also ich muss definitiv en jute hintergrund ha für de deckel und eventuell au zum drilegge. susch findis cool. ha etz styropor und anderi verpackigsrückständ vo möbel inegschmissä, dass es eifach höcher erschint.
und was meined ihr so ? ihr händ ja die truhe scho lang mal welle gse
Hüt gäbeder ja wider recht Gas. Muess grad alles gschnell überflüge.
@lil.lian Hey mega schöni Bänder! Hesch di scho für en Farb entschiede? Fänds ez mega schwierig, mier gfalled alli mega guet :)
@Pfingstrose Willkommen im Club! Mis Gsicht isch es Pickelmienefeld! Ich han au wirkli niiiiie Huutproblem gah und jez die Wuche, voila, spriesseds! Ha sGfühl je meh ich drah umedrucke desto meh chömed füre Sooo schön wege de ganze positive Reaktione!
@Sue De hesch ja en rechte Marathon vor dier mit Chleiderläde… Wünsche dier und dine Liebe ganz viel Spass! Freue mi uf Bildli, hehe
@littlefoot Bravo wegem Rauche! Bi de Pompoms hani aso au en Testlauf mit Serviette gmacht und mit Sidepapier isches de nomal um 100% besser gange findi. Meeega cooli Truhe!!
@daenu Sie hend no ned gredet nei, ha hüt am Morge es Email vo ihm becho mit de Ameldig + Begleitig. Han am GG denn chli Druck gmacht und er gaht hüt nachem schaffe gschnell zu ihm is Gschäft und hofft er hed de churz Ziit zum quatsche. 2Täääg!!! Ohhh wie isch gsi mit de Bluememeitli? Hender Erfolg gha? Hihi de Brautzillatext spieglet eus alli doch sicher zu 90% wider
@Claudilein Ehh ja wenn sichs mal so ergit und sie frögsch, geeern. :) Hey das mit dinere beschte Fründin findi recht denebe! Dass sie so reagiert isch echt struub und mer merkt ja au wie du schriibsch, dass ihers echt nume guet gmeint hend! Und usserdem findi au, dass sie da total überreagiert. Sie wird ja selber au wüsse, dass sie sich in Bezug uf ihre Fründ schwierig verhaltet. Da isch sie echt chli über s Ziel use gschosse findi.
@Broncos Haha, ja genau, s Hochziit verarbeite :D Nei ich denk wirkli, dases ned sooo schlimm isch, nochli z schaffe zwüschet Hochziit und Flitterwuche. . Ich bi no nie länger als en Monet vo deheime weg gsi. Und de Monet woni weg gsi bi, simmer dur Südafrika greist, e Fründin und ich… Da hani halt eifach GG meeeega vermisst und drum de unbedingt heiwelle… Cha mier scho vorstelle, dasis mit GG ushalte vo Land zu Land z reise. Wasi aber sicher nöd cha, isch meh als en Wuche am Strand ligge.
@me Mier sind gester im Depot gsi willi uuuunbedingt die Hochziitssache ha welle poschte. Sind extra uf Rappi gfahre.. Da müender also nöd pressiere, die Sache chömed erst ab Endi Februar. Ich han ja en Caketopper bi etsy bstellt in Naturholz und ha extra de Verkäufer nomal agfragt obs in Naturholz möglich isch und er hed gseit das segi keis Problem und hüt isch das Päckli acho uuuund… es isch en Caketopper in schwarzem Acryl dinne. Hani doch gar ned welle. De Verkäufer hedmer ez in gebrochenem Englisch gschribe, dass de Name doch richtig seg druf. Ha s Gfühl de hed mis Problem ned verstande… Mal abwarte. En Frag: Uf welere Siite trägid iher de Ehering? Links oder rechts? Ich möchten ebe rechts träge aber offebar isch das da ned so gang und gäbe? GG und ich hend gester en riiiiese Striit gha wege nüt und wider nüt. Eifach wege Chlinigkeite.. und das zwei Täg vorem Hochziit. Mier hend sogar getrennt gschlafe :sad. Plötli hani denn das bekannte Muffesause becho. „Und wenn er doch nid de Richtig isch? Was wenn das ned de Maa isch wo mich für immer glücklich macht und jedes Problem mit mier meischteret?“ Hüt morge isch mer das alles sooo dumm und unnötig vorcho, und verstah au gar nümme wieso mer überhaupt gstritte hend. GG hed mer es uh liebs SMS gschribe und es isch alles wieder in Ordnig :) Ich frag mich eifach, ob das jedi Frau eimal duremacht und sich die Frage stellt? Ich muess jez denn grad nomal los is Gschäft. Die hend vorher aglüte, dass en Kollegin chrank isch und ez mueni ispringe und ha so gaaaar kei Luscht.
janedoe: jee nei, mach der ke gedanke. isch doch normal dass eim d nerve duregend churz vorem hochzit wil mer ja ebe NID wett strite und de regt mer sich no meh uf :) trennt schlafe isch aber scho no heftig .) sind wohl zwei hitzchöpf, wie ich und mi GG weg dinere frag. ich weiss scho ewig dass mi GG de richtig isch, sind im september denn 14 jahr. nur simmer ja au mit 18ni zämecho, weiss gott veränderet me sich i dere zit ziemli, vor allem au no wenn chind chömed usw.. bim strit oder wenn er würklich fies isch, denki das mängisch au: so quasi wetti mir das bis endi läbe atue sobalds aber verbi isch isch es denn au kes thema me. das isch doch normal
@ janedoe bi ou im depot gsi aber chunt doch nach prospäkt ersch im märz.... Mir hei de ring rächts anne aber das isch ir ch ni üblich:) aber i cha mit links nüt a fo...
@ sue jaa d schmätterlinge si für am obe aus tisch deco ha 5 grossi u 11 chlini;) u hoffe das längt
@ dänu u wie isch de shopping tag worde??
Bi üs louft nix has gfüeu dasmer im momänt aues gmacht hei wome cha!???
Mäude mi ou mau umi, ha zwar mitgläse, bi aber mit schribe nüme hingernache cho
@Broncos: Coole TM wo ihr da heit! Sit ihr scho witer mit öichne Pöschte? Mir hei morn no e Detailbesprächig mit üsem Caterer, müesse no zMenu u dr Wy mit am Resti agugge, Bluemedetails, Schueh u Hemd GG (ja immer no! ), evtl Tanzkurs, u de eifach no so chlini Details wie Kleider Zivil, Ässe im Detail zivil, Hochzytstorte, Gastgschenkli, Ringherz, Puzzleteil in Holz, Holzspähn u Efeu für Tischdeko, Flittis, ...
@jane: Ha aso nit wöue Chaos stifte! I bhaute de drfür dä vom kirchleche Deheime, cha de dä äuä bau meh gniesse! Föteli gits leider kenni, heis vor luter Quatsche chli verpasst Isch aso scho chli komisch vo öichem TZ?!
@lil: So cool, Gratuliere! Das isch doch mau e sinnvolli Sach! Wüsst dr scho, was ihr nach am Zivile weit mache? Danke füre Tipp mit Google Maps, muen de mau ga gugge Härzigs Kleidli
@malinchen: Gratuliere zur Band!
@Maeva: Dörfti äch dHomepage u dIladige ou no gwundere? Wäg am vergässe, i ha mir e Ordner agleit, woni u.A ha Checklistene ha inetah, wo ni für mi cha abhöggle, was mir scho hei, u was no fäuht. Hei mir vo de Ringe scho nes Foti gseh?
@Pfingstrose: Wäg de Ballön, i has jtzt eifach aube so erlebt, dass die vor Ort si gfüllt worde. Ob mir hei, wüsse mir nit, ha aber mau gseit, dass is schön fändi. Wenn wärde mirs aber ziemli sicher vo Garbagas ha, kenne derte drum öber.
@Bride2014: Härzlech Willkomme bi üs! Mir hei üs am Obig e Obergränze vo max 40 Lüüt gsetzt, wei haut eifach für aui Zyt ha, us ou im ne familiäre Rahme bhaute. Si drfür am Apero fasch 160 Lüüt, hei aber de eifach ou dNachbare iglade (GG isch bekannt wie ne bunte Hund, u het niemerem wöue uf dFüess tschaupe!) Vo wo bisch Du? Üsi Fotografin fötelet ebe "nume" ir Region BE/FR
@Pricana: Mir hei dr Struss scho, u ou dr Reste Deko, 2 Strüss u 2 Astecker chöme üs uf ca 400.-, mit auem Deko, inkl. de Blueme chöme mir uf ca 770.-, verkoufe aber e Teil närne ou umi.
@Taeboyana: Wow, super Priis wo ihr da heit!
@munggi: Nee sicher muesch dr Fründ nit ou no ilade! Di hets doch!! De söu si nit cho, wenn ihre dr Fründ wichtiger isch.
@Fara: Tuet mir leid hesch so schlächti Nachrichte brcho! Wünsche Dir u Dim GG ganz viu Kraft, u Geduld. U natürlich am Fritig trotz auem e wunderschöne Hochzytstag!
@all: So Froue, lah jtzt haut eifach di letschte paar Sitene lah si, hoffe es isch mir niemert bös. Aber i bi müed, u muess is Bett, u da äuä bis am Samschtig nüme würk zum schribe chumme, wünsche de Valentinstagbrüt e wunderschöne Hochzytstag!
Janedoe: Sie het das bi Star Alliance buecht: http://www.staralliance.com/de/fares/round-world-fare/round-the-world-fare-tc/ Das sigi mega guet wieu dert rächnets dr d Meile outomatisch u zeigt Zwüschestopps ah etc. Die einzig Bedingig isch, dass du muesch mit denä Fluggseuschafte flüge. Abr das si mega vieu! Und du hesch die Winkel-Bedingig nid, wo bi anderen Around the world Tickets hesch! Ui danke für de Tipp mit Depot, ha dert nämli o es paar Sache gseh womer gfaue, abr demfau muessi nid pressiere Ja mini Fründin het scho bitz übers Ziel übere gschosse. Jetz warteni eifach mau ab öb u wenn sie sech mäudet… Findes eifach schad u es macht mi bitz trurig. Es Hochziit sött doch schöni Erinnerige u Vorfröid ufrüefe u das isch jetz irgendwie im Bezug zu ihre grad gar nid eso.
Das mit de Zwiefel u em Krach ha, heimer imfau genau glich. Auso irgendwie isches aber eso, dass mir, sit mer vrlobt si, e kei grösseri Striit meh gha hei. Auso scho o Meinigsvrschiedeheite u Missverständnis, abr das heimer denn immer wieder schnäu chönne kläre, so wie dir ja o Und bisch scho nervös? No ei Tag
Gilet: Auso mi GG leit e drüteilige Azug ah, wieu mir gfaue äbe Gilet sehr gärn u da mir im Juni hürate, heimer gfunde dass er ja de z Jacket cha abzieh u de glich no o schigg agleit isch. Auso mir gfaue Gilets extrem Lil.Lian: Ja wenn de suscht Perle-Accessoires (so es komplizierts Wort) aleisch, denn würdi z Band o eher nid rosa näh, suscht passt de dr Brutstruss nid zäme. Würdi das jetz mim GG erkläre, denn chäm sini Antwort wieder: Ah was machsch du dir für Sorge, gseht doch kei Mönsch öb das jetz zude Blueme passt *hahahaha*
Pfingstrose: Ja die zwöi hei äbe e so e vrknorksti / komischi Beziehig dass de das eifach nid chasch. Weisch, was mi am meischte vrletzt het, isch eifach gsi, wie sie gseit het sie fröii sech gar nid u müess d Charte vrstecke und es sigi mega schlimm wasi gmacht heig. U weisch, denn no mi GG u üsi Beziehig schlächt mache, das het mi de o grad mega möge. Ig meine, sie muess ihn ja nid hürate, abr wär no schön, wenn sie würd erkenne, dass ig glücklich bi mit ihm. Nume wieu sie inere Scheiss-Beziehig ohni gägäsitegi Liebi isch, muess das ja nid heisse, dass aui e schlächti Beziehig müesse ha. Sie isch eifach ivrsüchtig. Sie het äbe scho geng es bitz eso reagiert, abr ig has gar nid wöue gseh. Mis Mami het mer das denn gseit gha, dass das ihre scho oft sigi ufgfaue, dass sie mir nüt mög gönne u das was ihre passiert immer tusig mau schlächter odr besser isch aus mis. Und je länger je me ig drüber nachedänke, het mis Mami völlig rächt. Abr ja, ig tue jetz nume no mit meh Energie no die Sache organisiere. Ha grad mim GG geschtr gseit, zwöi Persone weniger mache mit übernachtig u ässe grad 600.- us. Das chöimer jetz guet für anderi Sache bruche. Wenn sie sech eh nid fröid, denn wott ig se o gar nid debi ha. Näre vrmieset sie mer no de schönsti Tag!
Janedoe: Nur no eimal schlafe Wünsch dir morn en wunderschöne Tag, gnüsseds Hahaha, gaht mer genau glich weg de Ferie, ich chan ned mal ei Tag nur am Strand lige, da drei dure. Cha kei Stund ruhig sitze. Zum Glück hemer im Büro Tisch womer chan ide Höchi verstelle, den chani amigs au im Sta schaffe, suscht würdi duredreie. Huch, üchi Strit isch ja doch heftig gsi. Demfall sinder beid wohl sehr emotional. Also mir hend üs vor langer zit mal versproche, das mer nie go schlafe gönd, wenn öppis noni klärt isch und mir hend üs bis hüt dra ghalte, aber es het es defür es par laaaangi Nächt gä Ich mach mir amigs meh Sorge, öb ich würklich die richtig Frau für ihn bi. Er isch eifach so perfekt (ok, das tönt jetzt echt kitschig, sorry), dass ich mängisch gfinde ich seg ned guet gnueg für ihn.
littlefoot: uu, mir gfallt Truhe mega. Super Idee mit em "usgstopfte" Bode ich wett ich het au biz meh zit zum bastle
Lula: Bi üs stönd no meh oder weniger die gliche Sache a, halt eifach das Detailzüg wo no so chunt. Am Samstig hemer mit Restaurant, Bäcker und Pfarrer abgmacht, den gahts wohl grad nomal es rechts stuck vorwärts.
daenu: Wie isch de Shoppingtag gsi?
Claudilein: würklich schad mit dinere Fründin, aber ich gfind dini Entscheidig richtig. Jetzt z erscht mal chli uf abstand ga und den luege wies witergaht. Wenn si dir würkli nüt mag gönne und iversüchtig isch, zieht si dich nur abe und für das bruchsch ja kei Fründin. Schön, das der vor ihre ned üche schönsti Tag vermise lasch... Am beste investiereder s "gsparte" Geld i öppis entspannends, das chasch jetzt sicher bruche nach dem ganze Theater
Janedoe: Mir werdet euse Ring vorussichtlich Links träge. Will mir isches total unbequem a de ‎Rechte Hand öpis azha. Aber evt. wird min Verlobigsring nach Rechts wechsel. Also han den ‎dete glich öpis. Din Schatz isch ja eh vo DE dete isch doch das eher verbreitet de Ring Rechts ‎träge. Du am Schluss isches doch Wurst… Hauptsach es isch bequem! Hihi! ‎
Oh Shit! Aber ich bin imfall au de Typ zu so Überlegige… Ich hasses! Und im Moment wos ‎verbie isch denki wiso hesch so en Seich überhaupt überleit. Aber trännt gschlafe hämmer no nie ‎will mir das mached wie Broncco. Es wird den hald bis am 2 oder wenn au immer gredet. ‎Mengisch nützt zwar au nöd viel aber mer chan nachher immerhin zäme ischalfe. Mir sind au ‎Type Hitzchöpf. Isch amigs ächt nervig. Aber hey… Besser so weder dass mer nöd zäme zanke ‎chan und eine gaht immer unter! Und ja e Ehe sötti für immer sie und da glaubed mir ‎warschiendlich au alli drah. Aber wenns nöd gaht isch doch es glücklichs Läbe immer no ‎wichtiger. Wenn mer sich meh oder weniger aständig tränne chan. Eusi Liedensgränze ‎gegenüber em Partner isch doch scho sehr höch und Bereitschaft zum Kämpfe isch doch bi ‎jedere da inne scho immer mal vorhande gsi. Mer hürated ja will mer wüssed, dass mer ‎‎„kompatibel“ sind mit eusne Herre. Hihi, tönt jetzt komisch… Aber du hetisch doch nie JA zu ihm ‎gseit wenn du wüsstisch du bisch immer die wo de Chürzer zieht nach Striit oder wo immer sich ‎muss go versöhne gah. So land mer stritted isch e Beziehig idemsinn lebändig und mer kämpft für öpis. Wenn mers nüme macht, den isches erst verbie!!! Kopf hoch! Es chund guet!
Claudilein: Du häsch vollig rächt, dass du dini Energie für eui Beziehig und d Hochziit nutze ‎wotsch. Isch also ächt chli e Schnäpfe. Aber es trift eim hald mega wenns die besti Kollegin isch. ‎So han ich mini früähnerig Besti „verlore“. Bin garnöd truurig drüber will sie isch au so e ‎Dramaqueen und den Inszenierig Spezialist gsi. Das isch mir so uf de Geist dasi wirgendwenn ‎garnix meh mit ihre gmeinsam gha han und mir nurno gnervt han. Den hämmer eus i dem Sinn ‎tränt. Sit dete isch rueh… Bzw. hät sie mich den nach dem mir eus es Jahr nöd gseh hend gfrögt ‎obi Gotte vo ihrem Chind welli werde für mich hät das so nüme gstumme dasi den neig seit han. ‎
Daenu: Und wie isch s Shopping usecho? Irgendwelchi Fotis zum presentiere??? Hihi! ‎‎*Gwunder* ‎
@Broncos & Pfingstrose GG und ich hend eus das imfall au versproche. Und mier hends bis jetzt iiiimmer ghalte. Aber i dem Moment isch irgendwie eifach nöd gange. Er isch denn ufs Sofa go pfuuse und irgendwenn i de Nacht is Bett gschliche. Hanem de gseit, das ich mich ez a ihn kuschele willi andersch ned chieng ischlafe, aber er müess gar ned meine, dasi ez nümme sauer seg. Ihn heds de voll verbutzt, ich has nöd luschtig gfunde... jetzt aber scho Finde das im Prinzip scho no wichtig, dasmers usdiskutiert. Im Übrige find ich au striite sehr wichtig und befreiend... Mängisch bruchts en Sturm, das wider Rueh chan ichehre.
@Claudilein Merci villmal füre Link! Tueni mi de grad demit usenandsetze... Nachem Wucheend :D
@Broncos Nei jöööh das hesch ez mega herzig gseit über din GG
@Pfingstrose Mier isch de Ring ebe viel bequemer rechts. GG hed de genau das Argument bracht, er segi ja schliessli Dütsche
@me Mier hend hüt die letscht Zuesag becho und somit alli Ameldige vo de gladne Gäscht zämä. Das isch grad so voll s Hochgfühl vom Tag gsi und vorallem hend sich mini Sorge in Luft ufglöst. Niemer chunnt miteme unbettne Gascht wo ned iglade isch. Euse TZ au ned. GG isch gester Abig no gschnell zu ihm is Gschäft gfahre und hed das mit ihm klärt. Er heb voll Verständnis und das seg scho okay. Bi de Aperogäscht hemmer defür erst so 2, 3 Ameldige, aber dett isch d Ameldefrischt uf endi März gleit, aso no viel Ziit
GG isch wider de bescht, er hed ja immer gseit, das er nüt will mache ufem Standesamt, kei Lieder, kei Ringtuusch und jetzt heder sich tatsächlich i Chopf gsetzt, das no zändere und will jetzt, 24h vor de Trauig is Standesamt alüte, obs ned alles nomal chönnted ändere. Mier hend nidmal es Ringchüssi
@janedore: jö danke das isch lieb :) jo persönlichi texte kopiere findi au goht gaaar ned! verstoh di dassd di ufregsch! Jo gäl immerhin :) mir würdet aber ebe d’apérogäst scho au gärn gli wüsse.. müendmer halt dänn mol nofroge… due dir grad en PN mache mitem excel grop planning! Ups und jo s’bild vo de wimpere hani voll vegässe dues grad ahänge :p finds ebe au en frächheit wägem pris vo de probefrisur.. :/ oh nei duetmer leid wägem stritt mit dim GG 2 täg vorem standesamt :/ aber hey das isch doch sicher de stress! ;) guet isch wider alles in ornig! :) morn isches sowit hihi :)
@pfingstrose: wäg de torte ebe gar nonig :p sehr guet möglich, dassmer si schlussändli öber s’hotel lönd loh mache willmer ned so vil tällergäld wänd zahle..
@sasileu: wäg de wimpere muessmer halt scho bitz ufpasse ned i de auge riibe und so.. bi mir hebts eigentli rächt guet muess säge! Ich han kei mascara meh brucht :p eifach nur no för die untere wimpere ;) bin ächt froh hani kei hormon meh… momentan eifach wie früener mit gummi :p wooow mega schöni torte! :) muesch dänn brichte ob si au so guet schmöcket wie si usgsehnd die tortene ;)
@sue: oooh am weekend gosch go chleid ussueche? :) viiiil spass & erfolg! =) klar schicki dir au gad :)
@lil.lian: ou ups isch das d’bibi gsi? maan ich mit dene nicknäme :p sooorry :p jo jetzt isch si wie bis anhin eifach nur am apéro iglade – nimmt mi wunder ob si chunt…klar schick dir au en PN
@bibi: bisch du das gsi mitem mami wo im priska in aarau schafft? Han dis gsicht klar vor mir aber bin mir jetzt nüme sicher mitem nickname :p
@daenu: jo würkli also bis jetzt bini voll z fride mit minere entscheidig betreffend nuvaring :p scho krass – allne gohts glich :p jo du seisches… voll öberrisse und ebe wennmer eh ned zfride isch.. jetzt mol luege wäg de hoor.. jööö bluememeitlichleidchauf so süess =))) hihi wird sicher voll schön! =) ich söt mini mol bstelle aber bin immernonig ganz sicher… haha das mit de chind und de deko wär doch mol öbis :p si würdet sicher gärn hälfe :p
@pfingstrose: hey cool händer so super reaktione wäg de iladige! =) duet guet gäl? :) wow scho morn i 4 mönet hihi goht nüme lang! =)
@novia: verstoh di guet – mir ischs au so gange! Han es paar dänn au agfrogt ob si d iladig ned becho händ :p die händ sich dänn mega entschuldiget oh sorry doch klar und so… tja mir gsehnd halt jetzt was för en ufwand dehinter steckt.. glaube d’lüt meinets ned bös sondern verhengets eifach wieso au immer :p
@claudilein: oh nei scheisse hey! :( duetmer voll leid mit dinere kollegin! goht jo gar ned! :( klar isches en schlächti kombi si voll liebeschummer und du voll im liebeshöch (han leider grad au so kolleginne) aber die reaktion goht gar ned!! würd in rueh nomol mit ihre rede.. aber du häsch si jo no gfrogt und alles goht würkli ned!!
@broncos: merci för d’ufklärig wäg de verwächslig und bibi: sorry :p jo ebe scho wider öber meh wo de nuvaring ned guet findet.. han am afang dänkt das isch s’beste verhüetigsmittel wäg de awändig aber nei du never again! :p
@malinchnen: hmm schreg wäg de diagnose bloseentzündig! Also wänd kei schmärze häsch würdi kei antibiotika näh sondern mit preisselbeersaft, niere-blosetee etc. probiere will unnötig antibiotika näh würdi ned.. oder ebe en zwöitmeinig ihole..
@littlefood: jöö so härzig wäg dim sohnemann :) hihi süess :) wie alt ischer dänn? :)
JANEDORE & FARA: GANZ ES SCHÖNS ZIVILS WÜNSCHI ÖICH BEIDNE MORN AM VALENTINSTAG! =)))
Anmelden
I bhaute de drfür dä vom kirchleche Deheime, cha de dä äuä bau meh gniesse!
Jetz warteni eifach mau ab öb u wenn sie sech mäudet… Findes eifach schad u es macht mi bitz trurig. Es Hochziit sött doch schöni Erinnerige u Vorfröid ufrüefe u das isch jetz irgendwie im Bezug zu ihre grad gar nid eso. 
Das chöimer jetz guet für anderi Sache bruche. Wenn sie sech eh nid fröid, denn wott ig se o gar nid debi ha. Näre vrmieset sie mer no de schönsti Tag!