@pfingstrose eigentli het eusi iladig gar nid viel farb, eusi Name sind farbig und en Teil vom text und es handlet sich um sonen brombeer /brunton womer usgsuecht hend....aber ebe, dass isches jo, eusi iladige findi scho herzig, aber i het mir viellicht echi meh gedanke sölle mache was farb agaht will mit dene willi eigentli nid voll witerfahre am HZ.
@littlefoot & LaMariee Joo ganz am Afang hani eigentli mal denkt i machs so imene pink/türkis und dezue ev. na sonen Beige oder goldton, willi mal so Dekosache gseh ha mit perle drum na de beige/gold ton. Nur nacher het irgendwie mis Mami mal irgendwas gseit wegem pinkton und ich bin nacher zu lila gwechslet....und willi denkt ha i bastle was us lila/türkis hani den i dene Farbe emal Draht kauft cha....drum hani irgendwie s'gfühl ich müsst bi dem bliebe und ha bi pinterest ebe au schöni Kombis gseh. Und usem Beige/gold isch Silber worde..... Nur i weiss nid so recht, ha s'gfühl ich bi was mini Hochziit agaht so es typischs meitli und will rosa/pinktön.... Und da ich mich scho langsam söt entscheide, willi ide negste 4Wuche paar termine mitem GG han gspüri irgendwie en Druck.
@broncos Bi gspannt uf die Exeltabelle vo euem TM
Me Ach, ich chum mir voll als Chaotin da ine vor Han weder es Thema no bini mir ganz sicher mit de Farbe....aber i glaub nach dem ganze umeluege, tendier ich trotzdem wieder zum ursprung vo mim Farbgedanke....nemli Pink/Rosa & Türkis, viellicht wirds den au eher hellblau....Und natürli irgendwo au es bitzeli vom wiis.... Gar nid so eifach mit dem ganze, au was Tischdeko agaht, es git sooooooooooooo viel Möglichkeite Ich finds schön wemer so Vase het wo uf so Spiegel staht, den findis aber au schön nur einzelni Blueme/Roseköpf imene Gläsli und une Perle oder so und Blueme wo im Wasser lieget komplett findi au na schön und und und Nei das sind öbe die 3 Variante....defür gahts den wieder bide Bluemedeko ide Chile Bitte bitte seget das ihr irgendwenn au emal sonen Phase cha hend
I henk eifach mal namal paar Bilder ah...wasi mal so gseh ha und mich agsproche het und eusi Iladige nomol
Sasileu: Isch doch au garnöd schlimm dass ihr de "Roti Fade" nonig hend. Bzw. isch de definitiv notwendig? Das bisch den doch du... Wenn dus eifach so machsch wies dir gfallt. Ich hetti vo de Bilder her am enste die Farbe vom zweite gno. Die harmoniered so schön findi... Aber den isches wieder schwierig mit de Blueme... Hm!
Haha, de isch herzig, bitte säged ihr händ die Phase au gha. Ich muss da leider sege nei... Bzw. gaaanz am Afang scho aber mir hend den gseit bevor mer d Farbe nöd wüssed wird nix bstellt. Darum hämmer jetzt würklich uf ganzer Linie Mint / Apricot... Turte, Iladig, Schueh, Tischdeko, Blueme sogar de Zivilstandesamtsruum isch Mint... Defür händ mir spat afange reserviere. Het alles sini positive und negative Siite. Es chund bestimmt guet Sasileu!!!
@Pfingstrose Haaaa! Ich wür mitcho wenni chli nächer wär :D
@sasileu Für mich persönlich isch scho immer klar gsi das ich möcht en Hochziit mit vintage Akzent. Mit Spitze und Jute und zarte Farbe... Aber selbscht i dem Thema gsehni immer no öppis woni finde 'aaaah das wär doch au no cool' und ändere andauernd mini Meinig. Cha mier scho vorstelle, das fascht jedi Bruut mit dem Problemli kämpft. Lass di ned unterkriege. Finde die sache wo du ufeglade hesch sehr schön, vorallem s'zweite Bild. Was gfallt de dim GG. Bi de Iladige hender eu ja no viel Spielruum glah, vo dem her sinder ja no gar ned igschränkt. Iher chönnted ja au ganz e bunti Hochziit fiire mit allne Farbe? :)
@janedoe: wow, jetz häsch ganz en persönliche avatar (bildli) da du ja scho ghürate bisch han ich jetz e frag zum zivile a dich (und all andere wo's wüssed). muess mer da unterlage mitneh as zivile oder händ die scho alles? bzw. chunnt mer dänn öpis mit hei über was unterlage/papier abelangt? ich han ebe e uh hübschi clutch kauft und bin jetz ja glich am überlege öbi au es strüssli wett und frög mich jetz eifach wer die unterlage umenand treit falls es git (damit d föteli nöd usgsend wie wenn mer usem büro chämted)...ich weiss, es luxusproblem. trotzdem bini sit tage a dem am umestudiere
Mier hend bim Ehevorbereitigsverfahre chönne entscheide obmer de Trauschiin und s Familiebüechli grad möchted bstelle, damit mer de grad a de Trauuig bechömed und eus nümme müend kümmere. Hetted aber au d Möglichkeit gha, das alles nachträglich online zbstelle. Mitneh hemmer gar nüt müesse. de Pass hemmer scho bide Ehevorbereitig müesse abgeh fürne Kopie. Mier hend de vo de Standesbeamtin es Kuvert becho mit de bstellte Dokument, eme Songtext wo sie vorgläse hed während de Trauuig und eme Chärtli vom Stadtrat. Has de zerscht mim Mami is Täschli geh und nachher im Auto verstaut.. Also wenn iher Gäst hend am Zivile wird sicher öpper es Täschli debiiha wos gschnäll chasch inetue. Im Nachhinein bin ich überglücklich, dasi mi glich für es Strüssli entschiede ha... Würds aso unbedingt wiiterempfehle. s git scho nomal es anders Feeling
@jane: wunderbar, danke villmal fürd info. dänn mached mir das au so falls mir gfrögt werded...gönd nur mit de tz as zivile. aber mer chönnd ja die dokument nachher churz is auto tue...ja gäll. ich wett au unbedingt es strüssli. aber jetz muessi wieder eis sueche wo mir gfallt...und mir gfallt doch soooooo vill das ich mich chum entscheide chan
@weddingbee: Bi üs ischs ou so gsi dass när dr TZ die Unterlage i sini Täsche gnoh het... Isch ou nid sooo viel wodä da bechunnsch, das cha schnäll mal öper irgendwo verstaue.
@sasi: hihi, du bisch härzig! Mir hei am Afang mau definiert dass mir tiffanyblue und lindgrüen mit gaaaanz weni altrosa als Farbe wei. Das si scho so chli d Houptfarbe aber i ha jetz z.b. bir Homepage ou anderi Farbe drinne etc. U bide Blueme änderi ou ca. all Tag mini Meinig, was mir würd gfalle... Aber i findes ou nid schlimm wenn när nid aues haargenau i denä Farbe isch oder so. Du muesch di ja ou überhoupt nid uf Farbe festlegä! I findes eifach aube wichtig, dass aus chli zämä passt. Aber wenn du ir Chille ä Deko hesch wo det super passt und bir Abälocation när öpis anders wo det aber ou wieder zämäpasst isch das ja ou super!
@pfingstrose: ou di Fitnessparks si cool... Hei meistens ou ä mega schönä Wellnessberiich!
Trotz dass Donnschtig isch, laht mini Motivation sehr zwünsche übrig... Grrr... GG hed hüt sind letscht Tag bi de alte Stell und denn e Wuche Ferie. Mier hend gester denn realisiert, dasmer wohl s ganze Jahr gar ned zämä chönd Ferie neh. Das isch eus so gar ned bewusst gsi, nume dass d Flitterwuche is Wasser gheied... Aber er muess sich im neue Gschäft natürli apasse und ich han d'Ferieplanig ja scho lang müesse abgeh.
Bi eus staht ez als nächsts de Termin bi kateswedding a am 28.2. Uf de freui mi so fescht! Und am 10.3. chunnt d Fotografin zu eus hei zum de Tagesablauf bespreche. Eusi erst Idee isch gsi, dasmer sie vo 14:00-24:00 hend. Das hed sie eus so vorgschlage aber GG und ich möchted ez es First Look Shooting mache und d Fotografin au scho bi de Vorbereitige debii ha und ich ha ihre jez 10:00-20:00 Uhr vorgschlage und im Mail hed sie ned sehr begeisteret tönt und um es Treffe bette... Wie möched iher das? Wie lang hend iher de Fotograf buechet und vo wenn bis wenn?
sasi: haha, jaaaa das kenn ich nur zu guet ich find au immer öpis anders woni schön finde. ha etz ja au grad die ganz tischdeko umpoled wenn du pink willsch : de nimmsch pink
malinchen: oh wow, tiffanyblue und grüen, findi de hammer ! hani au mal gseh nachdem ich scho pfirsich/mint usgwählt gha han, aber das passt besser zu eus hani de gfunde.
janedoe: oje das isch doof ! ich kenn das ferie dilemma au, eifach isch es bi eus sone riese organisation im januar, wil mi sohn ine hort gaht (woni mi gester grad wieder ha müesse ufrege weg dere frau) wo i de schuelferie jewils nur immer 1 wuchä offe hät, im summer 2 vo 6....GG het 5 wuchä und ich 4, mir wänd sie ja logischerwis zäme ne...das jahr mitem hochzit sowieso mega schwierig gsi. aso im summer hend zum guete glück mini schwöschtere mal en tag zwei go hüete.
fotograf; ich ha etz mal am GG gseit er müss sich entscheide ob er sie wett wo für 650.- (4 stund und afahrt, bearbeitig etc alles inkl) chäm. sie isch ja en hobby fotografin mit ere super homepage. am liebschte hetti au so gern es look shootign usw gha, aber ebe das lit ja nid so dine. muss de au luege wiemers mached, wett sie gern deby ha wenn GG mich gseht, wo das wird si wüssemer no nid. de trauig, vorem standesamt. de id apero location ga, det wetti dass sie alles chli föteled (candybar, tisch, location) und de no max 45 minute Fotis i de Location, wo ja würkli wunderschön isch für Dankeschärtli (mitem Danke Banner) und mit de Chind sicher. Mit de Familie & Fründe gits wohl keni, das längt nid vo de Zit her, mage ebe nid 2-3 stund nur Fötele. oder denn eifach eis mit allne druf.
DIY Hochzite: ich han mal en frag a die wo deko selber mached und so...isch villicht chli en doofe gedanke aber ich frag mich chli wie d lüt denn selled wüssä dass ich das alles gmacht ha. aso ga ja nid jedem go säge, das han denn ich gmacht, das hani selber baschtlet...? aber me wett ja glich dass das d lüt wüssed, nid dasi erwarte dass jede chunt go säge wie toll das isch, aber .weiss nid ob ihr verstönd wasi meine
Gutet morge, mir gahts da also glich wie de Janedoe, mini Motivation isch doch Dunstig überhaupt ned vorhande
Pfingstrose: Ouuu, ich wär mega gern mitcho... Aber ich bin no bis am 6. April für de Zürimarathon am trainiere und den blibt nüm so viel zit für andere sport
Sasi: Ich chan dir sooo guet nahfüle. Ich han e riiise Krise gha weg de Iladigscharte. Es het sooo vil Möglichkeite gä und mir hend üs eifach ned chönne entscheide. Bis mir den dank de angy da im Forum uf d Boardingcharte cho sind. Den het sich de Rest irgendwie eifach ergä. Aber würklich Farbe hemer ja so au ned, meh eifach s Reise als Thema. Üs gfallt d Farb vom Chleid vode TZ mega und mir hend ja em TZ/TM e Krawatte ide gliche Farb gschenkt. Drum han ich jetzt mal denkt, ich täg den d Blueme uf das abstimme, damits es bitz einheitlich usgseht. Ich bring mal es Stoffmuster de Floristin mit und lueg denn, was sie meint.
Janedoe: Yaaayy, ich find din persönliche Avatar meeeega lässig Weg em Fotograf-also mir hend ja de Ma vom GG siner Cousine als Fotograf und de wär natürlich au als normale Gast für d Hochzyt iglade. Mir sitzed jetzt mal am 8.3. zäme und tüend es biz bespreche. Also üsi vorstellig isch, das er au scho ab em morge debi isch (halt bim allege und so) ich find die Föteli immer so schön und de Moment gsehnd ja die andere Lüt ned. Den hemer ursprünglich au First Look föteli welle mache, aber wil mer jetzt d Chile so früeh hend, tüemer erst nachher fötele und mir gsehnd üs ide Chile zum erste mal. Mir hend für üs denkt, das mer denn am Abig nüm so viel Föteli bruched, meh eifach es paar vode Darbütige und so. Drum wenn mir ihm eigentlich säge, dass mir ihn am Abig meh als ganz normale Gast, weder als Fotograf gsehnd. Also das er normal mit de andere Gäst isst und so. Vo dem her find ich üchi Idee vo 10.00-20.00 besser als vo 14.00-24.00. Ich han eifach s Gfühl, vo 10 bis 14 lauft so viel, wos so schön isch, wenn das uf Föteli festghalte isch, aber vo 20 bis 24 passiert den ja nüm soo viel unterschidlichs. Bin also gspannt was üchi Fotografin dezue meint und wieso sie ned so begeisteret devo isch.
weddingbee: Mir hends am zivile genau glich gmacht wie d Janedoe und d Malinchen, mis Mami het d Dokument eifach i ihri Täsche gna. Ich han selber ned mal en eigni Täsche gha. Ich han all mis Züg de TZ is Täschli gä und den ebe d Dokument mim Mami.
Me: Ich han d Liste vom TM becho Ich han jetzt den grad es Meeting, aber schick sie dene wo gfragt hend hüt no, weni den mal zit han
Anmelden
Nei das sind öbe die 3 Variante....defür gahts den wieder bide Bluemedeko ide Chile
Ich muss da leider sege nei... Bzw. gaaanz am Afang scho aber mir hend den gseit bevor mer d Farbe nöd wüssed wird nix bstellt. Darum hämmer jetzt würklich uf ganzer Linie Mint / Apricot... Turte, Iladig, Schueh, Tischdeko, Blueme sogar de Zivilstandesamtsruum isch Mint... Defür händ mir spat afange reserviere. Het alles sini positive und negative Siite. Es chund bestimmt guet Sasileu!!! 
han ich jetz e frag zum zivile a dich (und all andere wo's wüssed). muess mer da unterlage mitneh as zivile oder händ die scho alles? bzw. chunnt mer dänn öpis mit hei über was unterlage/papier abelangt? 
