Littlefoot
Sehr schöni Truhe!! Häsch die sälber bastlet?

Janedoe
Han mi nonig entschiede wege de Bänder . Ich tendier aber eher zum bruune oder wiise.. Ich gahn mal bim Lade verbi und gahs bim Chleid go häregebe…
Ich möchte de Ring au rechts träge, aber weisses gar nöd wege de "richtige" Siite..
Uiiii.. das dönt scho no heftig :-/ Aso trännt gschlafe hämer au no nie. Ich wet eigendli au immer "Friede" mache, bevor mer gönd go schlaffe.. Aber isch doch guet isch alles wieder in Ornig :) Chunt scho guet… Und mooorn isch es sowiiit..

Lula
Ja mier dönd jeze glich ide Stadt hürate und den hämer bim Stadthuus no en Platz gmietet wo mer was chönd hi stelle, den dömer dete en chline Apero mache (würkli nüt grosses, wenns dur en Caaterer lasch mache chunts meeeega tür, ich hoffe mier chönd öbis privats organisiere) und den gömer eifach mit de Trauzüge go esse.. Hoffe das klapped den so :).

Claudilein
Ja genau, das han ich mier ebe au dänkt.. hihi ja Määänner

Laprincipessa
Ja klar, ich schick der d'Mailadresse no.. Danke gäll :)

Sue87
Ja voll kake :( Das het mer au gad abglöscht.. Häsch sie nomol probiert zereiche?

Sue: Ig ha denn im Gspräch es bitz z Thema gwächslet, wieui eifach nid im Restaurant ha wöue umeschreie (wie sie) u wieui eifach so perplex gsi bi, wie sie mi zämegschisse het. Auso so vou hysterisch. Ha denn no chli gseit wägem schaffe dassi vieu z tüeh heig u dassi deswäge uf de nächschti Zug hei wett. Näre heimernis vrabschiedet u sie het ganz normau tha vo wäge sie mäudi sech de und so. Ig ha abr bis jetz no nüt vo ihre khört... Ig mäude mi jetz abr o eifach nid. Ha grad gar kei Luscht meh druf. Ja ihri Beziehig isch äbe i ihrne Ouge PERFEKT u üsi sigi vou längwilig u doof. U mi GG sig äbe o vou de Längwiler wieuer nid vieu i Usgang geit. Na klar, ihre Fründ isch natürli viiiieu besser, de geit vieu i Usgang u knutscht mit andere Froue ume. Isch natürlich um Wäute besser Ach, je länger je meh, merki eifach dass ig gar kei Luscht ha uf sone Fründin... Auso im Moment eso wie sie sech vrhautet ganz sichr nid!
Das mit em Catering isch ja echt vou denäbe! Hesch ihre no mau aglütet odr het sie sech gmäudet? Wie d Broncos scho seit, näre vrgisst sie no öies Hochziit

Broncos: Ja genau uf sone Fründin chani würkli guet vrzichte! Und e Vrwändig für z Gäud findeni de schono

Uiii jetzt hani grad e Geistesblitz gha... Bin ja scho länger am überlegge, weg de Gastgschenk... Mir hend jetzt denkt gha, das mer eifach bide Chile so chlini Bluemegsteck uf de Site bide Stüehl anetüend und die den nachher als Gastgschenk mitgänd... Aber jetzt isch mer grad e super Idee cho: Mir chönted Jasscharte schenke. So richtig schön verpacke und den no irgendwas druf schriebe ala "Boardunterhaltung". Zum Teil verteilets doch amigs ide Flüger au Spieli und so Sache (ok meistens nur für Chind, aber egal). So würds zu üsem Motto passe und mir jassed u gern, den passt au no zu üs. Mir chönted den au no wiene Art en Spielaleitig für verschidnigi Jassarte schriebe
Haha, isch mer alles grad jetzt i Sinn cho und min GG weiss no gar nüt devo, aber ich bin grad voll enthusiastisch (uund min Grossvater het sicher uuu freud dra, er het mir (und all sine andere Grosschind) s Jasse bibracht und het so freud dra, wener amigs mit üs chan spiele)
Villicht, chönt mer ja sogar d Jasscharte personalisiere, also irgendwas vo üs hinedruf schriebe... Mues grad luege, öbi öppis im internet gfinde

hallihallo liebi mitbrütlis!

ich mäld mi au widr mol priefige sind ändlig vrbi und die wuche hani ferie.. sin 3 dag z london gsi und i ha gaaanz viil hz-züg kauft.. meh drzue nochär
ich hoff es isch mir niemert bös wenni nüm uf alles igang, ha zwar immer mitgläse, weiss leider aber au nüm alles

janedoe: no eiiiiiii dag! wie gohts dr so? dis strüssli für morn gfallt mir aso sehr guet, zum glück hesch au en zahlbare florist gfunde!
uii das mit em muufesuuse kenni au… s isch halt scho e grossi entscheidig, i dänk halt wenns so konkret isch das meh hürotet macht meh sich viil meh die "mit ihm will ich mis ganze läbe teile"-gedanke. aber das isch doch au guet, wil wenn mir de jo gseit hän simer drfür 100% sicher, wil mir gnueg drübr nochdängt hän
huuuhhh das mit däre wo dir d sache vo de homepage 1:1 kopiert het isch jo s letschte!! goht gaaaaaar nid! bi au dr meinig das mir es forum sin zum enand hälfe, aber persönligi texte eifach klaue?? ka si nid mol sälber in wort fasse was si für ihre "schatz" empfindet? de söt si sichs vilicht gschieder nomol übrlege…
wünsch dir und dim gg uf jedefall morn e wuuuuuunderschöne valentinsdag! bi gspannt was z brichte wirsch ha!

daenu: jöö so siess mit de bluemekind! bi aso gspannt was ihr gshoppt händ

lilian: so schöni bänder bisch so scho go anehebe im lade? ich ha in london es band in ivory kauft mitere blueme.. probier no es föteli azhänge.. find die bänder halt eifach scho toll
gratulier den no zum standesamt termin

principessa: schön seit euch euri pianistin so zue so muesses doch si! wie het dini tante uf d absag reagiert?
dänk au isch die richtig entscheidig d frisur noime mache loh wo du dich wohl fühlsch! und 12.- go vrlange ohni vorhär abgsproche ha goht gar nid!
löhn ihr d torte nid vom montana mache?
dörfi das excel ächtsch au ha?? i schick dr e pn mit minere mail-adi.
viil spass am samstig bi eurem Hochzyts-OK brunch!

claudilein: danke den no für d pn mit de iladig! gfallt mir sehr guet
duet mir leid heshc du mit dinere beste sones theater miesse mitmache! hoff es klärt sich no vor de hochzyt däng aber au das si wohl a dir ihri wuet übr ihri ungsundi beziehig usgloh het. find das goht gar nid! jetzt hani grad no gläse das si dich im resti no agschraue het und was si susch no gseit het.. aso ich will dir nid z noch trätte aber brucht meh sone fründin? ich finds mega mies vo ihre euch so fertig zmache wenss offesichtlich isch das si problem hän und nid ihr.. die ganz gschicht duet mir grad sehr leid für di. hoff du kasch die schlächti energie in positivi für d hochzyt umwandle

broncos: cool schribsch du jetzt au do im thread mit
toll wirkt bi dir das l-lysin.. i ha das au mol gno und ha den grad eini becho.. ich fang de so 1.5 monet vor de hochzyt mit de Valaciclovir vo Spirig ah. das sin tablette mit wirkstoff din wo herpesvire dien hemme. anschiinend wen die e jooor lang dure nimmsch kas sogar si das niemeh kriegsch, wils virus sich so zrugg zieht im körper. i ha ebe au oft mol so tönder dinger biko, dorum het mir mi huutarzt die tablette mol gäh und au gseit i könnt mol sone kur mache mit däne wenni se z oft übrkum. jetzt hani aber bis vor 2 wuche für über es joor rueh ka! *holz alänge* hoff das blibt jetzt nomol es joor mind ruhig
d jasskarte idee findi imfall e super idee! ha glaub uf etsy oder so mol personalisierti jasskartene gseh! vorallem isch das au öbis wo mr nochär sicher ka bruche!

littlefoot: wow dini truhe gfallt mir mega! i hät jo au gärn so öbis, wo ich das aber den mol am gg erklärt ha het är mi nur schräg agluegt hihi, has sit den nüm probiert.
mir gfalle imfall d skurar töpfli super! ich bi mir eifach nid sicher ob nur hortensie sie richtige blueme für dört dri sin. ich würd hortensie mit ere grösse blueme mische, z.b ei, zwei rose und drum ume hortensie.

Zuletzt bearbeitet am 13.02.14 17:55