20 rappe hui :)

lilian: aso en stuehlwechsel findi chli denebed aber sie mached eu ja en guete pris. sogar i minere location wo alles günstig isch und zu ichaufsprise witerge wird, wär eini (!) 14.- gsi..mir hend eus denn degege entschiede. mini Tz het no chöne organisiere, ganz günstig aber mi GG het denn da gseit stopp :) und d stüehl sind bi oisere location nid mal all glich rot, gel. würkli wüescht aber es fallt eim irgendwie nid mal uf wenn me d bilder vom garte aluegt. dä hät irgendsone charme wo d imperfektion usmacht ke ahnig. drum chani demit läbe.

wow 5 flüg ? verzell emal :)

chleid: ja tönts denn so ? .) nei unglücklich sicher nid. isch es mega schöns. aber ha eifach das gfühl nid, das isch MIS und es git kes bessers..es git tonne besseri haha :) hett eifach nomal söle e rundi go probiere denki, oder chli spöter...jetzt gfalled mer chli anderi als im dezember. ich weiss da dure bini gaga

SQUISHY ??? wo stecksch ? ha der e PN welle mache aber dis postfach isch volle..gahts der guet ?

Zuletzt bearbeitet am 28.02.14 11:42

Pfingstrose
Es isch ebe scho en Special-Priis, eigendli wäreds CHF 9.- und für scho buechdi Hochziite wäreds dänn die CHF 5.-. Das findi ja no ok, dass es en Special-Priis gid.
Joah wenni eui Priise läse, gahts eigendli scho no. Finds glich chli e Frächheit. Vorallem nervt mit halt, dass wieder was dezuechunt wo mer nöd kalkuliert händ.
Ja mier gönd ja uf Hawaii und in Weste. De Flug vo da uf Amerika und zrug hämer scho länger (zwei, drü Wuche) bueched und jez hämer no d'Hawaii-Flüg bueched. Mier gönd uf vier verschiedeni Insle und dänn isch zersch de Flug vom Festland uf Hawaii uf die ersti Insle und den d'Flüg vo Insle zu Insle und am Schluss wieder ufs Festland. Hoff han alles richtig bueched .

Littlefoot
Woow ja CHF 14.- isch ja meeega vill . Nöd ganz putzt.
Muesch obe lese, es sind ebe alles d'Hawaii-Flüg.
Joah es hät scho gad chli unglücklich dönt. Han gad no dis Bild usgrabe (has no im Postfach) mier gfallts aso sehr guet :) Aber ich verstahn dich scho, wenn nöd zu 100% zfriede bisch.. Bi mier ischs ja au es hi und her gsi und bi mer ja überhaupt nöd sicher gsi. Han au immer s'Gfühl gha ich find no was bessers und schöners (mit mine 5 Läde ).
Und andersiits han ich mis absolute Traumchleid uf eme Bild gha und wo ichs a gha han, häts ja so schlimm usgseh . Drum findi, chasch au nöd umbedingt uf d'Föteli vo de Hersteller gah.. A dier gsehts nomol gaaanz andersch us..
Joah ad Squishy hani au mal no dänkt..

Littlefoot: Wow die Ohreringli sind mega schön!!! Ich müsst eifach Gold rundume ha. D Schuel gfalled mir au mega guet. Wenns zum Stil vom Chleid passt. Bi mir würds jetzt garnöd passe.

Lilian: Ah so schön stimmt! Hawaii! Bini no nie gsi würd mich aber au mal reize... Das mit em richtig bueched hani au immer. Mir hend alles komplett alleige bueched für eusi Islandrundreis und ich bin immer halbe paranoid dasi ei Nacht keis Hotel bueched han. Kkk! De ander Teil hender über s Reisebür bueched?

Littlefoot
Wooow aso die Ohrering findi aso au de hammer!! Mega schön :) Und d'Schueh findi au no kuuuhl ..
Ich glaub du wiersch dich sicher a dinere Hochziit sexy fühle! Schliesslich bisch du a däm Tag d'Brut!!

Pfingstrose
Neinei han alles sälber bueched (aso eigendli d'Flüg und eis Hotel bis jeze, de Rest chunt den au no..) De ander Flug isch eifach de Flug mit de Swiss uf Amerika. Han bis jeze au immer alles sälber bueched und bin no nie im Reisebüro gsi.. Aso wemer uf d'Maledive oder so gange wäred, wäri sicher is Reisebüro gange, abr han gfunde bi Amerika chanis sicher wage.
Und d'Sasileu hät mer au no ghulfe und gueti Tipps geh, sie gaht ja au uf Hawaii (nomol ville liebe Dank ).
Abr meh muen scho überlege, vo wenn bis wenn mueni jeze das Hotel bueche, dass es stimmt, etc..
Und bin ja au vo NY wieder heicho, wo mer stecke blibe sind. Meh muen halt im schlimmste Fall chli meh warte und umetelefoniere, abr am Schluss klappts den scho irgendwie .

Malinchen
Joah mier wärded mal eusi Schwöstere fräge, öbs den das Zält chönd irichte und Tisch dekoriere, etc. Wenns no die Hussene müend druf tue, wäreds ja no eeewigs drah :-/.

Bänder
Die wo sich für Hussene entschiede händ, dönd iher no Bänder ad Stüehl oder belönders bi de Hussene?

Zuletzt bearbeitet am 28.02.14 13:58

malinchen: ja das verstani weg de schüeler. findi super und zudem isch d luzerner fasnacht ja angeblich die bescht (mit de basler)...
mini beide het weniger s gwind obe gstört sondern d form vo de fläsche.
ich find sie chli z hoch.

pfingstrose: sowas ?

frag nöd vo wo

lilian: ja das hoffi. muss etz eifach luege ob ich sertig schueh finde.
das tönt hammer euchi reis. mir wänd denn mal ines paar jahr miteme wage go umereise in kalifornie. da ich eh mal uf hawaii wett, chöntemer grad ahänke :)

Zuletzt bearbeitet am 28.02.14 14:58

Datei-Anhänge

ohrringen2.jpg Mime-Type: image/jpeg, 25 kB

Hoi iher Liebe

Ich tue eu jez grad mal gschnell brichte wies hüt gloffe isch... (sorry dasi grad uf suscht nüt igah, bin grad is Gschäft cho aber wett eu unbedingt teilha lah)

Aso ums voreweg zneh: sie isch de HAMMER!!! A alli wo vintage liebed, sie isch eui Frau!

Mier sind acho und uf eus hed scho en Tisch gwartet wo sie chli dekoriert hed miteme Jutechreis i de Mitti. Uf dem Chreis verschiedene Spitzedeckeli mit diverse Väseli und i de Mitti denn de gross 5armig Cherzeständer. Es hed uh schön usgseh obwohl mer no kei Blüemli oder so gha hend..
Mier hend eus entschiede, dass mer ganz verschiedni chlini Strüssli id Väseli tüend und zuesätzlich no Teeliechtli. Is Gläsli füllt sie unne so Goldglitzer und denn s Teeliechtli druf. DVäseli bechömed verschiedni Bändli, entweder Spitze oder peach/ivory/rose... Das macht sie denn nach gut-dünken :)
D'Serviette bechömed au es Spitzeband und en Etiekette wo mer denn no en schöne Stempel chaufed mit 'schön dass da bisch' oder so.
Für dStüehl hend mier ja scho selber Husse kauft und entweder mier möched Jutebänder drah oder Satinbänder in peach. Da muess sie no luege ob sie genau die Farb bechunnt wo mier gern hetted. A d Stüehl vom GG und mier chömed de no zwei Tafele wo Mr & Mrs druf staht. Im gliche Style lehnemer denn no Thank you Tafele bi ihre us. Denn macht sie ganz viel 'Mini-Deko' zum die denn z.B. bim Gästebuech oder ufem Candybuffer no anezstelle. De Saal bechunnt denn en Deko mit Teeliechli und Blüemli (mier hend so Holzbälke a de Wänd wo sich mega defür eignet) und a de Decki werded Liechterchettene und Pompoms anegmacht. Denn tued sie eus so Chalkboards mache mitem Menü, mit verschiedne Sprüch wo sie so Vintagig tued beschrifte. Voooooooll cool.
I de Chile wemmer eifach Bankschmuck. da sie ja mega chlii isch bruchts glaubs gar ned meh. Denn cha sie de Bankschmuck nämli direkt zu de Abiglocation zügle und d Blüemli wider für dTischdeko bruche.
Am Apero möchemer au es paar Strüssli uf d Tische.
Denn wemmer no en Bruutstruuss, zwei Asteckerli, zwei Blueme Armbänder für TZ & TM. Da wird denn ihri Florischtin mit eus Kontakt ufneh dasmer d'Blueme chönd bespreche.
Mier hend ihre im Vorus gseit, das d'Obergrenze 1500.- isch und sie hed gmeint, dass das sött klappe. Soooooo geil. Sie isch sooone Sympathischi! Und sie hed ganz genau gwüsst, was das mier wend und usegspürt wie euse Stil isch. Total cool. Aso ich würd sie jetzt scho wärmschtens wiiterempfehle.
d'Offerte bechömemer nächst Wuche. Wenn die also au no eusne Vorstellige entspricht, denn isch das en riiiiiiiiiiiese Lascht wo vo eus fallt.

So ez fangi mal a schaffe :D Bis spöter/morn/happyweekend