Gueti Idee! Probieri gad mal us... Cha ez bim schaffe nümm telefoniere, mini Chefin hed mi scho chli bös agluegt vorher

Gugus!

Grad chli öpis gloffä

Malinchen: gseh fast ke unterschied
Ach schad wegem prakti.

Janedoe: ich denke am abig devor isch es au türer wegem valentinstag fleurop liefert würkli no herzigi mängisch. Susch chasch ja villicht gerberas ne wenn das en option isch? Die eifach miteme band zämebinde- cha toll usgseh. Absgseh devo dass es mini lieblingsblueme sind aber a mim hz nid vorchömed haha

Broncos: uh das tönt no kompliziert mit dem namenswechsel ha gseit gha, müss nachem hochzit es neus hobby zuetue, susch hani de e riese leeri etz weissi was i de mache: schribä schribä für d namensänderig. Wil ja mini kids au wechsled muni no me schribä

Lilian: gäll isch sweet

Fara: ou so schön, am valentinstag z hürate isch doch irgendwie speziell. Händer etz vill z tue oder wie macheders?

Name: ganz lässig mit de gotti götti tradition. Wobi bi mir wärs etz grad nid de tollst name
Ich hans nomal ganz anders: ich ha e doppel name mit bibdestrich, nutze aber immer nur de erst. Und er isch zimli eige, hane no nie es 2. mal ghört.
Aber au laaang lang und de erst her nur 3 drum..

Meava: nime au gern pn

Sitze im karate vom sohn und mini tochter stibkt grad alles i

Määädels, langsam überlegi mir au, no es Strüssli z kaufe für s Zivile. *gg*

Mis isch ja scho am Morge am 10ni (!!! ), da würd am Abig vorher chaufe eh no Sinn mache. Hmm...

@jane: Stiiiimmt, jetzt simmer Zivil-Datum-Zwilling!
Wänn isch es zitlich bi eu?
Bi eigetli nonig würklich ufgregt. Eher eifach mega ruhig, wil ich mich so freue, dänn zumindest zivil scho verhürated z sii, wäni nomal is Spital muen irucke.
Wie gahts dir? Ufgregt?
Mir werdeds rächt leger mache, ja. Isch so churzfrischtig, dass es ja z erwarte isch, dass es nöd perfekt organisiert isch. *gg*

@Malinchen: mir händ für s Zivile no gar nüt organisiert gha. Und au jetzt simmer über de Termin no nöd würklich signifikant use. Werded wohl eifach neumets imene Reschti no reserviere. Wobi - haha - isch ja Valentinstag... Oh oh... Zum Glück wämmer am Mittag gah, da wird's wohl scho no neumets es Plätzli geh. Sus machemer halt glich sälber öpis.

Vorher hämmer s no churz devo gha, öb mir no s Wuchenänd uf Paris würded welle nacher. Hämmer eigetli ebe mal vorgha (also, falls das Hotel, wo mir en Groupon händ, dänn no freii Zimmer hät). Wobi mir dänn vermuetli rächt früeh scho müssted los und eusi Familie und TZ stah lah.

Münd eh no luege, wie mer das mached zum de Groupon irgendwie no izlöse. Vilich schriibi dene dänn halt au es sehr offnigs Mail, dass ich wäg minere Chrankheit vor em Ablaufdatum wohl nöd gnueg fit segi.
Ei Option wär no, während de Flitterwuche z gah (i de Früehligsferie). Dänn wär de Groupon no gültig. Nur wirdi dänn vilich nonig so mega fit sii. Handkehrum känn ich Paris scho sehr guet und s isch drum weniger stressig, bzw. mir sind au scho mal gsi und münd nöd aaaalles aluege.

Sorry, bin da chli am brainstorme grad. Pardon.

@lil.lian: Mir hürated im Ort, wo mir au wohned. Händ zwar eigetli in Bremgarte welle, aber das hetti nur Sinn gmacht, wänn sini Eltere au debi gsi wäred. Ez hämmer eifach de unkompliziertischti Wäg gwählt und hürated grad da.

@Sue: Ich tuen d Gläser no fötele, demit sie chasch aluege.

Wasi au no am sammle bin, sind Sanbitter-Fläschli. (Glich wie d daenu glaub au... Nur hüratemer dummerwiis am gliche Tag, chönd eus also nöd unterstütze.) Aber falls die öper nacher würd welle: äfach mälde. Und so Gomfi-/Gurke-Whatever-Gläser sammli au no.

@Broncos: Ja, ich find's eifach au e schöni Vorstellig, bi de OP scho verhüratet z sii. D Informatione sind bi mir bis jetzt sehr guet gflosse. Mir händ amel abgmacht, dass d Ärzt mim Papi alüted nach de OP (isch au mim Fründ det lieber gsi, mal luege, wie's ez dänn wird). Ich dänk, sie hetted au mim Fründ Uskunft geh, wil sie gwüsst händ, dass es für mich ok isch. Aber das isch natürlich en Unterschiid zu dinere Situation, wil's bi mir kän Notfall gsi isch.

Übrigens luschtig: min Fründ wett ev. au mal Wirtschaft unterrichte. Er isch das (theoretisch zumindest, im Momänt pausiert er) no am studiere und hät usegfunde, dass er mit dem nacher zumindest a de BMS chent unterrichte (s isch ebe en FH, kei Uni).

Wo machsch du s Lehrdiplom? Ich bin ebe a dem Grümpel theoretisch au no dra.

@littlefoot: Gerberas... Wär ev für mich au en Option. Mini erscht Brutstruss-Idee für s kirchliche, sind pinki Gerberas gsi. *gg*
S gaht eigetli no mit em z tue ha. Sind meh für s Kirchliche fescht dra. Da müemer au gwüssi Sache dringend mache, bzw. ich bin au bi weniger dringende Sache froh, wänis scho vor de OP ufgleiset han, wil ich nöd weiss, wie schnäll ich nachher wieder mag.

@munggi: Uf de Depot-HP bini gester au gsi. Ha aber di erwähnte Sache nöd gseh... Sind die ächt nöd uf de HP oder bin ich blind gsi? Ha aber au no mal in en Depot-Lade welle.

Liebs Grüessli,
Fara

@munggi: Oh geil! Dänn wetti umbedingt no verbi gah! :) Danke für de Tipp!

@Munggi
Has ez gad online gseh. Muess uuuuuuuuuuunbedingt is Depot!! :D

@fara: oh Paris wär sicher mega schön... I bi ou scho x-Mal det gsi und weni gange gniesseni eifach d Stimmig, ds guetä Ässe und die coole Läde idr Stadt und renne gar nümme de Sehenswürdigkeite nache. I würd eifach luege, was ds beste für di isch! Wenns dir würd guet due, chli "use" ds chönne vor dr OP dass de di chli chasch ablänkä und dir det d Zyt ds 2. chöit gniesse - machs! Und süsch blibet dir da und kuschlet öich i öier gmeinsame Wohnig i...

@jane: Ja das macht mi amigs würklech ou hässig, wenn i merke dass d Verchöifer eifach mega d Marge druf schlöh, nur wöu sie merke dasses eim wichtig isch... Drum sägi wenn müglech gar nümme, dases fürnes Hochzyt isch. Es Strüssli sälber binde wies d Sue vorgschlage het chunnt nid i Frag?

@Depot: hmm, das dönt würkli cool... Mues gloub nöchscht wuche ou mal ga!