| Bräute 2014 |
|
|
1 .. 324 .. 645 646 647 648 649 .. 823 .. 997
|
24.02.14 13:37
sunds 
|
Re: Bräute 2014
@laprincipessa
Oje das isch jo mega müehsam mit de TZ wo nid an Brunch cho sind und das mit sinere Frau goht jo gar nid, vorallem wenn er weiss dass ihr euch nid verstönd.
Ich ha bi uns au s Gfühl dass dr TZ vom GG (si Brueder) nid wirklich Lust het TZ si, resp. chli öbbis z'organisiere. Aber zum Glück macht mini TZ (mini Schwöschter) das no so gärn und isch flissig am hälfe und uns unterstütze wo si nur cha 
Ich hoff das sich das bi euch wider iränkt mit de TZ, wär schad wenn d Hochzitsvorbereitige drunter würde liide.
|
|
|
|
|
|
|
|
|
|
|
|
|
|
24.02.14 17:19
nala05
|
Re: Bräute 2014
hoi zämme
@lula: wow bi euch lauft logischerwiis einiges! so schön in 3 wuche bisch du scho e vrhüroteti frau 
euri to do liste beschränkt sich jo zum glück uf klinigkeite
unseri kärtli hämer erst am samsti gbastlet, ha hüt no miesse d bilage blätter zueschniede, mache si hüt obe no ganz fertig, den gits de föteli 
@malinchen: ah jo ihr hürotet jo au am 21.6. bzw händ scho am 21.6. ghürotet dämfall wirds 100% e super dag mit super wättr 
ha dr jo scho gschriebe wäg dr HP.. find se super *daumenhoch* 
@taeboyana: nei es isch nur e ganz e chline iigriif, mues nid mol zwingend is spital wenni nid will, nur bini e schisshaas und wot nid halbwach drbi si wen si operiere dien. das stimmt hallelujah isch vom teyt här nid sooo super aber ich finds au eifach so e schöns lied
schön isch bi euch so viil glofe, bi gspannt uf d iladige au vo euch. das mit de schueh ilaufe findi jetzt aso au intressant, muesch de sage obs klappt het!
wen händ ihr de s zivile das ihr scho könnet s ehevorbereitigsverfahre mache?
@lil.lian: ohhh jööö! so kleini babies sin scho schnuuuusig was für e stanze suechsch dene? bim tchibo hän si bi de privatcard vorschau bastelzüg.. vilicht findsch jo öbis dörte?
@littlefoot: oh gueti besserig dinere tochter.. mini schwöster het au wo si wildi blootere ka het rächt viil und schnäll überall ka, bi mir sin si nid mol sicher ob ichs je ka ha, de kinderarzt het dört aber gseit dases kinder git wo nur ganz wenig symptom zeige.. vilicht isch das bi dinere tochter jo au so?
so süess vo dinere schwöster! macht grad mega freud wenn meh weiss das öper sich so engagiert! schad isch aber dim gg si tz nid so hochzyts übrzügt  hoff dases trotzdäm guet use kunnt mit ihm, hesch jo drfür dini super schöstr 
@sunds: so schön hesch du so viil hälfer bim bastle
@pfingstrose: eure kompromiss tönt aso wirkli für beidi guet toll händir euch so könne einige.
hmm scho chli e blödi situation mit sine eltere.. ich würd glaub au eifach chli uf durchzug schalte und s genau so mache wie ihr wänd.. au wenn das oft eifacher gseit as gmacht isch 
@prinicipessa: aso mir lähn d torte glaub au vom montana mache, isch eifach eso und wie du seisch s tällergäld zahle woti au nid. aber was für eini mir wän und so isch no nüd klar… das dien mir den uf d traktandeliste für d besprächig wo mir den irgendwen mol hän
ohhhh mannnn! isch jo ächt doof mit däne lüt vrstandi das du do grad voll down gsi bisch und dich widr hesch chli miesse beruhige! vrstand aso ächt nid wie lüt so druf si könne, ich hass das! vorallem die wo so e halbstund vorhär absage! goht gaaar nid!
und was isch den das für e fründin/frau? isch dämfal s kind gar nid vo ihm? ha au mega miesse lache wägem elefant heschs mol abcheckt, vilicht isch si doch ein? 
gratulier euch aber zum theolog! wenigstens au öbis guets drbi bi aöö däne bad news
@sue: euri liederliste gfallt mir aso au! endless love mues au grad uf unseri liste, fändi no schön für e vatr/tochter tanz
@daenu: ich frog ez au no… uuuuund?
@me: mir hän das wucheänd ganz viil bastlet, sin aber nid ganz fertig worde, hüt hani no d ilage blätter zuegschnitte (isch viiiiil meh arbet gsi as dänkt) und de wird hüt zobe no de räschte gmacht, hoff mir schaffe das hüt no mache, wil bis spötistens am mittwuch woti se vrschickt ha.
unseri hp isch ez fertig, s fehlt nur no d kontoagob, ich schick se däne wo gfrogt hän nochär no
e schöns öbeli allne!
|
|
|
|
24.02.14 19:13
daenu16
|
Re: Bräute 2014
Maeva: So schön dass du scho churz nachem Abschicke di erschte tolle Reaktione uf d’Iladige hesch!
Wegem Polteri schriebe denn grad unne…
Malinchen: oooh dörfi au e PN weg de HP?
Taeboyana: öh, wenn hüroted ihr zivil? Ihr hend ja sGspröch ufem ZSA vor üs (also nur 1 Tag).
Pfingstrose: Ah, das isch aber en guete Kompromiss! Ich verstoh dich guet, dases dich nervt wenn dSchwiegis immer no müend öppis zu allem sägä…immerhin sinds nöd interesselos wie de TZ *grml* Weisch was, ich glaub de taut denn no gröber uf wenn’s denn so 1,5 Mönet devor isch!! Meinsch nöd?
Principessa: Ach das isch aber müehsam!!! I chadi voooll verstoh dass enttüscht gsi bisch und dich dezue ane auno drüber gärgeret hesch, dass da mit de Namensänderig nöd grad im gliche goht *grml* voll doof! Aber defür Gratulation zur Entscheidig wegem Trauredner.
Min Polterobig:
Am Sa isch min Polteri gsi und i ha jo würkli gaaar nix vom Programm gwüsst. Kei Ahnig wie spot’s gsi isch (so 16:30 glaub) wo denn all mini Mädels plötzli vor de Tür gstande sind (alli bis uf 4 wo dGripp gha hend). Weg de Absage bini scho recht Enttüscht gsi, klar chönds nix defür und dGripp goht mega ume, aber i het halt mega gern ALLI debi gha. Aber wo denn 10 Girls im Wohnzimmer ghöckled sind, isch alles vergesse gsi und i ha mi unendlich gfreut.
Sisch denn au grad scho los gange mit Moscato und Chips und so. Nach de erschte 2 Rundene hend sie mich denn welle ikleide. Sie hend i mim Kleiderschrank di unpassendste Farbe und Kombinationen usegsuecht woni wiederstandslos han müese alegge. Ha petrolfarbigi Leggins agha, DRÜBER us so mega farbig pünktleti Socke, es lachsfarbigs Röckli, drüber sowas türkises mit Tigerlimuster und en gälä Schal und es grüens Jäckli. Wie en explodierte Rägäboge hani usgseh. Dezue hani e Scherpe gha mit de Ufschrift „Next Top Braut“, e rieeesigi rosaroti Brille und en pinke Huet wo so amene Haarreif gsi isch und immer links so schräg vo mim Chopf abgstande isch…ich sägs eu…sie händ sich nur scho en Schade glachet woni usem Zimmer cho bin. dMädels hend au je e Scherpe gha mit de Ufschrift „Brautsecurity“. Denn hemmer versch. Trinkspieli gmacht mit Schöttli – Halleluja, vorem Esse!
So am 7ni simmer uf Konstanz go esse. Det acho hemmer grad e Nachricht becho vo einere Kollegin wo chrank gsi isch, sie het üs allne e Rundi Prosecco spendiert. Denn hemmer gesse und Cocktails hemmer auno gha und ein Cocktail hani no spendiert becho vom Restaurant.
Denn simmer uf d’Strass und i ha müese useme Buchlade Schnäpsli verchaufe für 2 Euro, oder öppis vorsinge *rot wird* det hani denn immer gseit Singe seg 5 Euro, ide Hoffnig sie nämed denn Lieber en Shot. Sisch voooll lustig gsi und s’het sooo viel witzigi Situatione geh. Mal hani mim GG sin Name müese tanze für 10 Euro (alles uf Video…mir graut).
Denn het während em verchaufe e Limousine näbet üs ghaltet. Mini TZ schnell…da isch denn imfall nöd üsi gell. De Chauffeur het üs nachem Weg gfragt, er hät müese e Gruppe abhole. Jedefalls simmer dere Limo denn öppe 30min spöter wieder begegnet und de Chauffeur het immerno kei Gäscht gha. Denn hemmer voll dörfe 20min mit ihm go umefahre. Natürlich voll luuut Musig und alli hend us de Fenster use gschraue und gwunke (ja mir hend üs sehr verusgabt, haha).
Nacher simmer ines Pub üs go ufwärme. Det hani auno chli verchauft. Am halb 1 het üs denn es Taxi abgholt (es paar sind denn hai). De harti Kern isch denn ebe mit dem Taxi id Blechnerei (falls ihr das kenned) go dance *jupiii* Es isch Oldschool glaufe!!! Genau mein Ding! Und mini Mädels hend gfunde es heg soooo passst zum Kostüm ich gsächi zu dere Musig us wie de Flavour Flav, HAHA!
Es het no sooo viel witzigi Situatione geh. Wirdi hoffentli NIE vergesse. Am 3 hemmer sTaxi bstellt und sind hai. Dihai hemmer kochet und eini het nacher no chli kötzlet. Z’vierte hemmer Masselager gha bi mir dihai (GG und min Brüeder sind zu mim Daddy go penne). Am Morge hemmer denn fein zmörgelet und Arielle die Meerjungfrau glueget.
I ha kei Grindweh gha und nix…bi immerno mega happy!!!!
|
|
|
|
|
|
|
|
25.02.14 08:26
Claudilein
|
Re: Bräute 2014
Ihr Liäbä, danke vieu mau für öii liäbe Wort wäge mire Herzungrsuechig. Mittlerwiile bini nümme so gschockt u ig dänke, dasses gar nüt eso schlimms isch. Ha no mitem Husarzt beträffend Sport gredt u er het o gfunde, ig chönn mache wasi wöu u dass er das mitem Herz eifach no vor üsne Ferie het wöue abkläre, wieu er mir suscht das Touglichkeitsattest nid cha gäh u ig de nid chönn gah touche. Auso dänkeni, dass nüt Schlimms isch!
Malinchen: WOW öii Homepage isch ja würkli mega schön!
Dänu: haha e explodierte Rägäboge! Wenns es Föteli git, darfi das o gseh? Tönt nachemne mega luschtige Abe! Wie bitte schön tanzt mer de dr Name?  Ah u de Satz: Dihai hemmer kochet und eini het nacher no chli kötzlet." findeni ja de Bescht! hahahaha
Nala: Darfi öii Homepage o gseh?  Das mit dem Hochziit vrschiebe isch ja o guet, suscht hesch de vou de Stress u chasch di nid eso uf z Studium konzentriere (auso mir gängs ämu eso )
Sue: Was für Bhälter hesch de du gschickt? Hesch mer ächt de Link? Mega schöni Lieder heit dr uf de Lischte! mir heinis no nid esoooo Gedanke um d Lieduswauh gmacht
LaPrincipessa: ui nei, dä Brunch isch ja grad echt nid eso gsi, wie dir nech dä vorgsteut het. Auso dass de ander sini Frou mitnimmt, obschon sie gar nid iglade isch, findeni ja ou grad chli z vieu! U dass de eint nid wett cho, nume wieu si kolleg nid chunt, isch o bitz trurig! Dass di GG eso reagiert, vrstahni völlig!
Auso das mit de Namensänderig isch ja o typisch Beamte, nid? Houptsach aues ägstra kompliziert! Muesch de lang warte dezwüschet? Suscht würdi de Pass zBsp. erscht mitem def. nöiie Name mache lah.
Fröit mi echt für öich, dass dr e guete Theolog gfunde heit! Das isch ja jetz ou e recht schwäri "Geburt" gsi
Du, chasch mir ächt no de Link wäge de Nägel gäh? Weisch womer am Brutträff drüber gredt hei?
Pfingstrose: Super, heit dr e Kompromiss gfunde wäge de Föteli So het jede, wie er sech das vorsteut.
Dini Schwiegereltere tüeh scho chli schwierig, wahrschienli hei sie eifach säubr e "feschti" Vorstellig, wo sech haut nid ganz mit öiiere trifft u drüber si sie haut enttüscht u bringe das o zum Usdruck. Abr hey, es isch öies Hochziit u de chöit dir mache, was öich am beschte passt! Egau wie vieu Gäud dass sie drzue biträge!
Sunds: Zeigsch de es Föteli, wenn dr mit bastle fertig sit? *Gwunder*
Littlefoot: Ig würdi im Brief o grad direkt schriebe, dasses zbsp. bim Rathuus e kei Parkplätz het, abr chasch ja viellecht z nächschtglägäne Parkhuus odr so erwähne. U bide Location ja o. Viellecht no schriebe wie lang de Fuesswäg isch, odr so... Das mitem Transport vrstahni abr nid ganz, nume vom Rathuus i d Location? Abr wo parkiere de die Lüüt ihres Outo? odr isch das eifach für die, wo mit de öv chöme? Suscht müessteter ja eher vom Parkplatz bide Location zum Rathuus u wieder retour e Transport ha, nid?
Schön, hesch sone produktive Abe mit dinere Schwöschter gha!
Lil.lian: bi scrapandstamp gits jehnschti Stanzer! Ha dert ouscho Sache für z Hochziit bsteut!
Taeboyana: Ah dä Tipp mit de Söckli muessi mer merke! Bechunnt mer de da nid blattere? Odr treit mer die Schueh gar nid eso lang, dasses blattere chönnt gäh?
Ui super mit de Turte-Frou! Isch doch guet, wenn z einte bitz tüürer wird u defür z andere günschtiger! Denn geits ja uf
Maeva: Sehr schön heiter scho so vieu khört wäge de Iladige! hesch es Föteli devo? Schön hesch dis Chleid gfunde? Wo bisch gsi gah luege?
Pricana: WOW e persönlichi Stylistin, nid schlächt!
Me: Mir si am Samschtig no bi Sweet-treat gsi u mi GG het sech zunere RIESE Turte lah hieriisse. Vieu z gross, abr er het so Angscht, dass de ni aui gnueg hei u dass nid aui vo beidne Gschmäck (Himbeer und Schoggi) chöi probiere. Jetz wird die Turte eifach dopplet so tüür wie budgetiert  Mau luege wo dassmer de das chöi ispare
|
|
|
|
|
|
1 .. 324 .. 645 646 647 648 649 .. 823 .. 997
|
Anmelden
