pfingstrose: haha jaaa chum mer jetzt scho doof vor so blöd z tue. bi ebe impulsiv und weni mi ufrege de halt sofort. negscht mal het sich das scho gleit, de wirdi nüt me säge glaubs. :) aber das mit de schniderin bi mir isch au doof. mini TZ wohnt ja z Regesdorf und bhaltet s Chleid bi sich bis zum Hochzyt. drum wärs denn au wieder doof, da z Luzern ändere la und sie muss es wieder mitne. mir werded etz de scho en termin finde :) aber ich glaub ich chauf null anders me det i dem lade corsage usw holi etz grad ame andere ort.basta.

was sind denn das für verwandti ? schwöschter und brüeder vo dim GG oder vo de Schwiemu ? isch doch en seich wenn anderi lüt das ilade verwaltet i eigne regie gopf. was musch etz, dere schwöschter wieder absägä...das git doch böses bluet oder ?

Littlefoot
Genau drum fallt mier SMSle liechter. Erstens will ich denn zweimal über das woni wett sägä chan nahdenke und zweitens will mi niemer usem Konzept bringt. Bi mim GG und mier entstönd gottseidank fascht gar kei Missverständnis dur eusi Wortwahl willmer eus doch sehr guet kenned.
Hey nei die mitem Chleid isch ja de hammer. Da wäri au stinksauer und hettsne au direkt gseit. So denebe. Ich schliesse mi da de Fraue a, würd das Chleid go hole und neumets andersch apasse lah. Pfff…
Chan voll nachvollzieh wie du empfindsch wege dinere TZ und dim Mami. Aber schlussendli möcheds das doch sicher au gern für dich :) 200Euro für d Änderige isch halt scho wider en guete Priis. dSchniiderin bi mier hed so gschätzt dases nomal CHF 500.- wird choschte mit allne Änderige -.-

Snicki
Du hesch absolut recht. Negativi Gedanke ghöred glaub zum Lebe und sind au sehr wichtig find ich. Suscht chamer irgendwenn s’Positive gar nümm vom Negative unterscheide.
Aso ich han NULL Rabatt ufs Chleid becho… Ich glaub das isch au ned so üblich oder scho?
So schön wege dim Chleid. Freue mi richtig mit dier :)


Sasileu
Ich han gfragt wege de Farbe ;) Finde d Farbwahl seeehr früsch und au d Blueme wirked locker und happy. Min Stil isch es ganz und gar nöd aber ich glaube die passed echt suuuuper zu dier!

Sue
Nei leider hani kei Foti. Aber was sie eus gseit hed wege de 5armige Cherzeständer isch vor allem gsi, das mier au unne no en Liechtquelle sötted ha will suscht obe s ganze Liecht verlore gaht und mer de meh oder weniger im Dunkle sitzt. Drum hemmer ez ebe no die Teeliechtli mit Gold. Das findi sone meeeeega tolli Idee….
Hey cool, bi de gspannt was verzellsch vom Catering. Mier –oder vor allem ich- hend imfall zerscht au unbedingt alles serviert welle ha. Ich finde das viel festlicher/eleganter. Aber denn hed eus d’Chefin vom Restaurant au gseit, das sie viel besseri Erfahrige gmacht hend mit dem Misch us serviert/Buffet. Es chunnt de eifach nochli Bewegig id Gsellschaft und mer sitzt ned so lang ume. Usserdem isch dUswahl natürli au es Kriterium. Mier hend jez die zwei Vorspiisegäng serviert und denn es Hauptgang- und Dessertbuffet.

Pfingstrose
Nur no 100 Täg bis zum Hochziit, yaaaaaay… Aber hey das ganze Gästegerangel isch ja echt müehsam. Damit schlönder eu ja jez scho so lang ume. Cha din GG ned mal bi sinere Family ufe Tisch chlopfe?

Rabatt
Mier hend a viiielne Orte chli was reduziert becho. Ned direkt so und soviel Prozent aber mier hend eifach immer klar euses Budget ageh und gseit, dass das ned überschritte werde darf und denn isch da und dett chli was weggstriche worde im Priis.

Me
GG und ich hend gester Abig nomal sehr es intensivs Gspröch gfüehrt und vor allem zum erste(!!) Mal hed er checkt, wieso mier so wichtig isch, das er mier ganz offe und ehrlich verzellt was damals gloffe isch. Es isch au vieles verletzend gsi und hed nomal chli alti Wunde ufgrisse aber ich han jez sGfühl dasi mit dere Gschicht endli zu 100% chan abschliesse willi alli Antworte ha wo mier bisher immer gfehlt hend. Ich denke das sind Situatione womer als Paar echt gstärkt chan usegah und ich bi jez soooo erliechteret :)
Hochziitstechnisch wartemer ganz ungeduldig uf d Offerte vo de Dekorateurin… Grrr ich hasse warte!!

janedoe: Super, dass iehr das hend chöne kläre. Jetzt chasch voller Elan ... warte
Ich hasse warte au, es isch ganz schlimm. Aber ich glaube, so Hochziitsvorbereitige lehrid eim s'warte automatisch

lil.lian: Danke Hesch ned du geschter noch Föteli gfrogt gha? Ich hetti jetzt also
Wägem Buffet, jo das stimmt scho, wegem dure mische. Wobi ich han so s'Gfühl, bim Apero wirds scho rächt gmischt, und noch em Esse sälber, cha jo au mol en Platztuusch (uf freiwilliger Basis ) stattfinde.

me: Ich warte ( HuHu Janedoe ) au grad. Üsi Ring settid öppe einisch fertig si. Sie het so gmeint, en Monet ungefähr, bis de Rohling fertig isch, denn gohts ums Platziere vode Brillis und de fiin Schliff. Wobei bi üs jo no Fasnacht etc gsi isch, also 2 Wuche Ferie. Drum mues i jetzt vermuetlich no meh warte Ned, dasses mi öpis nützt, wenn mer die Ring hend

Snicki
Zöliakie isch Glutenallergie…

Janedoe
Merci füre tipp mege unde no liecht bi 5-armige lüüchter…heiter de eifach glesli mit teeliechter und goldenem Glitter dinne oder was für glesli?
Ou schön hesches mitem GG chönne kläre….!!

Menu/Catering
Mir hei es suuuper Treffe gha Gestern. Mir hei üs ize entschide dasmer e Mischig vo Serviere und Buffet werde mache. Also folgendes:
Saisonsalat mit Ei, Brötchen und Butter ->serviert
Buffet:
-Kalbssteak
-Pouletbrüstli
-Bratensosse
-Tomaten Provençal
-Gemüseplatte
-Knöpfli
-Rösti
Panna Cotta mit Fruchtsosse ->serviert
…..später dann…..
-Cupcakes Hochzeitstorte
-Erdbeeren in Schüsseln

Getränkeservice
ize simer am Prise vergliche für Getränk am Apero. Het öper no e Tipp? Mir luege ize mau bide Landi wie das isch mit Kühlschränk miete etc…

@Pfingstrose: haha, so cool wäge Photoshop!!!

@Sue: das tönt cool öies Menu. De hets dasmau ömu klappt mit däm Träffe! Mir wärde üsi Getränk äuä ou ir Landi bstellä. Findes v.a. cool das me när das wo me nid het bruucht wieder cha zrug gäh. De chamä uf jedä Fall gnue choufe und zahlt schlussendlech nur das wo me tatsächlech brucht het.

@me: Ha gad ds ok becho für üse VW-Bus, mir chöi dä vo mim ehemalige Chef miete für ds ganze Weekend vom Hochzyt.

Morge mitenand

Sue: Ah ok, Gluten kenni, aber Zöliakie hani no nie ghört. Danke für d’Erklärig Tönt super dis Menu! Mier hend üses au bereits usgsuechet, wird allerdings – bis äbe ufs Dessert – serviert.
Ich weiss, mi Schwiegerpapi liferet so Getränk inkl. Chüehlwage. Er het es Dorflädeli. Frag doch sus mol bide Schüwo ah. Hender so eine die Nöchi? Landi wär sicher au prima. Je noch grössi hend die sicher au e Chüehlwage. Ich liebe de eint Wii use de Landi. Rosiere heisst er, gits in Wiis, Rose und Rot.

Pfingstrose: Uf wäri scho lang Bin also debi, ich bin alleige im Gschäft, alli hend Ferie, und somit au chli Ziit.
Du, die 15-18 Grad tüpfimer jo schins au fascht das Weekend. Sell jo super schön wäre, richtig Früehlig. Obwohl – mer hend jo gar kei richtige Winter gha, de planget mer ned sooo druf. Emel bi mier isches so
Wasserlichebrut so guet, hani aber au denkt gester, wo ich mis Chleid nomol probiert han. Do muess unbedingt no chli Brüüüüni ane, und zwar nahtlos (emel ade Schultere)

littlefoot: Für was de Pompons? Ja, wür aber au ned z’viel mache, bisch (bzw mer sind ) sicher sus scho gnueg gstresst.
Hesch scho mol im CC Prodega oder Top CC glueget weg de Serviete? Ich bin letscht mol gsi (letschte Herbscht) und die hend uuuuuh viel Serviette gha, i allne Farbe und Muster. D’Migi het i de Huushaltsabteilig au uh viel Farbe.