Janedoe / Sasileu
Bi mier häts bisher au immer klappt mit de Etsy-Bstellige. Han drü Sache bstellt gha.. Bim einte hani Probe für's Band fürs Chleid bstellt, han eigendli die falsche Farbe in Warechorb tah und bstellt und han ihre den gschriebe welli Farbe dassi gern het.. Sie hät mer den die gschickt wo ich ihre gschriebe han :).

Littlefoot
Joah es gaht mer öbe glich mit dere Zwüschephase :-/ Ich söt mer uuuumbedingt mal Gedanke mache über Deko, abr irgendwie hani voll kei Lust.. Fotene und Bilder luegi scho gern a, abr söt mal öbis poste und den luege wies würkt..
Das mit de Blueme dönt ja super.. Kuuhl häsch öber billigers gfunde wo gad ide Nächi isch.

Pfingstrose
Joah mier möchteds eigendli au detailiert mache wege de Wunschliste.. Nöd eifach mier hetet gern was für eusi Flitterwuche.

Aber han grad no wege de Wunschliste und Flitterwuche e Frag a eu. Mini Erchlärig isch eifach chli laaaang worde..
Ich het ja gern vo Afang a es Buech wölle bastle mit sämtliche Sache wo mer ide Flittis wännd mache.. Aso mit de verschiedene Flüg, Hotels, Autos, Esse, Usflüg, etc.. Und das Buech hetemer den chöne umegeh und jede het den chöne ineschriebe, was er eus duet schänke. S'Problem isch eifach, wenn de Betrag ineschriebsch, weiss halt den jede wos später hät, was jewiils de anderi gschänkt hät. Und das findi eifach blöd. Und für de ersti ischs ja den irgendwie au blöd wo den das Buech hät.

Dänn händ TZ d'Idee gha, dass mier eifach e Liste mached und all die Sache (Flüg, Hotels, Autos, Esse, Usflüg, etc) dönd ufliste. Die Liste chämti den jede über (inkl. Brief vo de TZ) und jede chan den was ussueche wos eus wännd schänke und e Siite dezue bastle. TZ würded dänn us däm es "Gäschtebuech" mache. Ich has den mine Eltere verzellt und sie händ gfunde es seg mega kompliziert und sie glaubed au nöd, dass jede so was wür bastle. (Ich dänke, dass wär weniger es Problem wegem bastle.)

Ich han den nomol zwei anderi Idee gha, die einti wär eifach, ich mach das Buech (wie ichs ursprünglich han wölle mache) aber ohni Geldbeträg drinne und es gid dezue es Couvert mit Zättel. Uf dene Zättel wär den jewiils de entsprechendi "Gegestand" (z.B. Hotel x für 5 Nächt oder 1x Restaurantbsuech) und wie tür das es isch. Und jede chan den die Zettel useneh und is Buech schriebe, dass schänked mier eu und wänns wännd chönds au no was dezueschriebe.
Oder mier möched eifach nur die Zättel. Und jede nimmt den eifach de Zettel use, wo er eus wet schänke.

Was meined iher?? Weiss voll nöd wie ichs söll mache :-/.

@Claudilein
Das wär d Aleitig. So wies usgseht bruchsch da eifach dieses und jenes spezielle 'Werkzüg'. Aber ich cha dier suscht au mal ihri Agabe geh und du chasch sie kontaktiere, finde sie machts zume guete Priis und wirkli super..
http://www.youtube.com/watch?v=giu3_8nVSkg

@lil.lian
En mega härzigi Idee mit dem Buech.
Vlt gfallt eu die Idee: Uf jedere Siite woner gstaltid chönnteder jewils sones Mini Kuvert anechlebe und denn chönntme dette uf es Zetteli de Betrag und Name aneschribe, s Zetteli is Kuvert und s Kuvert zuechläbe. Somit chan niemer de Betrag aluege und es isch denn au klar, was scho weg isch. Oder iher möched mehreri Kuverts druf, dass das verschiedeni Persone chönd schenke und somit d Uswahl grösser isch?

http://www.etsy.com/de/listing/58078001/...ew_type=gallery

@Pfingstrose
Hmmmm, cha dier mega guet nahfühle. Mis Mami hed eus en riese Betrag vom Erbe vo mim Grosspapi fürs Hochziit gschenkt. Sie hed mis Chleid zahlt und übernimmt de komplett Apero. Und eus isches meeeeeeeega unwohl. Sie seit zwar immer, sGeld seg ja vom Grossdädi und s Chleid es persönlichs Gschenk vo ihre a mich. Denn welli sie doch au no was a eus beidne schenke.
Mier hend eus mega lang 'gwehrt' und genau die Argument wo du seisch bracht. Aber mit ihre isch eifach ned möglich zdiskutiere und somit freuemer üs hüt sehr drüber und nehmed das Gschenk au sehr dankbar a. Mier hend eifach s ganz grosse Glück, das sie eus voll mache laht. Sie seit immer, so wie miers mached, so ischs richtig. Ich han z.B. mis Gotti und min Götti nur an Apero iglade und ihre isch es 'waas echt?!' usegrutscht und das hed sie de grad innert ere Sekunde korrigiert und gseit 'ja hesch zwar recht, iher möchted ja die engste debii, stimmt scho!'... Wenn sie eus ufgrund vo dem Gschenk immer würd driirede und finde so und so müenders mache, denn würdi das alles uf kei Fall aneh. Suscht findis nämli e meeega schöni, grosszügigi Geste wo ja au zeigt, dass d Eltere voll hinter eu stönd!

@lillian: Hmm, würkli no schwierig wägem Buech... I fänd es Buech ou fasch schöner als eifach ä Liste und dr Brief. Aber es isch halt scho ufwändiger, vorallem für di wo das bastlet... D Idee vo dr Jane fingi super mitem Couvert wo d Gäst chöi ä Zettel dri due u när zuechläbe. Oder du duesch öpis dri, wo d Gäst när chöi usenäh u öich am Hochzytstag übergäh? So wie ne Guetschiin oder so...

@pfingstrose: Hmm, i verstah was du meinsch. Mir ischs ou nid so wohl, wenn üsi Elterä wöi Sache ads Hochzyt zahle. Aber anderersits chunnts ja blöd gseit ufs gliche use... Ob dir bim Fest das Gäld isparet und när übrig heit oder ob sie öich so viel schänke für öii gmeinsami Zuekunft. I dänke ou, es chunnt halt no chli druf a, ob sie när wei mitrede oder nid. Wie d Jane het gseit, i möcht när ou nid, dass mini Elterä driredä was fürnes Chleid dasi söll wähle "nur" wöu sies mir zahle...

So mini liebe, chume au wieder mal zum schriebe...

sasileu: De TM hets noni gschafft d Liste abztöggele, er het grad biz stress. Han mer aber e Liste gmacht, wenis alles sött schicke. Han di au druf gna und schick der sie sobaldi si han.

Malinchen: Mir hend üsi HP ned mit Passwort gschützt. Aber mer gfindet d Site über google au ned, das heisst mer mues würklich de Link kenne zum druf cho.

Pfingstrose: Mir hend au eifach nur gschriebe, das mer üs über e Bitrag ad Hochzytreis würed freue, aber nüt gnäuers (also so wie d Janedoe). Da mir noni buecht hend und noni alles im Detail wüssed, hemer üs eifach ned z fest welle verpflichte. Ned das üs den d Lüt öppis schenked, womer den gar ned mached.
Weg em Bitrag vo de Eltere gsehn ichs ähnlich wie d Malinchen (es wiiters mal ) Mir chömed ja vo mine Eltere s Esse gschenkt über, mir hend üs jetzt aber eifach gseit, das mer s Budget für de Rest glich lönd und den blibt nachher eifach meh Geld für d Flitterwuche übrig. Aber mini Eltere redet üs zum Glück au überhaupt ned dri.

lil.lian: U en herzigi Idee mit em Buech: Wie würeder den das ganze logistisch löse? Ich stell mer das no recht ufwändig vor zum koordiniere, dass es den au würklich all Gäst gha hend bis zude Hochzyt. Suscht findi d Idee mit de Couvert vode Janedoe au super... Und jetzt bisch schneller gsi mit poste als ich. Also eis grosses Couvert isch natürlich eifacher.

Me: Bi üs lauft au ned wahnsinnig viel. Mir hend d Bestätigung vom Restaurant becho mit em Tischplan. Mir hend üs jetzt gege Rundi entschide Falls öpper interessiert, chani de Plan suscht mal ufelade. Suscht simer immer no am warte uf d Offerte für de Apero und ich müesst mich mal bide Kollegin weg de Blueme melde, aber chan mi im moment grad au ned so dezue motiviere.