mir zahled für 8 Stund 2200.-. Ha aber mega müese vergliche und ha de türere woni ha wele gseit das ich das agebot het und wenn sie de uftrag wot sie eus gliche agebot mache mues. het sie denn au gmacht! sie isch 1000.- abe! also nur probiere! inklusive webgalerie und all bilder bearbeitet. und inklusive spese!

@nisliker: Das dünkt mi jtzt aber no viu. Trotzdem das si no abe isch.
Wüu bi üs isch ou zganze bearbeite etc drinne, plus no 100 usdruckti Fotis. U ebe je nach Zyt wo si da isch, zwüsche 1'200 - 1'800. Evtl. no ne Wägpouschale zwüsche 50.- - 100.-

@nisliker: Schrib dr e PN

fotograf: danke für euri tipps. ich dänke de wo mier agfragt hend isch eher en tüüre. de isch halt würkli uf hochzitsfotografie spezialisiert und eus isch es mega wichtig "perfekti" föteli z ha da mier au i de freizit und bim reise gern schöni föteli mached.
mier gönd uf jede fall bi dem verbi und düend sicher nochli handle :) und denn düemer sicher no anderi offerte ihole zum vergliche
nisliker: was hend ier für en fotograf?

fringillavigo: ja das mitem apéro-ort isch würkli doof, gaht eus im moment glich. wenns schön wär wärs vor de chile super, aber ebe, wenn denn rägnet muess mer es zält ufstelle oder susch en alternative sueche...

Fotograf: Ja, die cheibä Fotografä si hennä tüür... I dänkä es git sicher ou viu Hobby-Fotografe wo super Arbeit machä, aber es bruucht eifach u viu zyt ds ganze Netz z dürforschtä u denä ihri Biuder aui düräzluegä. Mir isch äbä ou wichtig, dases d Föteli imnä bestimmtä Stil si...

FringillaVigo: cha dir total guet nachä füehlä... mir hei ou immer no ds glichä Problem! I ha geschter no d Idee gha uf dr Homepage vo dr Gmeind z luegä u det hani gseh dases es Schützehuus wo nümme i Betrieb isch umbout wordä isch und jetz cha gmietet wärdä für privati Aläss. Das wär no cool wöus ä grossä Umschwung het und me glich inä chönnt wes de zweni schön wär. Aber es Zält hani mir äbä ou scho überleit. I bi letscht summer amnä Hochzyt gsi die hei es runds gha wo uf dr Sitä offä gsi isch. I fingä äbä gad kes Biudli im Netz wo ähnlech isch... weis gad nid rächt wienis söu beschribä. Bi ihnä isch när hennä schöns wätter gsi u mega heiss, vo däm här isches när äbä glich ou praktisch gsi wemä chli het a schattä chönnä. I möcht eifach uf ke Fau sones chlobigs viereggigs Chiubi-Zäut...

lula: hennä cool! Merci fürä tip!