Welcome back Squishy

Sorry Mädels, i ha nur halbherzig glese, mir hend im Moment es grosses Problem und ich mues mir das etz eifach vo de Seel schriebe:

Am Di simmer ufem ZSA gsi für s'Vorgspräch mit üsem Standesbeamte. Sin Ruef isch ihm ja scho verusgeilt (wer sich erinnere mag) und mir sind scho gwarnt worde, aber mir hend denn eifach denkt mir gönd eifach glich mal, er isch ja de Chef vom ZSA und mir lueged eifach mal.
Mir hend denn im Gspröch alli Formalitäte klärt und gfühlti 23 Papier unterschriebe und dureglese, alles guet sowiet, aber dä Typ isch eifach sehr suspekt gsi. Ältere, sehr bestimmende Herr, jewiels mit so komische Amerkige, wo mer nie gwüsst het, meinter das etz Ernst, isch etz das en dumme Witz, oder ischer eifach mega unhöflich?! Er het üs denn gseit er well au nöd üsen Bruef wüsse, das heg ja nix mitem hürate ztue (naja, ussert das mir üs susch nöd kenneglernt hetted, aber lömmers). Es seg eh en Tag wie jede ander und da chönn mer au normal si. Er het kei persönlichs Gspröch oder so welle, keiiiiinerlei Informatione! Was will er die 30min rede?

Mir sind denn recht verwirrt Hai und je meh mir überleit hend desto blöder simmer üs vorcho. GG het sich denn bim Mitarbeiter erkundiget...dä het ebe im Okt de glich Standesbeamte gha...dä het denn Horrorstories verzellt vo Sprüch und Peinlichkeite wo sich de Mensch während de Trauig gleistet het. Jetzt simmer sehr beunruhigt und mir denked, dass mir denn ade Ziviltrauig nur druf wartet, dass dä Beamti is Fettnäpfli tritt, und GG und sin Dad werded das nöd still über sich ergah loh, das bini sicher. Aber so passiv-agressivi Stimmig mueni denn aunöd ha...

Ach was söllemer mache - dä Beamti het gseit, er seg a dem Tag elaige im Büro. Er machi sogar EXTRA zue weg ÜÜÜÜS (Mongo).
Variante 1 : wenn's goht de Tag und Beamte wechsle, was für mich echt hert isch, will de 7.04. mir sehr viel bedüted
Variante 2: so spontan vorher de Ort wechsle, was hoffentlich nöd mit zuesätzliche Choste verbunde isch...
was au weh tuet, will sTrauzimmer grad hinter üsem Bänkli isch (wo er mir au de Atrag gmacht het)

Weiss öpper ob das goht? Mir hend ja de Ort scho gwählt und unterschriebe!!!

Ich lüt etz morn mol uf Gmeind a woni ufgwachse bin (isch min Bürgerort) und fröge det no was mir chönnted mache.

Isch so e Scheiss-Situation!!!!!

Zuletzt bearbeitet am 09.03.14 16:24

@Dänu: Hmm, mega doofi Situation! Also bi üs isch ds Zivile ou sehr troche gsi, mir hei ou überhoupt nüt persönlechs mit derä Person ustuscht oder so (wägem Bruef bini mir gad nümme sicher, das het me gloub nienä müessä vermerkä)... I dänkä das dörft dir nid persönlech näh, das isch halt würklech e rächtlechä Akt und da spielt dr Job kei Rolle drbi - ou wenns für öich ä sehr wichtige Aspekt vo öierä Beziehig isch! Üses Gspräch isch denn ca. 5 Minute gange - hallo - papier no mal usfülle und unterschribe - trauigsablouf kläre - tschüss. Bim Trouigsablouf hei mir eifach churz gseit was mir wei (unterschribe ) und was nid (Musig, Ringe tuusche, Gedicht vortrage etc.) und die Person het sich das notiert. D Trouig sälber het när ä anderi gmacht wo mir vorhär gar nid gwüsst hei wär das wird si. I has när easy gfunde, aber üs isch das halt ou überhoupt nid wichtig gsi wöu mir eifach die Unterschrift hei wöuä setzä u när so schnäll wie müglech use und mit üsnä liebstä ga fiire. Für üs isch das eifach ä bürokratische Akt gsi wöu ds persönleche für üs bim Chirchlechä wichtig isch. Wenn öich ds Zivile aber ou vor Zeremonie här und vom Ambiente sehr wichtig isch, de würdi dr Ufwand und halt ou d Choste uf mi näh und das ändere! Isch würklech schaad wenn dir öich när ufreget...

@Claudi: oooh, i beniide di so!!! *seuchz* Viel spass!!!

@me: GG isch ja scho wieder im Usland und i gniesse die sturmfreii Wohnig. Bi gester mal wieder i Usgang und die ganzi Nacht duretanzt - isch eigetlech super gsi. Ussert dasi mir soooooo alt vorcho bi!!!! schrecklech, i däm Club hets abgseh vo üs äuä niemer über 21gi gha. Hüt bini när zu mine Elter mi ga lah bekoche und ha när spontan mit mim Mami no es DIY-Projekt fürs Hochzyt usprobiert... i bi absolut begeisteret. Ha umbedingt no schnäll es Föteli wöue is Forum stellä... Mir wärde ca. 40 so Blueme bastle und die när bir Abälocation uf dr Terrasse und bim Wääg a See abä härä stellä.

Datei-Anhänge

blume_1.jpg (53x) Mime-Type: image/jpeg, 277 kB

Hüt isches ja rächt ruhig hie inne… i bi dr ganz Tag amne Symposium mit wüsseschaftleche Vorträg woni nur d Heufti verstah u drum hani chli Zit zum schriebe aber isch chli müehsam mitem Iphone...

@daenu: Hm schwierig und chunnt haut würklech chli drufa, wie ds Buchgfüu isch. Üs isches jetz nid sooo wichtig, aber mir hei üs sehr guet ufghobe gfüut und es si sehr härzlechi, sympathischi Persone ufem ZSA, drum find igs ok, o wes churz und bündig wird si und sie üs gar nüt über üs hei gfragt (o ke Brüef) unds drum sicher nid extrem persönlech wird. Aber irgendwelchi komische Kommentär möcht ig aso de o nid.

@Pfingstrose: Hihi das tönt ja nachme mega coole Usgang! Das wär itz o no öpis für mi. I ha o scho d Früehligsschueh füregnoh! Chas chum erwarte dass dr Summer chunnt, isch so schön!

@me: Hüt sötte üsi Iladige ide Briefchäste si Hoffe sie chöme guet a…

@malinchen:
Danke weg de liebe Wort für min Bruef, aber ich bin mir sicher, dass au du en Bruef hesch wo ich nid easy find und respekt verdient ☺
Het sich bi dir und dine Fründinne das mit de Kleider scho gleit?
Ahh die Ring wo du postet hesch, findi fall u schön, het mir au na chöne gfalle, so die zwei ring inenand. Was wender den für e Hauptfarb? Zum Ringabüter chani dir leider nix segä, kenni nid, aber das heisst jo eh nix!
Cooli DIY Blueme, wie hender die gmacht?

@lil-lian:
Hey, wie isch eues Shooting gsi? Also s’wetter isch jo bombe gsi Zeigsch den es paar Föteli?

@snicki:
Ich bi amigs echi abwesend, aber cha das sie das du dis Kleid hesch,derfi au emal no es Föteli gseh?

@littlefoot:
Da mitem so ruhig und cool tüscht fall nur, ich ha zwar na einiges meh ziit als die meiste vo eui, da ich erst im sept. hürate aber cool und ruhig bini au nid immer....ich ha immer s’gfühl i söt na so viel mache aber es isch na z’früh. Also ich bi nid cool und easy

@taeboyana:
Uhh tönt schön wenn so vo euem Zivile verzehlsch, also vom ruum.
Bi so chlinigkeite freut ma sich den grad nomol meh uf das ganze, nid?!

@danue:
Oje, das duet mir leid mit euem ZSA Typ, aber wirkt mega unsympathisch. Was wer den mitere Variante 3. Dem Typ mal klar segä wie er wirkt und eifach segä was ihr wend, dass ich au wens nur Zivil-Trauuig isch ihr was persönlichs wend und zwar folgendes....
Schliesslich wird er jo zahlt und ihr hend au s’recht uf e schöni Trauurig! Ich würs uf die direkti art probiere, ich glaub s’andere macht dir mega viel arbet und sorge. Isch jetzt nume sonen Vorschlag! I weiss mängmol chani au nid immer grad direkt si, aber chasch dir jo en Tag sueche wo magsch direkt si

@me:
Soo ich ha hüt frei, bi eus in Winti isch Fasnacht gsi und hüt isch na Kinderumzug woni mir extra frei gnah han, zum am Nomitag mit mim Göttibueb z’gah...er isch es Äffli,hihihi er liebt affe
Ansonsten hani mit mim GG e schöns weekend cha, am Samstig simer no bi eusem HZ-Resti gsi und hend eus nomol echi besproche, was das a deko ume isch, wasmer derfet mache und und und.
Mir sind richtig happy gsi nach dem Termin, mir chönd würkli praktisch alles mache usert Fürwerk, wills gschützte Bode isch. Party mache chömer wemer wend au bis am 5 am Morge und da mir en grosse Glaspavillion hend mümer au nid irgendwenn ad Bar oder so wechsle. Und Deko derfema mache wasmer wend, was ad Schiebe klebe oder ufhänke am Dach was mir wend. Ich wot jo gern was mit Lampione mache und den findet er so, mir dürfet falls es brucht au chlini Nägel schlah, eifach ihn informiere und deht hani gfunde nei sicher schlömmer kei Nägel is Holz :D
S’einzige wasi nid so sicher bi jetzt, isch das Stühl kei Husse hend und anschinend segs sehr schwierig für die Stühlmass was z’finde, weiss nid obis lahni und ev. Eifach mit schleife us Organza oder so was mache. Es sind ebe so rundi lehne und eher kurzi, aso nid so hochi.
Den simer am Namitag no id Stadt echi go shoppe, will mir inere Wuche für e Ziviltrauurig iglade sind und min GG het gfunde er kauft sich grad en schöne Azug woner au bi eusem ZSA träge cha, eifach den e neus Hemd. Er het jetzt u en schöne bim Herre Globus vom Tommy Hifliger kauft imene schöne dunkelblau mit liechtem schimmer, dezue schwarzi schuhe mit blaue Schuhebändel und enere fine blaue schuhsohle
Und ich han unbedingt es dunkelblaus kleid wele und bi am afang recht depri gsi will mini rundige niergend so richtig dri hend wele, schlussendli hani im naf naf e u schöns gfunde.also volle erfolg gsi üse samstig.Gester hemers gmüetlich cha, hend na sini Cousinnene troffe in Rorschach und d’Sunne gnosse.
Ansonste isch bi mi mir hochziitstechnisch momentan so abklärige drane, wie na Bluemeofferte abwarte, Bonboniere luege wemers wend, Apero isch bi eus immer no offe und sust paar Sache, aber han na kein Druck