@principessa: Oh das tuet mir uuuu leid für di, füu di drückt! Verstah u guet dassss dir gad schwär faut, di im Momänt zfreue.

@squishy: D Iladige sötte hüt scho bi de Gescht si, mir heise scho am Friti becho. Mini TZ het ämu scho gschriebe sie fänd se sehr schön und dr Spruch gfau ihre o. Letscht Wuche hani no fliessig üsi HP fertig gmacht und bi itz eigentlech ganz zfriede.
I gloub zwüschine darf me sech doch so Pöiseli o wieder gönne. Bi üs si jetz wieder 2 riiiiese Sache abghagget und itz nimis o wieder chli lockerer…

@lil.lian: I bi ou meeega gspannt uf euchi Föteli, muesch de säge we sie druf si.

@malinchen: Tönt cool das DIY Projekt aber cha ufem Natel d Föteli nid aluege. mues de ufem Compi ga luege. Fägt sicher so öpis mitem Mami zäme z'mache! Hets dä Sunita Suits zBärn ou oder isch dä z Züri? Mir wärde de ändi April uf Azugssuechi mit GG, sim Mami u sire Schwoscht. Bi scho gspannt!

Zuletzt bearbeitet am 10.03.14 16:30

Hey ihr Liebe,
Danke für euri Anteilnahm, persönliche Erlebnis und Tips.
Mir hend en Usweg gfunde und werded Trauig nöd bi dem Mensch ha.

I verstoh alli sehr guet wo gseit hend…es seg halt e Amtshandlig und troche und so…aber das wo er botte het isch eifach peinlich, unprofessionel und z’fuul sich öppis z’überlege. Egal…mir hend etz inen andere Bezirk müese verschiebe und sDatum grad au. Und ihr hend recht…de Ort und sDatum nützed denn ja au nix wenn me nur dErinnerig het a so en Beamte wo vo eim Fettnäpfli is nägste tritt – und dStimmig isch ja denn doch au wichtiger.
Ich wirde etz scho am 4.4.14 um 15:15 Uhr Ehefrau (isch nöd Absicht gsi mit Datum und Ziit). Sie hend eifach no dä Termin gha und ich mit mim Zahlespliiin han sGfühl – halleluja – es isch Schicksal.

GG und ich sind soooo froh. Und bim Absäge vorher uf üsem ZSA hani wieder dä Tubel am Tel gha und das het mi grad nomol bestätiget, dases di richtig Entscheidig gsi isch.
Etz müemer allne dÄnderige duregeh und üs überlegge, wiemer’s etz wänd mache – mir wäred ja am 7.April am 11 traut worde und denn gad go Zmittag esse, und etz ischs ja am Nomi…ma schau’n!

Principessa: Oh nei, das tuet mer denn leid z'ghöre! Wünsch dir gaaaanz viel Chraft Cha dich sehr guet verstoh. Ach Mann, es sich eifach en SCheiss!

Zuletzt bearbeitet am 10.03.14 18:29

Morge mitenand
Malinchen: genau, du machsch das scho richtig. Es mues jo für dich stimme, ned für die andere. Ich machs au so

Bi üs gits ned so viel neus. Wartid gspannt uf d'Iladigscharte. Settid die Wuche öppe einisch fertig si.

Flitterwuche: Mier wüssid eifach ned was mache De Plan wär jo gsi, zum uf Australie goh, vo mitte November ca bis a Wiehnachte. Aber irgendeswie, ach ich weiss au ned. Es macht üs eifach nonig so ah Ich bin doch sus immer die triibendi Chraft, wo Ferie buechet. Ned das de Schatz eifach mitmuess, er freut sich denn scho au, aber ich cha stundelang sueche, gueti Hotels gfinde, vergliche, so Sache halt. Und dasmol hani soooo kei Motivation. Ich verstohns eifach ned, Himmel, das sind üsi Flitterwuche!!
Am liebschte würid mer eifach nur 2 Wuche uf Sardinie oder so. Aber do ich im August und September kei Ferie cha näh, würdis Oktober werde, und denn isches au nüm soooo badetauglich. USA, Afrika, Südamerika, Thailand etc, fallt weg, das wemmer ned. Es isch entweder Kanada gsi oder Australie. Kanada fallt jedoch im Oktober au weg. Also blibt fascht nur no Australie (also wo für üs i Frag chiemt).
Bin chli down wäge dem, ich han doch umbedingt welle d'Ferie buechet ha, bevor mer d'Iladige verschickid. Will mer hauptsächlich Ateil a d'Ferie uf de Wunschlischte hend. Und jetzt? Wüssimer ned mol wohi

Squishy-fishy
Eigendli nöd so lang, 1 bis 2 Wuche. Abr ich gahn jedi gfühlti Stund wieder uf d'Homepage go luege öb scho was druf isch .

Taeboyana
Ja klar, ich gib bscheid :)
Dörf mer eui HP au go aluege? *gwunder* :)

Daenu16
Ja ich verstah eu, dass iher eu gege das Zivilstandesamt und de Agstellti entschiede händ. Schön händer öbis anders gfunde . Hihi de 04.04.2014 isch kuuuhl. Han eigendli scho immer am 04.04.2004 wölle hürate han das immer minere Fründin gseit wo jeze TZ isch . Bin eifach au nonig volljährig gsi dazumals. Und de GG hani au nonig kännt.. hihihi

Snicki
Dönd nöd so guet mit eune Ferie..
Mier händ das au gha, bevor mer bueched händ, mier händ eifach nöd gwüsst was mer sölled mache. Aber jeze bini voll happy hämer eus entschiede und bueched..
Ich verstah scho, dass iher wännd bueched ha, will iher eu d'Flitterwuche wünsched.. Isch no schwierig :-/. Wieso chönder den eu nüm so afründe mit Australie? Vilicht häsch gad chli vill ztue momentan, dass nonig so in "Feriestimmig" bisch?

Littlefoot
Über d'Sitzornig hämer au no gredet am Weekend. Aso mier wärded sicher eini mache. Aber eifach wierds sicher nöd .

@snicki: oh i verstah di guet wägä dim Dilemmä mit de Flittis. Bi üs ischs ja genau so gsi, mir hei z gfüeu gha "hey, das si üsi Flittis, da müessä mir öpis mega speziells mache!" Aber mir hei när gmerkt, dass die Agebot üs gar nid zuesägä und am Schluss hei mir überhoupt nümme gwüsst was mir wei. D Erwartige si halt scho gad viel höcher als wemä eifach so Feriä macht... Üsi Lösig isch när gsi, dass mir üs Gäld wünsche fürne Camping-Bus, das isch scho lang üsä Troum gsi und mit däm chöi mir när x-Mal id Feriä. Göh när im August gad dür Slowenie / Kroatie / Ungarn ga Campe und fröie üs scho riesig druf... So Feriä entspräche üs eifach viel meh aus irgend ines super Resort am Strand ga liegä - ou wenns no so schön usgseht idä Katalög.

@littlefooot: Ach weni das so gnau wüsst was ds Problem isch... Auso ds Houptproblem isch, dass ig 3 sehr gueti Fründinne ha, eini drvo isch aber mini Besti (mit ihre bini scho sit dr Schuelzyt befründet und üs verbindet vo däm här eifach no ä Bitz meh als mit de anderä zwöi). Drum isch für mi vo Afang a sunneklar gsi, wär mini TZ wird. Die anderä 2 si aber jetz enttüscht... I ha das scho gli mal gmerkt u när dänkt, i düeg sie halt eifach ou chli ibezieh, z.B. hani sie mitgnoh ga ds Chleid uswähle (anstatt mi Brüetsch wo mi zwöit TZ isch... ). Im eintä Gschäft hets när so BM-Chleider gha i x verschiedene Farbe u genau det hani dr Fähler gmacht und ihn gseit, dass sie sich scho settigi Chleider chönnä choufe, wenn sie das wöue... (Isch mir ja egal wär was aleit a üsem Fest). Sie hei das när so ufgfasst als wäre sie BM und hei agfange hinger üsem Rücke und hinger de TZ Sache fürs Abäprogramm etc. organisierä! Das isch när vor paar Wuche uscho und GG und ig hei gfunge das geit ja gar nid u hei ihne gseit, dass sie das alles müessä mit dä TZ bespräche. När ischs natürlech so gsi, dass es Überschnidige het gäh und Sache wo dopplet gloffe si und mir hei när halt gseit dass die Sache wo d TZ hei plant halt vorrang hei... Jaaa, jetz si die zwöi aber sauer uf mini Besti, das isch no d Höchi vom Ganze u si sich bi mir über sie cho beschwäre dass sie (achtung wortwörtlechs Zitat:) ihri Macht düeg missbruche. I hät am liebstä eifach nume no glachet woni das ha ghört... Ha när erklärt dass mini Besti nur i mim Uftrag handlet und dass sie halt so sache müessä abspräche und eigetlech gar nid dänkt isch, dass sie sich id Organisation imische... Mini Besti het mir de ono verzellt, dass die Biträg wo sie planet heigä gha zmingscht teilwiis sehr uf ihre eiget Zweck so chli selbstdarstellerisch wäre gsi - so ala mir si die wo ihnä am nöchschte stöh blablabla... Sie möchte eifach sehr gärn irgend es offiziells Amt bekleide a üsem Fest, aber da mir scho 4 TZ hei, finge mirs eifach überflüssig no meh Lüt is Boot z hole. Es isch scho so immer schwierig ä Termin z finge wo aune geit u so.
Jaaa, das wär jetz die usfüehrlechi Schilderig gsi vo däm Problem... Sorry isch würklech gad mega läng worde.

Wägä dr Sitzordnig: Mir maches glich wie d Janedoei. I würd scho so öpis mache, süsch gits es Chaos... Mir si bim Zivile nur 14 Lüt gsi und es isch ca. 10 Minute gange bis mir am Tisch ghocket si... I ha när denn gmerkt, dases scho sinnvoll isch wemä das chli reglet, süsch füehlä sich d Gäst gloub nur verunsicheret und alli stöh när so ratlos ume bis irgend öper dr Afang macht u wes när irgendwie glich nid ganz ufgeit si villecht deu när trennt vo ihrne Lüt oder so...

janedoe: chunt de gli wieder...wenn hüratisch du scho wieder ?

malinchen: ah etz hanis wenigstens mal a eim stuck gläse, susch immer so bruchteili. :) isch ja scho chli schief wie die sich benehmed ! verstahni etz gar nid. sie hend sich i ihrem "leid" zämegspannt um de 3. quasi es bei z stelle. schad...das wird sich wohl nüm regle, chani mier nid vorstelle. usser redsch mal klartext...aber de musch mit krach rechne, au doof...

snicki: ich verstas, au mitem schwanger werde. aber gib der doch no chli zit. eventuell tut sich plötzli en anderi möglichkeit uf woner gar nie dra denkt hend

sitzordnig: s glich wett ich ja au mache, uf de tisch e rahme mit de 8 (oder 6 oder was au immer, d tisch sind ja nid klar definiert im gardenvilla ) näme druf...nur gstaltet sich das scho schwierig. wer mit wem am tisch isch s schwere, nid wer nebed wem.