Kleinefeder: ja, ich würde auch noch warten bis ihr das genaue Datum habt... Ich möchte noch ein paar Kilos los werden und habe mir vorgenommen, zu warten bis ich mein Ziel erreicht habe (ein weiterer ansporn, hihi), wenn es so weiter geht wie jetzt werde ich das in etwa im September erreichen. Das ist sicher kein schlechter Zeitpunkt, um dann mal schauen zu gehen wenn wir im Juni heiraten. Ich weis genau, dass ich mich nicht zurückhalten könnte, wenn ich in meinem Traumkleid stecken würde und dann müsste ich es unter umständen noch mal ändern lassen vor der Hochzeit...

@kleinefeder ich wür au warte bis en termin hesch. nachher freusch di defür umso me druck der de dume dases bald wird sii

novia_mayo: ja gäu, mit somnä hintergedanke fallt eim ds abnäh scho gad chli liechter... =) Machsch ä bestimmti Diät oder eifach fdh?

nicht registriert

Hello 14er-Brides

Diä 2013er gebet jo voll Gas. Diä sind scho bii über 1000 siitä . Do müänd mir scho Gas gäh!! Zum Glück hend mir no chili meh als es Johr Ziit

I ha immer im Internet chili gschnoiiget weg schönä Bruutkleiider. Debii hend mir immer ein Typ sehr agsproche. Ha mir denn aber vorgnoh zum es Occasionklaiid z'kaufe. Will es chunt scho gad um einiges billiger. Aber denn isch es chliises Wunder passiert. I ha es Klaiid gschenkt bechoh, wunderschöön und nie traiit. Es gseht nemli würkli genau so us, wiä diä Klaiider wo ii amigs im Internet agluägät han! Mini Schwöster ihri Kollegin het denn au aahbotä zum s'Klaiid gratis ändere. Es isch obeumä chlii wiit. Aber mit dem wart ich ez no... Drum hangt miis Klaiid scho siit 1 Wuche nachem Atrag ii miim Zimmer. Miin GG muä immer dä gross wiis Sack aluägä. Aber inäguggse darf er ned I denk, wenn meh eimol siis Klaiid het, änderet dä Gschmack nüm gross, denn meh het siich eiifach verliäbt. Aber wiiter gschoiiget wird jetzt nüm, mag mii ned no in es zweiits verliäbä. Und um Figur muä ii mir au kaii Sorge machä, will's doch eher z'gross als chlii isch. Es fehlt nu no dä Reifrock. Aber weg dem han ii no kaiin Stress I überleg mir eiifach, ob meh de uslehne chan? Passt do jede Reifrock unter s'Klaiid?

Es paar findets komisch, dass ii da Klaiid agnoh ha. Will es chönt jo Pech drahafte, oder mir fehlt öpis, wenn ich niä in Lade gangä bii go miis Klaiid finde. Aber ii bii total z'friide so. So es schöns und tüürs Klaiid het ii mir sus niä chönä laiischte.

Wenn s'Klaiid ned eiifach so ii miis Huus gschnaiit cho wär, würd ich wohl wartä bis Afang 2014 mit poschtä. Will denn giits jo wiider ä "new collection" und da fänd iich immer dä hammer
Aber sägä darf ii jo eigenti nixx, ha scho vorem Atrag dii ganz Ziit Hochziitsklaiider gschoiiget...

Miin GG got jo jetzt denn für paar Mönet uf Australie. Und mir frooget uns, ob mir scho ez Mol in unseri Locations söttet go luägä. Bis in Summer 14 gots jo no ewigs. Aber wenn er wiider Haii chunt, scho weniger wiä es Johr. Maiinet ihr es isch z'früäh scho im Februar s'erst Mol go luägä go? Wiä hend ihr da so gmacht? Eiifach gangä oder mit Ameldig? Es sind jo ned mol Priise für nächst Johr dus...

Ich wünschä eu en guätä Start in d'Wuche!

Es grüässt eu alli

dä schwablig-Fisch

@squishy-fishy schön dass du dis chleid scho hesch. reifröck chasch du im ricardo neu ersteigere. überleg mer das nämli au! 200 franke für en reifrock findi nämli tür i de brutgschefter. ich überleg mer das no.... bezüglich de location. wenn ich dich wer wür ich vorher go luege. im summer hüratet die meiste und viel bezahlbari locations sind usbueched witer über 1 jahr vorher. mir hüratet ja im winter und 3 hotels hend eus abgseit wils voll sind! isch mini erfahrig gsie. aber vilicht hend ihr ja glück und nachher isch immer no keis problem....

Zuletzt bearbeitet am 28.01.13 10:05

Nomau wäge Locations: mir si eifach verbi gange, hei öpis gässe oder es Kafi gno und am Schluss gfrogt, ob mr dr Saal chönnte aluege. Wes nech de grad passt, choitr jo (provisorisch) reserviere odr erscht no warte und de alüte odr so. Weiss jetzt aber oh nid wies när witr geit. Menu besprächig macht me jo sicher nid jetzt scho, aber macht me glich irgende Art vo Besprächig? So vo wäge Bedingige, wie lang me chönn bliebe, was mer darf (mitbringe) und was nid. Wil zT sett me so Züg jo scho am Afang wüsse odr? cha jo si as si ganz komischi Uflage hei. Oder wie machet ihr das eso? Eifach reserviere und so Details de imne Johr bespräche?