Wow Froue, i ma definitiv nümm mit Hoffe i darf glich zwüschine no mi Sänf drzuegä, o weni d Heufti mues überspringe... I hoffe dir heit aui das schöne Wuchenändi gnosse!


@aui neue: es kollektivs härzlech wiukomme da inne!

@nala: Oje, hoffe isch nüt Schlimms wo'd muesch operiere? I ha letscht Summer es CT müesse mache und es isch aso nid ds Schönschte, da füut me sech irgendwie no chrenker
Cooli Liederwahl! Hallelujah vom Jeff Buckley isch bi mir es absoluts Must, i bechume geng Hüehnerhut bi däm Lied... o wenn dr Text nid unbedingt so guet passt. Chönnt mer das nachem Ringtusch vorsteue.
Wäg de Biträg ad Hochzitsreis wärde mir de gloub de TZ i Uftrag gä, dass sie de Lüt ds Konto-Nr. ufem Schriebe wo sie uselöh agäbe. Uf dr Iladig findis irgendwie nid so schön...

@broncos: Nei du bisch hie nid elei as Jogging-Begeistereti, i oute mi ou as eini Wow Hut ab, wele Marathon machsch? Züri? I hami no nie a die Königsdistanz gwagt, bi nachme haube geng so tot u aus tuet mer weh, dassi zGfüu ha i würdi das nie schaffe...
Oh wow, Flying to the moon vom Sinatra isch ja dr Hammer zum useloufe! Ha das gar nid kennt, drbi liebi Frank Sinatra... "Something stupid" chönnti mir no vorsteue füre 1. Tanz... Das tönt doch u schön mit dim Papi wo Gitarre spiut und wenn du dirs zuetrousch mitem singe, wieso nid? Chunnt sicher o drufa, wie emotional me a däm Tag de isch u wie gwöhnt, mit dr Närvosität umzga.

@Pricana: Oje, ou dim Fuess ganz gueti Besserig und i hoffe fescht, dass nid no e 3. OP muesch mache... Hammer mit däm Ganztages-Stylingagebot Mir wärs jetz ztüür, aber wes dinne liegt, wieso nid? Schliesslech söu me sech a däm Tag wiene Königin füehle und verwöhnt wärde vom Morge bis am Abe

@Claudilein: Wünsche dir ganz viu Rueh und Zueversicht bis du dä Termin hesch, aber wie scho paar hei gseit, chas ou ganz guet öpis si, wo nid witer beunruhigend mues si, bim Härz ghört me ja no viu Grüsch.. aber verstah di natürlech absolut, dass du dir Sorge machsch und hoffe ganz fescht, dass dir wie planet chöit ga touche!

@Maeva: oje du Armi, i hoffe du bisch wieder uf de Bei. Die Grippe schint ja dür ds ganze Land z'zieh... Schön heiter so positivi Reaktione uf d Iladige becho! I bi de gspannt wies bi üs isch... Ou so toll wägem Chleid, was hesch für eis gfunge? Bi scho gspannt uf Föteli!

@daenu: wie isch dr Pouteri gsi??? Bi gspannt uf di Bricht!

@malinchen: Tolli Website wo'd hesch gmacht und mega nützlechi Infos!

@Lula: Hey i 3 Wuche isches sowit... das chunnt sicher guet, aber i wär genauso närvös und hätt Angscht, öpis gieng vergässe... Bi üs geits no ziemli gnau 6 Mönet u glich hani zGfüu, mir müessi no so viu und stresse mi zwüschdüre, weni gseh wie wit teil da inne si

@Azahlige: Mir hei afa ca. 5'500.-.- azaut, ds Chleid z ganze, im Resti e Azahlig, bide Ringe und bir Fotografin. Süsch het no niemer öpis wöue

@me: Aber mir si ja o nid ganz tatelos Üsi Iladige si sozsäge uf dr Zielgerade und mir hoffe, mir heige se bis änds Monet druckt ide Häng. Mi Brüetsch het würklech e super Job gmacht und mir hei gester e Entwurf gseh, jetz gits mau e Probedruck. Am Donnschti wei GG und ig de dr Räschte ga ichoufe (Etikette für die personalisierte Briefmarke z'drucke und Couverts).

Musik bini fliessig am Vorschleg aluege /-lose und afrage, aber zum Teil wartet me rächt lang uf Antwort... I hoffe, mir chöige das Thema ou baud abhagge.

Wäg de Schueh iloufe hani no e super Tipp becho vore Schuehverchöiferin: so Strumpfsöckli nass mache und d Schueh so iloufe. Ha das am Friti scho mau chli testet und es funktioniert super!! U süsch für die wo Läderschueh hei gits sone Spray im Bata wo d Schueh dehnbar macht, mis Mami schwört uf dä!

Am Zischti heimer no ds Träffe mit üsere Tortefrou (@Lula: www.traumtorte.ch ) gha und sie het üs e super Idruck gmacht. Hei de gmerkt, dassmer d Azau vode Cupcakes no ziemli gäg ufe müesse apasse und drum chunnts itz no chli türer, aber drfür heimer e soooo e supergünstigi Offerte vor Druckerei für d Iladige und Hochzitszitig becho, dasses guet sött drinliege. De bini no am luege mitem Apérocaterer vom zivile fürne Termin im April womer de gnau usläse inkl. Wy und so.

Und am 3. März heimer üses Ehevorbereitigsgspräch ufem ZSA zBärn

Häbet de wieder e guete Start id Wuche!

Guete Morge mini liebe Mitbrütlis

daenu: Uuuuund? Wie isch de Polterabig gsi? "gwunder*

Lula: Wow bi üch isch ja einiges gloffe... Nur no 3 Wuche, time flies

Maeva: Wow, dini Schueh töned also au uu schön im Alltag probieri amigs chli weniger höchi Schueh azlegge, mim Rugge z lieb Aber für Fester und so holi amigs die höche hacke usem Schuehschrank
So schön weg de Rückmeldige zude Iladig. Isch so schön, wenn d Lüt au schätzed, wemer i öppis so viel Gedanke und Arbet gsteckt het.

Taeboyana: Jaaay, doch no en Joggingbegeistereti, so lässig. Bin für de Zürimarathon am trainiere, aber es isch au min erste. Ich han mir eifach mit Infos us em Internet und vo mine Elter (sind beid au Marathonläufer) en 12 wüchige Trainingsplan erstellt und den schaffsch langsam uf die ganz Distanz hi. Früehner isch s mer also mit em Halbmarathon glich gange wie dir und jetzt hani eine am Weekend gmacht und u churz gfunde, will mer am wuchenend vorher 30km grennt sind. Du gwöhnsch dich so schnell a die lange Distanze.
Bin den gspannt, wie üchi Iladig usgseht
Das mit de Schueh isch e guete Tip, muesi au mal probiere. Die fürs Hochzyt hani ja zum Glück scho am zivile igloffe

Guete Start id Wuche üch allne

guete morge
eigetli wäri hüt & morn am schaffe gsi aber da mini chli jetz au spitzeblatterä hät...nur isch komisch sie het sit gester morge nur 4 becho..bim sohn isch das grad chli schneller gange und er hät u vill becho.
daenu: uuuund :) ?

malinchen: danke für PN. finde sie mega eui HP. de stil gfallt mer mega.

nala: wow grad chli lieder. ich cha mer gar nid vorstelle wie gnau die planig muss si mit de chile, dass es denn eim au passt usw..

lula: potz ja du lang gahts nüm und mir dörfed en bricht läse *freu*. etz gahts denk no in endspurt wo denn glaub scho chli stressig wird..öper hät doch mal gseit da ine, die letschte drü mönet sigsch eigetli ständig dra...

maeva: gratulierä zum chleid! hoffe git gli fotis :)

lilian: jä wie herzig so chlini babys
was wetsch denn baschtle ?

claudilein: ou nei das tuet mer leid ! denke aber au wenns e wuche cha warte isch es sicher nüt allzu schlimms. drück dich...

taeboyana: wege was d söckli alege ? weg de schmerze ?

broncos: wow ja du marathon isch nüme nüt :)

jetzt en laaange ego post :
me: aaaalso ich han en super fritig abig gha mit minere schwö. sie isch eifach de hamme immer voll deby, au wenn ich ihre gseit han seisch denn wenns z vill isch oder irgendwas..nüt :) de isch mi GG ja no cho und sie het 2-3 sache gfragt wie er sich das vorstellt, damit mer d lischte chend usbaue. de hemmer eis zwei gügeled und mi GG het ebe ganz vill sache plötzlich gseit was ihm wichtig isch (logisch wenns mal öper anders fragt ). bi denn no überrascht worde...er het gmeint er well en hochzitstanz und en kurs au no hoppla :) und wie wo was wegem treffä vorem standesamt hämmer au chöne kläre. er gaht mit em fründ vo de schwö am morge no chli furt, brunche usw..ev no turte oder blueme hole, und de hemmer es hotelzimmer grad nebedem rathus, mit whirlpool womer billiger bechämed wil mini nachberin det schafft und eus das organisiert het. voll cool. de treffed mer eus uf de kapellbrugg haha voll kitschig aber es pässled eus. jetzt weissi au dassi d fotografin ab denn sett bueche. händs denn au plötzlich vo de tisch/sitzordnig gha und ich han denn ebe gseit ich fänd e tischordnig guet aber kei sitz. GG het denn gmeint er well gar keini aber denn het mini TZ no nach besondere Wünsche gfragt und ihm isch mega wichtig dass eusi beide familiene, wo sich ja quasi nid kenned obwohl mer scho so lang zäme sind (jaa, es het nie en alass ge, eusi chind sind ja au nid tauft), zämegfüehrt werded. (aso mis mami kennt sis grosmami scho woner ufgwachse isch, aber halt all andere.)
er well echli en durmischig, aber denn het er denn glich wieder gseit, sini muetter (schweierige fall für die wos no wüssed) und sis grosmami müessed binenand hocke usw...aso isch eigetli jetzt scho schwierig. graut mer denn chli devor dass z plane wil irgendwie gits nie die perfekt lösig hanis gfühl
ah und er wetti gern en gästetransport (also doch ). aber nur vom rathus id location. ha etz mal für en liniebus vo de Verchersbetribe Luzern agfragt. Kutsche wär ja e 25 plätzer, mehrfach fahre (450.-).
mit wetteds im brief ad gäscht ha. nur bini nid sicher wie das fuktioniert mit em areise...bim rathus häsch eh ke parkplätz, und ich weiss natürlich nid wo die lüt denn parkiere wend...bi de gardenvilla chasch ja eigetli au nid. aber s iisfeld wär det i de nöchi. mönde de wohl au no schribe dass es det direkt ke parkplätz het. (wenns nid so tür wär hettemer e en bus vo uri aber ebe...)
polterabig isch au no es thema gsi. ha ja eigetli keine welle. de het GG verzellt dass sini fründe und de TZ chli gfragt hebed usw. und de au wegere stripperi omg die sind suscht nid so. aber ich glaub sie hends jedesmal verpasst bis jetzt und drum muss GG anehebe..aber er heb abglehnt. ich weiss jetzt nid obs eine git. wett nid eine ha wenn er keine hät. drum lüted mini TZ mal a sim a, wo ja all nid vill erwarted dass er öpis macht wil er halt eifach gar nüt vo hochzits sache haltet. er findet alles übertribe. de wird auge mache haha :) mit mrs & mr schilder, candybars etc.. findet er voll unnööötig haha ich lach mi etz scho kaputt.
so glaub das wärs. ha uf allfäll mega freud wil es gaht ja no 4 mönet und drü täg (aaaaaaaaaaaah).
und es foti vo mir im chleid hani au wieder mal gseh. isch halt scho es schöns glaube ha scho s richtig vor allem vom schnitt her isch es eifach perfekt. anderi würded mer nid so stah wie das.

Guete Morge Brütlis!

Hei die meiste sind scho voll wach und am schriebe. Schön sinder alli am fürschi cho mit plane.

Littlefoot: Cool häsch jetzt au mal no Sache vo Siite vo dim GG ghört. Isch doch immer spannend mengisch überlegeds doch glich aber säged nix. Lustig Cheibe die... Und nett isch dini Schwöster so engagiert! Eifach toll! Dut eim scho chli beruhige hä...

Me: Mir hend jetzt e Lösig wegem Föteli gfunde. Hend am Wuchenend mal nomal euses Standesamt aglueged... Schliched dete eifach immer in Park. Hihi! Jetzt isch d Abmachig en Kompromiss. Min GG möcht ja eigentlich unbedingt nach de Trauuig d Fotis mache und ich unbedingt vorher. Er findets ebe doof sich uf de Fotis gseh und dänke ah dete simmer nonig ghürate gsi. Hihi! Jetzt hämmer beschlosse mir mached ca. 45 Min. es Firstlook Shooting und den nach de Trauuig nämed mir nomal ca. so viel Ziit zum den nomal Fotis nur mir szweite zmache. Bin mega zfriede mit dere Lösig und er au. Puh! Han dänkt gha das wird no eusi grössti Diskussionspunkt. Gad no guet gange!

Den hämmer d Iladig am SA no sine Elter bracht. Sie hend sie mega schön gfunde und au Freud gha. Aber ihne schwritted immer Vorstellige im Chopf ume wo mich eifach chli nerved. Sie sind den irggendwie uf de Ablauf vo de Hochziit und vo Wege Fotis und Album und so cho... Sie hend eigentlich dänkt das min Schatz bi ihen schalfe wird. Mir wend ja aber beidi im Hotel je mit eusne TZ schlafe (sind ja Brüäder und Schwöster). Den dünts immer so ah ja chönder mache wie ihr wend aber id em Ton das mer genau weiss, mir fändets so wies mir gseit händ perfekt. Stört mich eifach mun mer zu allem immer sis Muul ufmache. Sie findet es isch Geldverschwendig scho e Nacht dete schlafe. Chume amigs nöd druus... Sie wend nöd im Hotel schalfe zum Geld sparre aber den Sache im Wert vo weis nöd wie viel Geld schänke. Das söll mal öpert verstah. Aber ich dun mich eifach abschotte vo dem. Isch mir jetzt ächt glich... Luege eifach mit mim GG. Und sin Brüäder isch ächt en unzeuverlässige TZ bzw. er isch garkeine. Zum Glück isch mini Schwöster so guet und ich weiss au dass sie sin Brüäder mit Mails pisake wird und das scho im Griff hät. Aber finds eifach unfair und unschön wenn mer so Intresselos isch. Tja... Isch mer au gad glich. GG redet mal mit ihm.

Jetzt machi mal de Tagesablauf und e Liste was erledigt werde muss mit Prioritäte.

So fertig Ego-Post! Tschuldigung...

Guete Wuchestart!

Hallihallo zäme!

@sue: oh nei goht jo gar ned mit dere catering frau! Puh würd mir au ablösche will sorry so öbis unzueverlässigs..
Aber guet häd si sich immerhin no gmäldet… ooh so schön wägem chleid hihi fröitmi mega för di! döfi au es foti gseh bitte? :)

@nala: jo d’pianistin isch ächt hammer! :) mini tante häd eigentli easy reagiert.. nur weissi jetzt bis jetzt ned ob si a apéro chunt oder ned :/ jo wäg de frisur goht ächt gar ned.. probiere jetzt mol mit minere kollegin us :) jo gäl goht gar ned wäg dene 120.- :( doch wahrschindli scho wäg de torte.. GG het halt gärn so en italienischi torte gha aber das findsch fast gar ned und han kei lust das tällergäld z’zahle.. mol luege.. wüssed ihr scho wäg de torte im montana? Verstoh di super wägem nuvaring… ich bin ächt froh hani ne dusse :) ooh dönt jo super mit dine news! =) gaaaanz schöni schueh! Und d’ringe gfallet mir au sowie de gürtel und s’MR&MS härz hihi und wäg de M&M’s isch au super! =) (uf das laufts bi öis ev. au use will mi GG jo sooo M&M’s fan isch das wüsset alli würd drum no passe ;) mol luege ;) wäg de homepage: mir händ keis konto druf do… d lüt wo gäld wänd schänke sölets doch eifach ines couverts due wie damals ;)

@daenu: jöö würkli mega schön das chleidli! =) händer guet usgsuecht :) oh nei so en trottel wo sich doch eifach verschnorrt wägem poltere :p goht gaar ned!

@pricana: döfi froge was ihr zahlet für de kurs? Guet isch kei einzelunterricht oder? han ebe kei bock so vil hizblettere för das…

@taeboyana: ooh schön isch venedig so super gsi! =) wow das sind jo alles super news hey fröitmi lauft grad ales so rund bi dir! =)))

@malinchen: öichi homepage isch meeega schön!! =) komplimänt nomol würkli! =) oje chan dir soo guet nofühle wäg dem gstörm.. isch bi mir jo amigs ned anderst jede wet drirede und mtibestimme ganz schlimm.. mängisch dänki so: wartet nur bis ihr mol hürotet :p mängisch dänki au wäremer doch eifach uf hawaii oder so haha :p aber hey cool wäg dinere coiffeuse! =) yeeah voll geil wäg de polterparty isch jo hammer! :) und wägem azug dönt ächt günstig muessi mol go inegüxle ;)

@pfingstrose: oh nei das isch au müehsam hey… häder d iladige inzwüsche verschickt?? Oje du drum hani das grad sälber id hand gno :p aber hey mega lässig wäg dinere family, dass si alli det öbernachtet! =) wenn si s’gäld händ und öich gärn gäbet würdi ned nei säge :p bruche chönders jo sowiso ;) bide südländer isches z.bsp. normal dass d’eltere en grosse teil vom hochzyt öbernähmet.. am GG sini eltere werdet öis au so 5000.. gäh! :) händs bi sim brüeder au gmacht (mitem unterschid, dass di nur zivil ghürote händ und öbe uslage vo 1500.- gha händ die händ also fett plus gmacht und sogar no d’wohnigsirichtig finanziert gha :p) super händer en lösig gfunde wäg de fötelis! :) hmm wäg de schwigereltere: eifach gar ned hilose :p

@bibi: doch doch hani becho – bin nedso dezue cho im forum mit z läse z’schribe i de letschti! Aber DANKE VILMOL!! =)

@janedore: ooh öiches zivile dönt soooo wunderschön! =)))) fröitmi händers so super gha magi dir vo härze gönne! =))) CONGRATULATIONS! =))) hehe so witzig dasses di fast vertätscht häd! Do chunt mir grad es mega witzigs video in sinn haha due unde grad de link poste :p d’frau vertätschts fast währen de trauig :p oh nei mega müehsam hey au do wider eifach lüt wo sich imischet obwohl si ned söttet!! Naja…. Verstohni gar ned! haha hani grad müesse lache – schwigermüettere :p hihi de hammer :p haha das chani mir vorstelle wird för alli vo öis en mega umstellig wägem name :p ui nei dere mitarbeiterin wäri also au ad gurgle!! Gohts eigenli no?!? Puh die isch jo ächt z’vil! Iversüchtig oder so?!? hehe jöö isch dänn härzig vo dim Ma :) hehe jetzt döfmer jo Ma säge ;)

@broncos: hey so super wägem restaurant dass si öich so entgägechömed und natürli dass dini eltere s’ässe öbernähmet hammer! :)

@fara: gratuleire au dir no härzlich zur hochzyt! =) fröitmi händer en schöne tag gha am zivile! Hmm verstoh di dass dich das alles stresst und verunsicheret.. isch halt au en grossi doppelbelastig… ich drück dir de dume, dass d OP ganz guet verlauft und au sust alles guet chunt dass zitlich alles passt und s dir a dim grosse tag scho wider ganz guet goht!

@marlene: härzlich willkomme und vil spass bi de hochzytsplanig! :) hey und gratuliere zum kommende nochwuchs! :)

@sunds: au dir härzlich willkomme und vil spass bi de hochzytsplanig!

@claudi: oh nei mega doof – hoffe häsch inzwüsche entwarnig?

@lula: uuuh bi dir ischse gliii gliii scho so wiit und du häsch dis hochzyt! =)

@taeboyana: hey super händer eingies chönne abhögle! :) cool wäg de iladige ! :) Hey merci wägem tipp mit de söckli das probieri dänn au mol us ;) wenni dänn mini schueh def. han ;)

dänn hani aber hüt vor enere woche scho wider de negst dämpfer becho.. sind uf s’standesamt und händ das ehevorbereitigsgspröch do welle go mache (weiss ned obis erwähnt han – han no es vornameänderigsgsuech am laufe will min vorname sit geburt falsch gschrebe wird und mini eltere das leider nie gänderet händ) jedefalls bini do völlig falsch informiert worde und es goht jetzt wahrschindli glich ned vorher also muessi 2x alli dokumänt wie päss etc. loh ändere loh schisstmi schön a! und s schlimme isch gsi, dassmer das gspröch dänn ned händ chönne mache jetzt müendmer nomol goh! Will rein theoretisch wärs jo möglich, dasses am tag druf grad i de post gsi isch – natürli isches das ned.. man ächt närvig! Bin dänn grad rächt down gsi wili halt so en dureorganisierti person bi dassis gar ned verlide, wenn öbis ned nach plan lauft :p
Jetzt no zo de good news: gester sindmer in winterthur gsi bim Wolfgang Weigand – er wird def. öise Theolog si und werdet ihn öisi Zeremonie loh mache :) mir fröiet öis riiisig, dassmer ändli öber gfunde händ wo passt.. klar er häd au sin Pris aber händ es super gfühl und er macht das würkli hochprofessionell :)

Und jetzt wönschi öich allne ganz en schöne, sonnige tag hehe und do no öbbis zum mitgröhle :p (isch mir dur d’fara i sinn cho :p) ha nüme chönne woni das s‘ 1. Mol gseh han :p

http://www.youtube.com/watch?v=kM6lXVNaPfI