Littlefoot: Oh das isch ja verwirrend was die dir da mitteilt hend. Lustigi Vögel! Würdis für dich nöd gah ein Tag frei igeh wos dene beide vom Lade au gaht und den gönder alli zäme und chönds am Abig gad mit hei neh? Wer doch am beste?

pfingstrose: zerscht hett ich das ja so gmacht...ich schaffe ja nur am di und am do aber det sind die ja nid ume. findi au chli denebed, zwei täg wos nid gaht unter de wuche...
und de rescht vo de täg musi denn eifach luege weg de chind, mi gross gaht id schuel, das isch gar nid so eifach öper z finde wo beid nimmt a eim tag. mis mami und mini schwöschtere schaffed oder händ schuel. hmm kompliziert. glaub rede mal mit mim mami dass sie chunt go luege ame mäntig. de muss aber mini sis iverstande si frei z ne. manno

Zuletzt bearbeitet am 04.03.14 17:03

Morge mitenand
Mis Chleid und ich, hend üs hüt no einisch troffe. Und ich han mich würklich nomol verliebt es isches, es isch das Chleid Han grad mega Freud, und isch no cool gsi, mol allei go ah probiere de hemmer chli Ziit gha für enand, s'Chleid und ich
Hans jetzt bstellt, und es goht öpe 3 Mönet. Maaaan immer die Warterei Ich bin doch ungeduldig!!
Aber jetzt chani mol no für Assessoires luege. Ich glaube, es Chetteli wär cool. Han nur no kei Plan, was für e Richtig. Denke eher öpis mit Perle, müend jo ned immer so "normali" rundi Perle si

Littlefoot: ou nei! Jetzt ischs ned mol dis. Isch jo voll doof. Bi mier wirds allerdings au öpe Mai bises chunt.

Sue: Zöliakie - was isch denn das was?
Ich weiss ned, ich bin eifach eswie kein Buffet Fan. Han irgendwie immer s'Gfühl, das isch wie chli abgstande, lauwarm ... Aber wenns guet gmacht isch, isches sicher au öpis schöns. Mier hend uf jedefall serviert. Ussert fürs Dessert, det gits es Buffet. Wenns losch serviere, gits sicher au en Alternative für d'Vegis.

So, ich wünsche eu es schöns Tägli, bin grad happy und chan mich ade Fotene chum satt gseh

guete morge

malinchen: etz isch no vill schlimmer. mini schwö und ich hend eus etz entschiede, die sofort änderig z ne, damit mer nur no einisch uf lörrach mönd fahre. de hani e fritig im mai mis mami agfragt ob sie chäm, de chönemer mit de chind en tag in lörrach verbringe..de lüti i lade a und en anderi frau als mini beraterin nimmt ab. fritig gäch au nid ! bi echt sauer worde und ha null bock me gha. hanere sogar gseit und ich heb gar ke luscht me, am liebschte würdis chleid hole wenns da isch ohni apassig. es gaht denn schlussendli nur am mo/mi und do. sig ja glich wenn mini beraterin nid da sig. mein gott...mir isch es egal, die hät mer eh chli z vill gredt.
aber sowas vo unflexibel. mich nervt halt me dass ich jedesmal mis mami und mini schwö volltexte muss und alles änderet sich jedesmal. macht echt ke spass me so...

schön wenn er rückmäldige becho händ weg de iladig. da freut me sich doch immer :)

snicki: cool weg dim chleid. chasch di froie...wenn hüratisch denn du ? ich bin mis chleid im dezember go poschte und es chunt im mai...du gasch im märz und es chunt im mai ? :) naja egal ich han ja welle spare bim chleid, selber schuld

sue: du chasch doch det säge dass lüt häsch mit zöliakalie oder vegi au bim servierte :) das sind die sich doch gwohnt...nid ?

@littlefoot: Ja voll, mach doch das! Holsch das Chleid ab und gisches binerä Schniderin i dinerä Region zum apasse... I wär stinksauer a dinere Stell, das geit ja würklech gar nid!!! I würd no gad Rabatt verlange für die Unanehmlichkeite wo du dür das Gstürm hesch... (schad gits hie kes "richtig-sauer-smiley" wie ds rote im whatsapp...) Duet mir so Leid dass das so müehsam isch! Eigetlech ghört doch ds Chleid Shoppe und Apasse und all das zu de schönste Momente idr Vorbereitigszyt, und die Hüehner vermiise dir das so... Drücke di ganz fest!

Littlefoot: Oh nei! Riise Gschiss wege deim Chleid, isch also ächt unmöglich! Ich würdis glich mache wie d Malinchen. Richtig grosse ufstand. Und säge wie unverschämmt de Service isch. Den chasch dene evt. würklich no en Rabatt entlocke.

Malinchen: Schön händer so guets Feedback übercho! Das isch doch super und so sölls sie. Jetzt chömed den bestimmt alli Ameldige.

Janedoe: Hender gester no es guets Gspröch gha?

Me: Han hüt Namittag frei... Also nöd richtig frei, aber ich ghan mim Papi go helfe zügle. Er isch nöd so de Irichtigs-Hirsch... Darum gahni chli go Innedekoratörin spiele. Machs ja gern! Mage eifach im Moment so nöd. Han irgendwie e schlächti Verdauig siit 2 Tag.

Gester bini mit mim GG no go Sushi esse wills genau no 100 Tag zu eusem Hochziit gaht. Aber am Schluss hemmer eus meh über sini Familie wieder mal ufgregt wie de Abig i volle Züg gnosse. Immerhin simmer eus einig und mer hends besproche. Sini Muetter wott jetzt no en Brüäder ilade wo mir nöd wend und au nöd werdet. Und ei Schwöster wo mir ihre zlieb iglade händ (ob wohl die gemäss ihrne Ussage zu 100% nöd chämi) chund jetzt glich. Und ich han mim Schatz gseit die welli nöd debie ha. Ich hebi ächt kei Lust da zverarscht werde und am Schluss chund die glich no. Ächt Scheisse... Bin froh wenn die ganzi Gästegschicht mal dure isch han d Nase volle.