| Bräute 2014 |
|
|
1 .. 334 .. 666 667 668 669 670 .. 834 .. 997
|
|
|
|
|
|
|
|
|
|
|
06.03.14 15:20
Broncos 
|
Re: Bräute 2014
Hallo min liebe Mitbrütlis, ich chum endlich au wieder mal zum schriebe. Respektive, ich darf endlich wieder schriebe  Ich han mich selber müesse diszipliniere und mir gseit, dass ich erst wieder is Forum schriebe darf, weni mini Arbet für d Uni fertig han  haha, het gwirkt, ich muess sie erst am Mäntig abgä und bin scho fertig isch zum Glück aber au kei grossi Arbet gsi.
littlefoot: Oh man isch das es hin und her gsi mit dim Chleid, aber schön, hender jetzt e Lösig gfunde wo für alli passed. Hihi ich schaffe in Regensdorf, chan den suscht amigs für dich gos Chleid aluege 
Daenu: S Bild vo dim Polterabig isch also Hammer, gseht nacheme lustige Abig us
Claudilein: So schön,d ass nüt schlimms gsi isch und gaaaanz viel Spass uf de Maledive, jetzt hani glaub langsam gnueg gschriebe, wie fest iversüchtig ich bin
Snicki: Schön hesch dis Chleid gfunde und ihr hend sone gueti Beziehig chönne ufbaue
Sasi: Irgendwenn im Mai und den söttemer bis irgendwenn im Juni bscheid becho. Mir hend grad letschti gseit, das wär den s perfekte Hochzytsgschenk  und suscht luegemer jetzt den langsam mal weg Kanada. Det gfallts üs au mega und isch biz eifacher mit em Visum, aber wird den sicher immer no es riise züg.
Ich find s Farbschema super und so passts ja doch wieder zude Iladige und ihr hend doch en rote Fade
Sunds: So lässig, weg de Iladig, gits es Föteli devo?
Maeva: Woaaa, dis Chleid und de Rugge erscht, gfallt mer meeeegaaa und staht der sicher au uu guet. Da isch min Guetschi ja suuuper investiert worde
Janedoe: Super, das er das ganze hend chönne kläre. Mer chan ja scho fast sege en ersti "Miniehekrise" bewältigt. Fühlt sich doch au super a.
Pfingstrose: Ou du armi, was gaht den bi üch ab?! Ring, Schwigereltere!! Zum Glück chasch du das so locker gseh, vor allem mit de Schwigis, ich wür duredreie!! Hender d Ring mittlerwile amene andere Ort bstellt?
lilian: So schön hender ring gfunde hesch mis Mail mit em Marathonplan und em Link für d Charte becho?
Sue: Super, het doch no alles mit de Cateringfrau klapped. Und s Menu tönt also super, da chumi grad Hunger über. Weg em Getränkservice, mir hend mal fürs Geburifest bim Getränkehändler ide nöchi e Chüehlwage mit Getränk ha. Es isch glaub zimlich standard, dass mer denn nachher eifach nume die Getränk zahlt, wo konsumiert worde sind und de Rest chan zruggä. Isch total unkompliziert gsi.
Malinchen: Jaaaay, so lässig mit en VW-Bus. Das wird sicher en originelli Hochzytnacht 
Weddingplaner Business: Bin mit de grinsebacke79 vo da vom Forum uf FB befründet (sie het 2013 ghürated) und han jetzt grad gseh, dass sie s Business als Weddingplanerin ufgmacht het. Sowit ich gseh han, macht sie au d Usbildig dezue und den au no grad d Usbildig zur Visagistin, sozäge full Service
Änderige: also mir hends geseit, das d Änderige ca. 250 CHF werded. Ihr mached mir jetzt grad chli Angst. Aber mir passts obe wie agosse, mues es nume ganz biz chürze, wird hoffentlich ned soo tür.
Het öpper mal öppis vode LaMariee ghört? Sie het ja au schones Wili nüm gschriebe.
|
|
|
|
06.03.14 15:27
Broncos
|
Re: Bräute 2014
Me:: Mir hend endlich d Offerte vom Bäcker übercho und sind uuuu positiv überrascht. Mir hend üs eifach mal full Service offeriere la, also Apero, Getränk, ganze Mobiliar, ufstelle, serviere und abrume. Hend aber denkt, dass es so sowiso viiil z tür isch und mir den afanged reduziere (selber serviere, weg eigene Tisch etc. luege). Und jetzt hemer d Offerte becho 4'300 für alles!!! Also für Apero, Getränk für 150 Lüt Hochtisch und tüfi Tisch mit Tischtüecher und Deko, Sunneschirm, Ufstelle, Abrume und Servicepersonal. Das isch nume 300 über em Budget und falls schlecht Wetter isch bruchemer kei Tisch&Sunneschirm, wills das bide Schlechtwetterlocation scho het und den müestemer das au ned zahle. Drum hemer üs jetzt entschide, das üs die sorglosvariante die 300 CHF defnitiv wert isch. So mues sich niemer suscht um irgendwas kümmere. Und han bis jetzt nume seeehr positivs vo ihne ghört. Die richted das ganze amigs uu schön ane.
Mir hend grad uuuu freud, en wiitere grosse Punkt zum abhage und so isch jetzt ned ganz so schlimm, falls es denn schlechts wetter isch, denn isches defür günstiger
|
|
|
|
|
|
|
|
|
|
06.03.14 18:25
squishy-fishynicht registriert
|
Re: Bräute 2014
Hellou liäbi Brütlis
Entschuldiget mini lang Abweseheiit. I ha s'Diplomprakti und nebet zuä gliich no Geld müässä verdiiene und denn han ii am Abiig eiifach amigs nüm mööge. 
I has aber fest vermisst miich mit eu ustusche und ab und zuä han ii chlii mitglese.
Nächst Wuche isch Sunderwuuche und ii ha d'Hoffnig, dass es denn nüm so streng isch. Drum tuän ii jetzt mol miin Senf wiider dezuegäh 
I les jetzt nöd gär alles, nu gad so dii leschte paar Siite 
Viellicht giits neui Brütlis, wo mii nonig so kennet. I bii d'squishy und begrüässä eu herzlich im Forum
Broncos: Wooow, was isch da für es hammer Agebot? Wer isch de Beck? Giits das echt in miiner Region au? Da hend iihr echt wär tolls gfunde, froiie miich mit diir!
Tip top hesch dii selber diszipliniert! Respect for that!
Littlefoot: Ja ii denke, de Ufwand für Pompons und Cupcakes wär riiisig und als Bruut hesch wahrschinli no gaaaanz viiel anders im Kopf, wo mir uns jetzt nonig so vorstelle chönt
I find d'Idee mit dä farbige Serviette guät! Gfallet mir sehr dini Farbe!
Was isch denn das für eh Kleiiderlade? Vowege der Kunde ist König… Find es scho chlii unmöglich. Aber so wiä ii glese han, hets jetzt mitem Termin klappet! Bin ii grad mit diir froh! So chasch wiider d'Nerve spare
Malinchen: Yeeeey, gratuliiärä zum VW-Büsli! Froiie miich mit diir!
Giits Foti's vo eune Iladige? Würd mii wundernäh
Gell, es isch so schön wenn d'Rückmeldige itruudlet. Es fühlt siich denn so real aah!
Pfingstrose: Ojeeeh ii finds so truurig, sind iihr mit dä Schwigis immerno so im Klinsch. Unglaublich dass sie sich so in eui Aglegeheiite miischet! Es isch eues Fest, denn dörfet iihr au eui Lüüt ilade! I druck diich fest, wünschä diir Kraft und Standhaftigkeit!
I luägä uf miim Handy oft uf dä Countdown und warte sehnsüchtig dass vonere dreiistellige Zahl zunere zweiistellige wechslet. Bii diir isch es scho sowiit! Da find ii meeega kuul!
Sue: Mmmmmh, mir lauft s'Wasser im Muul zämä, wenn ii eues Menu lese! Top fein tönts!
Janedoe: I finde so guät, wiä du und diin GG diä Gschicht abgschlosse hend und da ned eiifach unter dä Teppich kehret. Schön chönt iihr so offe mitenand rede!
Wünschä diir,dass d'Offerte bald chunt!
Maeva: Woow, diis Kleiid isch wunderschön, feminin und umwerfend! Gratuliärä zum Fund! Diin GG wird's siicher umhaue!
Claudileiin: Bii gad chlii verschrocke, ufzmal bii diir vom Kardiolog z'ghörä. Han anschiinend doch einiges verpasst! I bii froh, dass es "normal" isch und du gsund! Wünschä guäti Ferii (Vorflitterwuche? )
Daenu: Jaaaah, du bisch im Joy's gsii! I freue miii so, wenn ii wiider gaah darf I find d'Samuela eiifach so es liiäbs <3
Snicki: Wooow es tolls Kleiid! Da het siich's glohnt immer wiider in und us Kleiider d'schlüpfe!
Lula: Bii diir isch es bald so wiit, wiä fühlsch dii?
Me: Es giits siicher no tuusig anderi spannendi Sachä uf dä restliche Siite, aber ii bii scho erschöpft vo dene Siite. Drum mach ii mol es Päusli I ha gseh, dass mii Postigang voll isch. Ha paar Mails glöscht und jetzt sötts wiider gaah. Mersii beaucoup für dä Hiwiis und au dass ihr ah miich denkt hend, au wenn ii nüm aktiv gsii bin! Da froiit miich sehr! Zeiigt au chlii, dass ii ned nur irgend en komische Nickname bii Mersii iihr Liiäbä! <3
Bii uns isch hochziittechnisch ned viiel gloffe. Miir hend uns beiidi eiifach Ziit für Studium looh. So isch es au vo Afang aah plant gsii. Doch öpis meeega schööns isch passiert
Unseri Ringe hend mir usgwählt und bstellt und sii sind scho achooh! Es isch viiel schneller gangä als erwartet. I ha so Froiid und möcht ihn am liebste scho träge. Aber ii darf ned
I bii so froh, hend mir für unser chliises Budget öpis wo unserne unterschiedliche Gschmäcker entspricht und doch einzigartig isch gfunde!
Usserdem het mii GG en Azuug kauft. Isch z'erst no es chliises Drama gsii. I bii nöd debii und ha dä Azug au nonig gseh. Dä Verkäufer het denn gmeiint, dass zu dem Azug "pink" ned passt und PINK isch ja miis Lebe (oder so). I bii gad chlii verruckt gsii. Wenn er dä Azug später wiider mal alege will, denn han ii jo garantiert es pinks Kleiid anä und denn, passet mir eiifach ned?!
Usserdem sött jo jede Gast es pinks Accesoire am Hochziit träge, denn passet alli Gäscht ned zu ihm und Deko und iich mit miim pinkige Gurt…
Er het denn müässä sii Azug gaaanz gnau beschriibe und mini TZinne hend müässä dä Azug aluäge und sägä obs wirkli so schlimm isch. Und es het sich usegstellt, dass dä Verkäufer eiifach ned s'gliich Verständnis vo pink het. Will pink isch für mich ja nöd umbedingt das knallige, sondern alli Farbtön in Richtig Rosa, Violett und soo
Im Moment bin ii frooh, wenn iihr Dume drucket für miich, denn ii bin mii fliessig am bewerbe!
I freu mii, dass ii wiider Ziit für Planig und au dä Ustuusch han!
Nehmt euch in Acht, squishy isch wiider da
|
|
|
|
|
|
1 .. 334 .. 666 667 668 669 670 .. 834 .. 997
|
Anmelden
Aber ja, da chasch wahrschinli nüt dranne änderä, eifach nid z viel drüber ufregä! 
I hoffe i wirde de nie so wenn mini potenzielle Chind mal hürate. 