Gueter Morge Ladies

@ malinchen: das tönt doch super :) bi denn gspannt wie si bi mir im Büro denn reagiere wenn si d Iladig bechöne :) (wenn si denn mol fertig sind)


@me: Bin ich froh isch bald Weekend, isch viel los gsi die Wuche. Morn isch es Vorgspröch plant mit däre wo uns traut und Kärtli bastle agseit. Am Sunntig stoht denn Fasnacht ufem Plan.

Stimme eu zue!!! Endlich Friitig!!!

Malinchen: Schön händs freud a de Iladig! Den hät sich din Bastelmarathon also würklich glohnt und entschädigt dich doch grad!

Littlefoot: Wie findsch den du d Deko? Au billig? Dis Bidli isch guet... Stimmt scho als Mami gits nüme eifach Wuchenend.

Me: Nix neus... Bin mega müäd willi gester no Schuel gha han. Aber isch guet gsi. Ich chan den amigs eifach nöd gad is Bett weni heichume und muss no chli usplämperle. Morn gömmer no wege de Ring go luege und den söttemer eus ächt mal d Homepage vorknüpfe und fertig mache. Han eifach immer kei Lust zum mich wieder an PC setze am Abig...

Malinchen
Ja ich finds au so öbis vo unromantisch wege de zwei Matraze.. Das chömer den i 40 Jahr mache .
So schöön wege de Iladig :)

Broncos
Ja es Fägnäscht bini au. Und ich bruch relativ viel Platz zum ischlafe.. (Ligge gern chli quer im Bett und mit es bitz mit azogne Bei ) Wo mer uszoge sind, hät er ebe nöd grad es neus Bett wölle chaufe (sis isch no relativ neu gsi) und dänn isch eusi Abmachig gsi, dass ich halt meh Platz bruch wie er, susch müemer halt es grössers Bett go poste. Solang er mier Platz macht, störts mi nöd so wegem chline Bett .
Sis Argument für zwei Matraze isch, will ich es Fägschnäscht bin, dass es weniger bim ihm rüttle tuet.. Abr er verwached eh ab allem, aso chunts eigendli nöd druf a..
Ouuu dämfall no gueti Besserig!!

Pfingstrose
Ja das mueni mal bringe mit em Chind.. super Idee .

Littlefoot
Ja das stimmt, es gid kei Wuchenend..

Me
Es sind jeze alli Flüg bueched für d'Flitterwuche :) Juhuuuui!!
Am Wuchenend wämer dänn no d'Hotels und d'Mietautos in Agriff neh..
Den hämer gester no mit de TZ es neus Datum abgmacht für es Treffe. Mier hetet eis im Februar gha, aber es isch ja den d'Geburt vo de TZ "dezwüsche" cho.
Und ich han no extra in Tchibo wölle gah und gester bini den im Coop gsi und die händ alles schön vom Tchibo usgstellt gha. Han no farbigs Papier posted und de Chreisschniider. Hät sich das au erledigt.
Und morn gömer den au no wege de Ring go luege…

Zuletzt bearbeitet am 28.02.14 09:53

Friiiiiiiiiitiiiiiiiiiiiiiiiiiigggggg!

Ier glaubed gar nöd, wie ich mich uf das Wuchenend freu und hüt Namit hani frei gnah, juhuuuiiii!

Broncos: Uiii nei, du Armi! Ich hoffe, dis Halsweh hät sich nöd na verschlimmeret, wil mer geschter so viel gschwätzt händ. Han gad chli es schlächts Gwüsse
Eues Ässe tönt mega fein und ich liebe Calvadossauce!

Malinchen: So cool, häsch im Gschäft positivi Reaktione uf d Iladige übercho. Es macht ebe scho mega Freud, wänn mer so viel Herzbluet dri steckt. Min Fründ und ich händ gad hüt Morge drüber gredt, dass er über es paar vo sine Lüüt mega enttüscht isch. Allne vora sin Trauzüge, woner scho kännt sit er 5i isch und sich sit Wuche nüme bi ihm gmeldet hät. Isch ja klar, dass de Tag für ihn nöd so wichtig isch wie für eus, aber dass er gad gar nüt meh vo ihm köhrt, findi scho sehr krass. Ufd Iladig hät er bis jetzt au nanig reagiert. Mir tuets eifach für min Fründ mega leid.

Die Sandale gfalled mir alli rächt guet und ich wür die im Alltag im Summer sofort alegge. Für mich wärs eifach nüt für e Hochziit. Für min Gschmack sind sie zwenig "bruutig" (seit mer das so?) und ich bruche eifach Absätz. Viellicht liets au dra, dass ich mit 1.63 nöd gad di gröscht bin und mich gärn chli grösser mache. Min Fründ isch 1.85 gross und ich find ich gsehn ohni Absätz munzig us näbed ihm

Was s hypothetische Sueche betrifft, bin ich ganz genau glich. Ich liebes und chönt das Stunde lang mache

Littlefoot: So schön chasch am Wuchenend ändlich chli use, freusch dich sicher mega. Dini Tochter tuet mir mega leid, ich hoffe, sie isch bald wieder ganz gsund!

Pfingstrose: Ich find die Idee mit de Liebesbrief im Ring super! Ich ha das vorher gar nöd kännt und wür das wahrschienlich im Nachhinein au mache. Mir händ eifach eusi Näme und s Datum vom Standesamt (wil das chli spezieller isch) in eusere eigene Handschrift gschriebe und dänn inelasere lah. Ich wünsche eu morn bim Ring ussuech ganz viel Spass und hoffe, dass sie dänn so usgsehnd, wie ier eu das vorstelled.

Sunds: Ier händ ja au cooli Wuchenendplän. Ich wünsche eu ganz viel Spass bim Bastle und es lässigs Gspräch mit de Frau wo eu wird traue.

Bett: Haha min Fründ und ich händ sit ca. 5 Mönet au es 1.40 Bett. Mir händ vorher sit 1.60 Bett ka, aber das isch so duregläge und unbequem gsi und da er en Bandschiebevorfall ka hät, hämer es guets Bett brucht. Wil mir jetzt aber nöd gad sehr viel Gäld für es neus Bett mit Inhalt händ welle usgäh, händ mer mis Bett vo früehner usem Chäller füregholt. S isch es super Bett mitere hammer Matratze, aber halt eifach es bizli chli. Am Afang simer fascht usekeit und händ eus ide Nacht immer gägesiitig gweckt, aber jetzt hämer eus super dra gwöhnt und findets na guet. Müend halt eifach chli nächer zämerucke ide Nacht, hihi Igendwänn gits dänn scho mal es neus und grössers Bett, aber momentan hämer ja nöd gad vorigs Gäld und tüend eus das lieber spare.

Kinderbetreuig: Bi eus isches vorgseh, dass mir beidi werded 80% schaffe. Jede hät sin Mami oder Papi Tag, mini Eltere hüetet zwei Mal pro Wuche und de reschtlichi Tag chunts id Krippe. Ich möcht nach de Geburt eifach 6 Mönet dihei bliebe. Mal luege wie das wird. Jetzt isch alles na sehr hypothetisch, wänns Baby mal da isch, gseht alles viellicht wieder anderscht us.

Me: Mir händ geschter Abig eusi Flüg fürd Flitterwuche buechet und ich han uh mega Freud! Am 15. Juli (mir hürated am 12. Juli kirchlich) gahts uf Bali für 2.5 Wuche und dänn am Schluss na 4 Täg uf Singapur. Dihei hämer dänn na 4.5 Täg bevor mer wieder müend go schaffe und am letschte Tag vo eusne Ferie werd ich 30 Jahr alt Ich chas chum erwarte!!!! (aso nöd s 30. werde, sondern d Flitterwuche )

Hüt Namittag gahni is Mery's namal mis Traumchleid go aprobiere und dänn au go chaufe. Freumi mega fescht. Min Papi chunt au mit. Er hät voll druf bestande, dass er mich au törf gseh und nöd nume mini Mädels und mis Mami. Hani mega härzig gfunde.

Danke Broncos namal viiieel Mal für de Guetschi!!! Du bisch en riesige Schatz und imfall ganz e Lässigi! Din Ma chan glücklich si, dass er dich hät