, wos gha hend. Det hend d TZ d Ballön grad vor Ort ufgfüllt und de Lüt verteilt. Hani e u schöni Idee gfunde, han biz d Hoffnig, dass das üsi TZ als Überraschig mached, wür ja perfekt zu üsem Motto "love is in the air" passe mal luege
|
|
|
|
|
|
|
|
05.02.14 19:58
Pricana
|
Re: Bräute 2014
Halloo zäme und schöne Abig!
@Lula: dankee :)! Hehe ja bin voll dra gsi bis am halbi 6i, aber het sich glohnt :p
@Broncos: ja merci, hans doch na chöne gnüsse obwoh ich am abig soo kaputt gsi bin, aber s backe und vorbereite für am abig het mi schön abglenkt :) jaa ich schickders rezept gern, aber ich hans nöd soo de hammer gfunde :p (nur min GG isch begeistered gsi:p ) hans gester s erschti mal gmacht willi fajtas gmacht han zum znacht und denkt han das passt denn. Aber es isch uu stark worde :p aber ich schickders suscht mal, isch ganz easy zum mache :)
Ou schickschmer die lischte auna? Findi ja u herzig vo euem Täschmeister, mega engagiert :D
@Janedoe: dankee, han au u froid gha :p! ah würklich? nöd mal wenigstens es sorry? Wie hesches denn eigentlich usegfunde? finds guet hesches ihre gschriebe!
@lil.lian: ja gää :)! Hehe jep han einiges vor gha, aber mini bürokollege hend hüt alles dankend gässe und froid gha :p ja danke, isch gmüetlich gsi, so wienis han welle :) hehe mis mami isch imfall gester abig cho und het gseid ez chanmer fürs zivile es jahr vorher reserviere, aber hanere denn müesse säge das das leiiider nöd für eusi gmeind gilt, mir chönd ja erscht 3! Mönet vorher! Aber freud mi meega dasses ez für eu grad so guet passt het!! Wenn hender scho wieder s kirchliche, nöd viel später wies zivile, odr?
Ou super wege google maps, mueni unbedingt mal probiere :)! Müend ja eusi Route auna zämestelle!
Jep ich han en DJ vo Swiss DJ, de DJ Claudio. Und d Janedoe und glaub au d Maeva hend de DJ Gerard vo dete ;) mir hend ja gwechsled vonere Band uf de DJ und freu mi ez mega druf, vorallem findi hend d Swiss DJ’s würklich es guets Agebot und de 24h Notfallservice findi de Hammer :p
@malinchen: uuu tönd aber super eui band :)!! Für wenn hender denn die, wenner am abig e jukebox hend? Für währed em apéro? D jukebox chunt sicher au meega guet a am abig :)! Haha die wohnig wär ez gaar nöd miis :D
@maeva: bin ganz sicher das eui gäst die selber bastlete iiladige sehr schätzed, ich han de ufwand defür na kein moment bereut :) schicksch eus na es fötteli vodä iiladige und d website :)?
@Bride2014: Herzlich Willkomme :)! Jaa mir hend au lang bastled adä Gästeliste und hend au es paar müesse striiche womer halt „nur“ an Apéro iladed , aber mir hend jetzt doch mit chli meh als 40 gäst die wichtigste für eus und jetzt stimmts :) Sängerin und Musiker chan ich dir leider kei empfehle, mir hend am Abig eifach en DJ :) Stuhlhussen gits glaub einigi da im Forum, im moment sinds es paar am verkaufe, weiss nöd grad i wellem Ordner aber suscht muesches mal bidä Suechi igää :) Willsch eus na öppis vo dir verzelle, wie lang sinder zäme, wie alt und wenn hürateder :D?
@me: bi mir gits nöd viel nois, han nur na am Reisebüro gschriebe obs ufgaht mitem Visum undem neue Pass für eusi USA-Reis und es isch alles keiis problem zum glück :) aber irgendwie hemer gester drüber gred, dassmer suscht eifach euses zivile würdet vorzieh dassmer gnueg ziit hend für de Pass und alli Dokument, und obwohls ez nüme nötig isch würdi doch plötzlich gern früehner zivil hürate und endlich de Termin mache.. :) muen hüt abig namal mit mim GG rede :) ah und denn müemer eus endlich mal um Blueme kümmere, da hemer na gaar kei ahnig. Hend ihr alli eui Blueme scho, de Struus und d Deko? Was hend ihr für das budgetiert? Ich han da leider gar kein Richtwert.. =/
So, wünsch eu na en super schöne Abig, namal allne danke fürd Geburiwünsch wo na cho sind und bis baald :)!
|
|
|
|
05.02.14 22:09
Taeboyana
|
Re: Bräute 2014
Guete Abe liebi Brütlis!
I schaffes o wieder mau - aber ke Angscht, i gibe er Müeh dasses ke Monsterbitrag wird, drfür chani ô nid uf aues igah.
@janedoe: Das isch ja rächt hiuflos und unkreativ vo dere Person? I würd mi schäme auso und verstah di mega guet dasses di ma!
Wow, scho gli bisch zivil ghürate! Ig wirde ou für ds zivile zum Coiffeur ga und mi la schminke, irgendwie findi, isches doch e schöni Glägeheit. Wägeme Strüssli bini no unschlüssig. Wär vielech schono schön?
@Pfingstrose: Mir wärde Ballön la stiege aber i cha dir nid gross witerhäufe, wüu üs das GGs Mami vo sich us het gschänkt. Dänke aber scho, dass me das aus chönnt miete. Bi üs hets näb dr Chile e ganz neui riesigi Hängebrügg und mir wette se de vo dert la stiege.
@pricana: Nachträglech aus Guete, hoffe hesch di Tag trotz Ercheutig chönne gniesse. Dis Dessertbuffet wod da hesch uf d Bei gsteut tönt super und d Überraschig vom GG isch ja Hammer!
@Bride2014: Härzlech wiukomme! I chönnt dir 2 Sache abiete: E super Fotografin (mir und diversi Brütli hie inne woni ha chönne überzüge hei sie: www.andrearufener.com) und mir hei 70 wissi Stuehlhussene woni nachem 16.08.2014 günstig würd witergäh. Ig hase ou vore 2013-er Brut abkouft, wirde aber nur ca. 50-55 bruche. Wed Inträsse hesch, schrieb mer doch e PN. Es gäb ou no roti Bänder drzue.
@Brutträff: Has ou super gfunde aber mit paarne bini irgendwie gar nid zum rede cho... vielech schaffe mers no einisch, i wär drbi!
@lil.lian: Euchi Flitterwuche töne super! Mir hätte o mau Hawaii im Visier gha, aber verschiebe das uf speter, wüu mir 3 Wuche fasch zweni finde und das Jahr nid scho wieder so langi Ferie chöi mache.
@malinchen: Isch de cool wäg dr Band und Jukebox, wieder e grosse Punkt abghäglet! Danke ou füre Tipp per PN, i mues itz de mau paar Afrage losschicke, aber die Wuche isch so schlimm, chume eifach zu nüt...
@me: Aso faus süsch no öper e guete, priswärte Tipp het für Musig, wär dä härzlech wiukomme! Irgendwie tüe mir üs chli schwär drmit. Wette e Sänger mit Begleitig für d Chile und am Abe simer nis äbe no nid so schlüssig. Entweder e Band (aber äuä ztüür) oder e DJ. Mini Afrage woni bis itz ha gmacht, si aui nid erfougrich gsi (entweder viu ztür oder ke Antwort...).
Drfür gits süsch 2 positivi Sache: 1. Mini rote Schueh si ungerwägs  und 2. hani dr Tipp vo LaMariee befougt i Sache Torte und ha dert agfragt. Sie isch a üsem Datum no frei und würd üs sehr gärn mi Trou vomne Cupcakes-Turm mitme Mini-Törtli zoberst erfüue Und das gemäss Offerte für weniger as 400.- inkl. Lieferig (für 50 Persone). Hei jetz grad es Träffe mit ihre für am 18. Februar abgmacht zum aus bespräche und langsam chani gloub sogar GG drvo überzüge (u süsch zahli die haut säuber ). Ha u Fröid!
Süsch chöme mir die Wuche leider nid zu viu, heis ziemli sträng und am Friti flüge mir gschwing für ds Weekend uf Venedig Fiire dert GG's Geburtstag u freue üs wahnsinnig!
So, wünsche euch e schöne Abe und bis gli wieder!
|
|
|
|
|
|
06.02.14 11:30
Broncos
|
Re: Bräute 2014
Guete morge
lil.lian: Mir hend dazumals de Chrüzgang ned offiziell reserviert gha, wil mir nach em Schiff in Küssnacht ja no en richitige Apéro gha hend. Aber mini Schwöster het den e Kollegin vo mir für de Apéro organisert gha. De Chrüzgang isch zwar scho reserviert gsi, aber erst es bizeli spöter und den hed mini Kollegin ganz lieb gfraged und mir hend den sogar en Tisch vo ihne übercho, eifach mit de Bedingig, das mer bis de ander Apéro afaht weg sind. Mir hend den sowiso ufs Schiff müesse, het also alles perfekt passed.
Mir hend de DJ Alex vo Swiss DJ. Mir hendne gwählt wil er Spezialist für Musig us de USA und Country isch, aber au alles anderi wo halt so gängig isch spielt. Mir hend bis jetzt eifach eimal telefoniert und mir hend e super Idruck
Bride2014: Welcome!! Also mir hend vorher definiert, das mer 50 Lüt für de Abig iladed, bi meh find ichs persönlich den u schwirig, am Abig mit allne mal biz rede und so und den reuts mich irgendwie so viel Geld uszgä, weni den gar ned richtig mit dene z tue han. Das het den aber au bedüted, dass ich mini Tante, Unkle, Cousine und Cousin nur zum Apéro chan ilade, will die elei scho über 50 Persone gsi wäred. Hend aber au all verstande, will es isch allne bewusst, dass mir en grossi Familie sind und fast all stönd bi ihrne Fest (Geburi oder so) vor em gliche Problem. Min GG het e chlineri Familie und bi ihne isch es "normal", das mer au Unkle, Tante und Cousine/Cousin iladet am Abig. Jetzt hemer die vo sinere Site iglade und ich han defür meh Kollegine chöne ilade. Sind glaub all zimlich z fride mit de Iladig.
Weg em Fotograf schick ich dir grad en PN.
Pricana: Ja den bini ja mal gspannt uf das Mousse ... Das mit em zivile chani sehr guet verstah, also das Jahr bi üs, isch sicher gnueg lang, aber ich het glaub au suscht, e chline grössere Abstand dezwüsched welle zum s zivile au eifach biz gnüsse und ned dasi den scho völlig am stresse bin weg em chirchliche (ich weiss jetzt scho, dasi es paar Täg vorher am duredreie si wird, Kontrollfreak ahoi ) Weg de Blueme chan der leider au ned helfe, das isch eine vode nächste Pünkt woni mi drum kümmere mues.
Taeboyana: Bin ja gspannt wie der d Schueh gfalled. Und das mit em Cupcaketurm isch ja mega lässig
Mini Eltere hend üs ufs zivile es weekend in Venedig gschenkt... Mir sind ebe mal mit de Familie gsi, won ich öppe 12i gsi bin und han uuuunbedingt en Gondelfahrt welle mache, mini Eltere hend gfunde es sigi z tür und lohni sich ned, aber zum mich z fride stelle hends mer versproche, dass si mir uf d Hochzyt en Gondelfahrt in Venedig schenke werded. Und sie hend sich tatsächlich no dra erinnered und zude Gondelfahrt au grad no Flug und Hotel gschenkt
Gnüsseds, ich find die Stadt so lässig, vor allem im Winter, mer chunt sich chli vor wie imene Märli
Me: Lauft grad ned so viel. Aber schick den allne wo gfragt hend d Liste weni si vom Tätschmeister becho han
|
|
|
|
|
|
1 .. 303 .. 604 605 606 607 608 .. 803 .. 997
|
Anmelden
