@FringillaVigo also ich wür uf jede fall vorher smeiste bespreche. au menü wür ich aluege. du muesch ja wüsse wases chost (obs überhaupt in frag chund)! will wens ztür isch muesch ja witerluege... muesch au wüsse wie lang das mer musik mache derf und so. wür scho chlurz sgröbste bespreche...

Zuletzt bearbeitet am 28.01.13 10:42

mier mache das au so, das mer jetz bi 2, 3 restaurant verbi gönd go ässe oder öpis go trinke und denn fraged öb mer alles chönd aluege. ich dänke die grundlegende sache kläred mier vorher ab. aso wenn mier z.b. en band oder en dj wänd, und das i dem ruum/resti unmöglich isch, chunnts für eus ned in frag. und au vom platz her muess es natürlich passe. vom menü her muess eim natürlich eifach zuesäge, aber d details chan mer denn sicher spöter no kläre

Zuletzt bearbeitet am 28.01.13 10:46

Hallohallo zäme! :)

Hoffe ihr händ es guets Weekend gha & sind guet i die nöi Wuche gstartet?

Ich bin gester z'Basel a de MariNatal gsi mit mine 3 beste Fröndinne (die wüsset jetzt au scho dass si Trauzügin, Tätschmesiter / 1. Brutjungfere & 2. Brutjungfere wärdet & sind mega happy :) si findet au mini idee, dass alli 3 s'gliche Chleid ahänd mega cool & alles wird scho chli konkreter hihi :)) d'Chleider a de Modeshow händ mir gaaar ned gfalle bis uf eis sones cools blingbling Chleid wo aber glaub fast chli too much wär :p Aber han mis Chleid au scho meh oder weniger im Chopf do machi mir nedso sorge keis z'finde eher dassi mi ned entscheide chan! :p

Mich beschäftiget momentan au s'Thema Fotograf / Videograf sehr! Mir möchtet ebe au gärn es Video! Mir isch eine empfohle worde vo Dütschland wo hammer Videos macht für 2'000 EUR... dänek wämer s'Datum händ holemer det mol en Offerte ine.. Und hmm jo Fotograf.. han scho paar wo mir gfalle würdet dänke so en ganzi Hochzytsreportage vo Vorbereitig bis am Schluss (10-12 Stund) inkl. Bildbearbeitig & Album chostet scho so um die 3'000.- bis 4'000.- aber eini vo mine beste Kolleginne chan au professionell Bilder bearbeite isch d'Frog, ob mir si das lönd loh mache & s'Album gstalte & eifach nur d'Fötelis uf DVD dänn löhnd loh mache das isch dänn scho en grosse Unterschid (öbe 1'000.-) dänki..

Puh han gester nomol s'Budget überarbeitet und glaube müend vo de Idee abcho inere schöne Location z'Luzärn am See z'hürote wil det s'Ässe & Wii so tüür isch & mit allem drum & dra wäremer jetzt bi 170 Lüt am Apéro & 100 Lüt am Obig scho bi 45'000.- und das findi jetzt also au def. vil z'vil!!! 35'000.- isch s'Maximum womer usgäh wänd.. also müendmer glaub avo witer umeluege....

Wäge Figur / Chleid: Ich möcht scho au no so 5 Kilos mind. abnäh (am richtige Ort bitte! :p) und das au bevori Chleider go go probeire also so bis im Sommer wär ideal ;) Mol luege bin ned so de Hängst mti Disziplin & so ;) und dänn müesstis jo dänn au no es Johr halte chönne ned wohr ;))

Location: Ja, i würd ou nid z lang wartä mit aluegä und reservierä. Mir göh am nächschtä Samstig bim erstä ga probeässä. Mir hei jetz eifach so ä Tisch reserviert u no nüt speziells gseit wöu mir beidi det no nie si ga ässä. Wenns när sowieso nid i Frag chunnt wärs blöd... Usserdäm hani ghört, dases besser isch wemä nüt seit zum Vorus, wöu sich ds Personal süsch vllt verstellt und sich extra Müeh git und wemä när mit dr ganze Gsellschaft det isch chöi sie das Niveau gar nid halte. Aber im eintä Resti si mir scho öfter gsi und det hei mir jetz gad direkt ä Offertä agfoderet. Mir möchtä mind. 3 Offertä ha, das mir ou chli ä Verglich hei vodä Priisä und Konditionä här (wie lang dasmä darf feschtä, was alles inbegriffä isch etc.)

squishy-fishy: ou jaaaa, gärn ä pn schickä! =D I findes ou nid problematisch wenn's für dini schwöschter ok isch. Bi nid abergläubisch was so sachä ageit... Das die Beziehig nid klappt het liegt ja sicher nid am Chleid! Würum also druf verzichtä, wenns dir gfallt... =) Wär ja schad drum wenn's jetz nur im Schrank hängt und nie treit wird.

ich au en pn, bitte!!