| Bräute 2014 |
|
|
1 .. 305 .. 608 609 610 611 612 .. 805 .. 997
|
07.02.14 11:39
Maeva 
|
Re: Bräute 2014
Bin ich froh isch hüt Fritig! Bin nach dere Wuche nudlefertig und freumi chli Ziit für mich zha das Wuchenend. Ier händ ja wieder Gas gäh die letschte Täg, probiere aber glich na mitzcho...
iladigschärtli/homepage: Ich schick allne wo gfröget händ, hüt zAbig dänn na e PN mit de Föteli vode Iladige und em Link und Passwort zude Page. Ier sind dänn sozsäge mini Testgruppe, s hät nämli na niemert ussert mit Fründ und mir d Siite gseh  Bin denn froh um Rückmeldige...
Fara: Freut mich mega für eu, dass ier jetzt so schnell na es Datum gfunde händ. Ich find de Valentinstag wükli na es schöns Datum zum hürate. Ich wünsch eu nume sBeschte und dass du ganz schnäll wieder gsund wirsch. Ez chasch dich ja mit de Janedoe zäme freue, sie hüratet au am 14.
janedoe: Ui nei, ier erläbed ja Sache mit eune Gäscht! Bin ja dänn ächt gspannt, wie das bi eus wird. Mir händ nämli d Singlekollege vo mim Fründ au allei iglade und würed nei säge, wenns wägere Begleitig fröge würed. Usserdem känned sich fascht all unternenand. Bi eus isch ebe wäg de Lüt auch chli es Problem, dass mer s Poschtauto und d Kutschene genau abzellt händ und gar kei Platz hättet für meh Lüt ohni viel grösseri Chöschte. Usserdem händ mir eus ide Feschtlocation für ei einzigi langi Tafel entschiede und det passed nume 40 Lüt ane.
Yeyyy, häsch d App vom Gerard abeglade? Gäll, s hät schöni Lieder? Händer ihn demfall jetzt au mit Sax und Gsang buechet?
LaMariee: So lässig, händer chöne bueche!
broncos: Ich wünsch dim GG unbekannterwiis viel Glück für die mündliche. Ich han das letscht Jahr hinter mich "törfe" bringe und bin gottefroh, sich das ändli verbi Du wirsch wahrschienli au nid trurig si, wenn er ändli nüme in sini Büecher luegt und chli meh Ziit hät für dich...Min Fründ hät sich glaubs fascht na meh gfreut ka wie ich
Brutträff: Ou jaaaa, ich wär aso au voll derbi, wänns wieder eis gäbt! Ich bin ja chli zspat zu eu gstosse und has nüme wükli mitübercho ka. Wür eu sehr gärn mal live kännelerne.
Cupcakes: Igendöpert hät gschriebe ka, dass er e super Adresse hät mit öpertem wos zume aständige Priis macht. Chönt ich die Adresse viellicht au übercho? Mir sind ebe am überlegge, ob mir so öpis wänd mache...
Sodeli, ez muess ich na chli Gas gäh, bevor ich da en Abgang chan mache.
|
|
|
|
|
|
|
|
07.02.14 11:43
Maeva
|
Re: Bräute 2014
Janedoe: Wäg de Namensänderig wür ich so ungefähr das schriebe:
Infolge meiner Heirat trage ich seit/werde ich ab dem 14.02. den Namen meines Mannes "Müller" tragen. Ich bitte Sie daher die dementsprechende Namens- (und ev. Zivilstands)änderung in Ihren Unterlagen vorzunehmen. Mit bestem Dank und bla bla bla.
Viel meh bruchts eigentlich nöd, dänki.
|
|
|
|
07.02.14 11:49
Maeva
|
Re: Bräute 2014
Ou Sue, danke viel Mal! Dini Fründin macht dänn schöni Sache! Han gseh dass sie in Kirchberg isch. Mir fiired ja in Bad Ragaz. Wahrschienli wär das zwiit wäg?
Klar, schick der dänn au e PN
|
|
|
|
|
|
07.02.14 12:42
_janedoe
|
Re: Bräute 2014
@Maeva
Weiss ez au nümme obi gfraget ha, würd mi aber au über e PN freue :)
Bi eus ischs ebe au es Problem wegem Platz, vo dem her isch eifach irgendwenn Endegelände…
Jaa, han vieles vom Gerard scho uf Youtube gseh und d’App stürzt mer andauernd ab, findes aber seeehr cool. Er hed eus abotte, das er s Sax eifach mal mitnimmt und ier ja denn spontan chönd entscheide… Aber hanem ez gschriebe, dass mier en ez definitiv bueched. Es lohnt sich sicher!
Merci fürd Vorlag. So in etwa hani mier das vorgstellt :D Schicke denn eifach no en Kopie vom Eheschii mit…
@lil.lian
Jep genau, mier isch au, dasme de Eheschii muess mitschicke. Ich han denkt, dasi de scanne und überall hii per Mail schicke.. Hoffe das isch au akzeptiert.
Zum Glüüück han ich kein zweite Vorname! Das würd mi nämli au mega stresse :D Was ich aber nach de Hochziit uf de ID möcht, isch en Allianzname.
@me
Soo, han de Bolero bstellt. Han grad e Minute nach de Bstellig es Mail becho, dasi vergesse ha, dFarb azgeh... Bini grad sehr positiv überrascht gsi.
Ez heissts gspannt warte :) übrigens zahli nur um die CHF 16.50, kei Versandchöschte. Wenns also en meeega Griff is Klo isch, segs drum
Zuletzt bearbeitet am 07.02.14 13:10
|
|
|
|
07.02.14 13:02
Broncos
|
Re: Bräute 2014
Malinchen: Genau e schlechte Lehrer chan eim d Freud schnell nä... Ich hoff ich mir zwei werdet denn andersch
Janedoe: Also weg de Namensänderig. Ich han ja das scho hinder mir und es isch u unterschiedlich gsi, a gwüsse Ort (zb. Swisscom) chasch eifach alüte und si ändereds, anderi wend eifach en Kopie vom Trauschi (zb. min Arbetgeber), anderi wend eifach e Kopie vode neue ID (Posfinance) wieder anderi beides (ZKB). S guete bide ZKB isch aber gsi, dass mer das bim Onlinebanking grad chan beaträge, han also ned extra an Schalter müesse. Am kompliziertischte het bi mir Delta Airline ta, also han det sone Charte zum Meile sammle, will mer ja so viel id Staate flüged. Han dene brav de Atrag gschickt mitsamt Trauschi und neuer ID, hends aber ned welle akzeptiere. Sie bruched en Kopie vom neue Pass. Aber de hani gar nonig, will mer no niened ane sind, won ich ne brucht het und eifach so machi sicher kei neue. Naja, ich wart jetzt eifach bisi de Pass han, aber s blöde isch, dasi so kei Flüg bueche chan 
Maeva: Merci. Hesch si au in Züri gmacht? es gaht im moment no recht guet mit de Zit. Er het s Praktikum binere Wirtschaftskanzlei da in Züri gmacht und glichzitig no Spitzesport betribe, das isch e herti Zit gsi  Bin den aber glich au froh wenn d Prüefig dure isch
|
|
|
|
|
|
|
|
|
|
|
|
1 .. 305 .. 608 609 610 611 612 .. 805 .. 997
|
Anmelden
. Und apasse dönds en nöd, wege de ID.. 
.