@Pfingstrose
Mir möchted fürs Fotishooting gaaaanz grossi Ballön, hend aber 1. no kein Abieter gfunde und 2. hemmer eus no kei Gedanke wegem ufblase gmacht aber ich denke dmalinchen hed scho recht, brucht ja de meeega Platz wenn die scho ufblase lahsch lah liefere. Chönnt mer au vorstelle dass das einiges tüürer wird…

@Broncos
So viel wie möglich vorbereite isch ja uf jedefall super. Aber iher hend de ja echt no so einiges vor demfall i de nächste Ziit

@lil.lian
Mier hend de DJ Gerard vo de Swiss DJ

@Bride2014
Herzlich Willkommä! Mier hends au relativ schwierig gfunde, da eusi Location max. 60 Persone wird bewirte, hemmer nur a 55 Lüüt Iladige verschickt und bewusst ‚Du‘ oder ‚Ihr‘ id Iladig gschribe. Bi Lüüt wo solo sind hemmer sowieso en ‚Du‘ Iladig gschribe und hend au 3-4 Kollege, wo mer de Partner gar ned kenned oder erst churz zeme sind. Dett hemmer au en ‚Du‘ Iladig gschribe. Die 3 Reserveplätz gönd ja denn 1x füre DJ und als zwei Notfallplätz druf… Schribe nacher grad unne no was zu dem Thema..
Nachem Hochziit wärded au mier eusi 50 Husse wiiterverkaufe, isch aber für eu wahrschinli zwenig demfall

@Pricana
KEIS Sorry!! Sie hed so chli zickig ‚welle Stellig dezue neh‘.. Hed ja denn aber s’wichtigste eifach usglah. Findes inzwüsche wirkli nume no lächerlich und armselig.
Bi de Blueme chani dier leider gar ned helfe. Eusi erst Offerte isch uf über 3000.- cho und das isch glaub kein wirklich realistische Priis.. Find ich zumindescht.

@Taeboyana
Ich denke, bstelle mier denn au en chline Struss fürs Zivile und gah de zum Coiffeur. Schminke chani mi selber. Das isch de aktuell Plan.
Aso mier hend ja de DJ Gerard vo de Swiss DJ und de spielt Saxophon und singt und isch DJ.. Aso quasi en Ein-Mann-Band plus DJ, oder so.. :D
Hey das mit de Cupcake Torte tönt ja super! Mitem Priis laht sich din GG doch bestimmt überzüüge. Meinsch ned?
Cool, Venedig.. so schön, viel Spaass!

@littlefoot
Was hesch bstellt bi etsy? Die Sache wo du letschti postet hesch?

@me
Soooo super, praktisch alli hend sich inzwüsche agmeldet… Für das, dasi vor zwei Wuche fascht brüeled ha willmer erst irgendwie 5 Ameldige gha hend findis ez meeega toll… Bi sooo glücklich. Gester isch am GG sin TZ dagsi und denn hani ihn gfragt obi bi ihm au grad alles id Gästelischte cha iträge und denn seiter, ja er bringt no wen mit. Er isch solo. Denn bini mega erstunt gsi und de seiter ‚Ja en Kolleg, er ischs no am abkläre. Ha zerscht mini Eltere welle frage obs mitchömed aber das wär glaub chle doof gsi‘. HALLOOOHOOO?!?! Mier isch Kinnlade imfall gad abe. Han gmeint de verarscht mich aber er hed das voll ernst gmeint. Und ha de au erstmal nüt dezue gseit. Ha das wie chli müesse sacke lah. GG redet ez bi Glegeheit mit ihm. De TZ weiss, das mier i de Location max. 60 Persone dörfed ha und das mier eusi Gäscht suscht scho mega bewusst usgwählt hend und e Huufe nur zum Apero iglade hend, wo mer eus au am Fäscht hetted chönne vorstelle und ez will de eus völlig unbekannti KOLLEGE mitbringe. Findi krass

Hey Mädels… Bi eus gahts nur no 100 Täg

Bride2014
Herzlich Willkomme!

Pricana
Ja genau zivil am 21.08. und chichlich den am 30.08.
Das mit de 3 Mönät isch würkli voll kake.. Die meiste händ wenigstens 6 Mönät. Isch scho voll doof :-/.
Uf wänn wänder den s'Zivile schiebe?
Ja das mit google Maps muesch würkli probiere.. Finds voll kuhl.
Wegem DJ hämer no was überleit gha, öb mer nöd zersch sölled d'Bänd ha (während em Esse) und den nach em Dessert no en DJ, dass dänn no chli Stimmig ufchunt. S'Problem isch eifach mier möchted beid d'Bänd ohni Sängerin, will mers lieber chli chillig wännd wärend em esse. Defür ischs den eifach nach em Esse vilicht chli lahm.. :-/
De Seich isch halt eifach mit Bänd/DJ, dass de DJ ja glich vor em Esse scho sis Züg müsti ufstelle und drum müsstemer eifach beid zahle. Aso ich glaub d'Idee isch scho (fascht) wiedr gstorbe..
Wege de Blueme chan der au nöd hälfe..

Taeboyana
Dönd super mit de Cupcakes. Und mit Venedig, soo schööön :) Vill Spaass, gnüsseds :)

Broncos
Döft ich au no die Liste ha? Wür mi au no intressiere..
Achsoo ischs gloffe wegem Chrüzgang :) Das mit Venedig isch ja voll häääärzig vo dine Eltere.

Janedoe
Ja voll schrääg vom TZ. Wie chunt mer uf so e Idee?
Uiii so schön 100 Täg

Me
Han gester no Tipp vo minere Coiffeuse und Bluememeitli-Mami becho wegeme Chleidli. Ich finds uu schön und has gad müese bstelle. Und es isch au voll nöd tür. Stell eu s'Bildli ie :) (Hine häts au no e Schleife, mer gsehds aber schlächt uf em Föteli.)

Datei-Anhänge

	chleidli1.PNG (18x) Mime-Type: image/png, 242 kB
	chleidli2.PNG (19x) Mime-Type: image/png, 219 kB

janedoe: aso das verstani alig au nid so ganz. eus het letscht mal de kolleg wo single isch gseit er warti no mit de amledig villicht findi er no öper wo mitchäm. hallo ????
cool hend sich all agmeldet, wenn isch de d frist verbi ?
bi ois sinds immer no ganz vill offnigi...

jep, d wimpelchetti, d LED Lampions und mini satin bänder :)) juhu und d candy bar säckli sind au cho.

lilian: jöööö so herzig ! freu mi au ufs bstelle vo de chleider vo de chind.

@littlefoot
Hey so Reaktione hemmer au gha... Ich denk es isch amigs au chli d Unwüsseheit. In andere Kulture und Länder isch es ja glaub mängisch üblich, dass wenn mer automatisch mit Begleitig iglade isch. Vlt lueged die Lüüt eifach zviel Hollywoodstreife
Ohhh Candybar Säckli bruchi au unbedingt no...
D Frischt endet am 15.2. Mier hend hüt nomal all dene wo sich no ned agmeldet hend (5x) es ErinnerigsSMS gschribe, dass bald d Ameldefrist ablauft, will mer dIladige ja im November scho verschickt hend.

@munggi
Ganz ehrlich, mier hend au meeega wenig Reaktione gha und ich bin au huere enttüscht und verunsicheret gsi aber plötzli hend sich i de letschte Täg so viel Lüüt gmolde.... Es hed mi direkt erstuunt :)
Hmm aso sich selber ilade find ich scho sehr heikel, aber denn beledigt sii, will sie ihre Fründ ned cha mitneh wo iher nöd kenned isch eifach frech. Das würdi mi nie getraue. Lah di vo dem ned abezieh! Gstaltet eues Hochziit genau so, wies für eu richtig isch und wies für eu stimmt. Mer chas sowieso ned allne zu 100% recht mache. Aber für eu muesses perfekt sii! Und wenn iher ihn ned wend debii ha, würdi ihn au ned ilade. Und dinere TZ würdi das au vorsichtig verklickere... s'isch schliesslich eue grossi Tag!!
Oh schööön, hesch es Bild vo de Ring zum zeige?

@Pfingstrose
Fändsch es denn doof, wenn z.B. öpper vo de TZ a d Heliumfläsche würd stah und ein Ballon nachem andere müesst ufblase. Das brucht ja glaub nur es paar Sekunde pro Ballon glaubi... Hmm..
Oh cool wege de Iladige, Das glaubi, das iher da mega viel tolli Rückmeldige becho werded. Sind ja au superschön.
Doch, s isch genau de TZ woni soooo fescht Freud (gha) ha. Nei. Ich ha immerno mega Freud und bi au sicher das er de richtig für das Amt isch... Aber es isch genau wie du seisch: Peinlich. Ich frag mich echt, was de überleit. Wenn jede sini halb Family würd mitbringe?! Drsch.
Aber GG söll mit ihm rede und denn kläreds das unter Männer. Das chunnt scho guet.b ich ha glaub recht komisch driigluegt wo de das gseit hed, ha ned gwüsst obi luut söll uselache

Han gester uf hüt au sooo Migräne gha mit erbreche und allem drum und drah. Liit glaubs chli am Wetter bi mier. Wünsche dier uf jedefall gueti Besserig!

Zuletzt bearbeitet am 06.02.14 14:52

@janedoe das het mi aso grad us de rueh brocht u soooo gnärv muesi aso grad völlig lo sacke.. aber mir isch das glich u gloube de gg isch de glichermeinig
tz het nur gmeint das wäri doch e glägeheit ihn kennezlehere aber hallo nei das fing i got ned :) ha grad mim mam müese a lüte die het de ou grad gmeint sogi typisch aber si seit wie du das isch üse tag! :)

ha nur vo de ringe es blöds foti gmacht ;) aber gibe dr artikku nr 564740 de chasch go güglse :) am gg sine gset genau glich us usert d steindli aber in ächt heter scho e angeri würkig aus uf em foto vo ihne :) im internet hät i dä nie a gluegt:) hei e angere favorit gha aber dä isch de in ächd ned so schön übere cho:)