okeee luschtig.
was sell der verzelle :.. :)
bi chli am aschlag mit de nerve mini chli hät de ganz morge brüelt und gjammered und ich cha nüt mache wegem juckreiz mi sohn hät etz därfe mit de nachbersfamilie ad fasnacht het aber es züg gha bis er parat gsi isch und de hät mi GG grad aglüte und ich bi chli gnervt gsi (er het gfrat obs ihre besser gaht. wil sie brüeli ja nid. GRAD NID haha, super). er hets de nid so lustig gfunde aber naja er muss ja au nid sit tage igsperrt si usw..

@Littlefoot: Hmm, also Schueh nr. 1 und 4 si ou nid so mis... Die letschtä si definitiv am Schönste. Aber i findes zumnä Chleid irgendwie ou nid soooooo schön. Sie si halt viel bequemer, da hesch scho rächt... Aber du chasch ja ou verschiedeni Schueh ha! Z.B. eis paar nur fürs Fötelä, de chasch ou billigi näh wo när halt nid bequem si... I ha so Fotoschueh, mit denä bino ni nie richtig umegloffe, nur immer schnäll für Fotos u fertig. Ds Problem mit dr Grössi hei mir ja ou, i blibe jetz definitiv bi minä Bling-Bling-Flipflops... I dänkä dr Moment wo ni id Chille ine loufe wird eh so speziell si, dasi nid wienä Buur loufe, und när loufe mir sowieso mega vil uf Rase ume, da bini när sowieso wöhler mit Flipflops (oder Barfuess, gseht ja när niemer haha)

Oh nei, die armi Chliini! Sicher mega doof, verstah dass sie die ganz zyt närvt... würd ig ou mache. Nei, aber verstah di ou völlig, i ha immer chli angscht drvor weni de mal sälber Mami wär u när so dehei mues si i so Situatione. I bi sooooo ungeduldig u immer mega hibbelig, die arme Chind!

@Pfingstrose: soooooooooo cool, gratulierä zur Beförderig!!! Isch ja dr Hammer, u när no gad inkl. Bonus, super!

@broncos: Mir isch ou längwilig... Ha zwüschelektion bis am 4i u ds Skript woni hät söue läsä dehei vergässe... Aber ha gad kes spannends Gsprächsthema.

@me: Merci für öii Feedbacks wägä dä Chärtli. I ha scho wieder meh fröid dranne. Mues hüt Abä no 5 Chärtli ipacke, när chöi mir se morn ufd Post bringe. Bi de froh we sie wäg si, hihi...

Süsch gits nid viel nöis bi mir...

malinchen: ja mit dene schueh isch es en seich. wegem fötele musi eigetli nid es zweits paar ha, mis chleid isch so lang gsesch nid. aber wetts eifach bequem ha, zerst bim rathus (pavés) und de im garte. aber mich glich chli sexy fühlä. finds no schwer.
haha ja nei wirsch sicher nid wiene buur laufe, da machi mer ke sorge. ich han halt nid sone spezielle izug, ich muss de ganz tag uf mini haltig achte, ha nid sone gueti
ja mich nervt sie eigetli nid direkt, es isch eifach für sie mega müehsam und mängisch magsch es eifach nüm ghörä. vor allem hämmer u en schlechti nacht gha.
egal, so schlimm isch es ja au nid

pfingstrose: nei da fühli mit dim mami mit !
ebe wett sie nid pfuuse. probier sie etz aber nomal z legge. de trinki würke en latte :)
ja die GG's..wenn die alig wüssted

schueh: ou cooli istellig. ich han ebe s gfühl ich laufe nie a schueh ane muss villicht au mal zit verstriche la und de gsehmer :)

thema: menu ? weiss öper scho was es git ?

Malinchen: Guet am Schluss chan mer fast egal wie mers ufteilt mit so doofe Kommentär cho. Isch ja meistens au chli usere Greiztheit use. Hihi! Bi eus wird ich glaub diheime blibe. Will min Job bis jetzt fast nöd möglich isch zum Teilziit mache und sies au nöd wend. Aber gad fürs erste Jahr isches mir glich. Und ich würd eigentlich den au viel meh ufs Fötele welle umstige. Wer weiss was am Schluss drus wird. Lehrerin isch hald scho en perfekte Job für zum mit Chind kombiniere. Was macht den din GG?

Menu: Bi eus no e GROSSI UNBEKANNTI! Mir wüssed wie viel Gäng und eifach Salat, Suppe, Hauptgang, Käsbuffett... Aber was genau hämmer no kein Plan. Isch aber schnell usgsuecht da michi mir kei Gedanke.

Ringgravur: Mir hend eus jetzt entschiede. Mir werded es Liebesbriefli schriebe... Lustigerwiis hani mis scho woni mim GG wird graviere lah und es het genau 13 Zeile. Und mir hürated ja am FR de 13. Hihi! Jetzt hämmer abgmacht, dass er gnau glich lang macht und eifach uf de letschte Linie staht Dini XY bzw. Din XY. Den hemmer no e chlini Überraschig... Und will mer doch immer wieder mal chli Krach gha hend und warschiendlich au ha werdet chan mer den das läse wenn mer de ander chli vermiss oder sich fern fühlt. Kitschig ich weiss... Haha!

malinchen: challenge yes .) wirde eh verlüre haha.
mmmhh eues menu tönt super fein. wüssed ers scho was für fleisch ? ihr fiired au dusse ?
findi alles schöni sandale. findes au sehr sexy. z bsp mit jeans und eme lässige top. aber miteme chleid wie ichs ha..naja :)
ich bi au i de informatik und bi ois schaffed au nur 2 100% :))

pfingstrose: aso ich bi au froh chani alig zwei tag go schaffe., isch grad recht. obwohls en mega stress isch immer mit stunde ihalte, die chline hole und bringe...zwei verschiednigi ort, mit super zite
lehrerin isch eh z bescht mit chind.
jö wie herzig mit de gravur :) was meinsch mit krach ha ? das hät doch jede oder nid ?:)

menu: bi ois isch d besprechig am 3.4 aber s git au es grill buffet, bilage usw wüssed mir no nid so gnau. denn turtä ohni dessertbuffet , defür candybar mit cake pops, cupcakes und süessem.

ah und no öpis :

hüt i 4 mönet isch euse Tag !

Zuletzt bearbeitet am 27.02.14 15:23