@Fara und Janedoe: I wünsche öich hüt ä meeeega schönä Tag!!! Gniesset dä Moment!!!

@sue: oh nei, das verstahni wägä derä vom Catering. Da wäri ou sauer... V.a. sone Termin sött me ächt nid vergässe, hüt hetmä ja würklech gnue Möglichkeite sich das ufzschribe, erinnerige z erstelle etc.! Das würkt eifach total unprofessionell und für sone Event wott me sich halt eifach 100%ig uf die Lüt chönne verlah...

@Broncos: Gratuliere zum 8-Monatige! haha, mega cooli Idee mit de Jasscharte!!! Aaaach, di GG wirsch sicher no chönne überzüge! Die chasch lah personalisiere, i ha scho mal settigi als Wiehnachtsgschänk für Chunde organisiert. Aber i cha dir leider nümme sägä woni die denn bstellt ha...

@nala: Haha, i weis eigetlech o no nid genau für was dasi das Stämpelset de bruche. Aber mir mache ja so Give-away-bags und ha dänkt i chönnt de die drmit bestämpele und so Schildli für ad Trinkhalme oder de bir Candy-Bar d Sache drmit aschribe... Da chunnt mir de sicher irgend öpis i Sinn.

Wow, bi öich isch würklech viel gange! Mega cool öie London Trip und dass ihr süscht no so viel heit chönne erledige! D Ringe gseh mega schön us. Die höche Schueh gfalle mir ou meeeega guet!

@Dänu: hihi, super! Danke scho mal... I ha das ou, dasi Näme immer mitere Person verbinde. Schrecklech... Villecht sötti glich no Chind becho bevor i afoh schaffe, süsch plötzlech hani mal es AK mit üsnä Favorite-Nämä! Das wär ja schrecklech...

@Pricana: wooooow, isch ja dr hammer mit dinerä Lohnerhöchig! Gratulierä!!! Isch doch immer toll z gseh dass me sich nid für nix abrackeret. Wünsche öich de ganz viel Spass am Samstig!

@taeboyana: Das isch ja meeeega cool!!! Es riese Gschänk vo GG's Gotte!!!

@me: Zersch zum unappetitleche Teil: I ha mi när wägä derä Blaseentzündig no binerä Fründin erkundigt wo Ärztin isch. Sie het när gseit, dass es scho müglech sig und dass ds Antibiotika woni ha becho nid so starch sig. I söus näh und när eifach immer ufschribe wenn i Schmärze ha mit Zyt und ob d Blase voll oder läär isch... Jetz machi das mal und luege was passiert.

Denn hani leider ou no chli ne Dämpfer gha: Mini Besti het mir gester Abä aglüte wöu sie mega verzwiiflet isch gsi. I ha hie ja scho mal verzellt gha vor paar Mönet dass sich zwöi vo mine 3 bestä Fründinne usgschlosse füehlä, wöu halt nur mini Besti TZ het chönnä wärde... I ha sie när mitgnoh zum Chleid ussueche und det hei sie so BM-Dress gseh wo ihne mega hei gfalle und de hei sie gseit, sie möchte gärn glich agleit si... Das hani natürlech mega härzig gfunde und ihne das ou gseit. Jetz ischs langsam chli konkreter worde und mir hei ou scho im Whatsapp chatt Bilder ustuuscht u so... När hani aber gfunde, i frage d Fründinne vo de TZ und GG's Schwost (wo ou die ganz Zyt fingt dass sie usgränzt wird) ou no, ob sie ou möchte mithälfe. Wöu wenn mir's scho so im BM-Stil mache, de richtig findi. Und da ghöre die drü eifach klar ou drzue für mi. Jetz si mini 2 Fründinne wieder beleidigt, wöu sie nid die einzige si wo de das Chleid anne hei. I säge öich, i verstah langsam die wo eifach irgendwo uf Hawaii oder weis nid wo göh und det für sich allei hürate! Aber z schlimmste isch no, statt dass sie zu mir wäre cho und das hätte klärt, hei sie mini Besti terrorisiert würum dass das jetz so sig etc. Usserdäm wei die zwöi immer alli Infos wo mir mit de TZ ustusche ou becho, sie hei sogar wöue bimnä Träffe drbi si, wo d TZ unter sich abgmacht hei!!! Mini Besti het de langsam eifach nümme gwüsst wie wehrä und hets mir müessä verzellä wöu sie ou het wöuä wüsse, wie mir das gseh... I ha när ganz klar gseit, dass ig sie nid so starch wott involviere id Planig wie d TZ. Wenn i Hilf bruche de bim Deko bastle oder so, fragi sie de scho sälber a... Eh ja, isch uf jedä Fall es mega Theater! Isch ja härzig, dass sie so engagiert si und wei mithälfe etc. Aber jaaaa... Eifach sich so ufdränge findi ou ni ok.

Jetz no zum Positive: Gester bini bi minerä Coiffeuse gsi. Sie het Mueterschaftsurloub gha und i bi i derä Zyt us Angscht vor somnä Resultat wie d La Mariee het gha eifach nie zunerä andere... Mini Haar si sooo am A.... gsi. Sie schaffet jetz natürlech nümme 100% und drum isch sie nur jedä 2. Samsti im Gschäft. Aber a üsem Tag schaffet sie! I ha när gad ä Termin chönnä abmache fürd Frisur und ä Probetermin afang April. Sie het jetz bim Schniide und Töne ou scho druf gluegt, dass es de guet zu derä Frisur passt woni de möcht... Hach, i liebä die Frou!

Nala: Sorry, han gmeint hans allne gschickt. Ich mach der nachher gad e PN mit de Zündholzschächteli und de Iladig. Was händ ihr den für e Vorstellig vo Ring? Breit, schmal, Gold, Silber, Poliert oder öpsi verspielts? Wo händer scho umeglueged? Jetzt het sich die Frag erübrigt! Hihi! Zerst fertig läse wer vo Vorteil. Haha! Super händer Ring gfunde. Ich han ganz e anderi Vorstellig aber die gfalled mir au sehr guet. Dörfi fröge wie viel ihr zahlt hend? D Sache wo in London kauft hesch sind ja alli mega toll! Gratuliere… Wieder vielles chöne abhacke!

Taeboyana: Mit em Schiff und em Apero tönt würklich ganz schön… Und i de Rebberge! Isch doch en Traum. Bi eus hets eini nebedem Resti und wenns schön isch möchti definitiv dete go föteli mache. WOW und wege de Flitterwuche… Besser gahts ja garnüme!!! Isch je extrem nett und grosszügig!!! Soooo coool!

Malinchen: Oh nei also das Gschiss wege jegliche Sache immer. Isch ächt nervig… Aber guet händer meh oder weniger chöne bisite legge. Finds chli unverschämt. Wiso chan mer sich so uffüähre. Ich würd das nie mache… Schön isch d Coiffeuse genau den ume! Den chasch dich ja i guete Händ schetze!

Pricana: Gratuliere zu de Lohnerhöhig! Isch doch super… Und ja wenn mer so viel schaffed hät mers also sicher verdient. Und fürs Hochziit chasch das ja au super bruche!

Janedoe & Fara: GANZ EN SCHÖNE TAG WÜNSCH ICH EU! ICH FREU MICH SCHO EXTREM UF EUI BRICHT. GNÜSSEDS UND LÖNDS EU GUET GAH!

Azug: Haha, da wird den au no öpis uf eus zuecho. Isch ja mega tür usecho zum Teil. Ich bin den gspanne. Bin eigentlich au für en Dunkelblaue find das wunderschön… Suscht hald schwarz oder antraziht. Brun und beige passt glaub garnöd zum Typ vo mim Schatz.

Me: Ah min Schatz bringt mich momentan au chli uf Palme. Er het eifach d Iladige für sin Teil nonig verschickt, wills er nöd alli Adresse het. Grundsetzlich isches mir ja glich aber uf de Iladige staht s Datum 28. Feb. zum Bscheid ghe. Wer ja scho guet wenns es 2 Wuche vorher gha hetted. Minimum… Aber wiederum dänki mir tja Pech isch mer Wurst. Isch mir weniger wichtig wie das min Teil debie isch. GRRR!!!

@pfingstrose: ou nei, ja da würdi gloub ou langsam hibbelig wärde... Aber finds super, wenn du ihm das eifach so überlahsch. Er isch ja de würkli sälber schuld.

@littlefoot: Ah ja da hesch Glück mit dine Schwöstere! I hät vorhär ou nie dänkt, dass das es Problem wird si... Aber ja, villecht hättis ou zersch mit ihne müessä bespräche. Ha nid drmit grächnet, dass sie mini Entscheidig de so wärte... Bi gloub mängisch chli unsensibel für so Problem.

@Azug: Mi GG het si Azug ou no nid. Er isch im Moment am Termine sueche mit sine TZ und sim Mami... I fänd Gilet ou no schön, ou wöu i dänke es würd no cool usgseh, wenn er när ds Jacket abzieht wenns ja de a däm Tag mega schön und heiss isch.

Hei mal zämä chli Bilder uf Pinterest gsammelt, i hänke eis a wienis hammer fänd...

I wünsche mir, dass er kei schwarze Azug wählt, aber jaaaaa... Ha ja mal gseit i überlahs ihm und versueche mi jetz würklech zrug z halte. Er het mir ja bim Chleid ou nid drigschwätzt...

Datei-Anhänge

romantic-asheville-wedding-124.jpg (27x) Mime-Type: image/jpeg, 102 kB

Ja das stimmt, da isch natürlech när scho vorprogrammiert, dass sie sich nid pünktlech chöi amälde. De muesch ihn när no wieder stüpfe dass er allnä alütet... Die GG's maches mängisch nid eifacher, hihi!

Broncos
Oh schad finders nöd so kuuhl. Ja min GG hät au scho gmeint, dänn sind Gäscht scho iglade und den chömeds no es Gschänkt über.. hihi

Malinchen
Ja isch scho chli schräg mit dine Kollegine und de TZ… Finds au übertriebe, dass alles wennd wüsse. Ich glaub ich wür mal mitene drüber rede :-/ Voll dänäbed..
Das mit de Chleider findi aso au, den müsstisch die anderne au fräge.. Voll strub, dass den grad wieder beleidiged sind .


Pfingstrose
Ja den sött er scho chli pressiere mit verschicke :-/ Susch wierds meeega knapp... Wär au gnärvt .
Mier wüsseds nonig wegem Tanz..

hoi zäme

jetzt mäldi mi doch au mol no rasch bi euch... bes emmer chli am metläse, aber schriibe tueni sälte ond wenn denn bi de mai-brüüt.

@malinchen: ech kenn dini situation zemmli guet us eigeter erfahrig... mer wotts allne recht mache, debii eschs jo eigentli s'fescht för eim selber wo eigentli niemert asproch hed, au nor öpis dörfe z'bestemme... bi mer hed sproblem scho met em bruutchleid-chauf agfange. ech ha mis mami ond mini tz welle metneh ond ha gfonde da längt.... jo, mini tätschmeischteri hed denn es riise drama gmacht ond mer somet die ganz freud am chleid kapott gmacht, chas leider ned anderscht säge. ond da stoht jetzt emmer no zwösche eus. de hani no en anderi kollegin, wo soscht emmer chli "iversöchtelet" ond emmer uf sache omehackt woni eifach nöm loschtig fende. ond ehrli gseid beni au scho 100mol chorz devor gsi, alles abdsäge ond eifach met mim gg ond de tz go zhüürote.
ech wörkli relativ starch entüüscht abem verhalte vo eigentlech "guete" kolleginne...