me: sooo ez folgt mi ego post. bi uns sin e paar sache glofe mi gg het scho letscht wuche ferie ka und für e druckerei für s iladige gluegt, jetzt sin si scho im druck und morn könne mir si go hole sin jo pocketfolds, hän jetzt eifach mol s hauptkärtli loh drucke und d bilage wän mir sälber mache. letschte samstig hämir den no unser hochzyts-ok iglade bi uns, mini zwei tz's hän nämli em gg si tz noni kennt. isch super gsi! ha au allne so e chlises notitzbiechli kauft und em gg si tz het alles ufgschriebe den sin mini 2 ladies unter zugzwang ko und hän au afoh ufschriebe hihihi isch so lustig gsi. uf jedefall bini sicher die 3 mache das super! au mim gg si tz wo ich jo zerst chli schiss ka ha.. är mir de nämli no gseit das mi gg ihm gseit het das är mega viil mues organisiere usw. aber eso wie mirs uns vorstelle sigi jo voll easy isch mir scho e stei vom härze keit das si sich alli guet vrtrage hän und mir alli öpe glichi vorstellige hän. bi sicher das si das suuuuper mache wärde! am suntig simer de no adr hochzytsmäss z basel gsi und vorallem wäge ring gluegt und au gfunde *freu* mi gg het e sehr e schlichte welle und ich ha zerst viil steinli welle, sin de bi rhomberg gsi und dört het uns keine so wirkli übrzügt plus hani gmerkt das mir die nid voll besetzte besser gfalle. hän de bimene stand usem dütsche nach gfühlte 100 ring aprobiere unseri ring gfunde! i häng mol es föteli ah mine wird eifach statt gälbgold wiisgold und mi gg wot sine poliert. gravur hämir jewils de fingerabdruck vom andere plus s datum. den simer die letschte 3 dag in london gsi. mi hän dure gshoppt hihi! mi gg isch de besti gsi, het alles mitgmacht nüd gjammeret bests gschänk ever gsi ich ha mir mini schueh kauft, ei paar für am dag und de flachi zum wächlse. eiegtli hani jo farbigi welle, aber ha nüd gfunde in unsere farbe, und die hani super gfunde. die hoche sin au relativ billig gsi (35£) und das obwohl ich se imene bruutmode gschäft kauft ha. dört hani den no e mega tolle gürtel gseh mitere blueme für ans kleid. weiss zwar nid obs an mis kleid de passe wird, hanen aber eifach mol kauft susch vrkaufi en de halt... mi gg het für sich au grad no schueh gfunde! ich find se mega cool mit de blaue schuehbändel hihi! er het mir vrote das är gärn e dunkelblaue azug möchti. wens nid passt hät är susch au schwarzi bändel. und au deko züg hani gfunde sin in john lewis inne und es het 3 tisch voll mit hochzytsdeko ka ha rächt viil züg für d candybar kauft und es mr&mrs härz (siehe bild) und susch no paar deko kleinigkeite. zum schluss simer no in m&m's world. hän dört unseri m&m's kauft hän si grad personalisiere loh (meh ka das aso doch grad im gschäft mache) jetzt hämir in pertol, violett und wiis m&ms mit unsere näme, "just married" und härzli druf hüt morge hämir no e termin ka im showroom vo energy of events. isch mega guet gsi, s isch jo e dekorateurin… si het uns vrschiedeni ordner mit bilder vo hochzyte zeigt wo si scho usgstattet hän und isch mit uns dure gange was mir so wän etc und wie sis mache. jetzt schickt si mir e ufstellig das mir so in etwa wüsse wie's priislich usseh ka und macht sogar variante guet und schlächt wätter wil mir jo den nid s gliche brüchte. mir sin mega übrzügt gsi vo ihre, het e mega sympathische idruck hinder loh. mi gg ka sich jetzt au viil besser vorstelle was ich immer mein mit dr deko, het ächt gholfe. und si het au gseit das meh für kleins budget schöni sache ka mache *jupi* däng aso das mir si worschinlig bueche
huuch das isch jetzt viil worde! seh au grad dasi scho 1.5h am schriebe bi hihi.
claudilein: oje du armi. isch irgendwie schone schregi story das. wie ich immer säge, bi hochzite und geburte gseht me wie d fründschafte stönd. mir hend au so komischi womer s gfühl hend die mögeds eus nid gönne (hend selber nur standesamtlich, schwanger ghürate, sind glich lang zäme wie mier und s erste chind isch zwei wuchä jünger als euse sohn)..sie wett ja gern no chirchlich im tessin usw...ob er das wett...weissi nid. und da mir solang gwartet händ zum würkli das fescht z ha womer wänd, und halt zerst zwei chind gha hend usw...und der ander kolleg isch au chli komisch. er het im 2013 ghürate und nachdem isch er mal zu ois cho und voller euphorie verzellt das mönder unbedingt mache, s git gnueg lüt wo wend helfe usw...er het sich det glaub au chli abote...etz wo d iladig use isch..nada. irgendwenn wird sich dini fründin scho besinne...leider chas denn z spat si. nur wenn scho denksch dass du dir jetzt richtig gedanke machsch über die fründschaft.
nala: heeey ha paar mal denkt wod echt blibsch :) das tönt ja hammer de london trip *wettaugrad*. die ballerinas sind gnau wasi suech...aso eigetli wetti glitzerigi (ganz) aber das findsch nid usser i de usa und de zahlsch eifach vill. würsch mer ächt de lade per PN schicke und nomal es foti vo dene ? mini TZ gaht ebe au gli uf london hey mi GG wett au en dunkelkblaue azug :) so guet hender etz die personalisierte m&ms etz darfsch de dini farbe nüm ändere gäll :) aso mir sind die skurar usgfahre irgendwie nid so wie ich mir das vorgstellt ha mitem band usw..und au prislich, das ruiniert mi mit 4 hortensie plus no rose pro tisch ! etz hani grad es neus konzept. bi im altglas bi mir (zum glück bini alog so fuul) scho go confi & sugo gläser go usehole, ha immer die gliche. und grad no nachberinne und mum&sis ufgforderet die z sammle :) zwei verschiedenigi juteband mit spitze hani scho bi etsy bstellt, mit no juteband, für 33.- aso wenn ich die vase sammle chumi denn zimli günstig. vor allem mit schleierchrut und einzelne hortensie chunts guet :) du weg de truhe...wetsch si gern uslehne ? ich mein du häratisch ja nach mir und de no bi mir dehei...chasch sie ja denn glich anders dekoriere.
janedoe: ok merci de wirdis mit siedepapier probiere  mann ärgerlich wegem cake topper…ich ha bis etz nie problem gha mit de verständigung zum glück. Haha di GG isch ja de geilscht  wow moooorn ! falls no ineluegsch :
ganz en wunderbare tag wünsch ich eu morn ! alles liebi ! broncos: danke  aber ebe das graue wird no ustuscht in jute und irgendwas musi no mache mit dem herz. Hey lässig mit de gaschtgschänk .) Wer macht das überhaupt no so ?
Laprincipessa: er isch 6 ½  Sue: ou mann sone doofi echt. Die wett wohl eifach nid, mi GG würd etz sofort grad öper anders ne, nur scho weg dem. Er seit immer, wenn sie nid wend, hend sie gha 
Lilian: jep, aso d truhe hani uf ricardo ersteigert (ha doch sones züg gha demit, d adresse nid gänderet gha, denn hani nomal sperrguet müesse zahle 29.-, de hanis nid grad dehei gha, de zweiti zuestllig bi d eposcht verlangt, gnau uf de tag woni dihei bin und nöd schaffe…de isch sie glich en tag spöter cho und am schluss het sie min GG müese vo de stadt hei träge voll de stutz duruf ). Und ebe s graue wird no ersetzt dur jute.. .) Ou bin gspannt wenn de im lade gsi bisch  finde ja dis chleid eifach en traum 
Me: ja ich und mini änderige  has glaub mal im forum erwähnt gha dasi immer chli wechsel han i dem womer gfallt. Was voreme jahr gsi isch isch etz wieder andersch .) Sogar min brutstruss magi nüm so aluege. Etz hani glich ganz en andere, wo denn au zu de tischdeko passt. Hortensie, schleierchrut und rose und gerberas. Herrlich 
@principessa Freue mi uf dTabelle, danke villmal. Zu disere fallt mer gar nüt meh i..
@Sue Irgendwie tueds eifach guet, das au anderi sich die Gedanke mached, mache mier aso inzwüsche wider gar kei Sorge meh. Hey isch ja mega doof wege dere Frau vom Catering. Da hetti aso au es mega schlechts Gfühl und würd die glaub au gar nümm bueche. Wo mier d Caterer agfragt hend hed eine mega d’Offerte vertuuscht und Sache offeriert wos eus telefonisch gseit hend das segi nöd möglich.. Ha dene denn au gad gschribe, das mer sie ned bueched. Aso die sind doch selber schuld wenns ihri Arbeit so schludrig möched..
@lil.lian Ja, mit de Muster chasch ja guet go luege und es wärded eh alli mega schön usgseh denki.
@nala Mier gahts guuuet, vor es paar Stunde bini plötzli voll nervös worde, jetzt aber wider mega ruhig und entspannt :) Disi wo alles kopiert hed isch irgendwie dErwähnig gar ned wert. Sie hed ihre Account ez glöscht und en neue erstellt. Janu du. Wie d littlefoot gseit hed: Sie muess sich ja schlecht fühle :) Wooow d Schueh sind ja de hammer! Wo bisch gsi? Ez schissts mi gad a das ich zLondon nüüüüt fürs Hochziit gshoppet ha! Mega tolli Sache hesch kauft. M&Ms hettemer au welle aber ned bstellt wegem Porto. Ohmann, s wär mer nie i Sinn cho :/ Voooooll cool bisch so fündig worde und au, dass din GG so geduldig mitgmacht hed. Tolle Maa hehe Hey wenn d Offerte vo EoE hesch, würdsch mer denn chli brichte? Es tönt mega guet und bi eus staht ja no de Termin bi kateswedding a… Denn hetti chli en Vergliich vielleicht :)
@littlefoot Es isch mini erst etsy Bstellig gsi… Und hanem denn ebe grad gschriebe. Leider meldet er sich ez gar nümme obwohl ich ez scho zweimal gschriebe ha. Voll doof. De schwarz nehmemer ez eifach als Tüürschild, findemer ganz luschtig so, stönd ja eifach eusi Näme und die Spitzli womers i Torte inesteckt schniidemer eifach ab Ich verstah di voooooll, wege de Meinig ändere. S isch bi mier au ständig so und bi aaaallem… Ha letscht mal Bilder vo Bruutchleider gfunde woni voreme Jahr usdruckt ha und weiss ned was mit gritte hed, echt…
@me Ich bin deheime am warte. GG holt gad sis Mami am Flughafe ab. Han am Nami frei gha und bin denn plötzli vo einere Minute uf die ander mega nervös worde. Denn bini vor luuter Ufregig go eusi Ring fürehole, ha mine agleit und so schnell wie d Nervosität cho isch, isch sie au wider weg gsi. Ha denn denkt dasi mal chli vorschlafe, fallsi hüt Nacht nöd cha und bi de voll in Tiefschlaf gfalle :) Danke eu allne für die liebe Wünsch für morn und ich freu mi, eu denn usfüehrlich z brichte wies gsi isch :)
Wünsche eu en wunderschöne Valentinstag mit eune Liebschte was hender vor?
Shopping mit Bluememaitli: Juhuuu, mir hend was gfunde Mir sind in C&A und hend es mega härzigs Kleidli gfunde (Foto vode Homepage) würkli sooooo schön. Müends eu eifach amene chlinere, wunderhübsche Maitli vorstelle. Sie het soooo Freud gha und ich han ihre das Kleid soooo gern gschenkt! Ich het nie denkt dass mir im C&A so es tolls Kleidli findet. Und es gseht in echt sehr hochwertig us und nöd so churz wie ufem Bild.
Malinchen: HAHA, ja isch guet!! Wird gemacht (wenn’s so wär…)
Pfingstrose: Ich chan dir Avène seeeehr empfehle. Das isch au e Marke wo de Huutarzt empfiehlt. Es isch mit Eau Thermale – super für dHuut und alles hyperallergen! Namensliste hani glaubs eifach will mir beidi Lehrer sind und drum simmer halt immer um Chinde ume…ich han ja 4-6 jährigi und drum bini immer ufem Laufende, was di neuste Trendnäme anbelangt. Und klar wett mer denn nöd en Name wo jede het…und me verbindet ja au oft de Name miteme Chind – es wird mal schwieriiiiiig !!!!
Claudi: Wow, du machsch ja grad chli eine mit…dini Fründin isch wohl grad chli amene Wendepunkt i ihrem Lebe, und etz bisch du, ihri Fründin, grad so glücklich, hürotisch, plansch Zuekunft. Ich glaub das isch au es Stuck wiet Frustration wo da usecho isch. Du hesch sie so unterstützt und ihre de Rugge gstärcht und dis Beschte geh. Du hesch nix falsch gmacht…du hesch sie welle schütze! Ich glaub ihri Reaktion isch nöd geg dich grichtet, oder geg dis Hochzit – wahrschindli eher eifach Wuet über ihri eigeti Situation! Echt schad
Azug GG: er het en im Januar usgsuecht und am 15.02. channer de Azug go hole. Er het grad alles dete kauft: Schueh, Azug, Gilet (ich find das sexy), Schlips, Hemd, Gürtel, Manschettechnöpf, sogar Socke! Aaaaaaalles zämä (mit Änderige) het 1800.- kostet im Davids Mode Kreuzlingen (isch no recht berüehmt für Festtagsmode für Männer). Grad zerscht hends ihn gfraget was mis Kleid füre Farb het (wegem Hemd) und denn grad was ich für e Haarfarb han – sie hend denn ganz es dunkels bruun gwählt. Meh weissi nöd, hanen nöd gseh!
Littlefoot: woooooow sooooo e geiiiili Trueh!!!
Janedoe: oder 95% ?!? In Dütschland treit mer rechts…ide Schwiz links. Aber hey, trägen doch wo du wetsch! Suuuper, dass din GG das het chönne regle mitem TZ. Yay ! Wieviel Stunde sinds no???? Fiebere voll mit dir mit!!!
Sue: Ui nai, het sie’s vergesse? Het sich’s klärt?
Fara: Ich wünsch eu morn en wuuuuuunderschöne Tag!
@littlefoot: ah so guet, denn würdi denn au namal im migros go luege! Wirsch nur d Tischdeko mit Hortensie mache odr au din Struus?
@Broncos: iich han dir vergesse s Mousse schicke vom Rezept, wird morn grad nahgholt :D!! oh dini idee mit de gastgschänkli tönd ja super, was het din GG gmeint dezue?
@janedoe: haha isch ja voll schräg mitem TZ vo dim GG, däbii ischer doch am Afang so guet gsi :D hoff das regled sich und er gseht ii, dasser doch gar kei Begleitperson muen mitneh, willer denn ee kei Ziit het! Viellicht beruhigts ihn denn au wenner ihm säged, dasser bi eu chan hocke am Abig? Hetter echt s Gfühl er isch suscht alleige? Oh so blöd wägem striit, aber guet hender eu schnell wieder gfunde :) mir zoffed eus all paar mönet mal richtig richtig und denn isch wieder guet :D und ich glaub das mit de zwiefel het jede emal, aber s wichtige isch doch das die bald wieder verschwindet und dassmer grundsätzlich weiss mer ghört zäme! Und das isch doch bi eus allne so :)
@lil.lian: ja mir verschiebed euses zivile ez doch nöd, GG wot nöd :( isch ja scho okey und ich weiss au nöd warum ich plötzlich so en stress han aber mal luege.. :) am 20. März chömer denn endlich verbii uf de gmeind und denn hoffi, dassmer wenigstens euse 20. Juni na bechömed. Oder sellis nöd hoffe, damit mer doch früehner chönd hürate :p? hehe. Ja mir hend eus das au überleid gha, obmer d band und de DJ wetted, hend eus denn aber bald degege entschiede. Mir hend eifach denkt es wär denn zkompliziert will denn d band evt. na am spiele isch aber de DJ sött au ufstelle, und denn wärs uu tüür gsi und vorallem findi wäred em esse en DJ besser, will e Band chan ja fascht nöd liislig spiele und denn ischs au fascht schad. Und meistens beachtisch d Musig wäre dem Esse ja nöd gross. Und wenners suscht umgekehrt mached, de DJ vorher und d Band nachher? Jöö mega schön das Kleidli fürd Bluememeitli!
@Fara: gratuliere zu euem Tag am FR und wünsche dir ez scho en suuuper unvergessliche Tag!! Denk a dich wenni am FR det dure fahr ;) Wenn hender scho wieder s grosse Fescht? Hesch denn d OP zwüschedine? Wünschder uf jede Fall wiiterhin viel viel Chraft und Durchaltevermöge! Keis Problem wegem sms, han ja e denkt es liit a mim Natel :p
@Maeva: dankee für dini PN, find d iiladigskarte uu schön!! Und d Website isch au sehr glunge und mal ganz anderscht :)
@laprincipessa: dankee :)! Hm also ich glaub 10 stund müender imfall scho iirechne :D oder was wender füren tanz mache? Also mir gönd ja ez regelmässig in kurs und fühled eus na laang nöd so wiit zum vortanze :D oh ja denn isch besser wennd ihre abgseid hesch wäg de frisur! Chaschmer die excel-liste auna schicke? @sasileu: ooh bi weddingcake hanis au zerscht welle mache aber sind chli wiit weg, finde die torte dete sooo schön und iifallsriich :)
@sue: hey din plan für morn und am SA tönd ja super, wünschder viiiel spass und erfolg :)!! Isch ja mega schräg mit dere frau vom catering, het sie sich namal gmolde und erklärt was los gsi isch?
@claudilein: ou nei tuetmer leid was gloffe isch mit dinere fründin! Finds guet lahsches dir nöd vermiise und wartisch ab was passiert. Es tönd ja würklich so, als ob sies dir nöd würd möge gönne und iiversüchtig isch, also mach dir ja kein chopf, wenn sie so wot tue und nöd chunt denn sell sies e besser lah als denn mit sonere stimmig z cho..
@Pfingstrose: Also min GG het schiins en richtige HZ Azug mit allem drum und dra wo chli länger isch und schiins seehr speziell, chanmers nanig so vorstelle :D Es Gilet hetter au und ich find das ebe uuu schön amigs :) Kosted hetter glaub 2000.- haha meh als mis Kleid
@nala: wow bi eu isch ja au einiges gloffe :)dini schueh gfallemer meega guet :)!! Und isch ja mega hends d m&ms grad chöne drucke lah :)! So kul mit de dekorateurin, so eini hetti au gern :p was heisst denn für sie es klises budget, was zahleder so ungefähr?
@me: soo mich hets ja na volll is bett gleit letscht wuche, bin vo FR bis MO mit gripp im bett gläge und han nüüd gmacht ussert schlafe :) und usgrechnet das wäred na mini freie täg gsi, hans wiedermal super pland :p defür hani am DI nachli öppis chöne mache, mer hend ez eendlich de def. sitzplan erstellt und sind sogar beidi zfriede :) denn hani na d parkplätz reserviere lah bi eusere location und han en def. budgetplan erstellt eifach fürs ässe und trinke am abig, finds aber u schwierig zum s trinke iiplane, vorallem dä wii. Denn hemer na über d torte gred und min GG wot ez würklich die riiiesig torte mitem springbrunne, also gits die ;) han ez agfröget wägeme termin zum probiere und bespreche und hoff mir chönd bald gha :). Wassmer ez unbedingt mal na sötted mache sind eusi lieder usesueche und zämeschniide für euse tanz und eus mal chli richtig gedanke mache wäge de Deko und de Gastgschenkli.. hoff ich han am weekend chli ziit.. Deennn hani gester e riiiese lohnerhöchig becho, han soo froid gha :p endlich hend sich mini 10-11h arbeitstäg mal glohnt ;) ez freui mi uf de samstig, endlich mal wieder zum coiffeur und am abig ladi min GG ii zum ässe imene suuper resti und denn gömmer is kino :)
Und ez ischs wieder so spaht dassi u han müesse stresse mit schriebe und nüme zu allem cho bin :p
Wünsch de Janedoe und de Fara morn uf jede Fall en suuuuuuuuper schöne Tag ufem Zivilstandesamt :) !!! Gnüsseds und mer sind gspanne uf de Bricht :)
@Venedig: Isch wunderwunderschön und troumhaft gsi, es richtig romantisches Weekend und GG het soooo Fröid gha! So churzi Uszite tüe u guet.
@malinchen: I bi ja sozsäge d Blasenentzündigsexpertin (owboui sit der Impfig im Novämber nüt meh ha gha, jupiiiii...) und ig has leider immer sehr guet gspürt, weni eini ha gha. Aber i ha das ou scho ghört, mis Mami het das gloub o mau so gha dasses dr Frouearzt het gmerkt und sie nid, aber sie het de eifach Preiselbeersaft müesse trinke, gloub ke Antibiotika näh. Auerdings we du seisch du heigsch Chrämpf im Ungerlieb, cha das natürlech scho d Blase si, i ha viu Buchweh gha bi Blaseentzündige u nid nur bim Wasser lah. Hesches itz gnoh oder nid?
@Sue: Das macht würklech gar ke guete Idruck vo der Catering-Frou. Het sie sech inzwüsche gmäudet? I wünsche dir es super Brutchleidershopping-Weekend und Erfoug bim finde vo dim Troumchleid!
@Claudilein: Oje, sehr e trurigi Gschicht mit dire Beste. Du hesch nur ds Beste wöue für sie und itz isches glich nid guet. I dänke i dere Situation wo sie isch, gseht sie sech äuä itz generell chli as Opfer und het vielech zGfüu, sie heig die ganzi Wäut gäge sich. Aber dass sie ihre Fruschti und ihri Enttüschig über ihri eigeti Beziehig so uf di richtet, isch nid fair. I würd ou am beste gad chi warte und d Situation la beruhige. Sie wird mit däm Ma uf ke Fau glücklech, aber es isch nid eifach, öperem da drus usezhäufe.
@Janedoe und Fara: Vielech gseht dir das nümm, aber i wünsche euch morn e troumhafte, schöne, romantische Tag und ganz e schöni Zivilzeremonie! Bi scho uuuu gspannt, Brichte vo euch zghöre und dänke morn ganz fescht a euch!
@Nala: mega cooli Ichöif heiter da gmacht! Da schint sech ja ächt zlohne sone Usflug uf London
@me: Ha itz sicher ganz viu vergässe, sit mer nid bös. Aber mues itz no paar Egosache poste Bi üs tuet sech im Momänt gad Einiges und i ha langsam wieder zGfüu, es geit vorwärts.
1. si mini rote Schueh gester acho (i ha scho nümm dra gloubt, DHL het sech wieder mau schwär ta mit zuesteue )! Sie si genauso schön wieni mer se ha vorgsteut und sie passe guet. Aber wüus Peeptoes si und ig nid die zierlechste Füess ha, hani glich chli Angscht dass sie evtl. chönnte drücke nachme Tag... itz wotti se eifach fliessig iloufe und mi mit so Pöusterli / Druckpflaster usstatte. Vor Absatzhöchi si sie perfekt und zum Chleid passe sie gloub ou super. Itz sötti de gli e Termin abmache, zum ds Chleid ga abstecke vor Lengi.
De simer fliessig a de Iladige bzw. mi Brüetsch zeichnet üs es Logo, wo de uf d Iladige chunnt. Er isch mega dr Künstler und waser bis jetz het skizziert, gseht Hammer us. Bis Ändi Februar wette mir se fertig ha und so wies usgseht, simer guet im Zitplan.
Am Zisti heimer de no das Träffe mit dr Konditorin für d Cupcakesturte, da bini ou mega gspannt. Het ämu sehr sympathisch tönt per email.
De hani mau no e Afrag gstartet uf plan-dein-fest.ch für Musig und 2 Agebot becho, aber bim einte gfaut mer d Stimm vom Sänger nid (het e mega Schwizer Akzänt im Änglisch u das hani gar nid gärn ). Ds 2. Agebot wär sone Swing-Jazz-Band mit Sax und Piano wo no rächt cool tönt und vor auem e guete Priis macht, aber das gsächi eher nur für bim Apéro und nid ir Chile... Ha itz aber no es paar witeri Kontäkt versproche becho und wottmer nächst Wuche mau Zit näh, die aui i Rueh azluege/-lose.
Morn schicke mir ds Gsuech für d Ziviltrouig ab und de hoffi, dassmer gli e Termin fürnes Gspräch bechöme. GG sis Mami het usserdäm e wunderbari Idee gha für ds Apéro nach dr Ziviltrouig. Mir chöi dert ds Schiff näh vo Murte zum Vully übere u dert kenne sie e Wychäuer wo u schön ide Räbbärge gläge isch u für ds Apéro frage mer e ehemalige Schukolleg vom GG, wo z Murte e Chäserei het, dä chönnt dert ds Catering mache. I gloub das wird ganz schön.
Und de heimer vorgester no die absoluti Troumnachricht becho: GGs Mami het sini Gotte agfragt, wo in Sambia sone Safari Lodge het, für üsi Flitterwuche. U de isch d Antwort zrüggcho: ja sie heige no Platz für üs ab Mitti Septämber e Wuche, mir sigi iglade inkl. Vollpension und Safaris Mir hätte das niemaus erwartet!!! Itz heimer gad Ferie igäh für 2 Wuche und müesse üs de nume mau no ume Flug tue und es Hotel bi de Victoria Falls. Soooo dr Hammer! Itz wüsse mer irgendwie bau nümm so, was mir üs no söue wünsche...? Das macht nämlech üsi Flittis extrem viu biuiger.
So, i sött langsam iz Bett, morn Abe gömer no ines Skiweekend z'zwöufte höch Freue mi mega, obwou ja d Temperature eher früehligshaft wärde...
Guete Moorge mitenand. Juhuu zum Glück isch Friitig hüt
Broncos Ja d'Idee isch no lässig mit de Jasscharte!! Passd würkli voll!! Genau sie verteiled doch für d'Chind amigs so Sache.. Oder au chlini Plüsch-Flugis . Was hät de GG dezue gmeint?
Nala05 Nei ich bin nonig gsi wege de Bänder.. Woow da isch ja würkli no einiges gloffe bi dier.. Das mit de TZ dönd schön. Guet wenn sie sich verstönd :) Und de London-Trip dönt au super. Wür am liebeste au grad nomol gah . Han leider nix für s'Hochziit kauft gha.. Dini flache Schueh wo kauft häsch, gfallemer au sehr guet.. Sind hübsch .
Littlefoot Ah ja irgendwie chunt mer die Gschicht mit de Truhe bekannt vor . Joah ich söt würkli mal verbi gah.. vilicht mal nächst Wuche, den söti nämli gad mal i de Nächi si.. Ich wierd brichte .
Janedoe Und häsch guet gschlafe? .. Wünsche dier und am GG en wuuuunderschöööne Tag!! Gnüss de Tag hüt!! Mier möched hüt nüt speziells. De GG find de Tag e chli doof. Najaaaa ich han em es paar Mal erwähnt wege Blueme, vilicht bechumi ja was . I däm Zämähang isch mer jez au no grad öbis lustigs passiert. Er hät letzti so alls Witz gseit ich han der grad da de Sunneufgang organisiert (chunt vom Bachelor) und den han em hüt morge no gschriebe, chasch mer ja de Sunneufgang organisiere oder Blueme bringe. Und jeze häts bi eus gad chli Morgerot gha und han ihm es Föteli gschickt und idem Moment hät er mier gschriebe jez muesch luege richtig Berge.. hihi euses Timing..
Daenu16 Ah so schöööön mit em Chleid . Voll härzig..
Pricana Ja den druck ich eu ganz fest de Dumme, dass es klapped mit em Datum und dass iher den am 20. Juni chönd hürate.. Ja ich han mal e Offerte becho, aber sisch recht tür, will er den vorher scho müssti ufstelle.. Han jeze aber au nüme gantwortet oder so. Ich fänds ebe no lässig, wenn wärend em Esse so chli chillige Sound wür laufe und das hani ebe scho ghört vo de Bänd und hät guet dönt. Ich muens glaub nomol würkli aluege mit em GG :-/ Ich tendiere aber eher zu de Band und er au.. Und vom Priis hät er vo de Band gseit (de einti isch en Arbetskolleg vom GG) er hät nur ein Priis. Defür würdeds bis open End spille.. Aso chöntemer nöd weniger verlange, wemer no en DJ hetet.. Ohjeee das isch würkli gemein, wenn am Wuchenend no chrank bisch :-/ Gratuliere für d'Lohnerhöchig!!
Taeboyana Ah so lässig mit de Schueh.. Jez chasch würkli verbi gah wegem Chleid. :) Voll de hammer mit de Flitterwuche!! Mega kuuuuhl…
Fara Eu wünschi au no ganz en schöööne Tag!! Gnüssed eui Hochziit!!
nala: Ou, das bhalt mer demfall mal im Hinderchopf. Fallsi trotz Lysin wider mal Fieberblattere bechume, probieri den das us. Naja, min GG isch leider ned so begeisteret vode Jasscharte wien ichs bin. Aber er gseht de Sinn vomene Gastgschenk sowiso ned, vo dem her, hanis mit jedere Idee schwer. Mal luege... Wow, das isch jetzt aber rassig gange mit de Iladigscharte. Gits Föteli devo? *gwunder* So lässig mit de TZ, git grad es richitg guets gfühlt für d hochzyt, oder? D Ring findi au u schön, ich liebs, wenns schlicht sind, finds eifach irgendwie passender, wills mer ja immer ahet. Uund London tönt ja mega lässig. Ouu blaui Schuehbändel, da chumi grad Schüb über Min GG het fürs zivile letscht Jahr blaui Schuehbändel welle, will er es blaus Hemd, Krawatte und Poschettli gha hed und ich han glaub jedes einzelne Gschäft in Züri abklappered und s ganze Internet abgsuecht und eifach keini ide richitige Farb gfunde Naja, er het den defür blaui Socke agleit, het au cool usgseh. Vor allem wil de TZ ohni irgendwelchi absprach au Socke ide Farb vode Krawatte agha het
daenu: Oh wow, das Chleidli isch ja zuckersüess
Pricana: Keis Problem weg em Rezept, chum im Moment sowiso ned dezue s mal uszprobiere ... Naja min GG isch ned so begesiteret vode Jasscharte, aber er gseht de Sinn vo Gaschtgschenk sowiso ned, mal luege... So lässig hender de Sitzplan scho, vor dem grauts mer no, aber mir warted jetzt mal ab bis d Ameldefrist ablauft und den müemer üs dem wohl oder übel au stelle. Gratuliere zude Lohnerhöchig, das hesch der also würklich verdient mit soooo viel schaffe. Und ganz viil Spass morn, gnüsseds.
Teaboyana: Schön henders lässig gha in Venedig ... Mir sind nach de Ziviltrauig letscht Jahr au mit em Schiff zude Aperolocation gfahre isch also sehr guet acho bide Gäst und het au no grad es paar schöni Föteli gä Wow und das mit Sambia isch ja de absoluti Hammer!! Freut mi mega für üch Viel Spass am Skiweekend, mir gönd, wenns Wetter schön isch am Sunntig uf e Skitour
lil.lian: Naja, er isch ned so begeisteret. Aber er gseht de Sinn vo Gastgschenk sowiso ned, vo dem her, mal luege... Jööö so süess mit üchem Sunneufgang
Janedoe und Fara: Gnüssed üche Tag... Bin den scho gspannt, was er so z Brichte hend
und allne andere wunderschöne Valentinstag, mir möched nüt speziells. Aber han grad gmerkt, das mir scho sit 8 Mönet zivil ghürate sind und demfall i genau 4 Mönet die chirchlich Hochzyt isch (haha, ich vermiss da inne, das smile wos im whatsapp het wod auge so richtig ufrisst )
Anmelden
mi gg het scho letscht wuche ferie ka und für e druckerei für s iladige gluegt, jetzt sin si scho im druck und morn könne mir si go hole 
sin jo pocketfolds, hän jetzt eifach mol s hauptkärtli loh drucke und d bilage wän mir sälber mache.
isch mir scho e stei vom härze keit das si sich alli guet vrtrage hän und mir alli öpe glichi vorstellige hän. bi sicher das si das suuuuper mache wärde! 
ha rächt viil züg für d candybar kauft und es mr&mrs härz (siehe bild) und susch no paar deko kleinigkeite.
irgendwenn wird sich dini fründin scho besinne...leider chas denn z spat si. nur wenn scho denksch dass du dir jetzt richtig gedanke machsch über die fründschaft.
irgendwie nid so wie ich mir das vorgstellt ha mitem band usw..und au prislich, das ruiniert mi mit 4 hortensie plus no rose pro tisch ! 
(owboui sit der Impfig im Novämber nüt meh ha gha, jupiiiii...) und ig has leider immer sehr guet gspürt, weni eini ha gha. Aber i ha das ou scho ghört, mis Mami het das gloub o mau so gha dasses dr Frouearzt het gmerkt und sie nid, aber sie het de eifach Preiselbeersaft müesse trinke, gloub ke Antibiotika näh. Auerdings we du seisch du heigsch Chrämpf im Ungerlieb, cha das natürlech scho d Blase si, i ha viu Buchweh gha bi Blaseentzündige u nid nur bim Wasser lah. Hesches itz gnoh oder nid?
Mir hätte das niemaus erwartet!!! Itz heimer gad Ferie igäh für 2 Wuche und müesse üs de nume mau no ume Flug tue und es Hotel bi de Victoria Falls. Soooo dr Hammer! Itz wüsse mer irgendwie bau nümm so, was mir üs no söue wünsche...? Das macht nämlech üsi Flittis extrem viu biuiger.
Naja, er het den defür blaui Socke agleit, het au cool usgseh. Vor allem wil de TZ ohni irgendwelchi absprach au Socke ide Farb vode Krawatte agha het