Morge mitenand....
Ha gester brav mitgläse bi eui,zum schribe binni leider nid choAfangs Wuche woni frei cha han sind ihr nochi schribfuul gsi und gester heds den immer wieder mal vibriert

Weg dene pompom....ich cha mir au nid vorstelle wieso dasmer die nid scho viel vor de benützig cha vorbereite....mir hend jo nid e mega hohi Luftfüechtigkeit dases am Papier was wür usmache und i denk au das wens sorgfälltig und sicher uf d'site duesch nomol nünt söt passiere.
Und wie weret sust Lampione?

Ohh man,vom Handy us schriebe isch doof...i weiss nid öb oberd vo eui na e direkti Frage a mich cha het und au nüm welem nickname gnau wele bricht ghört

Squishy-fishy:
Din GG het doch de Azug kauft wo de Verkäufer gseit het pink passt nid dezue....
I ha fall au echi bangel,dass min GG nid uf das achtet was mir so für Farbe hend
Will was ich so für Blueme wähle,isch ihm relativ glich.aber finds den doof wener en mega mega spez.Azug het und nacher u schwierig wird,was dezue z'kombinierä.naja,i wirds ihm den namal segä,wahrschinli no paarmal

Soo,mis Hirni isch leider nonig so uf Toure,ha gester bis am 11 Dienst cha und jetzt bini wieder unterwegs zum Frühdienst

TGIF liebi Mitbrütli!

@squishy: jueeeeee, schön bisch weider da!!! Drücke dr d Düme dases gli klappt mitere Stell, wär ja super wenn das scho chönntsch abhägle... Hmm, also solang dr Azug vo dim GG nid rot isch chas ja nid sooo schlimm si, nid? Also i meine die klassische Azugfarbe vo grau über blau bis schwarz passe ja eigetlech guet zu pink?

@sasi: ohnei, isch ja mega sträng! Ha mega Respekt vor allne Lüt wo das chöi, so unregelmässig schaffe!!! i gloub i hät nach 2 Wuche so schlafstörige dasi entweder permanent würd ipenne oder gar nümme chönnt schlafe.

@pompons: also i ha eigetlech ou vor gha, die jetz de scho gli mal z bastle... I ha mir vorgnoh, dasi ändi Mai fertig bi mit all so zügs, dass i när no 3 Wuche vorem Hochzyt würkli cha d Forfröid gniesse und no chli puffer ha falls mir plötzlech no irgendwelchi Notfäll hei wöu mir wichtigi Sache hei vergässe.
Ds blöde isch halt, dasses när mega viel Platz brucht. I ha dänkt i choufe de die grosse Plastikboxe womä so gäbig cha ufenand ufe staple.

@me: GG isch so härzig, ihn het gloub ds Hochzytsfieber jetz ou voll verwütscht. Er isch momentan mega fliissig am Sache organisere, Mails schribe, telefoniere u het sogar Ringe gsuecht im Internet... Gester hei mir när mega lang übers Hochzyt gredet... Hei üs no mit denä zwöi Fründinne troffe wo ja chli quer dah hei ir letschti. Sie findes immer no nid ok wägä de Chleider, sie möchtes "klar greglet" ha u verstöh nid, dass mir ja genau das nid wei da's üs eifach egal isch, was sie alegä. I ha när so gseit, dass klar isch wär dass d TZ si (sie wärde ja de sicher ou es Strüssli oder Bluemearmband ha oder so... u die meiste kennä sie ja eh scho) u da si sie när ou wieder igschnappt gsi wöu sie ja ou gärn TZ wärä gsi. Meeeeeega kompliziert... I hoffe üsi Fründschaft entspannt sich de spätestens nachem Hochzyt wieder!

@lillian: Oh nei, duet mir Leid hesch ou sones Frouegstürm... I verstah ufnä wäg scho, wemä enttüscht isch dass me nid TZ isch. Uf dr andere site chöi halt eifach nid alli TZ si und im normalfall het me ja würkli meh als 1 Person um sich, wo eim mega wichtig isch.

Mega cool heit dir öies Shooting!!! Hesch d Outfits scho usgwählt? U wo göht dir ga fötele? *gwunder*

Bligg hani ou scho paar mal live gseh, das wird sicher cool!

Hihi, das isch doch ä super Grund zum chli ga shoppä!!! Bi de scho gspannt uf öii Fotis, wird sicher hammer...

guete morge

malinchen: ich han mi ebe durs netz chli duregläsä und überall gseh dass mes sett vorbereite, eifach zueklappt la und de churz devor ufmache. ich han ja etz das siedepapier bstellt und wirde eine zur prob mache und denn au mal 2 wuchä la ligge. de chani au meh säge :) gnau das weg de boxe hani ebe au denkt. muss au e gueti ha fr d candybar gläser, die sind ja mega heikel. und all das züg mitem auto transportiere wird denn au nid immer eifach

lilian: aso ich han ja 3 schwöschtere. aso eigetli sinds all mini halbschwöschtere. eini vom papi und zwei vom mami wo selber die gliche elterä händ und da ich die vom papi ziemli lang gar nid gse han und de kontakt nid gross ume gsi isch (die erste jahr, denn nüt und denn wider im teenie alter) han ich mine andere schwös denn erchlärt ich wett gern dass sie TZ isch damit ich ihre chli chan zrugge was sie nid gha het im gegesatz zu ihne wil ich ja bi ihne ufgwachse bin. muss säge, die eint isch 20 und het das eh nie so ganz im griff und die ander isch 23 aber isch nid so ufgweckt und aktiv, drum isches sowieso super so. aso nid dass ich sie weniger gern het oder so sie hends aber verstande. scho mitem gotti werde isch es so gsi, dass mer halt immer erchlärt händ, warum und ich weiss nid wies ganz tüf bi ihne usgseht aber ich merke mal nüt devo. ich versuech eifach sie so vill wie möglich izspanne. bi froh dass es da kes gezicke git
isch dini sis nid tätschmeischteri ? oder hät sie susch en ufgab ?
ou vill spass bim bligg und ganz e schöne moment morn.

squishy: aaaaaah so schön bisch wieder da, froi mi grad
aso wenn de azug vo dim GG sones brun het chönts de nid passe, aber ich glaube vom alter her würd er gnau die farb nid ne. ich cha mer sogar en schoggibrune azug vorstelle wo miteme pink passt ! lila denn eher weniger.

snicki: aso mir tönd de gäscht scho chli "vroschribe" miteme dresscode "sommerlich elegant". mi GG heb sogar ame kolleg (langi haar, bart, wullemütze, wullesocke = tägliches outfit) gseit er müss mitem hämli cho ha scho glachet aber mir isch es scho chli wichtig dass all chli schön usgsend. ha ame chirchliche letscht jahr aso outfits gse....weiss nid aber 3/4 hose und es karierts hemdli i allne farbe findi de nid grad hochzitstauglich

sasi: heb e chli vertraue, di GG macht das scho super GG's mached sich mängisch me gedanke als me meint, eifach teileds es nid immer grad mit wie mir brautzillas


me: stagniere chli wil ich sett unbedingt id ikea (ha zwar gseh die liefered etz au scho chlini sache ), und mag momentan üüberhaupt nid bache, sett aber mal probebache...irgendwie befind ich mich i dere zwüschephase, alles isch plant und abgmacht, me sett mache aber eventuell isch es no z früeh, me mag denn aber glich nid de ganz mai alles am hals ha...ihr sind all so ruhig und cool. eigentlich sett ich sowieso mal e pause vo 1-2 wuchä ilegge und defür theorie lerne zum mich amelde. e forum pause wär nötig aber das schaffi eh nid

Malinchen
Ja ich bin au so öbis vo gspannt :) Vorallem au wegem GG, er isch nöd so begeistered.. Er hät nöd so gärn Föteli. Und immer wemer zämä es Föteli wännd mache, verlürd er mega schnäll d'Geduld . Abr da muen er jeze dure .

Snicki
Du bisch voll härzig mit dim Chleid und dier :).

Littlefoot (isch chli lang worde)
Joah es isch chli schwierig mit minere Schwöster. Aso mier händs eigendli scho guet mitenand, sind au letzt und vorletzt Jahr zämä id Ferie, abr mier chönd eus au voll voll azicke und striite mitenand. Und über würkli ganz persönlichi Sache redemer eigendli eher nöd mit ihre.. Und ich kenn halt mini TZ scho sit em Chindsgi (letzt Jahr sinds grad 20 Jahr gsi, sit ich sie känne). Mit ihre und ihrne Eltere bini früehner mal ide Ferie gsi und sie isch es paar Mal mit eus mitcho und mini Schwöster und ich sind au es Ziitli lang ei Mal ide Wuche zu ihre go z'Mittagesse gange.. Und mier sind ebe Gruppe vo 5 Fraue (inkl. ich und TZ). Mier sind all chli mitenand id Schuel (bin mit 2 in Chindsgi und id Unterstufe, den mitere andere id Mittelstufe, sie isch den is Gimy und die andere drü sind i de Sek i de Paralellklass vo mier gsi, aso bis uf eini bini mit allne mal i de Klass gsi). Und mier möched halt all unterenand ab und den au all Mönät wieder mal all zämä und mier händs alli recht guet mitenand. Und mini Schwöster hät halt mit niemertem meh Kontakt wo sie id Schuel isch. Sie isch amigs immer wieder mal mit öberem befründet gsi und den isch de Kontakt wieder abbroche. Und ich glaub, dass isch halt scho chli schwierig für sie.
Und mini TZ und ich händ immer gseit, wemer mal Chind händ, werdemer gegesiitig Gotti (was ich ja jeze au worde bin ). Und mini Schwöster chunt amigs au: ich wierd ja nöd mal Gotti bi dier . Najaaa..
Mier händ scho no was vorgseh für mini Schwöster. Mier händ sie und am GG sini Schwöster no wölle afräge, öbs dänn chönd ide Location d'Sache ufstelle und dekoriere.. Will irgendöber müssti dänn das ja au no mache .
Abr susch en Tätschmeister hämer nöd. Die Sache mit rede und luege wegem Ablauf übernimmt eigendli dänn de TZ.

Zuletzt bearbeitet am 07.03.14 10:38