Und nah denkt sie "Gopf isch das en Stresschopf" :D

Janedoe: ha etz sicher scho 8 bstellige gmacht bi etsy und immer chönä go luege wie de stand isch. (Verschickt etc).. Wür mal kontakt ufne. Isch es e chinesisch aghuchtä? Die hend im februar no mängisch holidays gha wege chinesischem firtig und so.

Ha glich öpis : ha nomal zwei drü bluemeläde agfragt. Jetzt isch eine i de nöchi wohni wohn (4min mitem auto) wo suuuper prise hät! 6-7.- füre hortensie, im verglich zum andere wo 9-12.- isch
Zudem praktischer wils so näch isch. Ha zerst denkt me müss d blueme hole und grad id location bringe. De wär de ander ufem weg gsi. Aber de struss holsch ja am morge und blueme für de tisch chasch scho am vorabig hole und i de badwanne lagere
Zum d vase mache vill besser.
Drum echt gäbiger dasi jetzt de i minere nöchi gfunde ha.

Sinder au so inere zwüschephase? S meischt plant oder klar, aber teilwis eifach z früeh zum chaufe oder mache?

Littlefoot: Ja die Phase hani au... Aber irgendwie scho rächt lang. Ich glaub mer het das vorallem s Gfühl will mer haar genau weiss was mer wott. Und am Afang hät mer voll de Drang zum alles abkläre und usesueche und so mega viel zum mache. Und jetzt isch flaute... Ich weiss genau wasi no bruche und ha möchti. Vo dem her bruchts no en Klick und bstellt isches. Haha...

Was gits den bi dir wo uf de Pendenteliste häsch?

Was ich endlich mache sött isch euses Gästebuech minere Schwöster schicke, dass sie de ersti Itrag mache chan und den de Text wo sie macht bilege dass alli andere Gest den das au no mache chönd. Grr... Homepage endlich fertig mache. Aber die isch nüme so viel Arbeit. Fotis ussueche und en chline Text zu de Trauzüge. Den hanis...

Hoi Sasileu... Was hesch den du für Farbe bi de Iladig?

Fragerunde: Homepage... Mached ihr alli d Wunschliste mit de Flitterwuche Pöst? Wenn ja händ ihr die Reis demfall ali scho bueched?

Janedoe: jaa frag doch mal

Sasi: ou nei im ernst? Ich ha würkli immer d war uh schnell becho, usser einisch chli lange versand. So doof verstani dass vorsichtig bisch.
Was hesch de für farbwünsch, no ke idee? Oder s motto? Hend mir ja eigetli au keis imfall. Ha eifach entschide dass deko vintage aghucht isch& de garte het de rest gmacht.

Claudi:ja hend ja no e duschi .)

Pfingstrose: aso :)
- schueh bstelle
- vase sammle
- hochzitsprobetisch
- candybar probelauf mit bache
- turte degustiere&bstelle
- accessoires
- unterwösch
- lampions deko
- gästebrief entwerfe mit TZ (fritig)
- pompons bastle
- standesamttermin fix mache
- tischordnig mache und drucke
- musig lade (GG)
- menu definitiv bedpreche (3.4)
- location check (15.4)
- fotografin endgültig bueche
- ring eventuell ussueche
- rahme chaufe & chalkboard mache

Ha sicher no öpis wenigs vergesse aber am fritig hani excel listene :) mini TZ wett ja alles dureplane und so .) freu mi richtig .)

@jane: ha bis iz no niä öpis bstellt dert..

@littelfoot: isch ja super mitdr Floristin

@Pfingstrose: mir hei ä Homepage wo mir drufe so chli grob üs Reis bschribe hei mit paar Biudli... u när heimr ä seperati Wunschliste womr Hotel, Flug, auto, benzin, ausflüg u so sache druffe hei.. aber aues nid so konkret (auso eifach Hotel u nid wo u weles...de simr när ou nid a öpis bunde).
mir hei bis iz dr Flug buechet, aber schüsch no nüt...

@saslieu: was hei de euii Iladige fürne Farb? u was würdi dir farblech gfaue?