Gute morge mini liebe mitbrütlis

littlefoot: haha, das mit em neue Hobby hani mir au scho überleit .. wobi grad nach de hochzyt dörfemer denn ja no Föteli, Fotialbum und Dankeschärtli mache. Ich hans eifach na dis na gmacht. Z erscht mal s offesichtliche, halt ID, Arbetgeber und so, denn hani mal alli Chärtli im Portemonaie dureglueged und nachher amigs eifach, weni no Post becho han mit em alte Name. Aber wird bi dir mit de Chind sicher no biz ufwändiger...

Munggi: Ou Danke für de Tipp, muesi au mal no verbi go luege...

Fara: Nur no 4 Täg... Hender üch scho entschide weg Paris? Wär natürlich scho lässig ... Ich studier ade Uni Züri, für weles Fach bisch du den dra?

Janedoe: So schad klappeds ned weg de Blueme, isch echt e u lässige lade... Und bi dir gahts au nur no 4 Täg, bisch scho ufgregt?

daenu: Haha, gaht mer gnau glich mit de olympische Spiel, ich liebs, wend egal wen de Fernseh istellsch irgend en Sport chunt Bin da glaub no biz vo minere Chindheit prägt, min Vater isch amigs ade Spil gsi und den hemer immer dörfe fernseh luege (und das mal isch min Brüeder debi )... Was hesch den bastlet?

Me: Ich bin am Fritig binere Kollegin go Babysitte und si het vo sich us abote, dass ihri Chind chönted Bluemechind mache han soo freud gha, han ebe au scho dra denkt si z frage, aber mich ned so defür gha, wills ehner wit weg wohned. Jetzt bruchi also au no Chörbli, aber wahrschinlich kei Chleidli, will all 3 hend e Tracht vo det wo si herchömed und ich fänds uu lässig, wenn si die würed alege. (ich liebe Schwizer Trachte )... Bi dere Kollegin hani den au no grad e super Bastelidee für d Hochzyt becho. Kennt öpper vo üch de Gonis DesignFreezer? Mit dem chamer alles mögliche "fest" mache. Isch biz schwirig zum erchläre, am beste eifach google ... Jetzt dueni wahrschinlich für d Tischdecko Landcharte vo de entsprechende Staate uf Sidepapier usdrucke und den mit em DesignFreezer festige und wahrschinlich machi d Föteli für d Windliechtli grad au so...

Maeve... Dörfi au no e PN mit de Iladge und de Homepage?

Guete Morge zämä

@malinchen
Ich han bi allne gseit es seg nöd für es Hochziit. E Frechheit… Schöni Ferieee! Blibsch deheime?
So Ziit und Gmeinsamkeit mitem GG bewusst gniesse findi enorm wichtig.. Schön, henders so chönne gniesse

@Claudilein
Sinder scho go Turte luege?

@daenu
GG hed no nid mit ihm gredet aber finde ebe s Hauptargument au, das de TZ ja eh kei Ziit für sind unbekannte Kolleg wird ha.. Und ich will mini Hochziit eigentli nöd nutze, zum neui Lüüt kennelerne :D. Wege de Blueme schriibi gad unnedrah. Das mit de Migros hani mier übrigens au überleit gha..
Oh neii, hoffentli isch eue Idruck vom Zivilbeamte en guete!! Me ziehts de doch eifach magisch a :D

@Broncos
Ich bin ziitewiis meega ufgregt. Aber es isch sone glücklichi Vorfreud… Die Wuche wird ez sicher entweder meeeega schnell oder niemalsendend duregah
Hey so cool wege de Bluememeitli!
Cha mier gad gar ned vorstelle, was du mit dem DesingFreezer astellsch, obwohl ich das googlet ha :D Wenn denn mal es Föteli hesch würs mi wunder neh! Eheheh.

@me
So, han em Florist gfunde wo eus nöd komplett wott abzocke. Han jetzt es Agebot für 55.- fürs Strüssli inkl. en Astecker füre GG. Findi völlig okay. De Bluemelade liit ungefähr i de Mitti vo eusem Dehei und dem vo mine Eltere. Mis Mami hed denn abotte dass sie die Sache denn gad abholt wenns zu eus fahred und jetzt macht d Floristin extra übere Mittag uf, damit sie de cha go hole… mega lieb
Bi eus lauft suscht hochziitstechnisch nüt. Mier sind eifach gspannt de Countdown am abezähle

Malinchen: Ah schön händers zäme no chli gnosse. Mir händ am SA und SO eifach gseit mir wend mit niemertem abmache und eifach mal alleige sind. Sind den au am Samstig schön go esse und am SO hämmer chli Olympia und Abstimmig glueged und sind no is Kino. Tut scho immer wieder mal guet... Chli in Tag ineläbe!

Janedoe: Super händer jetzt en Priiswerte Florist gfunde! Isch doch super... Zu dem Priis chan mer also nix säge.

Me: Mir sind am SA schön gmüätlich dur en grosse Migros gschlenderet und händ mal für e ganzi Wuche ikauft wills mich fäng akakt jede Tag go poste. Isch super gsi. Jetzt hani es super gsunds und mega feins Rezept kocked (SO) mit Bulgur! Echt cool... Den simmer dete gad in Zett Meyer no go Ring aluege. Und mir hend en Favorit gfunde. Sie hend en aber nur in Silbrig dete gha mir wenden aber Geldgold. Jetzt wartemer zwei Wuche bis sie Ustellig händ, den hendes in Gold dete. Den entscheidemer eus den. Ich finds nämlich mega schwer de PERFEKT Ring zfinde. Für was für Gravure händ ihre eu entschiede? Es git ja fäng einigi Optione... Fingerprint, Liebebrief, Klassisch Name / Datum oder mit eigeter Schrift...