Huhu

@ depot filiale bi hüt im ämme zänter gsi wöu üse die schmätterlinge nüme het gha... Jedefaus hani gfrogt das hochzit sortimönt chunt ersch ändi märz

Für die wo d schmätterlinge wete luege:)
Google u de (steinzeug schmetterlinge depot)

U frisu bi mer is so dasi 70 fr i de stung wett

pfingstrose: s lustige isch ich han gar kei müeh mitem nid rauche ! nach 5 täg sett de munzig nikotin entzug (wo gar keine isch körperlich bisch ja null abhängig) duresi
ja isch fies mit dene pickel
weg de deko..meinsch d bänder sind z wenig breit ? ich wett eventuell no das schleierchrut dritue. ha no cherzeständer vom depot bstellt. und ich setts villicht mal mit wissem tischtuech und teller und so mache. ha etz no öpis gse uf pinterest....mache glaub die pompons glich, jedem eine ufe teller gseht super us und niemert muss serviette me faltä.

Broncos: Jaaa, Olymiaaa! Oh wow, din Daddy isch gsi und din Brüeder isch det? Als Athlete? Ich bin ebe selber au Wintersportlerin gsi und kenne no es paar wo ade Olympiade sind.
Ich han dGastgschenk fertig bastlet und no so öppis für d’Deko usprobiert.
Ooooh so schön weg de Bluemechind und denn no in Tracht…sweeeeeet!

Malinchen: Danke für’s Duume drucke, mir hoffed etz eifach au daser en guete Tag het. Genau, du seisches, wemme a somene Ort schaffed sött mer’s echt echli gern mache. Immerhin bliebt de Tag sicher in Erinnerig. Hmmm….bin ja mal gspannt! Gnüss dFerie!! Super Stempelset!!!! PS. Malin stoht sit langem uf minere Babyname-Liste gaaaanz wiet obe.

Janedoe: Ich chan dich sehr guet verstoh und find au, dass da sHauptargument isch. Und i find au, dass er das mues respektiere! Hends scho gredet? Guet dasd etz doch no en prislich einigermasse agmessene Struss gfunde hesch. Uuuuuunglaublich, nurno 3 Täg.
Weg de Flitties…hmmm dooooof…aber wie du seisch „aufgeschoben ist nicht aufgehoben“ und spare isch au guet

Meava: Wow fliessig…aber etz freusch dich sicher über sResultat vo euerne Iladigskärtli, oder?

Sue: Hey meeeega schön! Han uh gstuuunet! Bisch ja mega gschickt. sKerzeglas gfallt mer am allerbeschte *LOVE* und dRose sind ja mega passend für ad Chörbli. Nachem HZ chasch das bi Etsy oder dawanda abüte für anderi Brüüt!

Sasileu: also ich schwöre uf ***ZENSURIERT*** (ch) und stylemepretty (com) aber mini allerbeschti Quelle isch doch PINTEREST

Lillian: Jöööö, isch ja härzig dass die no so chli sind! „Jöööö-Alarm“
Ja isch mega lässig. Sie isch scho chli „älter“. Mis Bluememaitli isch 8ti. Sie isch sehr muetig und lauft ganz elaige ine…also grad es paar Schritt vor mim GG und mir. Ihre Brüeder, er isch 4ri, tuet üs denn dRing bringe. Freu mi scho mega dases scho morn sowiet isch! Ich han dGastgschenk fertig bastlet und no so öppis für d’Deko usprobiert.

Principessa: Genau, du seisches! So isches mir au gange und i bi froh dasen abgsetzt han. Es schient mir sind sehr vieli wo so denked/fühled. Es schriebed grad es paari über die Nebetwirkige.
Ja ich finds au schad wegem Füürwerk, sehr.
Ui 120 für de Probetermin? Bi mir hets 40 kostet und 120 kostets denn nur am Hochziitstag. Aber das würd mer ja alles zahle, wemme zfriede wär und mer sich sympatisch isch…I glaub sisch guet dass du dich so entschiede hesch.

Haare + Makeup: Für Makeup hani so es Packet mit Probeschminke + Makeup am Hochzitstag für MICH und TZ für 250 Fr.
für Haare hani für dProb 40 zahlt und denn am HZ-Tag selber nomol 120

Me: Morn isch de Shoppingtag mitem Bluememaitli - freu ich mich meh als sie?
Wie isch das gsi im Text "Brautzilla"...3 Mönet vorem HZ hört dBrut uf schaffe. Sie gaht zwar no ad Arbet, aber goht dete nurno ihri Lischtene dure, haha. Bi mir leider nöd möglich - oder chönnt ich echt dChinde ispanne zum Deko-Element herstelle (oder isch das Chinderarbet). Nei Scherz! GG und ich sind recht im Endspurt. Ab negst Wuche hani denn aber 5 Wuche lang Elteregspräch und das isch amigs recht ziitufwendig - defür hemmer ja denn vorem HZ no e Wuche frei!

littlefoot
i würdi äuä ou gad mau e tisch so probiere z dekoriere mit tischtuech etc dass gneuer gsesch wies de usgseht....! mir gfallt d idee vode wiise töpfli vom ikea mitde hortensie, i weiss eifach gad nid obi die bänder würdi häremache...hmmm...oder wend de öpis anders ebe wie zB die pompons i dene farbe würdisch?

munggi87
bi gestern ou gad im Depot gsi;O) die schmetterlinge si mega schön...bruchsch die als deko?

Pfingstrose
mir het e kollegin gseit i söu mau am abig vorem is bettgah salzwasser ufs gsicht sprütze und ner la si das chöni helfe..mis problem isch dasi sogar am Rücke langsam ha?! ha gad panik
weiss gad nid obi mau de zum hutarzt söu wett nid am hochzit mi ner nid wohl fühle....

Daenu
wünsche dir viel spass bim shoppe hüt mit dine Bluememeitli und bi de gspannt wasd findsch;O)

Malinchen
wiviu hesch scho bastlet vo de iladige??i liiiiiebe Birdy....!!

me
i sueche überall nach silberne runde tischsets...wenn das auso öper nöime gseht bitte melden! bi im Depot gsi, Loeb, Globus, Ryfflihof....nüt gfunde....wett drum mau de Tisch deheime chli so herrichte wies öppe würdi usgseh ir abiglocation und dete hets silberni Platzsets

liebi 2014-brüüt

ich schlicht mich mal bi euch ine, bin eigentli vom mai-thread ich liese ab und zue bi eu mit und ha dänkt evt. dörf ich euch öpis frage, obwohls en ego-post isch...

wie isch das bi euch so mit de iladige und de reaktione? ich han eusi iladige vor 2 wuche verschickt/verteilt und ha bis jetz praktisch no kei reaktione druf. usser dene wonis persönlich abgeh han, die hend freud gha und sich bedankt aber die hend au all scho gwüsst das iglade sind. vo 2 lüüt hani es sms übercho wo sich bedankt hend und par kollege vo mim GG hend sich bi ihm bedankt wos ihn im usgang gseh hend. aber susch nüt...
mier hend zwar im oktober scho save-the-date chärtli verschickt und drum hend die meischte scho gwüsst das iglade sind. aber au vo de apero-gäscht hemer bis uf 2 persone no gar kei rückmäldig. ich weiss das es normal isch das sich ned grad jede mäldet aber irgendwie bini glich enttüscht. wenn ich en schöni hochzits-iladig würd übercho (au "nur" zum apero) würd ich mich bedanke. a- oder abmälde chan mer sich ja immerno spöter.

Novia-Mayo: Ich han mich ebe uf weniger Reaktione igstellt gha will alli da immer eher "negativ" überrascht worde sind. Bi eus isches aber ganz anderst usgfalle. Mir hends vor einere Wuche verschickt und am nächste Tag bini mit SMS und Arüäff bombardiert worde. Isch mega schön gsi und het mich mega gfreut will ich au so reagiere würdi weni e Iladig überchume. Bi dene wo mir gschickt hend fehlet nur zwei Antworte. Aber mir hend Ameldefrist bis Endi Monet.

Zuletzt bearbeitet am 12.02.14 10:21