Malinchen
Mega schöni Liederwahl! Love you till the end isch eis vo dene Lieder woni voll cha dezue hüüle :D Schliessi mi da de p.s. i love you Garde a!

Sue
Da gahts eus ja echt genau glich wege Silbermond :D

Pricana
Danke villmal! Gell sägs nöd, ei Wuche verhüratet, yaaay
Ou das mit de Schueh tönt nöd so guet! Hoffentli chunnsch umne OP ume!
Soooo geil mit dinere Stylistin! Macht sie für de Priis nume dich oder au dini TZ? Aso ich schlüsse mich da voll und ganz de Pfingstrose a, wenn hedmer schomal d Glegeheit

Daenu
Morn hesch Polteriiii!!! ;)
Wege de Ferie müemmer ez halt mal luege wenn denn GG agfange hed. Mini Chefin – Sie isch es Hueh durch und durch – weiss eh nid, wenn ich Ferie igeh ha, vo demher chanis de vielleicht doch hin und her schiebe.
Ou schad wege de Vorbereitige. Mier hend ez zwar ned wirkli en tolle Ort defür (bi mim Gotti) aber trotzdem wettis gern..
Bin scho richtig richtig Vorfreudig und gspannt was du zbrichte hesch nach dim Polteri! Wünsche dier gaaanz viel Spass, gniesseds und denke fescht a dich

Broncos
Din Polterabig tönt Hammermässig! Würd aso mega gern s Foti gwundere :)

Claudilein
Oh nei, das tued mer mega leid mit dere doofe Nachricht und wünsche dier vo Herze, dases nüt schlimms isch und dass dSorge wirkli umesuscht sind. Klar fangts a rattere wenn mer plötzli demit konfrontiert wird demit, das s Herz ned perfekt schaffed… Wünsche dier viel Chraft und schön luegt din GG so zu dier!

Me
Mis at Zeiche uf de Tastatur gaht nümme?! Wie blöd isch das denn bitte? :D
Jez hed gad no gschnell GG is Gschäft aglüte, daser am Mäntig und Ziischtig bi mier im Gschäft chunnt go schaffe als min Assistent. Mini Chefin heb ihm das offebar abotte :D Mier hend Inventur und de Bürokram blibt de komplett a mier hange, de chäm er doch chli go helfe, er heb ja Ziit :D

Malinchen: I singe au meeega gern, aber am HZ-Tag hetti eifach mega Angst, dass mini Stimm verseit und ich denn hülend devorne stohne! Horror
Das Cover isch mega toll, hans grad paar mal müese lose. Danke, wird’s sicher gnüsse!

Pfingstrose: Das isch sicher e gueti Idee…und dPrisä ändered sicher nöd wahnsinnig. Mir hend au Usflüg womer denn vor Ort bueched womer etz en Priis usem Internet inetue hend. Das wird scho verhebe denki. Jo gellllll…nurno 50 Täg – unglaublich! Es sind mal 357 Täg gsi und schwupp…haiaiai, ich bi scho langsam recht nervös.
Je es sind no recht viel essentielli Sache. dGetränk für de Apéro bstelle, Änderige am Kleid, Termin ZSA, Anzug GG abhole, Namensliste as Hotel oder aber denn so Chlini Sache wie: wer macht dHintertüre vode Kirche uf, will mir erst ganz spot bide Kirch achömed und üs niemert söt gseh (Tür het sones Schnapp-Schloss). He und und uuuuund…öppe 35 To Do’s

Broncos: Danke dases mir verzellt hesch. Tönt mega toll. I het geeeern e Foti! I würds glaubs au schätze weni nöd di einzig Verkleideti bin, aber zur Ziit isch ja eh grad Fasnacht (also falls i di einzig vode Gruppe bin). Das isch ebe au mini Hoffnig, dass sich dMädels us de verschiedene Kollegekreis chli kennelerned, halt schomol im Hinblick uf de Hochzitstag.
Weisch, die Lischte isch etz sehr speziefisch, glaub nöd dass der die gross was bringt. Sind kei grundsätzlichi Sache, sondern explizit für üses HZ und grad a dem Punkt wo mir sind.

Claudi: Mega Seich, hoff es stellt sich als Belanglosigkeit use. Cha dich guet verstoh, dass dich das grad chli durerüttlet. Hett de Dök irgend en Verdacht?

Sunds: Han au immer grüen und wiss welle…eigentlich…gfallt mer aber immerno mega guet. S’Grüen bringt s’Wiss so zum strahle findi.

Jane: Hesch du eigentlich auno Polteri? Ja etz fangter zerscht mal a und denn findeder sicher no en Weg zum zämä Ferie mache irgendwenn das Jahr. Wär susch voll schad. Wenigstens hender susch meh Ziit mitenand wegem neue Job. Chani guet verstoh…bi üs isch aber paratmache 1h weg vom HZ Ort und denn würdi 1h für dFüchs zahle…isch doch dooof. Git ebe amigs scho mega schöni Föteli vode Vorbereitige! Bin au seeeeehr Vorfreudig! Du hesch sicher s @ z’viel brucht im HZ-Forum – überlaschtet!

Läck, sit ihr Schribwüetigi, i bi iwie immer no uf Site 621...

@littlefoot: I finde Truhe cool!

@jane: Mir wärde dr Ehering rächts träge, u zwar eifach wüu GG links kenner Ringe cha träge, het derte dr Finger mau broche. Aber ir Schwiiz trägene gloubs di meischte scho links, i ha derte jtzt mi Verlobigsring.
Das mit am Muffesause kenni, mir hürote zwar ersch gester, resp morn i 3 Wuche, ab i ha mir das ou scho überleit. Aber mir stritte eifach aube us, i cha das süsch nit.
Heit ihr das mit am Ringtuusch u am Küsi no chönne erledige, aso füre Ziviler?
Wenn mir dr Hochzytstanz hei, weiss i no nit, muess mau no mit mire TZ tele, bi üs isch gad ziemli viu, eifach dass mir chli beidi uf am gliche Stand si. Mir hei dFotografin ab de 11.00 Uhr bis sicher 00.30 (ämu gani drvo us. Träffe se hinech no, hoffe es chunnt guet.) Mir zahle max 1‘600.- gneuers chnai dr de nach hinech säge. ;-)
Abartig so ne Mitarbeiterin, da verstahni dass de Kirse brchunnsch! U wenn de mau mit Dire Chefin redisch? Oder isch di Adere vo ihre zu sozial?
Wäg de Kirchelieder, I- sowie Uszug hei mir ganz klassisch dOrgele, nach dr Eröffnig hei mir eis vor Kirche ufdrückt brcho, närne hei mir Amazing Grace, A moment like this u e Vogu ohni Flügu
@Sue: Das es Dir mit dr Cateringfrou gad abglösche het, ging mir äuä ou so. Obwou, üsi Fotografin isch ja zerschte mau ou zspät cho, aber engagiert hei mir se glich, es het eifach dChemie gstumme. Hoffe di stimmt de nach hinech ou no. Heit dr enand no mau troffe? Oder isch gad nüme?

@Broncos: Finde dIdee mit de Jasskartene cool, u de chöit ihr ja gugge, dass ihr dJass chöit lah bedrucke, mit öbisem wo sech zHochzyt in Erinnerig blibt
Dörfti äch dFotis vom Poleri ou?

@nala: Tönt guet mit de Kärtli, hesch es Foti?
Mega cooli Schueh! Schöni Ringe wo ihr da heit! U i finde euches erfolgriiche Shoppingweekend super!

@Pricana: Ohje, Dis Timing zum Krank si, isch zwar für Din Chef super, für Di aber gad nit so optimal! Tönt aber super. Getränk wärde gloubs immer so chli gschätzt.
Gratuliere zur Lohnerhöchig!
Jep, i ha das gwüsst, brchummene ou dID gad nach dr Trouuig, fröiie mi riesig! :-D

@Taeboyana: Schön si dSchueh cho, ja DHL het mängisch chli Müeh.
Bi wäm löht ihr Torte lah mache? Di Aperoidee tönt troumhaft, dass wird sicher genial!
WOW, top Agebot vo GGs Gotte!! Heit süsch no offeni Pöschte? Sofa, Esstischkombi, etc

@malinchen: Isch besser mit Dire Blaseentzündig?
Het sech das Chaos mit Dine Mädels chli gleit? Aui wieder zfride, oder gäng no e Teil igschnappt u beleidigt?

@Marlene82: härzlech Willkomme bi üs u gratulation zur Schwangerschaft!

@sunds: Ou Dir härzlech Willkomme bi üs!

@Claudilein: Ou nei, tuet mir mega leid, so blödi News! Aber i nimme ou ah, dass dr Döktu nit no ne Wuche gwartet hätti mit am Kardiolog, wenns sehr schlimm wäri! Drück dr aber Düme ganz fescht, dass aues ok isch!!

@me: heit Dir Azahlige gmacht? Darf i Frage wo u wieviel?
Gäbti so viel, aber i ha gad so kei Zyt, chunnt de no...
Ps. I 3 Wuche hei mir dr Ziviler düre u hei morn zKirchleche...

Guete Morge irr liebe Brüt!

Ändli schaff ochs au wieder is Forum und han meeeeega viel zum Nahläse ka Ich han zerscht mega viel im Gschäft ztue ka und nachher häts mich so richtig schön mit Gripp is Bett ghaue und ich han chum möge ufstah Zum Glück isch jetzt Wuchenend und ier schriebed nöd so viel

Ich probier mal uf di letschte paar Siite izgah und hoffe, ich vergässe nüt wichtigs...

nala: Mir händ eusi Wunschliste uf de Homepage nanig erstellt, werded aber kei Kontonummere agäh. Eus gfallts besser, wänn sies gad persönlich und am Hochziitstag übergäbed. Suscht schänkeds ja unter Umständ scho vorem Hochziit. Mir händs eus aber lang überleit.

Marlen: Herzlich Willkomme i däm tolle Forum und natürlich herzliche Glückwunsch zur Schwangerschaft! Hoffe, dass bis jetzt alles guet gange sich und au so wiiter gaht.

Sunds: Au dir, herzlich Willkomme da!

Broncos: Wow, ich finde dini Schueh de Hammer! Ich bin ja au so en fan vo high heels und werd au höchi Schueh träge. Han au suscht immer höchi Schueh a, drum würs igendwie gar nöd passe, wenn ich a dem Tag ganz flachi wür träge. Mini sind dänn eifach vorne offe und händ obe so es Riemli.

Wow, so schön mit dim Vater vo Gitarre spielt. Ich find das mega persönlich. Wenn dich getrausch, wür ich ich das uf jede Fall mache mitem Singe mit ihm zäme und es isch e super Lösig, dass nöd allei muesch singe :-)

Yeahhh, din Polterabig tönt ja de Hammer!!! Törft ich ächt au es Foti gseh *gwundrigbin*?

Ich han dir dänn na e PN gschickt wägem Chleid im Mery's ;-)

Pricana: Oh je, das tönt ja wükli gar nöd guet mit dinem Fuess. Ich hoffe, dass na ume OP umechunsch und wend muesch operiere, dass schnäll schmerzfrei bisch. Isch scho en riese Seich, aber eigentlich isches ja wichtiger, dass din Tag chasch ohni Schmerze gnüsse und mitem lange Chleid gseht mer d Schueh ja eh nöd so guet. Ich dänk es gaht me ums Gefühl, wod Brut sälber hät.

Claudilein: Es tuet mer uh leid, dass din Arzt öpis gseh oder kört hät, wo nöd ganz in Ordnig isch. Mach dir aber vorerst kei Sorge. Er möcht sicher eifach nume abkläre, ob alles guet isch. Wenns öpis akuts wär, müesstisch kei Wuche warte. Mis Herz schlaht z.B. sit Chindheit unregelmässig und es macht überhaupt nüt, bzw. isch alles guet.

Janedoe: Danke viel Mal für din schöne Hochziitsbricht und herzlichi Gratulation! Muess sicher es schöns Gfühl si, wenn mer verhüratet isch.

Fara: Au dir gratulier ich ganz herzlich zu eure zivile Trauig! Und für dini OP und Gsundheit nume s beschte. Ich denke a dich!

Daenu: Und, und, und???? Häsch Kopfweh? Wie isch gsi? Bin sehr gspannt uf din Bricht!

Me: Mir händ letscht Wuche ändlich Eusi Iladige verschickt und ich han jetzt echo es paar sehr positivi Rückmeldige übercho. Han mich mega gfreut, will ichs nach eue Bricht gar nöd erwartet han. Bin ez mal gespannt, wie das mit de Ameldige lauft.

Am Fritig und geschter bin ich ga Brutchleider aprobiere und han mis absolute Traumchleid gfunde. Han ez namal drüber gschlafe und bin wükli sicher, dass das mis Chleid isch. Föteli gits, sobald ichs bestellt han und s Chleid au törf fötele

Suscht isch bi eus nöd so viel gloffe. Ez woni s Chleid han, chan ich mich dänn langsam um Frisur und Make-up kümmere und muess mal de Floristin alüte. Es git eh na sooooooo viel zmache

Sodeli, ez wünsch ich eu na ganz en schöne Sunntig!