Hooooi zäme!!

Aiii ihr sind ja wahnsinnig so viel go schriebe, chume doch nüme naaa :)!! Ich versuech mal die letschte 20 siite z überflüüge und mini kommentar z gehe und denn folgt en eegopost :p:

@Taeboyana: sooo schön wäg de flittis, isch ja de hammer chönder gratis i die logde :)!!

@lil.lian: hender eu ez entschiede wäg de musig am abig? Ich finds sehr e schöni idee mitem buech und das mit de zetteli sicher kei schlechti löösig, isch eifach würklich chli heikel wenn jede gseht was oder wie viel mer schenkt. Oder denn so wies d janedoe gseid het mitem zuekläbe, denn gsehts gar niemert und glich hesch dis schöne buech :)!

@Broncos: hey so schön wägem restaurant und vo dine eltere, tönd ja nacheme super tag mit so vielne freudige nachrichte :)!! Oh die schueh wod agha hesch am zivile gfallemer mega, wo hesch die kauft gha?

@malinchen: ou nei tuetmer u leid de knatsch mit dine kollegine, isch soooo unnötig so öppis!! Hesch idä zwüscheziit mit ihne direkt gred?

@Pfingstrose: haha het din GG sin Teil vodä Iladige ez verschickt :D? laht sich ja würklich reecht ziit demit ;)) hey so schön die reaktione ufd iilade und das au alli übernachted :)! Hm ich würd ihne au säge es isch eu nöd wohl däbii wenn sie eu so viel geld schenked, aber ganz devo abhalte werdet ihr sie nöd chöne.. ich würd wahrschinlch au säge sie selled eu öppis ad flitterwuche zahled oder denn suscht en poschte überneh wo nöd so tüür wär, evt. de azug vo dim GG?
Hehe würd sofort mitcho is training aber bade isch nöd grad idä nächi :p

@janedoe: dankee für din schöne bricht, tönd ja nacheme suuper tag und gratuliere eu na heerzlich !! Hüt hender ja scho s’ein Wuche-Jubiläum :p haha so herzig mit de azugprob vo dim GG, sis mami isch doch soo stolz gsi sie hetti d bilder suscht sicher grad allne zeiged :D oh mann dini mitarbeiterin isch ja echt nöd ganz…. Haha het sie sgfühl gha du verschiebsch ez na churz s hochziit weg ihrne wichtige termine :D? immerhin staht dini cheffin hinder dir und git ihre nöd auna frei oder so! aber isch au blöd macht sie nüd degege..



@claudilein: ja da hesch recht, dörfschmer würklich d froid nöd nee la vo so öpperem!! D hochziitstorte isch vode bäckerei pfyl, de stand isch irgendwo z mitzt ine gsi, weiss nüme gnau wo :D

@Sue: Oh guet het sie sich aber wenigstens gmolde und sich entschuldiged, denn chunts ez sicher guet mitem zweite treffe :)!! Oohh gratuliere zum kleiderkauf, hesch es fötteli??

@Fara: gratuliere au eu na gaaanz herzlich zum zivile, so schön het alles so sponti klapped :)!! Ich denk au es sött keis Problem sii mitem Kleid apasse vorem HZ wenns früeh gnueg kommuniziersch und au seisch warum, dass chunt ganz sicher guet!! Und fallsmer eus nüme „ghöred“ vor de OP wünsch ich dir scho jetzt ganz ganz viel Chraft und dass alles Guet chunt!!

@nala: und, sinder scho wiiter mit de flitterwucheplanig? Ou schickschmer denn de link au vo dinere website :)?

@daenu: oh nei so blöd het sich de ander verschnurred!! Aber du hesch morn din Polteriiii, so schöön!! Freu mi scho uf de Bricht :D!!

@maerlene82: welcomee und gratuliere herzlich zur schwangerschaft, so schöön :) isch alles guet gloffe bis ez?

@sunds: au dir herzlich willkomme :)

So und ez folgt min ego post..

Hihi, i liebä dä Film ou mega. V.a. wöu er so luschtig-trurig isch. Wow, isch ja mega cool dass di GG das Lied het gnoh und dir so dr Atrag gmacht!!!!

I ha mir mal überleit das GG als Überraschig z singe am Hochzyt und drzue uf dr Gitarre spiele. Aber da ig weder bsunders guet cha singe no Gitarre spiele hani mit drgägä entschiede.

Sue: Ich liebs Lied au, chum amigs jetzt scho hüenerhut über wenis ghöre, wie wird den das erst ide Chile ... Also min Vater macht das ned professionel oder so, aber er chan u guet Gitarre spiele und singe... Mir hend früehner uu viel dihei zäme gsunge, drum freuds mich riiisig, das er den au ide Chile spielt/singt
Wow, das mit em Atrag isch ja de Hammer

Sunds: Mir hend d Lieder eifach jetzt scho usgsuecht (mir hürated im Juni), wil bi üs e Kolleg ide Chile singt, zäme mit sim Vater wo Saxofon spielt und amene andere Kolleg wo Gitarre spielt. Sie tüend d Lieder extra für üsi Hochzyt iüebe, drum hemer si ihne jetzt scho gä, damits gnueg zit hend.

Pricana: Bin weg de Schueh legscht Jahr es paar Täg vor em zivile no wie wild in Züri umegrennt und han eifach niened dertig gfunde. Min allerletschte Versuech isch den de Zorro gsi, aber han denkt sie seged den det e z tür. Aber ich han Glück gha, sie hend grad Usverchauf gha und die Schueh no i zwei grössene gha und ein devo isch mini gsi
Ou mega blöd mit dine Füess. Und wennd halt eifach Schueh mit es biz Absätz nimsch und den es par bequemi Reserveschueh? Den chasch eifach hin und her wechsle (also für d Föteli und de Tanz die höche und suscht, wemers underem Chleid eh ned gseht die andere)
Und mega lässig weg de Frisur/Make up Isch doch schön, wen der ned die ganz zit sorge wege dem muesch mache... Ich han zum Glück e Kollegin vo Visagistin isch, die isch sowieso de ganz Tag debi

Malinchen: Ich han mer das mit em Singe für de GG au scho überlet. Also ned ide Chile, sondern als Überraschig am Abig. Bin aber no voll unschlüssig. Ich han früehner scho im Chor gsunge und wahnsinnig schlecht singi ned, aber jetzt au ned würklich super. Fänds ebe no lässig es zweistimmigs mit mim Daddy zäme z üebe (und er chönt den au no mit de Gitare begleite), denn wäri au ned so elei bim singe. Mal luege wieni mi den entscheide
Wie wärs wen den eifach es paar Stunde unterricht würsch nä zum es Lied gezielt iüebe?

@pricana: Haha so geil wägä de Visagistin!!! Isch ja super het sich das so ergäh... Wägä dä Füess isch ja mega doof, chunnt mir i Sinn du hesch scho mal drvo verzellt, das isch ja jetz würkli scho mega lang dases nid guet isch! Duet mir mega Leid.... I würds ou so mache wie d broncos seit, eifach für wenns gad nid so wichtig isch bequemi Schueh mitnäh und die schönä eifach denn alegä wenns guet mues usgseh...
Wägem Pass isch ja ou mega cool! Fröit mi dass das jetz glich klappt dass när scho mitem nöie Name chasch reise!

@broncos: Jaaa, das hani mir äbä ou überleit obi söll paar Stunde näh aber das choschtet halt ou nomal... Die einti Kollegin cha zwar mega guet singe, aber zu ihre isch ds Verhältnis im Moment ja eh gad chli agspannt u i gseh scho die zwöi am Schluss das Lied für üs singe weni öpis drvo erwähne oder so. Drum fallt die Option ou wäg... I nime villecht eifach d Gitarre mit id Flittis und singes de mal amnä Abä am Strand für ihn oder so.
I ha jahrelang Klavier gspielt und ou ab und zue gsunge drzue, aber när hani mal es troumatischs Erläbnis gha ir Schuel woni vor allnä hät sölle vorsinge und denn hani mir gschwore i singe nie meh vor Lüt. Aber i maches eigetlech voll gärn und dehei oder im Auto singi immer u GG findets voll schad dasi nid meh due... Drum wärs no so cool gsi für ihn vor allnä Lüt ds singe, aber mues ja eigetlech ou nid si. Wirde de scho gnue nervös si a däm Tag.

I spieles/singes immer nach däm Cover, finde das wuuuuuunderschön:
http://www.youtube.com/watch?v=1DT-9OKcKWw

Mach doch das mit dim Papi, das wär sicher ou mega cool wöu dir früener immer zämä heit gsunge!!!

@Dänu: so coooool, gniess di Polterabä/tag oder was ou immer!!!

Daenu: So wien ich mich kenne, wird jetzt das wieder en Roman mit min Polterabig Aaalso: Mini TZ/Schwöster und Schwägerin hend mich bi üs dihei abgholt. Mini erst Ufgab isch gsi, üs zu eine vo mine beste Fründine z füehre. Det hani den en Sack übercho mit de Chleider drin, woni muess alegge. Woni ne ufgmacht han, hani uuu freud gha. Es isch so esFitness/60ties (oder weli Jahr sind die gsi mit Leggins, Body etc.) Outfit gsi. Also pinkigi Leggins, churzi Hose drüber, es gelb/pink gstreifts Tanktop, Chnüsöcke, pinkigi Herzohrerig etc. (Chan der suscht es Föteli per PN schicke) woni zum Zimmer usecho bin sind die andere au so agleit gsi. Das isch s erschte gsi, wo mich meeega gfreut het. Das ich ned die einzig gsi bin wo verchleidet gsi bin. Denn simer mit em Zug wiiter go bowle. Det hemer den de rest vode Mädels troffe (und würkli all sind verchleided gsi). Bowle het perfekt zu üsem outfit passed und isch uuu lustig gsi. Nachher simer mit em Zug zrugg id Stadt, ich han es Ghettobluster becho mit so luschtige alte Lieder (Spice girls und so) und es Chörbli mit chlinä Schnäpsli. S nächste wo mi gfreut het, ich han die ned müesse verchaufe sondern han müesse a Männer es Härzli mit Lippestift uf Bage male, den hends mit mir es fläschli dörfe trinke. Mir sind in Züri im Movies go esse. Nachher simmer witer is Restaurant won ich früehner gschaffed han. Det hani es Säckli mit ganz viil Zetteli wo Fitnessüebige druf stönd becho. Ich han den zude Lüt ane müesse und sie hend es Zeteli chönne zieh und ich han den die Üebig mit ihne müesse mache. Das isch sooo lustig gsi. Eine het de Hampelma eifach ned chönne, mir hend es Video devo, eifach chöstlich. Nachher simer den no is Plaza und hend die ganz Nacht duretanzt. Wie gseit isch eifach perfekt gsi. Was mich au riisig gfreut het isch, das Fründinne vo all mine verschidne Kollegechreise cho sind (also Kant, Uni, Volley, Schaffe...) und sich super mitenand verstande hend.
Freu mi den scho uf din Bricht.... Ich hoff fest für dich, dases au so super wird.
Ich han z erst au nur es Dessertbuffet welle, aber GG und TZ/TM hend gfunde en Hochzytsturte ghöri eifach dezue. Will ich bi so viel anderem min Wille duregsetzt han, hani jetzt da nachegä
Ouu, dörf ich die Liste echt au ha? Han immer Angst, dasi irgendöppis vergisse.

Malinchen: Das mit em Strand ide Flittis isch au e mega schöni idee wird den sicher sone schön romantische Moment, woner nie vergesse werded. Und das Cover isch wunderschön

@nala05
Ich hät gärn e grüen/wisse Brutstruss am liebste mi Lilien, d Iladige wärde Wissi Kärtli mit me grüene Band si, in dr Lokation wärdemer wahrschinlich wisse Hussene mit grüene Schleife ha.

Mir hän grüen/wiss gwählt will grüen unseri Lieblingsfarb isch und mit wiss gsehts no chli erfrüschend us find ich.