Pfingstrose
Isch scho no speziell wie da alli chli andersch ticked. Guet s Chleid hed mis Mami direkt komplett zahlt. Ansuschte sind bi eus alli soooo easy was d Zahlige agaht. Im Resti hed eus dWirtin verzellt, dass sie immerno uf Zahlige vome Hochziiitspaar warted vom März 2012! Denn hani gfunde mier chönnd gern schomal en Teil azahle, damit sie sich chli sicherer fühled und denn hed sie nume glachet :D

Hey ez bini grad soooo hässig:
Mier hend im Gschäft siteme halbe Jahr en neui Mitarbeiterin und die isch sone Esotherik Freak und gseht i allem irgend en Grund und cha vo jedem Mänsch i de Tüüfe öpis abläsä blabla. Ich cha voll nöd mit ihre, bzw. alli us eusem Team hend es riese Problem mit ihre. Sie cha vo niemerem Ratschläg aneh und setzt nüt nach 'eusne' Regle um. Vo mier hett sie scho lang en Fristlosi... dChefin isch aber leider mitere mega soziale Adere gebore und git ihre immer und immer wider Chance.
Und hüt chunnt de hammer... Stieflet sie zu mier is Büro (ich mache d Isatzplän) und seit: "Ich muess am 17. Mai frei ha!" Ich ha gmeint ich ghöre ned recht. Sie und ich wächsled immer d'Samschtige ab... Und denn hani sie gfragt ob sie scho wüssi, das ich denn hürate und sie nur so "Ja, aber ICH han au Termine". A dem Weekend isch no sone Art Mess wo en Lieferant alli Produzente tued vorstelle, womer cha probiere und mit dene rede und das isch jedes Jahr obligatorisch. Das hani vor es paar Mönet verteilt, damit alli wüssed dass sie dett ane müend und hanere denn gseit, dass sie dett hi müess gah und sie seit doch tatsächlich 'ich has scho gseh, aber ich han eifach au no anders ztue' Hey ich wärere am liebschte ad Gurgle gsprunge. Mini Chefin hed alles mitbecho und hed denn nur zu ihre gseit dass sies s'allerletschte findet.
Echt, bechume grad Magebrenne...

sorry fürs uschotze

Zuletzt bearbeitet am 20.02.14 11:56

@Koffer: I möcht das ou mache, hei sonä ähnlechä wie d Broncos, nur häller u mit somnä luschtige Muster druffe. Wie machet dir das när? Düet dir dä eifach bim Apéro häre oder nämet ihr dä när no mit zur Abälocation?

Janedoe: Haha, die Frau isch ja echt z viel ... Was denksch den du? Du hesch jetzt natürlich gfälligst dini Hochzyt z verschiebe wil sie het ja termine! Und sone Hochzyt isch ja nüt einmaligs, das chasch jetzt emel guet mal so schnell verschiebe!! (haha, ich hoff jetzt mal fest, das mer da d Ironie vo mir uselese chan)... Sorry, aber ich het glaub eifach nur lut useglacht, wemer öpper so öpis wür säge ... Also ich verstah, dass di das grad mega ufregt, aber so lang dini Chefin ja hinder dir staht, isch s ja ned soo schlimm.

Malinchen: Mir nemed de Koffer am Abig au no mit. Ev. hets ja es paar Lüt wo s Kärtli lieber im Hotelzimmer lönd, anstatt mitnä ad Trauuig und holeds denn am Abig schnell us em Zimmer

Azahlige: Also mir hend bis jetzt eifach mis Chleid & de Azug vom GG und de DJ komplett zahlt. Suscht hemer no nix azahlt. Also natürlich hemer s zivile scho ganz zahlt Im Restaurant müemer nüt azahle, bim Apero weissi nonig, det wartemer no ufd Offerte.

@littlefoot
Ich würd alles ganz klar abspräche. Will mier gsehnd ja nöd dur dene ihri Auge und am Schluss befinded die, sie schmeissed Züüg weg wo dier/eu mega wichtig wär.

@me
Die, echt. Sone blödi Chueh, bi immerno sauer. Mini Chefin staht ebe scho hinter mier... ABER sie änderet/macht au nüt. Sie seit zwar selber, dass sie mit dere nöd cha zemeschaffe aber chünde wett sie ihre glich ned wirkli. Es isch so chli en Tüüfelschreis mit minere Chefin. Sie cha nüt selber entscheide und isch eifach kei Business Frau. Sie wotts immer jedem Recht mache und hed de nachher au zu mier gseit, de luegt sie halt wiemer das a dem Tag möched wenn mier beidi ned chömed und denn gaht die ander halt ned a die obligatorisch Verastaltig. Obwohl ich ihre denn gseit ha, dass sie ez endlich mal chli Chefin muess si und sich duresetze, weissi genau, das alles bim Alte blibt.
littlefoot, ich han s ganze Team an Apero iglade, aber inzwüsche denki, das niemer chunnt will ja alli müend schaffe jez... (Am Afang isch mal no dRed devoo gsi, dass sie sGschäft eifach zuemöched am Nami :/)

Janu, defür hani grad GOOD NEWS usem Briefchaschte:
Mis Chleid isch daaaa!
Jez muessi mi unbedingt a sThema Schueh mache, suscht chanis nöd go abstecke. Oder wie hend ihers gmacht wo no kei Schueh hend aber s Chleid scho?

janedoe: ja aso neiii ich hoffe dass sie glich chönd cho (usser die chueh, die hät ja termiiiine :)

wow so cool, wegem chleid...äh warum briefchaschte. hends der en brief gschribe ?
jep schueh musch scho mitne...ich träge ja flachi de isch egal, nime eifach es paar ballerinas mit falls ich mini no nid het.

mag so nid schaffe. bi die ganz zit im forum und uf pinterest, setti nid mache meimei :)

littlefoot: gaht mer genau glich, eigentlich sötti hüt Numi was mache, woni scho lang immer wieder uf "morn" verschobe han, aber chan mich eifach ned motiviere, drum bini die ganz zit im Forum und suscht biz am umesurfe

janedoe: So lässig weg dim Chleid plange au scho druf bis mis endlich chunt. Also ich wür au meine das d Schueh bruchsch zum abstecke... Immerhin hesch jetzt en richtige Grund zum weg de Schueh luege

pfingstrose: also mich würs au ned störe weg de azahlige... Wied richtig gseit hesch, am schluss muesch ja eh alles zahle und ich bin da eher konservativ. Ich wür mer nie öppis chaufe, woni mer im Moment ned chan leischte, nur willis spöter chan zahle. Finds amigs no krass, weni vo paar ghöre, wo nach de Hochzyt amigs no jahrelang am abzahle sind. Ich het den eifach es chliners und günstigers Fest gmacht. Aber ja, d Lüt sind verschide...
Ou so schön mit dim Papi