Hey wow - bi überrascht - das goht denn zackig i däm Forum!
Danka viel mol für eui Tipps!
Stuhlhussa bruchemer keini meh, wills dia ufem Engelberg scho het. Miar hüroten am 20.9.14 "kirchlich" im Freien. Ha d Sunna scho bstellt
Miar hend am 4.1.13 scho zivil ghürota - mit grossem Babybuuch! Üsi Tochter wird Afang April scho jährig und denn lömmer sie denn au gad ufem Engelberg taufa!

Hender wiederamol an Bruuttreff plant? Und wo isch da letschti gsi?

Schös Öbetli!

TGIF liebi Brütlis!!!


@Taeboyana: Viel Spass in Venedig! Gniessets...

@Broncos: Isch ja meeeega härzig vo dinä Elterä dass sie sich das gmerkt hei wäge dr Gondelfahrt. Mega cool machsch no s höchere lehramt! Was fürnes Fach machsch?

@munggi: Also i finde du muesch dr Partner vo ihre ömu nid ilade!! Isch ja scho grosszügig dass sie darf cho... Süsch söu sies halt lah si wenn sie nid allei wott cho...
Aber cooool wägä de Ringe!!! Gseht mega schön us! Fröi di a denä Sache wo klappe u vergiss ds anderä!

@jane: das isch ja würklech mega komisch wägä öiem TZ! Isch er de irgendwie mega unsicher oder so dass er sini elterä wott mitnäh? Also wenn ig nid allei irgendwo anä möcht chäme mir gloub vor mine Elterä no paar anderi Persone i Sinn... (abgseh drvo stimmi 100%ig mit dir überii dass me nid eifach Persone mitbringt wo nid iglade isch!!!)

@pfingstrose: hihi... gsehs genau so wie du! Das isch ja schrecklech vo däm Cousin!!! I würd gloub drvo loufe und irgendwo für mi allei ga fiire.

@Littlefoot: haha, coole verglich mitem Chäller usmischte!!! Schad hani d Iladige jetz scho fertig süsch würdi gad sone Fake-Iladig mache: Einladung zu unserem Keller-Aufräum-Tag am 21.6.2014.

@lamariee: coool heit dir dr Flug buechet!!! Sicher mega ufregend wemes när schwarz uf wiiss het...

@fara: wooooow, scho gli bisch verhüratet!!! Müesst dir no vieles organisiere oder heit dir alles eifach chönne vorverschiebä?

@Brutträff: Ja stimmt leider scho, i ha ou z Gfüehl i ha gar nid mit allne chli chönne redä... Wär also ou no mal drbi!

@me: I ha gester dr letscht Tag i mim Prakti gha, isch sooooo schnäll verbi und die Kids si mir so as Härz gwachse, wirde se de vermisse weni wieder ir PH hocke und mi längwile... Jetz muesi no ä Arbeit schribä bis am Mäntig und denn hani ä knappi Wuche frei und ääääääändlech Zyt d Iladige und d HP fertig z mache.

Malinchen du seisches TGIF

Fara: Uuu jetzt gahts plötzlich no schneller als denkt, aber chans voll verstah! Chamer vorstelle, dases no beruhigend isch vor de OP verhürated zsi. Ich han churz nach üsem zivile notfallmässig in Spital müesse und es isch eifach alles so viel eifacher gange, wil mer verhürated gsi sind. D Ärzt hend mim Ma eifach alles chönne verzelle und er het au für mich chönne entscheide. Ich wünsch der uf jede Fall e wunderschöni zivili Hochzyt , ganz viel Chraft für d OP und dases nachher schnell wieder ufwärts gaht.

LaMariee: Jaay so cool mit em Flug

Malinchen: Wirtschaft und Recht. Also Wirtschaft hani studiert und Recht muesi eifach während em Lehramt no 30 Pünkt mache, aber ich hoff das mer min GG viel debi helfe chan... Du masch di "normal" PH oder?... Ui bi scho uf üchi HP gspannt, wird sicher rockig

Malinchen: Isch ebe no lustig, ich han im Gymi nie Wirtschaft gha, willi ebe d Schuel gwechselt han (also han s 1.-3. Gymi a eim Ort gmacht und s 4.-6. nachher amene andere Ort) ade alte Schuel heti im 4. Wirtschaft gha und am neue hends scho im 3. gha. Hans also quasi "überwechslet" Aber nachher doch Wirtschaft studiert und jetzt unterrichti den es Fach woni selber nie bsuecht han Bin ja mal gspannt wie das wird ... Sek isch no recht taff zum unterrichte, oder?
Chunt sicher guet mit de HP...

lil.lian Haha das wär ja denn en Art Speedwedding , aber e gueti Idee, wär villicht würklich was fürs nächste mal

Guete Morge iher Liebe

Würd mi gern am TGIF aschliesse, aber leider muessi morn nomal 9Std ad Säck und hüt au bis am 9i schaffe,… hani so gaaaaar kei Luscht

@Broncos
Ja, d Ziit rast echt a eus verbii… Euse TZ kennt scho es paar vo eusne Gäst, ned alli, aber er würd Aschluss finde.. Und vorallem findi ebe, das er als TZ eh kei Ziit wird ha für sind Kolleg, denn würd doch de sich au unwohl fühle..

@littlefoot
Ha geschter luut useglachet wegem Cheller usmischte. Das machi 100%

@LaMariee
Gell, findes au immer wichtig, enere Person persönlich d Meinig zsägä und ned hinnedure. Was die denn drus möched ischmer denn oft egal.
Han de Bolero no ned bstellt. Vergisses andauernd willi mi usmesse muess!
Genau, en fremde Kolleg wott euse TZ mitbringe :D
Hey cool wege de Flittis! Und mitem neue Name isch doch u super! :)

@Fara
Wow, de hani ja jez e Wäggfährtin bis nächst Friitig. Nur no e Wuche! Bisch scho ufgregt? Müender no viel plane? Oder möcheders ganz legere?

@malinchen
Ich weiss imfall wirkli nöd obs Unsicherheit isch, will er isch sooone offene. De chasch eigentli ane Tisch setze miteme Glas Bier und er isch luschtig und redet viel und hed eigentli no nie Problem gha Aschluss zfinde. Kei Ahnig. Sini Eltere wohned in Berlin, wär aso wirkli strub gsi, wenner die iglade hett ohni euses OK..
Du tönsch wirkli, als hettisch Spass gha im Praktikum! De gaht die Ziit eifach immer zschnell verbii gell..

@me
Haha, geschter grad wider sone luschtigi erläbt ‚Hey würds eu öppis usmache, wenn mini Schwöschter mitnimme, dasi nöd allei chume?‘ GG und ich hend eus vo Afang a überleit obmer sie mit Schwöschter sölled ilade und drum macht eus das nüt us aber sie isch i eusere Clique mit dene ich immer ad Mätch gah. Da hani mi de aso au gfragt was das söll und hanere de gschribe dass sie ihri Schwö gern cha mitbringe aber ob sie echt zGfühl heb, sie seg ALLEI?! Sie kennt ja ungefähr 30 Persone :D
Aso d Gedanke vo de Gäscht sind mängisch undurchschaubar.
Nachem 100 Tage Countdown gester, chani hüt sägä, Es gaht nur no e Wuche bis zum Zivile!
Hed per Zuefall öpper vo eu en Vorlag, wasmer betreffs de Namensänderig chönnt schribe (Bank, Vermieter, Versicherig usw.)?