jo mier hürotid chirchlich
s'vater unser werdid wohl alli chöne ... Das chan jo sogar ich und sus hemmer nüt zum bete. Min Göttibueb macht d'Fürbitte, min Brüetsch d'Lesig. Sus hemmer do nüt zum bete. Mier werdid en Sängerin ide Chile ha, drum mues au niemert mitsinge so Chile-Lieder hemmer gar keini.

littlefoot, ja, die sind schön... aber mier sind au alli zhöch. Hett au gern 5 cm - bequemi 5 cm :D hmm das mitem Clip hani au scho überleit. eifach schlichti wissi Schueh chaufe und miteme Clip ufwerte wär dett d Idee gsi.
Gester isch eusi Fotografin verbiicho und fragt obi scho d Schueh ha wo sie usegloffe isch und am Schuehschrank verbii.. Und ich so 'neeeei, aber mit dene da (goldigi, 12cm Absatz) muesch es Föteli vo mier mache. Cha zwar chum uf dene stah, aber vo dene willi unbedingt sones Schuehföteli' Sie hed nur de Chopf gschüttlet und glachet :D

snicki, ich glaub bi eus wird das öppe glich ablaufe. Hmm.. jetzt bringsch mi grad in Versuechig das eifach wegzlah :D

janedoe: ich wet do niemert in Versuechig bringe
Ich finds eifach ned nötig, aber das isch mini persönlich Asicht. Ich wüsst gar ned, was is Büechli schribe, muesi ehrlich säge. Guet ok, bete und Lieder. Aber sus? Die wüssid jo alli wenn und wo s'Apero isch, oder so s'Ässe isch ... zudem würd ich persönlich, sones Büechli vermuetlich ide Chile lah ligge. Ned bös gmeint, aber es het noch de Chile genau 2 Orte wo's hi müend, Apero und Znacht, wo's wüssid wo's isch. Und e gnaue Ablauf wend doch die au gar ned wüsse. Wemmer seit "I 30 min isch Abfahrt" klappet das sicher au

@snicki: Ach, i würd das mit de Flittis ou no fang so lah... Chasch ja uf dr HP de immer no apasse. Schrib doch fang, d Reis sig no in Planig und updates wärde folge.
Woooow, die Liechti gfalle mir mega... Es git doch so ähnlechi Liechterchettä zum choufe, die findi ou soooo schön. Die chönnt me ja mega easy sälber mache...

@jane: Mir mache es Chilleheftli! I ha dänkt i due zersch so chli es Textli schribe, dass mir üs fröie dass sie da si und mit üs dä Moment erläbä blablabla... När dueni ou alli Songtexte dri inkl. Übersetzig uf Dütsch, wöu mir alles Lieder hei wo ä passende Text hei aber vieli Gäst wo nid sooo guet oder gar nid Englisch chöi und ev. ou no was sie für üs bedüte. Gebät düe mir wahrschinlech o nid druf. Zum mitspräche isch ja eifach ds Vater-unser... u das chöi ja gloub die meischtä zmingsch so chli mitbrümele. I findes glich no luschtig u mir hei extra gschribe dass sie ä viertustung früecher söue da si de chöi sie när fang ine hocke u chli das Heftli aluege...

@Littlefoot: Ja das gstürm zieht sich jetz äbä scho sit längerem härä... Naja! Mir träffe üs am Samstig zumnä Mädels-Brunch, z erstä mau dass mir alli zämä öpis mache sit dass sie mire TZ so i Rügge gfalle si. Wahrschinlech chunnts de det no mal zur Sprach...

Hoi Froue, chume leider im Moment nit so enorm zum läse... Sorry!!

@principessa: Tuet mir mega leid mit Dim Grosi! Füehl Di drückt!

@all: Ha da e Thread gmacht mit Sache woni witerverkoufe, viellech chas ja wär bruche?
http://www.heiraten.ch/forum/board/ich-suche-fuer-unsere-hochzeit/hochzeitsartikel/lula-s-hochzytsverkouf-10_615.html#3

@me: Übermorn hei mir üses Zivile... Nervös si mir eigentli nit, eifach chli im Stress...
Morn no chli ufrume u putze, ga ikoufe, zur Kosmetikere u de eifach dr Tag gniesse...

i eim Monet
Unglaublich wie Ziit vergoht!

Chilebüechli: mir mached eifach es Liederbüechli mit Note und Text vode Lieder wo dGäscht au (hoffentli) mitsinged. Das sind 2 vo 5 Lieder.
Findi super mitem übersetze vode Liedtext und au grad mitem Text zum danke, dass alli cho sind. Mir hend So no di letscht Besprechig mit üsem Diakon, danach fangi denn grad a mit dem Büechli.

Jane: isch dOfferte cho?
I kenn natürli nöd dini ganz Lischte für dBastelutensilie, aber ich würd etz in Kreativpoint uf Konstanz det würdsch sicher gad vieeeeles i eim Lade finde!