@Jane: nei aber i dänke nid dass vo de anderä gar niemer chunnt!!! Die heis eifach versifft sich azmälde. Cha ja nid si dass nur 2 as Apéro chöme?! (also chunnt natürlech druf a wie viel dir im Ganze heit iglade, aber i nime mal a es si meh als 10 Persone... )

Mir hei ca. 60 Persone wo mir nur zum Apéro hei iglade u rächne eigetlech scho drmit dass ca. 40 vo denä chömä...

@Pfingstrose: Schwiegermutterzunge hei mir ou, die si würklech easy... I bi ou nid sooo dr Gartehirsch, aber eigetlech machis mega gern. Eventuell wirds ja besser mit dr Üebig. I versueche sit ca. 2 Jahr ä Avocadopflanze z zieh, aber has no nie gschafft, adr Geduld fählts ömu nid.

Pfingstrose
Hehe Merciiii! Mega schöni (schreckliche Name!) Mier hend sicher 10 Pflanze i de Wohnig.. Min liebe GG hed ebe chli en Faible - zum Glück :D

malinchen
Mier hend am Apero ebe nur no öppe 30-35 Persone iglade zuesätzlich... Janu mal luege was GG nach dem weekend meint. Er dörf sich gern um das kümmere

janedoe: ja aso was n das ? :) verstahni au nid ganz, dass sich niemer melded.
mir hend au bis morn ameldefrischt .) s fehled no 5, wobi zwei devo über öper la hend usrichte dass sie no weg de OP vo de tochter mönd luege (sie het lippe gaume spalt gha die arm, und etz wo sie 6 i isch tönds d nase no chli operiere.)

taeboyana: ou ja sehr gern en PN :)

broncos: das gseht lässig us mit dere charte !

blüemli: oje ich ha gar ke grüene duume, mi GG muss immer d pflanze rette :)

pfingstrose: herzig dis blüemli

me: ja ich muss eh no mitem GG bespreche weg dem apero.
mi sohn isch vorher heicho, er het wieder mal lüs. isch das nervig ich sägs eu. jede abig luege und mache und tue. der arm isch eifach afällig, isch scho s dritt mal. etz simmer doch grad us dere windpocke ärä use cho, und etz lüs hani grad nüm möge witerbaschtle a de pompoms.
defür hani s erscht mal coop@home gmacht, isch das geil, stelled der eifach alles vor d türe. warum ich mir 10 jahr lang eine abgschleppt han isch mer es rätsel ! für d grossichäuf machi das nur no so.

Zuletzt bearbeitet am 14.03.14 14:29

Was redsch denn du vo Pompoms? Isch dis Papier cho??
Nei so blöd wege dim Chline... Iher hend ja echt nie Rueh :(

Mier isch echt hauptsächlich wichtig gsi, dass mer d Ameldige vo de Abiggäscht hend und die sind ja alli bienand. Und das isch d Hauptsach. Ein Kolleg vom GG hed sich dett eifach nöd agmolde obwohl mier ihn diversi Mal erinneret hend. Er hed nedmal de Astand gha, zum IRGENDWAS dezue z'sägä. de hed eus eifach nöd gantwortet. Vorher mal heder eus au no stinkfrech is Gsicht gloge und ez hedem GG grad d Fründschaft kündet wasi echt starch gfunde ha. Das isch sone Tubel!

Coop@home hemmer früeher amigs au öppe gmacht. Weiss gar nöd wieso dass das plötzli keis Thema meh isch. Aber ich bi eh es Migroschind :D