Janedoe: Ich glaub rechtlich gseh muesch d Usbildig ned mache. Chan mer ned vorstelle. Aber ich han da ned so viel Ahnig devo. Vlt. chan der au d Maeva witerhälfe. Teilzit isch sicher ned schlecht, den chasch mal luege wies lauft und den immer no uswite. Müestisch den amigs halt eifach sicher am weekend frei ha vom andere Job. Ja am liebste uf Kanada oder id USA und so bald wie möglich. Mir bhalted eifach d Auge und d Ohre offe und wend den ga sobald sich was ergit.
Me: aaaaah ! ha ja im brutlade aglütä wegem gurt nachezfrage... De seit die mir doch tätsch sig ja scho da warum me ke änderigsteemin hebed.. Äh ja ha im dezember sicher no ke termin gmacht und bis hüt nie öpis ghört vo ihne.. Naja uf allfäll chenti go drischlüfä. Mal luege obs dine lit uf lörrach weg dem De termin isch endi april. Aber denk mer etz eifach.. Was wär gsi hetti nid aglutä
Broncos Mini Beschti hed ebe Jura studiert und isch spezialisiert uf so Recht. Aber ez bis zu de Hochziit ischs eh absolut keis Thema, vlt ischsmer nach minere eigne HZ ja scho wider verleidet
So cool wegem Uswandere! Das würdi mi nie getraue und ich bewundere d Lüüt so wo de Muet hend de Schritt zgah!
Maeva: bin mal gspannt uf sFoti vo dim Kleid. Tönt no ähnlich wie mis vode Beschriebig her (ussert obe, ich han ja Ärmel)
Littlefoot: ouu, gohts dinere Chline chli besser? Super Tipp gsi wegem Tchibo, dankeeee! Ha gad für de Kiga 3 Sache bstellt
Jane: ooooh so geil, gratuliere zum Gwünn! Vierwaldstättersee isch meeeeega schön! Euri Vorbesprechig mit de Dekofrau tönt ja mega schön. Du weisch Vintage isch au voll miiiiis Ding und es tönt uh huere schön was ihr besproche hend (sorry, mir Appezeller reded so, haha). Bi etz scho mega gspannt uf dFöteliiii Ich han mit de Kollegin genau s’glich gseit gha – also nonig grad so konkret wie du – mir hend gseit wenn üs Kindergärtnerin nüm gfallt werdemer Weddingplanner, haha. Aber denn isch üs folgendes ufgfalle: im Summer sehr Termin bunde / Mai bis Okt voll Stress / alli Samstig bsetzt und ich wo Chinde wett…hmmm, für mich wär das es No-Go
Pfingstrose: Catchiiiing! Gratuliere zur Beförderig und super weg de Lohnerhöchig. Das chammer doch etz grad bruche! (Notiz an mich: Lotto spielen) Btw: Vo Rainbow Club Hochzitsschueh gits au Wedges. 13 Ziele gönd i ein Ring?
Lillian: wieso wetsch denn unbedingt 1 Matratze? Mir hend voreme Jahr au es neus Bett zuetue, sind vo 140cm uf 180cm und das gits nur mit 2 Matratze…me gspührt de „Übergang“ aber NULL
Me: ich bin am Do mit de TZ im Joy Abendmode gsi. Sie het ihres Kleid abstecke loh und ich bin mit ihre mit gange! Sie het sooo schön usgseh im Kleid und es isch echt e hammergeili Farb hani wieder müese sägä. So aqua-petrol-hellblau-türkis alles gmischt HAHA. Denn hani no min Schleier abgholt, will dCoiffeuse dFrisur nomol mit Schleier wett mache. Dä isch sooo toll hanen dihai grad nomol müese alegge vorem Spiegel. Und denn schnell versteckt will GG nix weiss und sicher NIE denkt das ich en Schleier han. Bluemefrau: ich han au grad geschter de Termin gha mit de Bluemefrau. Bin denn miteme Dossier mit Bilder zu ihre und hend 1,5 Stund mega besproche. sBluemegschäft ghört ja anere Fründin vo mir, aber die mues leider genau i dere Ziit e schweri OP mache. Sie isch au nid wieder fit bis zum HZ. Ich han mit ihrer Mitarbeiterin etz geschter alles haarklein besproche und ich han voll s’Gfühl, dass sie mega verstande het was ich will und wie ich’s will. Sie het au mega gueti ergänzendi Ideä gha und ich chan das woni will selber mache, selber mache! Mir chömed öppe uf 700 Franke.
Liäbi Mitbrüütlis! Ig ha o wieder emau Ziit zum mi mäude! D Ungrsuechig bim Kardiolog isch sehr guet gsi. Es git kei Azeiche vomene Loch im Härze. Das grüsch wo mer khört sigi für jungi (haha mit 30) lüüt völlig normau. Das chömi devo, wieu z Bluet schnäu is Härz inefliesst u sones Rusche vrursacht. Ig bi cheibe froh!!! Mir flüge am Sunntig für 2 Wuche uf d Maledive u jetz hani im Gschäft no chli Stress (wie immer vor de Ferie). U vorbereite u packe für d Ferie muessi ouno... puh... Hochziitstechnisch: mir hei grad üsi Turte bsteut bim Zuckeratelier.ch u suscht louft nid eso vieu. Nach de Ferie nähmemer de no vieu i Agriff!
So, nume es churzes Update vo mir, für mehr längt d Ziit im Moment grad nid... Sorry...!
@Claudilein: Das freut mi sehr zghörte dass d Untersuechig bim Kardiolog no use cho isch. Wünsch euch ganz schöne Ferie uf de Maledive, jetzt chasch jo ganz beruhigt go tauche
@me: D Iladige sind fertig bastlet und au scho e Teil verteilt, geschter hämmer scho die erscht Zuesag becho :) Sunscht simmer no d Homepage am fertig mache.
Sorry, dass ich mich so lang nüm gmolde han, bi üs isches relativ drunter und drüber Z'erscht hemmer no es paar Täg frei gha, jetzt bin i sit 2 Wuche allei im Gschäft (alli andere Ferie ) und Hochziits-Stress hemmer au gha. Naja, Stress ned grad, aber bin eifach chli igspannt gsi.
Ich fang mol vorne ah. Also s'Shooting isch super gsi. Nochdem ich öpe gfühlti 4 Stund vorem Schrank gstande bin, hemmer üs den doch für öpis chönne entscheide Sind denn zum Fotograf, und ich bi richtig erstung gsi, wie rassig dass das gange isch Ich glaube, mer hend kei 10 Minute gha fürs Fötele, do er grad immer vo Afang ah gseit het, wie mer müend stoh, s'Chünni hebe und wohi d'Händ tue Es het denn so öpe 30 Föteli gäh, de hemmer grad vor Ort entschide, welli ufs Chärtli chömid. Mer hend ungefähr s'Layout gseit, und bereits en Tag spöter hettid mer s'Guet zum Drück per E-Mail gha. Mer sind denn mit de einte Farb und de Schrift ned 100% zfride gsi, also retour gschribe, Farb ändere, Schrift ändere. OK, so isches denn zum zweite "Gut zum Druck" cho. Au das het mi aber nonig 100% überzügt (man bin ich heikel ). Also han ich denkt, ich schaffe mol selber chli dra. Noch öpe 3 Täg, han ich denn au verstande, wie das mitem Photoshop so lauft. Läck Bobbi, isch das es komplizierts Programm Aber ich dörf mich jetzt als fascht-Profi zähle! LOL! Nei Seich, aber so s'Grundprinzip hani verstande. Und noch 2 Täg üebe, hanis denn gha. So hemmer letscht Wuche s'Gut zum Druck gäh, und jetzt wartid mer uf d'Chärtli
Denn isch jo letschte Friitig de gross Tag gsi - Chleider aprobiere!!! Oh mein Gott, isch das sträng gsi Sind gschlagni 3 Stund dete gsi, und ich han quasi non-stop Chleider aprobiert. Sind sicher 15 Chleider gsi Ich, bzw mier alli, inkl. Verchäuferin, hend eifach mol so ziemlich alles dure probiert, und hend denn en Uswahl gha am Schluss, vo 3 Chleider. Bin denn nomal i die 3 inegschlüpft, und han mich glaubs für eis entschiede Am Schluss sinds denn quasi nur no 2 gsi, und ich han und han mich irgendwie ned chönne entscheide. Also de AHA - Effekt, wo do viel hend, han ich also ned gha Ich find beidi Chleider sooooooooo schön. Ich mues au säge, ich hans no schwirig gfunde, es Chleid azlegge, wo mer vode Grössi her ned passt het. Das hani no als schwer empfunde, sich das z'vorstelle, wie denn das i 2 Nr. grösser usgseht, oder halt chlinner. Uf jedefall, die 2 wo no vörig gsi sind, hani denn im Ganze 3x ah gha Und ich bi zu 90% sicher, welles dases isch. Aber äbe, es isch gnau so gsi. Das wo ich ah gha han, isch prompt 1 Nr. z'chli gsi. Ich han zwar hine chöne zue mache, aber es het mer scho chli abschnüerrt. D'Verchäuferin (en Engel übrigens), het gmeint, wenn das 1 Nr grösser chunt, isches DAS Chleid. D'Form sig super, d'Farb und die ganz verarbeitig, absolut hammer. Jetzt gohn ich die Wuche no einisch verbi, allei Ich weiss jo jetzt, dass mini Gspönlis denkid, und sie sind alli 3 Füür und Flamme gsi für das Chleid. Ich wets eifach no einisch ah ha Das Chleid, isch natürlich, wie sells anderscht si, au grad s'tüürschte gsi Aber es isches mier Wert. Zum Chleid dezue, hets no en Tüll-Schal, wo direkt no igarbeiteti Chetteli het. Bim Schal weissi no ned, öb ich dä denn würklich alegge. Zudem hets, wie ufem erschte Bild, so Chetteli für über d'Arm debi. Die chönd (und werdid) jedoch abmontiert. Gfallt mer ned, aber evtl chammer drus Armchetteli mache oder so. Muesi ebe no einisch teschte denn
Ich ha glaubs die wuche au wiedermal echi Ziit zum mit eui mitschriebe... Ha nur mal so flüchtig echi mitgläse i minerä horror wuche
Ha grad emal ziit cha zumlil-lian z'treffe damiti mit ihre echi Hawaii Infos ha chöne ustusche, was mir super viel bracht het. Danke nomol!!!! Hesch di eigentli na für es Band zu dim Kleid vom Lilluca chöne entscheide?
Littlefoot bi was bisch du dir unsicher?ha irgendwo echi was gläse, du wirsches glich aziehe aber weiss nid was.
hey broncos wie stahts eigentli bi eui mit Amerika?wenn werdet die Greencards scho wieder verteilt?März oder Mai? Druck eui fall fescht de Dumme!
alli neue
Trotz enormer Verspätig au vo mir na es Willkomme
@ME: Dank em treffe mit de lil-lian hani jetzt gester mit mim GG au emal sone Google map erstellt, finds na was u cools, den hemer allgemein namal e neui To Do-Liste gmacht und au schön am PC itöggelet, den hani am Fritig no s'erste treffe miteme Bluemelade cha und echi was ufgschriebe, damits mir mal e offerte chönd mache und am Samstig hemer na de Pastorassisten vo eusere Chile troffe und sind total happy heigange will de u fründlich, unkompliziert und sehr herzlich gsi isch. Mir derfet alles mache womer wend Kei Rose oder Riis isch verbote und Parkplatzmöglichkeite hemer für ca 120Autos Ansonsten, hani mi dank de Kommentär vo eui vo paar Täg/Wuchä jetzt definitiv und 100% für es Farbschema chöne entscheide und bin weg vom lila/türkis. Falls öberd vo eui Farbe lila/Türkis het....ich het Draht zum abgeh i dene Farbe!
claudi: das freut mich dass alles guet usecho isch weg dim herz :))
deanu: haha soi toll das foti danke es gaht ihre guet jetzt. mir warted bis s letscht blötterli usgheilt isch.
snicki: ou yeah rembo stylem sehr schön :) (ha au de designer welle am afang.) gell bisch im jolie mode gsi ? wer häsch gha ? cool weg de iladige !
sasi: findi super hend ihr eu chöne treffä :) ah und für weli farbe häsch di etz entschide ? glaub d nala hät lila/petrol ich han mitem chleid chli zwifel gha. mittlerwile hani mi aber guet demit chöne abfinde. :) ich weiss es git tusig anderi schöni, aber ich han es ganz es tolls und wirde das träge. ich tu aber eifach mit accessoires chli öpis mache, wo ev nid ganz 0815 isch de passts de au wieder besser zu mir. egal obs anderne gfallt. isch chli schiwerig z erchläre wasi mein demit
me: ich han etz de abstecktermin am 24.4 in lörrach :) und mir hend ja unbedint öpis welle la id luft stige..himmelslaterne sind mim GG de doch chli z gföhrlich gsi und drum tömmer jetzt lüchtendi luftballön i de nacht ufela. mega schööön :)
was meined ihr zu some gurt ?
ich han uf pinterest es paar Azüg für Männer usegsuecht woni weiss die gfalled mim GG au. er hät denn eine gseh woner will, und nachem langem sueche hani d marke und s modell usegfunde :) nur leider isch de usverchauft. ha dene etz aber gschribe und sie hend gseit ich sell mal d grössi age ev. hends no a lager. was denked ihr, isch es schlimm z bstelle für männer ? wegem passe ?
littlefoot: ich han rembo vorher no aglueget gha, aber han dete jetzt nüt gseh gha, wo ich uf Ahib gfunde han (also im Internet). Das Chleid do, hani wohl überseh Jo im Jolie bini gsi, d'Verchäuferin Agnes Gohne jetzt am Mittwoch morge nomol verbi, probiers ah, und mache das fix Bin grad froh, seisch du, du heigsch bi dim Chleid au Zwifel gha. Also ned das ich Zwifel han, gar ned, aber ich han do immer gläse, wie bäääääm DAS Chleid gmacht het. s'bääääm het bi mier gfehlt, aber ich han au sooo viel probiert gha. Uh schön, mit dem Gurt. Findes uh herzig. Ich würs a mim jetzt ned welle, aber nur, will ich den immer s'Gfühl han, mer luegt det druf. Und da ich halt chli Buuuuuch han, wärs mier zu sehr ufe Buch abglänkt.
Ich chan mier jetzt ned vorstelle, dass das grad passet, sone Azug. Aber mues au ehrlich säge, kenn mi do z'wenig us. Han mitem Schatz erscht afigs 2 Azüg kauft (eine devo uf Mass) und grad zum chürze oder inäh, findis no schwirig. Hettid iehr denn en Schniider ide nöchi?
Anmelden
ha ja im brutlade aglütä wegem gurt nachezfrage... De seit die mir doch tätsch sig ja scho da warum me ke änderigsteemin hebed.. Äh ja ha im dezember sicher no ke termin gmacht und bis hüt nie öpis ghört vo ihne.. Naja uf allfäll chenti go drischlüfä. Mal luege obs dine lit uf lörrach weg dem
Ich glaube, mer hend kei 10 Minute gha fürs Fötele, do er grad immer vo Afang ah gseit het, wie mer müend stoh, s'Chünni hebe und wohi d'Händ tue 
