fishy: oh ich wöt au es foti :) aber loh dir nur zyt bisd die guet qualität wider häsch ;) findes übrigens no schön ich meine isch jo dini schwöschter klar isch ihri gschicht ned so schön aber ich dänke si gits lieber dir & dass du es tolls chleid häsch anstatt dasses bi ihre umehanget und si nur unnötig immer erinneret oder? also einersits sehr starch vo ihre würkli & au no härzig wil ebe s isch dini schwöschter und häd di sicher mega gärn ;)) isch doch en schöne "liebesbewis" ;)

apropos datum: mir händ öis jetzt au ufe juni 2014 geiniget s'chönt also jenachdem au no de 14.06.2014 breiche ;)) aber am 13.06.2014 isch vollmond und ich gspüre de eebe amigs extrem (han sooo schlofstörige gha die letschte 5 nächt) drum dänki wär das für mich nedso günstig jetzt mol luege ;)

biber: has doch grad dänkt ahand vom dialäkt dass du us lozärn bisch eheh ;) ich rede leider kei lozärnerisch meh (chas natürli scho no weni wet aber ned natürlich) bin ursprünglich us lu det gebore und mini erste paar johr in lu gläbt aber jetzt scho länger nüme wil sich mini eltere trennt händ.. mir wänd jedefalls s'fescht au in luzärn mache! :) hotel seeburg wär es thema aber chasch ebe fast ned spare..

budget / spare: hmm jo s problem isch ebe nur dass mir am obig so vil lüt sind (100 lüt!) das isches wos usmacht sust bini sicher gäbemer ned meh gäld us als anderi aber glaube am obig fürs ässe muesch scho öbe 150.- rächne pro person mitem wii je nach location natürli... aber händ mol gseit maaaximum 35 mill und das gieng ebe glaub voll ned uf und drum bini jetzt uf de suechi nach enere günstigere variante im ruum luzärn - ev. am sempachersee?? biber any ideas? :) wägem spare: also mir düend pro person 1000.- pro monet uf d'site sprich hämer scho 24'000 endi johr dänn en teil au vom ersparte & vom hushaltskonto (det düendmer pro person 500.- pro monet druf & do blibet jo au vil förigs hoffet dassmer de rescht vo det chönd näh! :) & dänke vorallem vo sine eltere / family (italos) werdemer sicher au en grosse teil no becho aber mit dem rächnemer ned das wämer dänn für d'flitterwoche bruche... aber das mitem kässeli & ricardo findi super idee machi glaub au! =)

fishy: hihi, i bi ou für beides...

Ricardo: I gloub das rendiert scho... Mir hei wo mir zämä züglet si aues wo mir dopplet hei gha verchouft über Ricardo u es isch praktisch aues wäg cho! Du zausch numä ä chliinä Prozentbetrag vom Verchoufspriis, das macht nid viu us.

laprincipessa: ah kuu doch no öpper us dere region ome :-) ehm aso mer hend halt s budget uf 20000 gha aber hend etz gseit i üsem omfeld het niemer sovell brucht dorom semer uf 15000 abe gange:-) halt dementsprechend gömer ned ines hotel sondern noch uffike dor das eh ehn au scho mehreri johr kenne dem wos ghört...zerst hemer aber no z neuenkirch pilatuschalet agluegt oder d hirschenschüür z littau...wär aso au sehr schön aber gloub bringsch au ned 100 lüt ine:-) mer hend scho müeh gha e passende met 63 lüüt z finde:-)

jo der chönet grad echli spare im monet:-) ned schlecht:-) mer hend ebe scho es huus ond do fallet no anderi köste a wot au emmer muesch spare ond do ech selbsständig be esch de lohn halt au ned emmer glich zom säge ech due fix öppis dri aber so 400.- luegi scho au im monet dri ztue...chont scho guet:-))))


daf ech mol allgemein froge wevel rechnet ehr vörd ring?mer lönd sii ebe lo afertige noch üsne wönsch aber esch no schwerig zom ischätze:-)
ond wevel vorher löhnd ehr d iladige use?

biber: jo voll hihi :) wo wohnsch dänn luzärn statt? :) immerno mini absoluti lieblingsstadt :) jo s chunt ebe glaub scho mega uf d'azahl lüt am obig a... & mir chönd niemer meh striche vo dene 100 leider :/ und ebe find mol öbis günstigers wod 100 lüt inebringsch..

jo mir schaffet / verdienet halt beidi voll & händ kei mega tüüri wohnig & wohnet stürtechnisch no guet drum goht das guet.. (au erst sit letscht johr sitdemi en rächti lohnerhöhig gha han!) und klar mit emene hus & sälbständigkeit goht das nedso ring...

hmm ring wüssemer nonig händ chli vorstellige was öis gfallt aber sicher ned meh als 3000.- für beidi.. kei ahnig was eigeafertigunge chostet? :/ d'iladige lömer es johr vorher use hämer dänkt aber git au vil wo erst es halbs johr vorher isch glaub sehr individuell oder ebe obmer save the date charte useloht oder ned... mached mir z.bsp. ned au no...