Littlefoot
Ja genau eusi Iladige sind nonig use.. Mier sind no fliessig dra .

Janedoe
Woow die Ringböxli sind würkli mega schön. Voll lässig..
Das verstahni, wenn iher wännd s’Budget überzieh.. Würdi au mache .

Pfingstrose
Joah aso uf das Wätter hoffi au.. Aso ich glaub mier alli… *dumme-drucke* :)

janedoe: ja ich verstas sehr wohl :) mir hend s budget au überzoge glaub. haha

lilian: ou da froi ich mich denn bilder z gseh .)

pfingstrose: nei jöö ja genau so wirds si, ihr werded schön wetter ha ! fiired ihr au dusse ? weiss amig nüm so gnau.

me: geschter het en arbetskolleg s 10. jubi gha. de simmer 1-2 (7-8 eher haha) go ha
sie wend ja es apero vorem rathus mache wenn mir usechömed. sie reded die ganz zit devo und hend au paar mal gseit ebe sie welled as apero cho, usw..ha ihne ja gseit ich chän nid die ganz firma ilade, und fänds au blöd wenn sie nacher würded ga vom apero wo ja am glich ort isch. sie fändet das nid schlimm, und wieviel sie denn müssted zahle zum cho etc..isch mer fast peinlich gsi und ha schlechts gwüssä
sie hends zwar gar nid beleidigt überebracht, aber mach mer etz ernsthaft gedanke..as apero no 10-15 wäred ja nid alli welt...mi GG het mi chli doof gfunde wili chli luschtig gsi bin bim heicho und de gseit, nei das chasch ja nid mache, selber zahle usw...im bett het er mich denn aber gfragt wie viel de würded cho zuesätzlich (bescht ), ha denn aber scho halb gschlafe und ke antwort me mögä gä.
ich denke am schluss chunts so use dass mer sie as apero iladed, am GG sim gschäft sinds ja au no 4-5 persone und die denn halt eifach nachem apero selled ga...sie sägeds ja vo selber, de isch es nid so schlimm..oder ? was meined ihr dezue ?

Huhu liebi Brütli

I bi scho fasch im Wuchenänd (weni nid no es Meeting hätt, wäri scho hei - ha ja dr ganz Sunntig gschaffet...).

@Janedoe: Härzigs Böxli, hesch das jetz uf etsy bsteut? I gloub i mues jetz de ou mau paar Sache bsteue... Wäg dr Offerte vor Dekorateurin gibi dir rächt, das würd doch extrem viu Arbeit abnäh und vor auem geit sie ja extrem uf euchi Vorstellige i... aber i verstah di, i ha ou immer Angscht es überbordet mitem Budget.

@littlefoot: Hm aso wenn die unbedingt wei cho (isch ja u härzig!) und du ihne d Sache hesch erklärt, de chöiter das doch würklech so mache dass sie när heigö. Die töne ja rächt unkompliziert.

E Frag (oder mehreri...) id Rundi: Wo choufet / bsteuet dir euche Schmuck? I ha u schöni Sache uf etsy gseh aber ha chli Angscht, es gsäch de chli biuig us... i bruche würklech nid Schmuck wo hunderti vo Franke chostet, aber gwüssi Sache si haut scho fasch erschreckend günstig dert...

Wie machet dirs mit Musig am Abe, heit dir aui e DJ? I bi so unschlüssig und mir chöi / wei eifach o nid es Vermöge usgäh drfür... mir hei jetz sehr wahrschinlech e Sänger für ir Chile wo im Budget sött liege, aber dä isch mir o no chli wichtiger as d Musig am Abe. Gar nüt wetti aber o nid, wette scho chli tanze und Stimmig würds haut o mache.

Paar vo euch hei mi gfragt wägem Link zu üsere HP (sie isch fertig, yeah!) und Föteli vo de Iladige. Die wose möchte gseh eifach mäude, de machi e PN. Übrigens hei mir scho rächt viu u positivi Rückmäudige und zum Teil scho Amäudige uf üsi Iladige becho. Es steut mega uf!! Mir säuber finde se natürlech u schön, aber we sie de Lüt o gfaue, machts gad dopplet Freud.

So, i hoffe i cha a 3 Firabe mache, bi mitem Velo cho schaffe (juhu Früelig) und wett de dähei no chli hushaute, morn chunnt es befründets Päärli zu üs cho übernachte u mir gö aui zäme ane Super hero 30. Geburiparty inkl. Kostümierig. Wird sicher u luschtig

@Fara: Gniesses morn so guet du irgendwie chasch und la di vo euchne Lüt la fiire, verwöhne, beschänke... dir heits so verdient, euche Tag dörfe zgniesse und i hoffe ganz ganz fescht, dasses e wunderbare Tag wird für euch. I wirde anech dänke!!!

liebs Grüessli

Taeboyana: Ja definitiv hetisch das verdient jetzt heigah wenn de SO dure scho gschaffed hetisch. Wie wers miteme Bruutträäf zumene Chai Latte? *WUNSCHDENK OFF*

Zu dine Frage… Schmuck hani Perleohrerering vo mim Urgrossmami die wirdi aha und min Verlobigsring. Suscht nüt… Mis Chleid isch ja scho e Verzierig find ich.

DJ werded mir de Cousin vo mim Schatz ha. Wills eus das Geld au nöd wert isch bzw. mir wüssed das mers spare chönd. Er isch i sine Teenager und Jungerwachse Jahre DJ gsi. Also heter d Alag und er hets recht im Griff. Mir werde eifach no Must Have Lieder ufschriebe und ihm schicke.

Ich würdi gern eui Page und d Iladige gseh! Gwunder!!!

Me: Bin über de Mittag schnell in Jumbo de isch direkt vis a vis vo mim Gschäft. Jetzt hani Veilchen / Stiefmüätterli für en Topf woni diheime scho han kauft und en mega schöne Terracotta Topf mit Untersetzer und Erde… Dete pflanzi hüt Abig Mohnblueme ih… Han gester Same kauft. Freu mich riiiiisig zum hei gah. Han Sturm. Kkk…

Morn gömmer no paar Töpf meh go chaufe und dünd sie bepflanze. Ich han mim Schatz gseit das Jahr möchte ich das mal nöd verpasse mit de Blueme. Ich merke suscht immer erst im Mai ah ich wott no Blueme und den isch ja d Saatziit scho verbie. Haha! Den gömmer gad no zum Goldschmied. Mir hend ebe eine entdeckt wo eus d Ring so würd mache wie mirs bi Meister/Happiness gseh hend. Erstens mal isch er extrem fründlich und er isch richtig verliebt i sin Job und zweitens wered d Ring au no günstiger. D Afertigungsziit isch ca. en Monet… Den chömmer de Schei*** Zett Meyer Links ligge lah. *SPEUZ*

Janedoe: Sorry wege de Rückmeldige hani garnüt gschriebe obwohl ichs natürlich glässe han. Mich würdis au extrem nerve. D Frag isch händ ihr dete es Datum bis wenn mer Bscheid söll geh und zwar egal ob ab- oder zuesag? Den isches eifach respektlos. Würd mich mega ärgere. Au wenns weniger wichtig isch wie s Fest am Abig.

Broncos: Den gahts dir ja wie mir... Machemer zeme chli Bepflanzig... Het öpert gad no schöni Blueme woner kännt? Hihi!

Wege de Ring mit em Geld usgeh gahts mir haargenau glich. Ich gibe dem Mah no so gern mis Geld. Will ich weiss es isch en Brüäderebetriib wo die beide a eus direkt verdiened und die mega Freud und Spass händ. Da chan s Resulatat fast nöd schlächt sie. Und irgenwie bini doppelt froh, wills den e Einzelafertigung isch und keis "Masseprodukt" wo mer eifach nahbstelle chan. Hani eigneltich vo afang ah welle bime Goldschmied mache...

Broncos
s'Bild mit de Charte fehlt glaub? Was für Ort pinneder denn dett? Woner scho gsi sind oder no hiiwend?
Ohhh cool wegem Chleid! Mis isch au da. Sött endli en Termin mache zum abstecke, hmpf. Aber ebe, Schuuuuhe :D

Pfingstrose
So cool wege de Ring, das hani irgendwie gar ned mitbecho, dass iher jez da en besseri Lösig gfunde hend. Am Zett Meyer würdi aso kei einzigi Träne nahbrüele und wie du seisch, so hender e Massafertigung und es isch en Ring wo suscht kei andere Mensch uf de Welt treit. Schööön

Garte
Mier hend en uh schöni grossi Terasse und hetted eigentli echt guet Platz zum chli Sache apflanze aber leider hani ich soooooo kei grüene Duume. Mier hend dihei es Einblatt wo sehr gnädig isch mit mier und d'Blätter immer hangelaht zum Zeiche, dass sie mal wider gern chli Wasser hett und de aber grad wider ufstaht sobald sie das becho hed. Guets Ding. Ansuschte sterbed mier mini Blüemli und Chrütli leider immer weg :(

A-/Abmeldige:
Mier hend uf de Chärtli gschribe, dass mier bis am 15.3. dA-oder Abmeldig bruched. Teils Lüüt hends garantiert ned checked. Die gits doch immer. Und anderi hends sicher vergässe... Aber grad soooone Huufe? Es regt mi grad au meeeega uf. Mier ischs würkli grad erst i Sinn cho und ez ärgerets mi richtig. Mag dene Lüüt gar ned nahrenne. Und jez hani es mega schlechts Gwüsse dem Kolleg gegenüber, wo sich als einzige agmolde hed. Er isch kei enge Kolleg vo eus aber glich immerwider en Vertraute vo mier und jetzt chunnt er mit Begleitig an Apero und muess denn eifach wieder gah.. Als einzige?! Scho chli assi??