@broncos: da hani kei angscht...

@lillian: Üs hei sie bir Trouig gfragt ob dr Vorname glich blibt... Villecht chönntsch ne lah lösche wenn dir hüratet?

@Gäste: I bi ou gspannt wie das bi üs usechunnt. Mir hei im ängerä Fründes-/Familiekreis 5 Persone wo Single si (Resp. dr Fründ vor einte lebt in Australie und isch denn vorussichtlech nid ir CH) und as ganze Fest iglade si. Bim Apéro ischs mir eigetlech no gliich wenn öpper atanzt wo mir nid iglade hei... Aber am Abe hei mir ou sehr bewusst nur die ängste Verwandte iglade und da möcht ig eigetlech nid, dass sie no irgend öper mitbringe.

lil.lian: Isch bi mir mit em zweite Vorname au so bide Postfinance. Ich han min zweite Name aber u gern, drum störts mi ned würklich. Bi üs ide Familie isch ebe Tradition das mer zum zweite Name wies Gotti oder de Götti heisst. Und ich han en u gueti Beziehig zu mim Gotti, drum hani mega freud, dasi au no so heisse wie si. Han mim GG gar kei Wahl gla, die Tradition wird bi üsne Chind wiitergfüehrt Het din zweite Name au en Bedütig? Han au scho vo Lüt ghört wone vode Grosselter hend.

Malinchen: Ich han au zwei Kollegine, wo ganz früsch wieder single sind. Eini hemer sogar no mit em Exfründ iglade, wills dazumals no zäme gsi sind. Aber die hend beid vo sich us gseit, si chömed elei. Mal luege, öbs bi andere no witeri überraschige git.
Falls würklich Angst hesch, dass si no öpper mitbringend würi si suscht eifach druf aspreche. Bin bis jetzt mit dere Strategie guet gfahre. Han zb mim Götti extra aglüted und erchlärt, dass sini Chind nur an Apero iglade sind, er und sini Frau aber au am Abig, er het mega verständnis defür gha und organisiert jetzt extra öpper wod chind nach em Apero chunt go abhole.

Zuletzt bearbeitet am 07.02.14 13:41

@malinchen
Bim Apero simmer au voll unkompliziert. Da planemer eifach so +/-. Mal luege.

@me
Han ez grad en Termin für s Frisiere gmacht nächst Wuche. Fühle mich da doch sicherer. Bi eus heds sone Hairstyle Academy und dett chanis ez für 25.- mache lah. Han scho am 11i de Termin und am 14:00 isch Trauuig. Ha mich no niiie vo Studente frisiere lah Da die Mittagspause hend muessi/darfi scho so früeh gah und wenns mer de ned gfallt, chanis ja deheime ganz gschnell wieder abewäsche Aber bin ez sehr zueversichtlich! :)

Hey Mädels ich han jez de Floristin gschnell aglüte und gfragt ob sie mier en chline Struus cha mache mit es paar Rose und Schleierchruut wie uf dem Bild. Und jetzt seit sie 70-80.- würd das choschte. isch scho huere viel, ned?

Datei-Anhänge

Hochzeit_2_2_1_1024x1024.jpg (36x) Mime-Type: image/jpeg, 256 kB

lil.lian: Das mit de Längi hani au es biz mit em zweite Name. Min erste het ja zum Glück nume 4, aber de zweiti het 9! Immerhin het sich bide längi vom Nachname dur d Hochzyt nüt gändered

Janedoe: Wow, das isch ja mega günstig weg de Frisur. Isch sicher en Versuech wert und falls es denn nix wird, chasch ja no selber was mache. Bin den scho uf Föteli gspannt.
Also weg de Blueme. Ich han ned würkli Ahnig devo. Ich han bim zivile de Struss uf em aghängte Bild gha plus zuesätzlich no sones Asteckerli wo eigentlich für min GG denkt gsi wär, aber denn z gross gsi isch und drum hets den min Vater agsteckt. Für beides zäme hemer, weni mi recht mag erinnere 70 CHF zahlt. Vo dem her findi das Agebot vo dir scho no tür, ich han ja au wissi Rose drin gha. Aber han halt kei Ahnig, öb die jetzt türer sind wils Winter isch oder so.

Malinchen: Hesch au es Föteli vo dim? Oder besser gseit vo dine zwei

Datei-Anhänge

Blumenstrauss_zivil.jpg (37x) Mime-Type: image/jpeg, 103 kB

I ha es Bild gfunde, isch aber mega schrecklech abgseh drvo dass gad beidi Strüss druffe si. Nimes de wieder drab wenn dirs agluegt heit... Dä wo ig i dr Hand ha isch dr "unächt" dr ander dr "ächt" Brutstruss...

Datei-Anhänge

Brautstrauss.jpg (62x) Mime-Type: image/jpeg, 113 kB