Juhuuuu... oooh i bi gad froh heit dir gester nid mega Gas gäh, ha scho dänkt: "oh nei, ä ganze Tag nie is Forum gluegt, da wirsch hüt zersch mal paar Stund nacheläse..."

@Business als Wedding-Plannerin / Gstalterin oder was o immer: Da bruchts garantiert kei Usbildig! Das isch i vielnä kreative Jobs so, dasses gar nid unbedingt ä Usbildig brucht solang ds Talent da isch... Es isch halt eher ä Sicherheit fürd Chunde, wenn sie gseh dass d Person die und die Usbildig het gmacht etc. Aber für es Gschäft ds eröffne, bruchsch das definitiv nid. Würd füre Afang eifach ä Einzelunternähmig mache, de bruchsch ou nid Buech z füehrä (macht natürlech trotzdäm Sinn, aber Revision etc. chasch dr spare) und hesch weniger Choschte bim start-up. Allerdings haftisch mitem private Vermöge und chasch di nid im Handelsregister lah iträge. Wenn ds Gschäft när louft, chasch när ine GmbH lah umwandle.

@broncos: D Fasnacht isch haaaaaammer gsi! Bi süsch nid so Fan drvo, aber bi ou ersch fang z Bern gsi - das isch für nüt im Verglich hani gmerkt!

@claudi: ou cool dass alles ok isch! Wow, scho gli geits id Feriä, so schön!!!

@snicki: Tönt ömu super di Chleid-Shopping Tag. I findes guet, dass no mal verbi geisch wenn du dir nid 100%ig sicher bischg si... Mängisch hilft drüber schlafe ja ou zum sicher wärde. Es git halt würklech sooooo viel schöni Chleider! Isch ja verständlech, dass d Wahl nid liecht fallt...

@Littlefoot: Es isch scho no heikel ä Azug online z bstellä. I würd ne ei grössi z gross näh u när vomnä Schniider lah apasse. Wöu chliiner mache chame rächt eifach, aber wenn er z chlii isch wirds heikel dass mes när nid gseht... Die hei ja när unter umständ ou nid genau dr glich Stoff und me gseht halt när eifach, dass öpis "agsetzt" worde isch.

@me: Mir hei es mega cools "wedding-freis" weekend gha! d Fasnacht isch super gsi und d Zyt mit üsnä Bestä het ou gad hennä guet dah... Im Hotel hei mir ä Whirlpool gha und mini Besti und ig si nachem Usgang no ga bade u hei es mega cools Gspräch gha, no wägä däm Theater mit mine 2 anderä Fründinne. Gester hei mir när üsi Chärtli ufd Post tah... Hei tatsächlech müessä es Zollformular usfülle für die wo is Usland si... Zum Glück hei mir nid mega viel Gäst wo nid ir CH wohne, isch ja mega müehsam gsi! Jetz bini am bibbere und hoffe sie chömä guet a..

guete morge :)

snicki: ich han au d agnes gha :)
han imfall au en buch aber i mim chleid (wohl doch gnau s richtige ) hani null..s oberteil mit stickereie (chli feschtere stoff) gaht ebe bis zu de hüfte.

malinchen: danke für die business inputs :)
hanis der nid gseit ? luzerner fasnacht chasch nid vergliche :)
schön isch es cool gsi mit de beschte und ihr hend es guets grspröch gha :) sinder mal unter der egg gsi ?
mir sind au mal ime zimmer mit whirlpool gsi im continental
ich bin hüt morge dur d stadt zum go schaffe, börk börk grusig hets gstunke und überall müll
was haltisch vo mim gurt ?

azug: ja da chentsch recht ha. ich überla das mim GG er wirds scho wüsse wie bstelle :)

me: bi etz plötzli nüm sicher weg de haar..has ja immer locker wele ufestecke....ha mim GG gseit müss zum coiffeur, mini haar siged ziemli am a...muss 10cm sicher abschnide..er het denn immer gmeint, nenei nid so vill und ja nid vorem hochzit drum nimi a er erwarted dasi sie offe oder halboffe träge...hmmmm...

@littlefoot: Hihi... ja det si mir gsi. Si immer so det unter düre gloffe, när ufe dür d Gässli u wieder zrug zum Kappelleplatz oder wie das det heisst.

Ja, das isch halt scho immer ä mega Sach när mitem Abfall und all däm nach so Aläss. Da verstahni dass du di närvsch. Nächscht Weekend hei mir das ganze ja de ds Bern ou no. Bi mir am Überlegä obi am Abä überhoupt id Stadt wot...

Dr Gurt findi chli bouschig... A mir hets mir aube nid so gfalle, ha paar Chleider aprobiert wo so öpis dranne gha hei. Aber grundsätzlech findis no schön, wenn no chli Farb ads Chleid chunnt. I würd persönlich aber eher zumne Band tendiere, so wies (gloub) d lillian macht.

wägä de haar: I ha ou mega viel müessä abschniide... Aber i has när glich gmacht, i häts nid so chönne lah si bis im Summer. I würds mal mit dr Coiffeuse besprächä wägä dr Frisur... und i weis nid wie di GG isch, aber mine het nid so Ahnig vo Frisure, da würdi lieber no ds Chleid vo ihm lah uswähle. Die meiste Männer finde ja offeni Haar sexier als wenns irgendwie zämä gmacht isch, aber meinsch nid, es würd ihm de glich gfalle? Villecht cha er sich's eifach nid vorstellä?

@snicki: Ach soo... i ha imfall ou ca. 5kg abgnoh sit ig ds Chleid aprobiert ha. Chliner mache geit immer, aber grösser mache isch schwierig! Das isch uf jedä Fall keis Problem, wenn denn "halt" schlanker bisch...
Ja gäu, i ha blöd gluegt. Es isch imnä normale Couvert aber vom Bändeli wo drum isch, isches so chli bouschig gsi u sie hei när uf dr Post gmeint, dass sies süsch ufdüege am Zoll. Hät am liebstä ufs Formular gschribe: "ein Päckchen Koks" oder so...

Hoi Brüütlis

Bäääh, ich schaffe ab hüt wieder mini volle 100% und es schisst mi es birebitzli a :D

Daenu
Ich bin ja fascht am Vierwaldstättersee ufgwachse. Min Lieblingssee :)) Freued eus mega uf das Weekend.
Ich han imfall bi der Dekorateurin es paar Mal a dich denkt wege dene Spitzedeckeli und de chline Väsli. Das würd dier gaaarantiert au mega gfalle. Wie triibts en Appezellerin nach Thurgau??
Wow mega super Priis vo de Floristin. Was bstellsch de da alles bi ihre?

Claudilein
Super isch die Untersuechig so guet gloffe und alles in Ordnig mit dier!!

Sunds
Gits es Bild vo eune Iladige?

Snicki
Gits Bilder vom Shooting wo mit eus möchtsch teile? ;)
Hey cool wegem Chleid. Findes meeeeega schön Ich würd sChleid e Nummere grösser neh. Uf jedefall. Will es wird ja de eh apasst…. Und Chliner gmacht isch es schnell…

Sasileu
Cool isch vo de Chile us alles erlaubt :) Für weles Farbschema hender eu denn ez entschiede?

Littlefoot
Die Bluemegürtel gfalles mer uf de Bilder immer mega guet aber ich han amigs chli Angst dases a eim denn nümme so verspielt usgseht sondern eifach wienes riese ufgsetzts Etwas.. Chas schlecht beschribe…

Malinchen
Hehe schliesse mi dier grad a wegem Frohsii dass ned so viel gloffe isch gester!
Tönt super eues Weekend. Tued doch au mal guet, chli de HZ ‚Stress’ zvergässe
Struub wegem Zollformular. Zum Glück hend mier das nöd müesse, bi eus isch ja d Hälfti vo de Gsellschaft us DE

Me
Mier hend es komplett Hochzitsfreis Weekend gha (widermal) Am Samschtig Abig bini mit es paar Kolleginne und minere Sis as Zürcher Derby und mini Schwöschter hed denn churzerhand entschlosse, dass sie bi eus schlaft. De hemmer am Sunntig en richtige Gammeltag gmacht und sind nume umegläge, hend gredet und gredet und gredet. Und denn isch wider so spat worde, das sie grad nomal en Nacht blibe isch. Sie isch ebe no chrankgschribe will sie en OP gha hed vor zwei Wuche und GG und ich hend gester frei gha. De simmer spontan uf Konstanz chli go spaziere/lädele. Schöööön gsi. es hed so riiiichtig guet tah sie chli um mich zha ;) S Einzig woni chli schad finde, isch, dass sie nie fragt ob mer Hilf bruched oder irgendwas organisatorisches zerledige isch (sie isch euse Tätschmeischter). Da muess ich glaub versueche, mini Erwartige abezschruube.

Snicki: Wieso musch en Unterrock alege? Ich han ja au so en Meerjungfraueschnitt bi mim Chleid muss und wett aber kein Unterrock alege isch garnie zur Sprach gstande. :)

@Snicki: ich bruch au sone Unterrock. Kaufsch du eine im Brautmodegschäft oder luegsch du neume anderst wäge däm Merrjungfraueunterrock?