Broncos Mega schön, dass öich vo dine Eltere s Esse zahlt wird Ja das stimmt ebe, d Täg si am gliche Wuchetag vo Februar / März…;O) Hader e PN gmacht mitem Foto vom Kleid;O)
Pfingstrose Bi üs werde si aune gladne und agmeldete gescht de e Brief schicke mit infos und det wird ou drin-ne stah dass für Beiträge me sich a si söu wende. Si werde usserdem üse Transport vode Kirche zur Abiglocation organisiere und süsch weisi ebe ou no nid so;O) mir hei im märz de e sitzig woni ihne de ebe chli wett gnauer chönne säge was mir vo ihne erwarte… So schön, dass alli im Hotel werde übernachte!! Hader e PN gmacht mitem Foto;O)
Malinchen Oh man aber das isch scho no doof…?? Isch sicher ds beschte wennder gad mau mitne redet….es isch ja nid e konkurrenzkampf?? Wünsche dir e riiise portion Motivation…!! Hesch ou e PN mitem Foto;O)
Malinchen Ja das chani nahvollzieh, dass lieber zu dinere Coiffeuse gasch.. Vorallem a some wichtige Tag!! Ja den würdi au mitne rede.. Voll schräg
Sue87 Ja den hoffi klappts mit em neue Termin.. Immerhin hät sies nöd eifach so vergesse, sondern falsch igschriebe.. Ärgerlich isch es halt trozdem. Gratuliere zu dim Chleiderchauf!! Gids Föteli? Mier händ de TZ au eher chlineri Sache abgeh. Sie dönd d’Biiträg koordiniere und lueged wegeme Gäschtebuech. Den natürli no de Polterabig organisiere.
Broncos Woow dönd aber super bi eu!! Schöön chömeder so vill vo dine Eltere über :). Isch sicher grad e meeega Erliechterig!!
Me Bi eus isch nüt gloffe.. De GG isch no am Weekend no chli am umechränkle gsi.. Mittlerwile gahts em aber wiedr besser.. Am Fritig hämer den euses 9 1/2 - Jährige und somit no es halbs Jahr bis zu eusere Hochziit..
Ha dänkt, ich verzell mal churz vo eusem Zivile...
Irgendwie schnallemers glaub beid nonig so. Hämmer au vorher und während dessen nöd. Liit wohl dra, dass mir das ja 2 Wuche vorher no gar nöd gwüsst händ, dass es dänn scho isch. Und dänn simmer halt voll beschäftigt gsi mit organisiere und de Chrankheit.
Aber isch en mega schöne Tag gsi. D Zeremonie oder wie mer dem seit, isch chli schräg gsi. Mit soooo viel Pathos chan ich nöd so guet umgah. Eigetli isch es ja u herzig, sie gebed sich Müeh, aber s isch scho chli speziell, wie sie artikuliert hät. Wo sie mich dänn gfrögt hät: "Frau Blabla Blubber, sind sie bereit, de Herr Soundso NeueNachname..." häts mi schier vertätscht. Ha mi voll müsse konzentriere zum nöd lache. Isch eifach z viiil gsi. Isch no schad, wär ja eigetli de wichtigscht Momänt xi. Aber irgendwie passt das eigetli grad no zu eus, dass das so usechunt. Sind au scho vorgwarnt worde vonere Fründin, die hät verzellt, dass es ev. luschtig wird.
D Unterschrift hani dänn here kriegt wie en Profi. Gseht jetzt scho vill kuuler us als di alt.
Nachher simmer go brunche. Händ das scho im Vorfäld bstellt und s isch natürlich viiiil z vill gsi. Aber fein und gmüetlich. Dänn simmer chli go Boccia spile, was glaub allne no gfalle hät. Zum Abschluss simmer zu mir hei und händ det nomal chli gässe und güügelet. De Maa vo de Trauzügin hät am Abig dänn wiiter müesse anes 5-Gänger Znacht mit speziellem Wii zu jedem Gang. Händen am Sunntig gseh, er häts guet überstande.
Ganz am Schluss simmer no d Abiglocation go aluege und no paar Sache fixe. Jetzt wüssed alli, wo münd, chli, wie's det usgseht.
Eigetli hetti die Wuche selle operiert werde, aber das isch jetzt verschobe um e Wuche. Ich freu mi gar nöd druf, aber glaube, dass es richtig isch.
Han eifach au mega Schiss, dassi a eusem Hochsig nonig gnueg fit bin oder dass mini Verdauig no spinnt und ich zmitzt us em Gottesdienscht muess use seckle ufs WC oder no schlimmer, dass es nüme langet... Und dänn no mit dem Chleid... Woni au nöd gnau weiss, wänni das söll go abstecke zums ändere lah... Vor de OP macht wenig Sinn und nach de OP chönti wohl früehschtens zwei Wuche vor em Hochsig.
Fara: Schön händers lustig gha!!! Isch doch au mega wichtig. Chan verstah dass es chli es Durenand mit de Vorfreud und em schnell Plane und Organisiere geh het. Aber es het ja sini Gründ...
Es tönt ämel sehr gmüätlich mit Brunch und Boccia! Isch doch mega!
Für d OP wünsch ich dir - egal wenn sie isch - eifach alles alles Gueti und super gueti und tiffigi Genesig. Bezüglich Chleid Abstecke hani kei Ahnig... Aber 2 Wuche vor em Hochziit würdi doch lange, wenn du das am Brutlade kommuniziersch. Seisch suscht doch das e OP de Grund isch und ob sie das bitte chönd irichte. Den häsch das scho fixiert und musch nüme umehirne. So chasch dini Energie den für anders bruche...
@daenu Mier träged d Ring ez rechts. Isch eus beidne bequemer :) Und nomal, s Chleidli isch sooo härzig woner gshoppet hend!
@Pricana D Wirtin bi eus im Resti hed gseit pro Person chömmer ca. 40.- für d Getränk rechne im Durchschnitt. Hey gratuliere zur Lohnerhöhig. So cool!
@Taeboyana Hey cool bi mega gspannt uf eui Iladige! Und super sind d Schueh so perfekt! Bi Peeptoes hani ebe au immer Angst das sie vorne afanged wehmache… Aber wenn die jez guet ilaufsch hesch vlt Glück :) Hender eu scho entschiede wege de Musig? Woooow, das tönt ja hammermässig mit Sambia. So geil gratuliere!
@lil.lian Hahaha min GG seit au immer, er heb was ganz speziells organisiert wenn d Sunne unter gaht :D De Vujo isch bi eus kult :D Heds de Blueme geh? :)
@malinchen Gahts besser mit de Blaseentzündig? Ohjee, da hani ez aber null Verständnis für dini zwei Fründinne. Tued mer mega leid für di, daa di mit so Sache muesch umeschlah. Die Lüüt vergässed glaub mängisch eifach, dases nöd um sie gaht :( Uf en Art isches wirkli schön, dass sie sich wend ibringe aber uf die ander Siite isch d Akzeptanz irgendwie nöd da, dass nunmal nume öpper cha TZ si… Finds au schwierig. Fühl dich umarmt! Ui und s gaht no wiiter mit dene zwei… Findes echt au müehsam, und chönnt mer vorstelle, dass de so es Gspröch irgendwenn unumgänglich isch.
@Pfingstrose Ui ui, scho chli knapp wenns din GG so gmüetlich nimmt mitem verschicke :/ Aber inzwüsche isch das hoffentli erledigt? Cool das allli im Hotel schlafed, das freut mi mega für eu
@littlefoot Imfall… wegem Caketopper… Er hed mer ez gantwortet und sich entschuldigt. Er schickt ez de Caketopper in Holz nache und de in Acryl schenkter eus :) De hani ez gad umgwandlet als Türschild (Ahang)
@Claudilein Danke villvill mal! Ganz ehrlich, sooo viel andersch fühli mi nöd.. Ich han chli erwartet dass alles andersch wird sii aber das isch natürlich ilusorisch, zumal vorher ja scho alles super gsi isch :D
@Sue Gratuliere zum Chleid!¨Gits es Föteli? :) Ich han mim GG Iron Man Manschettechnöpf gschenkt und er hed sooo mega fescht Freud gha. Ich hans aber über aliexpress bstellt gah.
@Broncos Oh wie schön weg de Hochziitssuite. Das isch ja lieb! Isch würkli sehr grosszügig. Freut mi sehr für eu! Hey wow soooo grosszügig vo dine Eltere! Das isch ja en meeega Erliechterig im Budget, wird bi eu wahrschinli au de gröscht Poste sii oder? Cooooool :)
@Fara Alles alles Liebi zur Hochziit! Mich heds am Afang au fascht vooooll verbutzt und du hesch recht, es hed mehreri so Moment geh… :D Ich hoffe iher hend de Tag trotzdem in volle Züüg chönne gniesse und d Chrankheit und d OP für en churze Moment chönne usblende. Au ich wünsche dier eifach alles erdenklich Gueti dass alles guet verlauft und du schnell wider uf dBei chunnsch! Drück dich fescht
@Ufgabe TZ/TM Bi eus sind TZ/TM verantwortlich für sganze Abigprogramm, sind Asprechpartner für s Resti/DJ/Gäst. Sie wärded d Gäst koordiniere z.B. bi Gruppeföteli, parkiere usw. Mier hend jez abgmacht, dass bi Locationwechsel immer ein TZ als ersts und ein TZ als letschts gaht. So das die chli de Überblick hend.
@me Als ersts nomal DANKE vielmal für alli guete Wort und Glückwünsch! Danke danke danke!
Mier sind ja am Friitig no go s Huus für d Übernachtige aluege mit eusne TZ und SchwiMu. Uf eusere Homepage hemmer gschribe, dass es keis 4-SterneHotel sondern es Lagerhuus isch wo aber 1er, 2er und 3er Zimmer hed. Wichtig seg eifach, das es nume Militärdeckene heb und drum alli en Überzug, Schlafsack oder en Decki sölled mitneh. Und sobald sich öpper für dÜbernachtig agmolde hed, hemmer das au nomal mündlich mitteilt. Hend au no gschribe, dass mer dene, wo öppis luxuriösers möchtet, gern es Hotel uf ihri Chöschte reserviered. (s Huus zahled ja mier) Gester schribt am GG sin TZ es SMS, er fänds mega 'assi' dass d Gäst dett müend übernachte und en eigni Decki sötted mitbringe. GG hed ihm de zrugggschribe, dass mer doch uf de Homepage alles klar kommuniziert hend und dass mer eigentli nume positivi Feedbacks becho hend und de TZ so 'bisch sicher dass die Lüüt d Homepage überhaupt alueged?'. Ich mein was söll das? Eifach eis inewürge? Mier hend eus eifach entschiede, dasmer das ignoriered, am GG sini Muetter findet sHuus super und cha glaub am GG sini dütsch Verwandtschaft au besser ischätze... und zudem hed ja jede d Möglichkeit, es Luxushotel zbueche ;)
GG hed sim Mami no sis Asteckerli mitgeh, dass sie das au uf sGrab vo sim Papi leit.
@janedoe: Haha, bin froh, isches eu au so gange, dass es chli luschtig gfunde händ. *gg* Bin grad nomal mega froh gsi über d Wahl vo eusem Prediger für s Kirchliche (wo glichzitig de Maa isch vo minere TZ). De wird sicher nöd so rede.
Findes voll schreg, was de TZ da seit. Ich hetti als Gascht überhaupt nüt gäg sone Übernachtigsmöglichkeit. Hochziite choschtet vill, au für d Gäscht. Drum findi die Lösig super. Ha eh scho oft i so Hüüser übernachtet und s super gfunde. Wer lieber ines Hotel gaht, chan das ja mache. Ich gseh s Problem nöd. Findes nöd fair, eu als assi z bezeichne. Ich hett ehrlich gseit als Gascht meh Müeh, wänn sälbschtverständlich erwartet würd, dass mir au is tüüre Hotel chömed. Chönt scho sii, dass mers würded mache, aber müsstet eus das scho zersch überlegge.
@Pfingstrose: Ja, ich dänk au, dass es müssti gah innerhalb vo zwei Wuche, wänn sie sich chönd druf istelle. Und chan ja au nüt defür. Aber am allerliebschte wär mir halt en Abstecktermin no die Wuche, aber das wird ev. ja au en Seich, wänn's mir dänn nacher würklich voll nüm gaht.
Fara Gratuliere dir, du früsch gebackene Ehefrau;O) schön heiters zäme chönne gniesse und es tönt nachemne wundervolle Tag! I wünsche dir für die Ziit ganz viu Kraft und dass du dafsch Rueh drüber ha. I würdi ou afrage ob 2 Wuche vorem Hochzit müglich wäri fürs Kleid abstecke.
Janedoe Hesch du die Adresse oder der Link no vode Iron Man Manschettechöpf?? Vilicht findi dete Bat-man;O) härzig öie schwarz caketopper und isch ja super ize hesch no gad eine gratis für ar türe;O)
@Fara Eusi hed halt scho au chli s Beamtedütsch gsproche.. s schöne isch eifach gsi, dass sie sich wirkli bemüeht hed, das persönlich zgstalte... Aber du hesch absolut recht, bi so froh hemmer de no en Trauuig wos weniger steif wird sii und 'mer sich scho kennt' ;)
Ich glaub en TZ ischs voll nid bewusst, was das a Chöschte für eus bedüüted, ich mein allei dasmer ez das Huus gmietet hend isch wieder en Choschtepunkt vo 1500.-... Ich ha ihm denn es SMS gschribe, das er sone Dramaqueen seg und ich täg ihm s tüürschte Hotel miete uf sini Chöschte und hoffe, er schlaft de dette besser. Er hed de scho gmerkt, das mich sini Ussag recht hed möge. Aber hend de nümm drüber gredet.
@Sue http://de.aliexpress.com/wholesale?Searc...pfe&catId=0 Da heds ganz e Huufe Batman Manschettechnöpf. Weiss leider nümme wie de Verkäufer gheisse hed. Aber die wo ich bstellt ha sind spottbillig gsi, drum hani denkt, wenns de nid achömed ischs au ned so tragisch :D
Anmelden
Sind au scho vorgwarnt worde vonere Fründin, die hät verzellt, dass es ev. luschtig wird. 
(Ahang) 