Pfingstrose: Ja, Ferie sind eifach super! Nei, bin na nie in Bali gsi, aber scho in Asie viel umegreist. Mir werded in Bali nöd di ganze 2.5 Wuche am gliche Ort bliebe sondern so chli abwechsle zwüschet schöne und schicke Hotels zums chli gnüsse und flittere und günschtigere Hotels, zum euses Portemonnaie nöd zu überstrapaziere. Mir wänd dänn au Usflüg mache und s Land und d Lüt chli kännelärne...Velo fahre ide Riisfälder, Vespa miete usw. Mir sind nöd d Lüt, wo zwei Wuche am Strand oder am Pool chönd ligge. Ich glaubs mir würded dänn nüme zäme us de Flitterwuche zrug cho, haha Näme vo Hotels chani dir na keini nänne, wil mer na nüt buecht händ. Mir bueched alles sälber online und werded eus d Reis chli zämesueche. Mini Eltere sind sehr güebti Reiser (Rucksack und Individualreise) und sind scho oft in Bali gsi. Die chönd eus gueti Tipps gäh und bi ihrer letscht Reis z Bali letscht Oktober sinds überall ide Hotels ga fröge, obs törfed d Honeymoon Suite aluege und fötele für eus. Hani mega luschtig und herzig gfunde

Ja, mach dänn hüt Nami es Föteli vom Chleid. Weiss nämli scho gar nüme richtig wies eigentlich usgseh hät. Was häsch dänn du für eis vom Merys? Mis wird komplett mit Spitze si. Gäll die Guetschii mached mega viel us! Han mine vode Broncos übercho, mega nett.

Maeve: Chönti au nöd! GG und ich würdet glaub den au separat heicho! Das wemmer ja nöd. Isch doch cool! Mir sind dete no go Riverrafte also uf die sanfti Tour aber isch mega lässig gsi. So en Affebärg hämmer au no Bsuecht, Vulkan usw. Isch ächt cool! Mir gönd das Jahr nöd id Werme aber den i euse Flittis im 2015.

Mis au!!! Chli so Fishformmässig mitere uslaufende Schleppe.

Sodeli, ich verabschiede mich mal in min Bruut-Hochziitsnamittag und wünsche eu na ganz en schöne Fritig. Ich mäld mich dänn wieder mit News und Föteli.

Tschühüüüssss

@Littlefoot: i ha no kei Ahnig wo mir härä göh... Hesch ä Tip! Mir hei eifach es Zimmer im Continental. Hesch mir ä gueti Tip? Bisch ou adr Fasnacht?

oh nei das bildli... Immerhin hesch am Weekend no chli support vo dim Maa!

@broncos: oh nei, gueti Besserig! Wär ja mega doof wenn jetz das "unverplante" Weekend nid chönntsch gniessä...

@littlefoot: Ueeeee, mega cool wägä de Flüg! So cool, so Reise plane macht doch fröid!

@jane: ou cool, viel Spass bir Deko-Frou (weis gad nümme wies heisst...)... Bi de gspannt was verzellsch...

@maeva: jööö, isch ja mega härzig vo dim Papi! Viel Spass bim Chleid-Shoppä wünsch i dir! Und jaaa, mach unbedingt es Foti für üs Gwundernase!

Maeva
Eui Flitterwucheplän döned lässig :) So stell ichs mer au chli vor.. Zwar scho chli am Strand si, aber au öbis vom Land gseh .
Ah so härzig vo dim Papi.. Mine hät eus bim einte Termin id Stadt gfahre, er hät den aber nöd wölle mitcho.. hihi
Vill Spass bim Chleider poste hüt!! Bin dänn au gspanne uf es Föteli :)

Littlefoot
Joah han au mega froid, dass mer endli all die Flüg bueched händ.. Phuuu es sind ebe 5 Flüg gsi zum bueche .
Bisch so unglücklich mit dim Chleid? : oops:

Me
Mier händ gester no es Mail vo de Location becho. Sie chaufed neui Stüehl (schwarzi ) und jez frägets a, öb mer Hussene wännd. Die chostet eifach CHF 5.- pro Stuck..
Vorher händs chli komischi wiisi gha (so wiis/holzig), mit dene hani mi eigendli no chöne afründe. Aber die schwarze gönd ja gaaar nöd.
Bi mer jeze am überlege, was mer sölled mache. Findes zwar gnueg tüür nomol öbe CHF 300.- drufzlege, aber glaube, mier wärded chum öbis vill günstigers finde, wemers würded sälber poste. Und de Ufwand zums härä tue hetemer den au nöd..
Ooooh mann

Lilian: Ah isch ja nervig mit de Stüähl... Aber ich würd au uf jedefall öpis mache. Das gseht mer ja suscht uf jedem Foti! Das wird dich sicher störe. Den sind die 5 CHF pro Husse no en guete Priis... Mir zahled 8 CHF. Findi eigentlich ächt au chli viel für dass die X Mal verwendet werdet. Chasch nöd vom Priis her nöd no öpis usehole? Weisch will sie das jetzt eifach gändered händ und ihr ja fast münd?!

Was für 5 Flüg händ ihr müsse Bueche also vo wo nach wo?