@Lillian: Mi GG isch imfall genau glich! Er het no so gseit gha: "WAS? Dir weit 2h fötele? i gange de fang es Bier ga näh..." Am Schluss het er sälber mega Spass gha dranne.

Hmm, isch würkli ä schwierigi Situation mit dinerä Schwöster... Verstah voll wie du di entschiede hesch! Villecht chönntsch ja dinerä TZ sägä ob sie dini Schwöster villecht bi irgendwelchnä Überraschige oder so chli chönnt änger ibezieh?

@snicki: ou merci viel mal füre Tip wegem Aldi! Da wäri jetz gar nid ufd Idee cho det z luege...

@Littlefoot: Jöö, isch ja mega schön hesch die Schwöster gnoh wo ir Chindheit eher z "churz" cho isch... Findi mega cool dass ou so offe komuniziert hesch! Hättä mir rückblickend ou so sölle mache mit mine Fründinne. Für mi isch d Entscheidig eifach so klar gsi dasi dänkt ha, dass die andere gar nid chönnte drmit rächne TZ z si... Oh gott, i ha jetz scho bammel wie das wird we mir de mal Gotte/Götti müessä bestimme. I gloub bi üs gits de nur ganz viel "unverwandti" Unclä und Tante.

hahaha... ruhig und cool??? ig???

@me: GG und ig hei ja no keini Ringe und äbä total anderi Vorstellige. Jetz hani die hie entdeckt vo Niessing:

http://de.niessing.com/trauring/klarheit...g-tango-n181030

Het öper vo öich ou Ringe vo Niessing oder het scho drvo ghört? Si die guet? Gseh äbä ou nienä Priise, das isch meistens ou nid gad es Zeiche dass sie priiswärt si (obwohl die si ja so schlicht...)?

janedoe: ja wenn me pompoms ufhänkt denn denki gahts scho, aber mini sind ja fr uf d serviette..villicht muss me sie eifach dichter mache... vor allem sind mini ja so halb pompons, denn chents no ga wenn de under teil gar nid usenand nimsch sonder flach machsch
klar de link:

https://www.etsy.com/transaction/186690287?ref=fb2_tnx_image

muss säge finds eigetli tür wegem versand aber ebe wo ich gseh han dass vo de farbe her eigetli u schwer isch papier z finde und das es i de schwiz au nid unbedingt billig isch...zudem hets ja grad es set mit mint & peach gha uf etsy. eifach perfekt :;)

lilian: ja ich verstahs isch nid immer eifach mit de schwöschtere..vor allem sind ihr ja no vom alter her nid so wit usenand wie ich das verstande ha ? sie wird denn nid gotti, ja das isch halt au sone sach immer gäll.
isch doch cool deko tätschmeischteri z si .) mir hend au ke tätschmeischter, das macht ebe au mini TZ. die arm, sie macht ja alles, deko tätschmeischteri isch sie au no (aso vor allem kontrolliere)

malinchen: wow die gfalled mir aso die ring :) kenne mi aber gar nid us mit schmuck, nur mit mode schmuck :)
ja, ich han halt gfunde ich muss es so mache susch wird eini beleidigt und uf das luegi als die ältischt halt scho immer. das ich all fair behandle wil s isch ja au chli speziell, wil ja sie unterenand erstens nid verwandt sind (aso zwei) und de no wenig kontakt gha hend, weg de wohnorte scho, und au wil me nie so family fäschter gha händ wo vo eus uscho sind (taufi etc..hets ja no nid ge)...aber s fangt a isch toll, dur de chleiderchauf womer all zäme gsi sind het mis mami mini andere sis sogar a wienachte iglade. sie het denn nid chöne cho aber nur scho dass d iladig staht findi top vo mim mami !
das isch ja es grosses thema au am hochzit...mi GG findets glaub u toll dass endli eusi beide familie a eim ort sind. s erscht mal

weg götti/gotti no...mir hend au kollege, oder cousine vom GG. hend aber au scho krach gha mitem götti wo kolleg isch, wil er sich trennt het vo sinere, und mi GG isch götti vo sim chind...er het denn doof gfunde dass mer glich no kontakt zu ihre gha hend usw..völlig deppert aber s het denn kontakt flaute ge. s het sich aber grad voreme zitli wieder igrenkt, zum glück
mit de verwandte gits halt so sache eher weniger...obwohl. ha scho alles ghört! drum muss me scho u guet überlege wer mer nimmt. au weg em spezielle amt, nid dass es denn eine isch wo sich chum kümmert. me hend au glernt vom erste chind ufs zweite hend denn würkli lüt gno womer gwüsst hend dass sie die ufgab vo herze gern anehmed...

puh lang isch es worde, sorry ha vill z säge hüt

Zuletzt bearbeitet am 07.03.14 11:20

Malinchen
Haha ja das mit em Bier chönt au min GG si.. Bin gspanne wie er sich astellt.. Guet ich bin halt amigs au nöd so eifach, es muen eifach alles stimme uf em Föteli .
Das findi ganz e gueti Idee mit em ibezieh vo minere TZ. Das mueni ihre säge.. Super danke!! :) Dänn isch sie hoffendli nöd ganz so unglücklich..
De Ring gseht ja de hammer us!!! Bin zwar gar nöd Fan vo gelbgold, aber de wo obe wiis isch, isch ja mega schöööön. Und d'Oberflächi gfallt mer meeega guet!!

Littlefoot
Joah das mit em kommunziere stimmt würkli. Isch guet, häsch es gad so gseit..
Ja sie isch zwei Jahr jünger wie ich..
Hihi ich han dänkt, sie zwei dönds mache und ich gahs no schnell go kontrolliere .
Das Siedepapier isch würkli mega schön . Verstahs aber scho wegem Priis..

Zuletzt bearbeitet am 07.03.14 11:34

So wenig los! Sinder all im Liegestuehl hängeblibe nach em Mittag??? Wär also gad chli fräch!

Fotografin: Mir sind vo eusere Fotografin gad agfröged worde ob sie öpert als Second Shooter chan mitneh... Ich glaub das wer für mich scho in Ordnig. Es chönti aber es Platzproblem geh... Hm! Hans jetzt mal mim Schatz gschickt. Will cool wers no, wenn die Person den mit de Gäst scho zum Apero chönti, wenn mir euse zweiti Teil vom Bruutpaarshooting durefüähred. Mussi den gad fröge.

Malinchen: Witzig hä... Ja ebe! Guet obs den würklich doppelt git... Glaubi weniger! :) GG het scho gmeint isch doch guet! Mir fröged no werd isch zum evt. mal d Homepage aluege... Aber glaub isch die Jasmin wo sie scho mal zäme gfötteled het bi dem neuste Post wo uf de Homepage isch. :)

Hallo liebi Bürtlis, i mäude mi ou wieder mau us dr Versänkig ...

Has im Momänt bim schaffe u sträng und ha chum meh chönne mitläse, und ou süsch isch bi üs u viu gloffe! I weiss haut itz nur gad so was uf de letschte Site isch gloffe, sit mer nid bös...

@Änderigschöschte: Da het sie bi mir gad im Vorus e Pouschalpriis verrächnet vo 250.-, wasi fair finde. Günstiger wär gloub fasch nid möglech, weme nid connections het. Apropos Änderige hani gad e Termin abgmacht für am 4. April.

@Isatz vom GG: aso mine chönnt o no chli uftoue... aber bi üs geits haut o no chli lenger und är isch o süsch so (mit Ferie plane etc.) dass är nid gärn so wit vorusdänkt wie ig, drfür wes de ärnscht giutet, isch är vou drbi und hiuft. Guet, bim HZ wärs scho no sinnvou wenner de chli früecher würde apacke Drfür ungerstützt üs sis Mami soooo härzig und het scho u viu organisiert, sie isch so e Schatz!

@me: itz fougt chli e Ego-Post, wüu bi üs isch würklech grad u viu gloffe. Am Mäntig simer z Bärn ufem ZSA gsi fürz Ehevorbereitigsgspräch (für die wo hei gfragt, mir hürate am 16. Mai zivil) und gester hani när d Trouigsermächtigung no müesse uf Murte bringe. I ha soooo Fröid gha, das ZSA dert isch so schön, es richtigs Schlössli und im Trouzimmer hets no e aute Chachelofe, richtig härzig. Und mir zahle genau 50.- meh wüu mir uswärtig si, das isches mir so öpis vo Wärt. Hami gad richtig afa freue und bi so froh, hei mir üs für dert entschiede. Ds einzig Negative wo no isch gsi, isch dass mer hei usegfunge, dass mim GG si Vorname sit Geburt mit ck gschriebe isch uf aune Dokumänt, obwou er (und o sini Mueter) dr Name immer nur mit c het gschriebe... itz mues är e Vornamensänderig beatrage für 300.- wenn är das wott ändere. So e Seich... Im Pass isches äbe bis jetz nur mit c gsi, wüu dä no 2004 isch usgsteut worde, wome no nid uf d Harmonisierig vo aune Dokumänt het gluegt... Aber uf jede Fau heimer itz dä Papierkram für ds Zivile hinger üs und dörfe offiziell hürate

De heimer gester üsi Iladige bir Druckerei chönne ga hole. Es isch chli e müehsami Kommunikation gsi mit dene (isch drum o no zumne grosse Teil via mi Brüetsch gange, wüu är die kennt het) u am Schluss o tüürer worde, aber die fertige Iladige si ächt u schön usecho, mir hei würklech Fröid. Gester heimer aui verpackt und hüt gad uf d Poscht bracht. Bi ja gspannt obs Reaktione git... Wieder e RIESE Punkt abghagget.

Usserdäm heimer im April e Termin mitme potenzielle Sänger für ir Chile, mir chöi grad zu ihm hei ga Live-Hörprobe alose Är isch mir vore Arbeitskollegin empfohle worde und tönt würklech u sympathisch. I hoffe, das wird öpis!

So, i mues scho wieder, ha no Training und morn Morge früeh muesi gschäftlech uf Gänf a Flughafe und 20 Japaner uf Gstaad begleite mit Bus und Zug We das nume guet geit! Leider chani drum das schöne Weekend nume haub gniesse wüui morn dr ganz Tag mues schaffe... aber ja, git Überzit woni de vielech im Summer fürz HZ cha bruche