hmmm ok demfall isch das sehr unterschiedlich. ich han scho ned demit grächnet das ich am nächschte tag bombardiert wirde
bi dene lüüt wo ich weiss das ich sie in nächschter ziit persönlich gseh verstahnis, die wänd sich evt. persönlich bedanke. aber bi de andere weissi ned... es isch eifach chli en "rückschlag" will mier eus so vill müeh gäbed bi de vorbereitige und bi de iladige (wie ier sicher alli au) bis miers perfekt gfunde hend. aber ich ha mier da warschindlich z vill erhofft.

Guete Morge mitenand

Pfingstrose: ui nei sägs no, bi üs geits ja o nume no 4 Monet... SCH*** Mir sötte no soooo vieu mache, s wird mer Haube schlächt wenni dra dänke. Mir hei de immer gseit, ah ja nach üsne Ferie u de mau amene Wucheändi, abr sooo vieu Möglichkeite gits gar nüm. Botz blitz isch die Ziit schnäu vrbi gange!
Das mit de Pickel hani imfau o. Clinique het mer o guet ghulfe odr suscht Teebaumöl uf die ganz riese Pickel. Das tröchnet die de aube so us über nacht

Sue: Wäge de Sets, bisch im Pfister odr im Conforama scho gsi? Im Conforama hani mau so silbrig / anthrazitigi kouft. Das Clinique set hani imfau o u bi vou häppi demit. Ig bi eifach mängisch es bitz fuul u maches nid täglich, abr wenni mer mau vieu ziit nimme denn isch z ergäbnis immer sehr guet! Pickel hani imfau sit am November o. Ganz furchtbar. Chum isch de eint wäg spriesst de nächschti.
Ui muesch de vo dim tolle Brutchleid-Shopping vrzeue!

Malinchen: Zeigsch de es Föteli, wenn aues fertig baschtlet hesch? Du, was fürne Pickel-Stift isch de das?

Littlefoot: D Deko gfaut mer eigentli guet, abr wie scho anderi gseit hei, es wär jetz mir es bitz z wenig. Auso viellecht mit Pompons wär no e gueti Idee. Odr wenn de kei wiisi Hordensie, sondern öpis mit Farb Nimsch? Odr e Tischläufer i öichne farbe wär ouno e Idee. Odr dr Sand bide Gläsli farbig?

Lil.Lian: Auso mir gfaut z zwöite Band vo rechts sehr guet! Tuesch de o grad d Assesoars (nöis Wort erfunde ) i denä Farbe wähle?

Sasileu: Bi Pink fisch chasch ouno so Dekosache bsteue. Odr Casa di Falcone wenns um Papier-Sache geit. Dert hani abr no nie öpis bsteut. (auso NO nid )

Janedoe: Mini Kollegin plant grad ihri Wäutreis u sie hei so Meile kouft, wo sie chöi bruche u umeflüge. Auso so es Paket Meile. Sie hei jetz 1.5 Jahr plant u aui grosse Flüg eso chönne "vrplane". Suscht chani mau nachefrage, wie das gnau heisst!
Mir si de no nid gsi gah Turte-bespräche. Mir hätte letschte Samschtig wöue vrbi gah, abr da het mi GG nid chönne. Jetz luegemer öb mer no göh odr öb mers doch im Zuckeratelier löh lah mache. Bi däm simer scho mau gsi, dä macht wäutsschöni Turtene. Mau luege. Mi GG isch äbe vo de Füllig no nid 1000% überzüügt gsi. U das müesst er ja scho o

LaPrincipessa: Du, chasch mer no de Link vode Nägel schicke? Wett mau luege, öb das schwierig isch u öbi das o cha. Bi äbe chli ungschickt i so fiine Sache
De Brutträff hani o mega guet gfunde! Isch guet, hesch de Gwuaföse abgseit. S muess di ja scho überzüüge u de am Hochziitstag no de psychisch Stress vode Haar z ha (auso wird's schön etc.) das müessti jetz auso o nid ha!
Das Excel würd mi imfau o interessiere! Ig weiss, bi de sichr die, wo churz vor de Hochzit no merkt, dass sie öpis uuuuh wichtigs vrgässe het!

Me: Muess grad mi Fruscht loswärde:
Ig ha geschtr Abe es katastrophals Ässe mit minere "beschte"-Fründin gha. Bi hei gah gränne, sägenech. Sie het riese Striit mit ihrem Fründ, wieu er se lang betroge het u sie das jetz usegfunde het. Er het sech de vo ihre wöue trenne wieu er gseng kei Zuekunft meh. Sie isch jetz abr nid gange u het ne "abättlet" s nomau z probiere. Sie het mir immer zmitzt ide Nacht aglütet odr SMS gschriebe u immr gseit wie schlimm aues sigi u dass sies nid ushautet u dass sie jetz denn uszieng u schluss machi. Guet, ha seie immer ungrstützt, ihn abr nie schlächt gmacht u ihre eifach gseit, sie söu sech so entscheide, demits ihre am beschte geit u sie söu uf sich luege. Entscheide chönni abr nid für si. Denn isches genau denn mit ihrem Fründ ganz schlimm gsi, womer d Iladig vrschickt hei u ig ha mit ihre gluegt u gseit, mir schriebe uf de Charte nume ihre Name, abr er sig ja o iglade, sofern sie denn no zäme sige. Guet denn het sie sech nümme dezue güsseret u mir hei dänkt, denn isch das OK eso. Jetz heimer d Charte eso vrschickt u vo ihre isch eifach NULL Reaktion cho. Hani denkt isch ja o ok, sie het jetz anderi Problem... Denn schisst die mi doch geschtr im Restaurant zäme (vou hysterisch). vo wäge was mir ifalli nume seie izlade. Sie entscheidi öb sie no zäme sige u das heig nid ig z entscheide u sie fänd e absoluti Frächheit u sie müess jetz die Iladig ide Schublade vrstecke, dermits er nid gseng u de no usraschti wieu er nid iglade sigi. Denn hani ihre vrsuecht z erkläre, dass mir ja das nume deswäge eso gmacht hei, wieu ig ihre i 4 Monet wett ersprahre, si Name uf de Iladig z gseh, obschon sie nümme zäme si. Mir heis doch nume guet gmeint... Abr sie gseht das vou nid eso. Sie hätt ja chönne säge, dass sie das nid wett womer se gfragt hei. Abr denn isch sie ja nume am jammere gsi wie qualvoll die Beziehig sig...
Sie het sech jetz weder a- no abgmäudet für z Hochziit u ehrlichgseit hani o grad gar kei Luscht meh dass sie odr sogar beid a üses Hochziit chöme!

uund jetzt hets mich verwütsch mit em 20gi

Claudilein: Das isch ja u ärgerlich mit dinere Fründin. Het si sich den nüm möge dra erinnere, das si gseit het nume ihre Name sig ok? Also ich gfind si tuet grad zimlich überreagiere. Villicht hilfts wener üch beid es biz beruhiget und den in Rueh nomal drüber redet...
Findi no krass, dass si s Chärtli vor ihrem Fründ mues verstecke. Ihm mues ja klar si, dass du über ihri Situation bscheid weisch und au entsprechend druf reagiersch. Den chamer ja eifach churz erchläre, das er natürlich igalde wär, wens bis den no zäme sind, aber weg de momentane Situation eifach nur ihre Name druf staht. Er sött doch das den verstah und ned hässig werde...

@pfingstrose: OMG, de geits bi üs nümme viu länger... I ha irgendwie chli z Gfüeu dä Früehlig wird meeeega schänu verbi ga! Fröit mi, dass dir so viel schöni Reaktione heit becho uf öii Iladig!

@Noviamayo: Mir hei d Iladige no nid verschickt, aber i ha ou scho vo vielnä ghört, dass sie enttüscht si gsi. I gsehs eigetlech glich wie d Broncos (mau wieder), i ha bis här ou nie extra ufnes Chärtli reagiert sondern mi eifach a- oder abgmäldet und mi det när bedankt. Villecht wüsse halt gad die wo no nid hei ghürate nid, wie viel Liebi me i sonä Iladig steckt und wie viel Stunde dass me drmit verbringt, verschiedeni Variante uszprobiere und dr Text perfekt z formulierä etc. I cha dir ou nur rate, dir das nid z Härze z näh, das isch garantiert nid bös gmeint!

@Claudi: Oh nei, das duet mir mega Leid wägä dirä Bestä! Verstah, dass di das fertig macht... Einersits muesch zueluege wie sie sich a die unglücklechi Beziehig chlammeret (das tönt würklech nid sehr harmonisch und ou nid würklech drnah aus würd ihm viu a ihre liegä) und när chunnt no drzue, dass sie ihre Frust a dir uslaht. I gloub am bestä lahsch ihre eifach dr Ruum wo sie brucht zum merkä, dass sie sich gschider a denä Mönschä häbt wos guet meinä mit ihre, statt a däm typ. Und de chasch denn für sie da si, wenn sie dini Hilf ou wieder cha anäh...

Dä Pickelstift ghört zu de "anti-blemish-solutions" und heisst spot treatment gel. I gloub dä würkt ähnlech wie das Öl wo du gseit hesch, es tröchnets eifach gad us. Es duet ou mega schnäll izieh, finde das aube ou no praktisch, süsch geits keini 10 Sekundä u när hani das züg entweder idä Haar, ade Chleider oder ufm Chopfchüssi...

@Broncos: Cooli idee mit denä Booklets!!! Die Idee würdi dir gad gärn stähle, aber i gloub das schaffi nümme. Ou ja da heit dir einiges vor am Samstig! Bi de gspannt was de verzellsch!

@me: Mis Mami chunnt jetz de gad bi mir cho zmittag ässe, i ha dr ganz Morge mit so dummem züg im Hushalt verbrate. Denn hani hüt no ä würklech mega queri Diagnose vo mim FA becho. Bi inerä Kontrolle gsi und ha ou dr Urin lah testä wöui ir letschti mängisch so Chrämpf ha gha im Unterliib wo ni mir nid ha chönnä erkläre. När seit dä mir i heig Blaseentzündig. Aber SORRY, das hätti doch wou gmerkt?!!! Oder het öper vo öich ou scho mau sonä "versteckti" Entzündig gha? I weis no nid rächt obi das Antibiotika söu näh oder zersch no zum Husarzt ou ä Test ga lah mache...

Zuletzt bearbeitet am 12.02.14 12:33

Malinchen: ja ha jetz o dänkt, ig mäude mi jetz eifach es Ziitli nüm, bis sech das ganze beruhigt het. Nimmt mi wunder, öb sie sech no mäudet zum zue resp. absäge. Wieu d Amäudefrischt louft am Wucheändi ab... Ja das gloubi o, dass sie de Fruscht a mir ablaht. Ig warte jetz eifach mau ab...

Ah super, danke für de Tipp! Muessi mer grad gah poschte! Ig ha äbe vo Cliniqe das 3-Phase Programm. Wieu das hani scho lang u pickel hani no nid eso lang... Suscht tueni mer de no z andere Set zuche. Wieu mit Pickel a d Hochziit wett gloub e keini vo üs. U vor auem wenn das so riese Pickel si, denn chasch se aube fascht nid abdecke ohni dass mers no bitz gseh

Claudilein: Gel wird sicher mega schnell umegah die Ziit! Grr… Den münd mir beide jetzt die ‎Hintere füre neh! ‎

Das mit dinere Beste tut mir total leid und ich find du häsch alles versuecht zum’s guet chöne ‎handhabe und ihre zur Siite zstah. Het sie den das Gspröch vergesse? Wo ihr das abmgacht ‎händ dass ihrs so wend mache. Isch also scho sehr fräch und fiis vo ihre. Aber es isch mengisch ‎de Typ Frau wo so amene „schlächte“ Mah chlammered. Wenns den mal guet gaht tünds so ‎wies das nie geh hetti. Debi chan mer doch sim Schatz dän säge du ich han das mit de XY so ‎besproche dass mir die Charte so überchömed will mir dete so fest Striit gha hend. Basta… Isch ‎doch keis Problem!‎

Broncos: Wow den gahts ja das Wuchenend nomal e richtigi Portion wiiter i de Planig. Schön!‎

Malinchen: Oh komisch mit de Blaseentzündig. Aber ich han das wo d Fara gseit hät au scho ‎ghört. Gueti Besserig und en Guete mit dim Mami. ‎