| Bräute 2014 |
|
|
1 .. 324 .. 646 647 648 649 650 .. 824 .. 997
|
|
|
|
|
25.02.14 09:18
malinchen 
|
Re: Bräute 2014
@dänu: Haha, soooooo cool di Polterabä-Bricht!!! Fröit mi dass dirs so luschtig heit gha... Und wägä dr Limo isch ja ächt dr Hammer!!! 
@principessa: oh nei, das duet mir ächt mega Leid wägä öiem Brunch.. Das hätt mi ou mega gnärvt.  Verstah voll dass dir da enttüscht gsi sit. Isch eifach schaad wenn ds Umfäld nid tschegget, wie wichtig dä Tag für eim isch. Isch ja klar, dass das halt bi denä nid dr gilch stelläwärt het wie bi denä wo hürate, aber so chlei mitfröie und sich engagiere sött me glich, wenn eim öpis a de Fründe liegt. 
Und wägä dä Näme, da chani ou nur sägä: typisch Beamte-Theater... 
Immerhin het das mit däm Theolog jetz klappet. Het wahrschinlech eifach so müessä si, dass dir vorhär niemer heit gfunde wenn er so perfekt passt! 
@sue: ou das würdi mi ou wunder näh wo dir dä cupcake-bhälter bstellt heit...
@nala: ah super heit dir öii Iladige fertig bastlet! Bi de ou gspannt wie öii usgseh! Hei ja ou die Pocketoflds bstellt... 
@Claudi: haha, ooh je di GG...  Aber tönt würklech mega fein öii Torte! Villecht chöit dir ja bim Menu chli abspäcke dass d Lüt de no möge Torte ässe... Nei isch natürli scho gad chli doof, gad dopplet so tüür...  Hei de die wod Torte mache nid ou gfunde es sig zviel? Die wüsse ja scho wie viel me pro Person ca. mues rächne...
@me: I ha gester e absolute Horror-Tag gha. Eigetlech hätti am Abä no sölle Sache vorbereite wöu ja hüt mis Bastel-Team chunnt cho hälfe Chärtli fertig mache. Aber i bi so schlächt gluunt gsi, dasi nid ha wöue a denä coole Chärtli schaffe und när plötzlech no mini Erinnerige ad HZ-Vorbereitig mit däm Tag verbinde. Jetz bini halt no nid ganz fertig mit allem usschniide, hoffe sie si de nid gnärvt wägä däm.  Hoffe mir wärde glich fertig, hät nämlech morn gad gäbig zyt zums ufd Post bringe. 
|
|
|
|
25.02.14 09:20
littlefoot
|
Re: Bräute 2014
guete morge :)
daenu: wow das tönt etz echt cool das ganze. schön chasch sone tag in erinnerig bhalte :)
nisliker: ja, gell etz gahts teils a endspurt für die meischte vo eus...
pinterest: omg ich bin SÜCHTIG so schlimm. chent ständig det druf si
lilian: oh schön wegem buech. ich bin überzoge dass es lösig findsch und das wird klappe 
nala: freu mi scho uf PN :) schön henders gschaftt !
pfingtsrose: hät etz eigetli din GG mal d iladige verschickt ? hender nid bis 28.2 ameldefrischt ?
malinchen: ou nei isch so schlimm gsi de gestrig tag ?
claudilein: das isch ja toll dass de arzt das gseit hät ! das chunt sicher guet
ja ich weiss de mitem transport isch chli doof bi ois. ha gester no mit GG gredt, wil ja d offerte über 400.- cho isch. ha ihm gseit, dass die meischte (leider) vom kanton uri werded mitem auto cho. ich cha mer nid vorstelle, dass vill mit de öv (isch ja au e stund, auto 35 minute) werde cho und vor allem heiga. sind ja über d helfti vo de gescht vo uri. ha ihm denn au gseit, da mer bim rathus nid so guet cha parkiere, werded wohl au vill direkt id location cho. was ich denn nid hoffe...aber mich würds au chli agurke, irgendwo es parkhus go z sueche..nacher musch s auto ne, id location fahre (5-10 minute) im gröbschte fritig abigsverchehr und de chasch nid mal direkt bi de location, sondern chli witer weg parkiere. ich persönlich hetti mi für öv entschiede und es hotelzimmer, aber ebe eusi gäscht werded all heifahre und de teils ime zuestand woni für falsch halte...aber ich bin ja nid ihres mami
ich hadere eifach scho vo afang a mit dem ganze wil ich so gern hett dass vill ad trauig chömed, denn au no lang fiired und au chli öpis chend trinke (sind nämli all deby susch)...aber da vill werded fahre wil sie A) z fuul sind öv z benutze B) lieber deheime schlafed, wils ja 35 minute wäg isch....
pff, aso ich darf mi irgendwie eifach nid nerve. s wird so wies wird
gästebüecher & co: wer hät eigetli alles so öpis ? mir mached s rezeptbuech (aso mini TZ) und am fescht selber tömmer so blätter ane, mit eme text wo d gäscht chänd wörter fülle. die wemmer de mit de fotis vom DIY Photobooth au ines gäschtebuech verwandle.
DIY Photobooth: ha vomene fotigschäft prisagabe becho: 159.- für kamera, stativ, selbstuslöser und blitz, für 2 täg. so super 
Zuletzt bearbeitet am 25.02.14 09:29
|
|
|
|
|
|
|
|
|
|
|
|
|
|
25.02.14 12:55
Maeva
|
Re: Bräute 2014
Hallo zäme!
Principessa:
Ui nei, da hätt ich mich au meeega ufgregt. Mängisch isches de Lüt gar nöd so bewusst, wieviel Energie und Ziit mer in die ganz Organisation steckt und dänn sägeds na in letschter Minute ab. Gaht ja gar nöd! Die Ussag mitem Elefant hani also au voll luschtig gfunde. Isch das ihm nöd bewusst? Ich wür da als Ma scho chli genauer aneluege... Super, händer jetzt en Theolog gfunde!
Dänu:
Danke viel mal für din Poltertagbricht. Tönt nach ganz viel Spass. Wär aso au interessiert ame Foti vo dem explodierte Regeboge interessiert. :-) Stell mir dich gad als wiebliche Flavour Flav (eifach ohni grossi Uhr) vor :-)
Claudilein:
Isch doch scho mal super, dass es nöd so ärnscht tönt und sehr guet vo dim Arzt, dass ers eifach wott abkläre. Bi mir isches sogar so, dass sich de Herzrythmusfähler bim Sport mache oder unter Astrengig komplett normalisiert :-) Ich schick der dänn hüt Abig na es Foti vo eusne Iladige. Mis Chleid hani im Mery's in Züri gfunde, aber nanig kauft, wil ich na drüber han welle schlafe. Has drum au nanig törfe fötele. Go Chleider probiere bini au na is Liluca, Zoro und id Zauberbruut.
Malinchen:
Oh je, blöd dass so schlächt druf gsi bisch, aber findi guet, dass i däre Stimmig nüt fürs Hochziit gmacht häsch. Die verpassti Ziit chönder sicher hüt all zäme ufhole.
Pfingstrose:
Das mitem Rezeptbuech findi e super Idee. Ich ha das vorher na nie köhrt. Tuet da eifach jede Gast es Rezept dri schribe und das wird denn em Bruutpaar am Hochziit überreicht? Wükli e sehr gueti Sach für Lüüt wo gärn choched und neus usprobiered.
Littlefoot:
Ich chan dich sehr guet verstah, dass dir lieber wär, d Gäscht schlafed bide Location. Bi eus müend au alli (ussert minere Familie) ca. 1 Stund und meh areise. Ich weiss nanig wie das Gäscht werded mache, aber ich hoffe wükli, dass so viel wie möglich tüend übernachte. Schlussendlich würi eifach probiere, dich wäg so öpisem nöd stresse zlah. Es sind alli gnueg alt zum wüsse was sie mached und du wirsch so oder so en super Tag und Abig verbringe.
Me:
Bi eus gits nüt wükli neus, ussert dass es Paar partout nöd möcht igseh, dass mir am Abig gärn möchted ohni Babys fiire. Bi eus isches so, dass nume od erscht 3 Päärli es Baby händ und die werded a eusem Hochziit alli über es Jahr alt sii und vode Müetere nüme gstillt. Mir händ eus das lang überleit und eifach gfunde, dass mir de Tag lieber nume mit de Eltere wänd verbringe. Suscht dräht sich halt amigs glich wieder vieles um die Chline (au wenn ich Babys liebe). D Eltere chönd dänn nöd glich fiire, müend s Baby früeh is Bett bringe und sind dänn immer mit ihne beschäftigt. Verstahn eifach nöd, warum sie das nöd verstönd. Vo mir eus chönds au gad ganz dihei bliebe, wänn sie nur mit ihrem Baby wänd cho. Bin ich viellicht zu krass?
|
|
|
|
25.02.14 13:11
sunds
|
Re: Bräute 2014
@littlefoot:
Mir hän das Problem au gha wägem Autofahre nach dr Hochzit. Mir häns jetzt aber so glöst dass mer d Gäst in Basel abhole und denn uf Frick ind Kirche fahre. Vo dört us goht denn die ganz Gsellschaft mit em Car uf Böttstein und nachem Fest Fahrt dr Car zerscht uf Frick zrugg und denn ladet er die rästliche Gäst in Basel wider ab. Ich mein uf alli cha me nid Rücksicht näh und die wo denn hält sälber wänd fahre sölle halt. Ich häts eifach schad gfunde wenn si wägem Autofahre ufs trinke müend verzichte. Mir biete das de Gäst a und die wo nid wänd müen halt sälber luege.
@Maeva:
Mir händ au gseit gha dass d Kinder in dr Kirche und am Apéro härzlich willkommen sind aber s Fest Zobe wöttemer denn ohni Kinder fiire. Mir finde dass d Eltere au mol e freie Obe sölle ha und chli chöne fiire und nid immer müen uf d Kinder luege.
|
|
|
|
|
|
1 .. 324 .. 646 647 648 649 650 .. 824 .. 997
|
Anmelden
