@Jane: Hmm, i verstah guet was du meinsch. I finde, dass Iversucht vor allem ä Chopfsach isch. Klar gits mängisch begründeti Situatione, aber oftmals bildet me sich so Sache ou eifach i... Wenn du ja eigetlech "weisch" dass di GG scho ewig kei Kontakt meh het mit derä Person übertreisch du villecht momentan eifach dini Ängscht, dass d Ehe chönnt schitere uf die Person und machsch dir Sorge um nüt. I würd dir drum rate mal versueche z überlegä, weli Ängscht du wägä konkrete Situatione wo ersch gad vor Churzem passiert si hesch und weli das du äbä uf die Gschicht vo denn projeziersch. Wöu das wo scho lang verbi isch söttsch vo mir us gseh nid immer wieder ufehole... Wenn du aber gad vo letscht Grund hesch gha zur Iversucht de würdis aspräche, aber ou idäm du bi dir blibsch und nid dim GG Vorwürf mache, süsch wirds nur schlimmer...
Mi GG het paar Wuche vor üsem Ziviler wieder Kontakt ufgnoh mit eirä wo er mal inere WG mit ihre Gwohnt het. Er het vieli Kolleginne und i ha vo däm här nie Problem wenn er sich allei mit andernä Froue trifft. Ha när gmerkt dass die ihm duurend schribt und föteli vo sich schickt etc. Aber i ha när eifach versuecht ruhig z blibe u vertroue z ha. Ei Wuche nachem HZ het er mir när verzellt, dass er sich total ab derä gnärvt het wöu sie ihn mega het agfange amache und ei Wuche bevor mir hei ghürate hei sie sich troffe u när het sie ihn total offensiv versuecht uszpanne. Er isch ihre när drvogloffe und het vo sich us dr Kontakt abbroche. I bi när mega froh gsi, dass ig nie öpis ha gseit, wöu süsch hätt ig ja nie gwüsst, ob er vo sich us ghandlet hät. So bini i mim Vertroue gstärcht worde. I dänke eifach, mir Froue si immer mega intuitiv u gäbä de GG's mängisch gar nid d Chance so sache vo sich us ds Reglä...
@Pfingstrose: wow, da hätti mi ou mega gnärvt... Da würd i uf jedä Fall ou nümme ga ichoufe!
Iher sind so Schätz! Danke für die ufmunternde Wort! Wahrschinli isch en grosse Teil echt nur i mim Chopf und ich male mier au Sache us wo bestimmt nöd so sind. Am GG hani am Morge scho es SMS gschribe und ihm versuecht z'erkläre warum mier das so wichtig isch. Ich chan im Gspräch amigs eifach ned überebringe, was ich alles wett sägä und wie. Und vorallem fangi immer grad sofort a brüele. Ich bin soooo nah am Wasser baut. En Brief schribe isch für mich au ned die richtig Lösig will ich mich denn verlüre und schlussendli hani gar ned das gseit woni wirkli wirkli ha welle. Die bescht Variante für mich isch amigs echt SMSle. Me mag zwar denke dases voll unpersönlich isch aber denn chan ich zwar es Gspröch füehre aber trotzdem mini klare Gedanke us- und aspreche. Verstönder wieni meine? Mier hend jetzt abgmacht, das mier am abig nomal tüend zämähöcklä und versueche z rede.
DANKE EU ALLNE
Pfingstrose Dett würdi aso au nöd mini Ringe chaufe. Ich hetts dene au direkt gseit. Isch ja voll denebe!!
lil.lian Gratuliere zu de Ringe!
Maeva Hinne isch s Chleid ja grad nomal schöner. Woooooooooow!
jane: verstah das imfall mit de sms. vor allem cha denn der ander nid grad immer öpis säge dezue und drirede und de verlürsch de fade cha aber au liecht öpis missverstande werde drum eifach immer guet wort wähle gell :)
pfingstrose: omg das sind au deppe, sorry. selber schuld wenns ke umsatz wend vo 5500.-
snicki: schick der s bild, die liebi lilian hets mer gschickt
lilian: danke nomal gratulierä zum ring..has bild grad nüm im chopf aber isch sicher wunderschön :)
maeva: ui ja das isch es wahnsinnschleid. ha au so es ähnlichs agha nur hets mi chli "älter" gmacht.
malinchen: hesch en tolle GG hey
me: bi im büro zmitzt i de city und d gugge spiled mer um d ohre isch ebe es alts gebäude und null isoliert haha
littlefoot: jöööö so herzig gsehsch us!! Danke fürs Föteli, das hani würkli no ned gseh gha. Aber das wär auch miteme Meerjungfrau Unterrock?
maeva: traumhafts Chleid, würklich.
Jane: Denn isch jo guet, wenn ehr hüt nomol chönd drüber rede. Ich verstohns würklich guet. Bi üs isch vor 8 Johr (sind jetzt 11 Johr zäme) au mol öpis passiert, wo mis Vertraue broche het. Ich verstohne dich würklich guet, und es isch schwirig demit chönne umzgoh. Es isch bi mier au so, do chans gar Johrelang guet si, und plötzlich, inere Sitiuation, muess ned mol mit ihm zäme si, chunts mer wieder z'Sinn. Eifach sind so sache ned, aber mer lernt chli, demit umzgoh. Au wemmer 2-3 Mal ihm alli Schand seit (naja, ned alli, aber fascht ) und mer nochher merkt, dasses ein ned besser goht, merkt mer, dasses nüt bringt. Viel (zu viel) spillt sich do im Chopf ab. Mer molt sich jo gar alles us, was wäre wenn.
Ich finde, s'Hürote isch e Bindig für's Läbe. Zumindest goht mer mit däre Istellig i d'Ehe. Wemmer sich vorstellt, das mer nochher no - am liebschte - 50 Johr oder meh, mit dem Maa zäme lebe tuet, dörfid eim do au mol chli negativi Gedanke düre Chopf. Mini Asicht
Dörf ich eu mol no froge, wieviel Rabatt das iehr uf's Chleid becho hend? Wär echt 10% z'viel?
snicki: danke nei ich has kauft bevor du da uftaucht bisch nei natürlich ken meerjungfraue rock, klar, häsch recht. eifach eine wo wiene trompete usgseht unde. oje, nei das isch alig doof wenns so sache git. has gfühl de "prellti" isch denn immer zeichned. aber me chan au verzeihe :) und das isch denn schön. vor allem vor so langer zit, da isch mer no ganz jung gsi und hät nid chöne wüsse dass es die person isch, aso besser gseit isch denn schwieriger das genau z verstah und izchreise...
ich hetti im november 10% becho wil det de umzugsrabatt gsi isch. isch mer aber immer no z tür gsi.warum fragsch das überhaupt ? ich han im domino ken rabatt gha.
littlefoot: sie het drum gseit gha, also im Jolie, sie chönn 150.- Rabatt gäh. Aber do ich kei Ahnig han, was mer sus a Rabättlis überchunt, chanis ned ischätze, öbs guet isch oder ned jo, verzeihe ghört immer dezue
Pfingstrose: cool 25% isch ja cool jänu, mol luege morn. es git wases git, chaufe tuen ichs so oder so (hoffentlich list sie ned mit, d'Verchäuferi )
Littlefoot: Joo das mitem Kleidergedanke chani verstah, weiss was meinsch....mir ischs jo ehnlich gange bi mim kleid. Aber ich glaub mir sind nid ällei Danke wegem Tipp das nala die ähnliche Farbe het, hanere grad mal e nachricht gschriebe. Mir hend jetzt ebe echi folgendi Farbe: pinke,rose, orang, wiis und creme und viellicht no es bitz gelb und silber. Lade es paar Bilder am Endi herä, eigentli vo Blueme aber nach dene wirdi mi jetzt richte und bi richtig happy mit dene meitli-Farbtön Weg dine Haar...ich ha bis letst johr na uuu langi schöni bruni Haar cha und den hani es umstyling gwunne(was jo cool isch, aber ha nid viel derfe mitbestimme) mini haare sind meh als ½ kürzt worde und blond gfärbt worde....zum glück wachset mini Hoore schnell und morn hani en Coiffeurtermin woni entli wieder bruni Haare bechume, mach e Intensivtönig.Mini lange Haar vermissi immer nachi weni a mini Hochziitsfrisur denk, aber naja.
Maeva: Ohh wow, dis Kleid volle mit Spitze gseht jo würkli hammer us....und ohh lalala de Rugge
Janedou: Ohh mist, ich weiss leider gar nid wasi söll segä ussert dasi find, dass du wenn immmer bedarf hesch da en seelestriptis derfsch mache!
Lil-lian: Super, hed das Band wo dir eh scho gfalle het au passt! Und weg de Farbe schribi une nomol was und lade paar Bilder ufe, Offerte hani nonig becho, will ich ihre nonig gnau ha chöne ageh wieviel gsteck oder so ich wot. Am Samstig gömer nomol is Resti und den weissis gnau. Aja, Glückwünsch zude Ring!
Rabatt: Wo hend ihr überall chöne Rabatt usehole und wie? Ich het bide Ring gern echi cha, aber gseht nid so us als öbs eine git. Und bim Kleid hani eifach die 250.- Gutschi cha, woni im Katalog cha han.
Blueme: Was zahlet ihr so für Floristik?
ME: Die einte vo eui hend mi gfrögt, für weli Farbe dasi mi jetzt entschiede ha... ich ha mi für sehr starki Meitlifarbe entschiede Also ich will unbedingt so Hawaiibluemli(heisset au Plumeria & Frangipani) und Gerbera gfallet mit ebe au sehr guet, und nachdem ich s'eint oder andere Bild gseh ha und letst Wuche im Bluemelade gsi bin sinds jetzt folgendi Farbe: pink, rose, orang, wiis & creme, und viellicht hets den nachi Gelb und silber in form vo Spiegel oder Draht. Ich lade es paar Bilder ufe, damiter echi gsehnd was mi dezue gleitet het
Sasileu: Bis jetzt hemmer nur de Tellerpriis bim Dessert und de Zapfewii für de Portwie chöne verhalnde. Meh Rabatt hemmer leider au nöd. Bi de Ring wers bi eus au sehr willkomme!
Mir zahled für d Floristik 1100 CHF. Hend aber kei Chileschmuck will mer ja garnöd i de Chile hürated.
Mir gfallt s zweite Bild am beste. Es isch, hm, stimmiger wie die andere - minere Meinig nah natürlich. Ich find ebe z.B. s letschte en totale Stilbruch vo de Blueme, was mir jetzt überhaupt nöd gfallt.
mini beraterin vom chleiderchauf hät aglüte. sig gar nid mis chleid wo da sig mis chäm erscht (!) afang mai. de hämmer es riese züg gha wegeme termin z finde. ich cha nur am di und am do. am zischtig isch d schniderin nid ume und am dunschtig d beraterin. aso het sie mer glich en samstig müesse ge. isch eifach für mich weg de chind. etz hämmer de 3.5 abgmacht aber es cha guet si dass s chleid e wuchä spöter achäm. mein gott...de mömmer de verschiebe uf de 15.5. finds irgendwie chli doof für mini Schwö.-ich wett sie deby am änderigstermin weg de accessoires usw. ha ja nur ei möglichkeit is chleid z stige bevor ich denn nomal usemuss und s hole cha. det muss mini sis au deby si wil sies denn zu sich heinimmt.
sie hät no vorsgschlage sie lüted afang mai a und denn mömmer schnell en termin gfindä aber das wetti nid, das isch no vill schwieriger. oder sie mached express änderig wo ich am 10.00 det bin und s am 17:00 wieder cha mitne. was aber ame samstig wohl nid gaht.
omg scho chli unflexibel. nervt mi grad chli...aber easy. und mega knapp vorem hochzit das ganze. bis ja im dezember go poschte...am schluss isch es denn z spat det etz woni mi wieder versöhnt ha mit mim chleid.
Anmelden
Da würd i uf jedä Fall ou nümme ga ichoufe!
cha aber au liecht öpis missverstande werde drum eifach immer guet wort wähle gell :)
) und mer nochher merkt, dasses ein ned besser goht, merkt mer, dasses nüt bringt. Viel (zu viel) spillt sich do im Chopf ab. Mer molt sich jo gar alles us, was wäre wenn. 
